ಎವೈಜಿ: 5,000 ಮೀ. ನಡಿಗೆ ಸ್ಪರ್ಧೆಯಲ್ಲಿ ಪಲಾಶ್‌ಗೆ ಕಂಚು

ರಿಫಾ (ಬಹರೇನ್): ಭಾರತದ ಪಲಾಶ್ ಮಂಡಲ್ ಅವರು ಏಷ್ಯನ್ ಯೂತ್ ಗೇಮ್ಸ್ನ (ಎವೈಜಿ) ಬಾಲಕರ 5,000 ಮೀ. ನಡಿಗೆ ಸ್ಪರ್ಧೆಯಲ್ಲಿನ ಶುಕ್ರವಾರ ಕಂಚಿನ ಪದಕ ಗೆದ್ದುಕೊಂಡರು.

. ಮಂಡಲ್ ಈ ದೂರವನ್ನು 24ನಿ.48.92 ಸೆ.ಗಳಲ್ಲಿ ಕ್ರಮಿಸಿದರು. ಚೀನಾದ ಹಾವೊಝ್ ಝಾಂಗ್ (21ನಿ.43.82 ಸೆ.) ಚಿನ್ನ ಗೆದ್ದರೆ, ಅದೇ ದೇಶದ ಯುಜೀ ಲು (22ನಿ.28.64 ಸೆ.) ಬೆಳ್ಳಿ ಪದಕ ತಮ್ಮದಾಗಿಸಿಕೊಂಡರು. ಈ ಸ್ಪರ್ಧೆಯಲ್ಲಿ ಕೂಟ ದಾಖಲೆ ಭಾರತದ ನಿತಿನ್ ಗುಪ್ತಾ ಅವರ ಹೆಸರಿನಲ್ಲಿದೆ. ನಿತಿನ್ 2025ರಲ್ಲಿ ಪಟ್ನಾದಲ್ಲಿ 19ನಿ.24.48 ಸೆ.ಗಳಲ್ಲಿ ನಡಿಗೆ ಪೂರೈಸಿ ದಾಖಲೆ ಸ್ಥಾಪಿಸಿದ್ದರು.

. ಈ ಕ್ರೀಡಾಕೂಟ ಅಕ್ಟೋಬರ್ 27ರಂದು ಕೊನೆಗೊಳ್ಳಲಿದೆ. ಭಾರತ ಈ ಕೂಟದಲ್ಲಿ 2 ಚಿನ್ನ, ಮೂರು ಬೆಳ್ಳಿ ಮತ್ತು ಏಳು ಕಂಚಿನ ಪದಕಗಳನ್ನು ಗೆದ್ದುಕೊಂಡಿದೆ. ಅಗ್ರಸ್ಥಾನದಲ್ಲಿರುವ ಚೀನಾ ಎಂಟು ಚಿನ್ನ, 11 ಬೆಳ್ಳಿ ಮತ್ತು ಎರಡು ಕಂಚಿನ ಪದಕಗಳನ್ನು ಬಾಚಿದೆ. ಥಾಯ್ಲೆಂಡ್ (6–2–2), ಉಜ್ಬೇಕಿಸ್ತಾನ (6–2–2) ಮತ್ತು ಇರಾನ್ (3–5–6) ನಂತರದ ಸ್ಥಾನಗಳನ್ನು ಪಡೆದಿವೆ.

. 45 ರಾಷ್ಟ್ರಗಳ ತಂಡಗಳು ಕಣದಲ್ಲಿವೆ. ಒಟ್ಟು 21 ಕ್ರೀಡೆಗಳಲ್ಲಿ 1677 ಪದಕಗಳು (505 ಚಿನ್ನ– 503 ಬೆಳ್ಳಿ– 669 ಕಂಚು) ಪಣಕ್ಕಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎವೈಜಿ: 5,000 ಮೀ. ನಡಿಗೆ ಸ್ಪರ್ಧೆಯಲ್ಲಿ ಪಲಾಶ್‌ಗೆ ಕಂಚು

ಚಿನಕುರುಳಿ | ಶುಕ್ರವಾರ, 24 ಅಕ್ಟೋಬರ್‌ ‌2025

ದಿನ ಭವಿಷ್ಯ: ಪಾರಂಪರಿಕ ವೃತ್ತಿಯನ್ನು ಮುಂದುವರಿಸುವವರಿಗೆ ಶುಭಫಲ ಪ್ರಾಪ್ತಿ..

ಚುರುಮುರಿ: ‘ಕೇಸರಿ’ ಬಾತ್!

ಕರ್ನೂಲ್‌ ಹೆದ್ದಾರಿಯಲ್ಲಿ ಖಾಸಗಿ ಬಸ್‌ಗೆ ಬೆಂಕಿ: 20 ಮಂದಿ ಸಜೀವ ದಹನ