ಕ್ರಿಮಿಯಾ ಬಿಕ್ಕಟ್ಟು ಉಲ್ಬಣ

ಕ್ರಿಮಿಯಾದಲ್ಲಿ ರಾಜಕೀಯ ಮತ್ತು ಸೇನಾ ಪರಿಸ್ಥಿತಿ ಆತಂಕಕಾರಿ ಮಟ್ಟ ಬಂದು ತಲುಪಿದೆ. ಅಲ್ಲಿ ನಡೆದ ಜನಮತಗಣನೆಯ ಸಂದರ್ಭದಲ್ಲಿ ರಷ್ಯಾದ ಪರ ಅಲ್ಲಿನ ಬಹುತೇಕ ಜನರ ಒಲವು ವ್ಯಕ್ತವಾದ ಬೆನ್ನಲ್ಲೇ ರಷ್ಯಾದ ಅಧ್ಯಕ್ಷ ಪುಟಿನ್ ಅವರು ಕ್ರಿಮಿಯಾದ ಪ್ರಧಾನಿ ಸೆರ್ಗಿ ಅವರ ಜತೆ ಮಂಗಳವಾರ ಒಪ್ಪಂದಕ್ಕೆ ಸಹಿ ಹಾಕಿದ್ದು ಇದರ ಪ್ರಕಾರ ಕ್ರಿಮಿಯಾ ರಷ್ಯಾದ ಅವಿಭಾಜ್ಯ ಅಂಗ ಎಂದು ಅಧಿಕೃತವಾಗಿ ಪ್ರಕಟಿಸಲಾಗಿದೆ.

ಒಪ್ಪಂದಕ್ಕೆ ಸಹಿಹಾಕಿದ ಕ್ಷಣದಿಂದ ಕ್ರಿಮಿಯಾ ರಿಪಬ್ಲಿಕ್ ರಷ್ಯಾದ ಅವಿಭಾಜ್ಯಭಾಗ ಎಂದು ಕ್ರೆಮ್ಲಿನ್ ಹೇಳಿಕೊಂಡಿದೆ. ಇದು ಬಿಕ್ಕಟ್ಟನ್ನು ಇನ್ನಷ್ಟು ತೀವ್ರಗೊಳಿಸಿದೆ. ವರದಿಗಳ ಪ್ರಕಾರ ಜನಮತಗಣನೆಯ ಸಂದರ್ಭದಲ್ಲಿ ಶೇ 97ರಷ್ಟು ಜನರು ರಷ್ಯಾದ ಜತೆ ಕ್ರಿಮಿಯಾ ಸೇರ್ಪಡೆಯ ಪರವಾಗಿ ಮತ ಚಲಾಯಿಸಿದ್ದಾರೆ. ಆದರೆ ಅಮೆರಿಕ ಮತ್ತು ಇತರ ಪಾಶ್ಚಿಮಾತ್ಯ ರಾಷ್ಟ್ರಗಳು ಇದನ್ನು ತಿರಸ್ಕರಿಸಿವೆ.

ಯೂರೋಪ್ ಒಕ್ಕೂಟಕ್ಕೆ ಇದು ಸಮ್ಮತವಲ್ಲ. ಕಳೆದ ಶತಮಾನದ ಅಂತ್ಯದ ವರೆಗೆ ಕ್ರಿಮಿಯಾ ಸೋವಿಯತ್ ಒಕ್ಕೂಟದ ಒಂದು ಭಾಗವೇ ಆಗಿತ್ತು. ಅಲ್ಲಿನ ಬಹುತೇಕ ನಿವಾಸಿಗಳು ರಷ್ಯನ್ ಭಾಷೆ ಮಾತನಾಡುವವರೇ ಆಗಿದ್ದಾರೆ. ಆದ್ದರಿಂದ ಜನಮತಗಣನೆಯ ಫಲಿತಾಂಶ ನಿರೀಕ್ಷಿತವೇ ಆಗಿತ್ತು. ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಅವರು ಜನಮತಗಣನೆಯ ಫಲಿತಾಂಶವನ್ನು ಈಗಾಗಲೇ ತಿರಸ್ಕರಿಸಿದ್ದಾರೆ. ಪ್ರತೀಕಾರದ ಬೆದರಿಕೆ ಹಾಕಿದ್ದಾರೆ. ಅಮೆರಿಕ ಮತ್ತು ಯೂರೋಪ್ ಒಕ್ಕೂಟ, ರಷ್ಯಾ ಹಾಗೂ ಕ್ರಿಮಿಯಾದ ಅಧಿಕಾರಿಗಳಿಗೆ ದಿಗ್ಬಂಧನ ಹೇರಿದೆ. ರಷ್ಯಾ ಇದಕ್ಕೆಲ್ಲ ಬಗ್ಗುವ ರಾಷ್ಟ್ರವಲ್ಲ. ಶೀತಲ ಸಮರದ ದಿನಗಳು ಮತ್ತೆ ಮರಳುವ ಲಕ್ಷಣಗಳು ಗೋಚರಿಸುತ್ತಿರುವುದು ಆತಂಕಕಾರಿ.

ತನ್ನ ಪಶ್ಚಿಮದ ಗಡಿಯ ಬಳಿ ಅಮೆರಿಕ ಹಿಡಿತ ಸಾಧಿಸುವುದು ರಷ್ಯಾಕ್ಕೆ ಇಷ್ಟವಿಲ್ಲ. ರಷ್ಯಾಕ್ಕೆ ಈ ಪ್ರದೇಶ ಆಯಕಟ್ಟಿನ ಸ್ಥಳ ಬೇರೆ ಆಗಿದೆ. ಉದ್ವಿಗ್ನ ಪರಿಸ್ಥಿತಿಯನ್ನು ಶಮನಗೊಳಿಸಲು ಅಂತರರಾಷ್ಟ್ರೀಯ ಮಟ್ಟದ ಪ್ರಯತ್ನಗಳಾಗಬೇಕಿದೆ. ಆದರೆ ಕಳೆದ ವಾರ ಉಕ್ರೇನ್ ಬಗ್ಗೆ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ ಯಲ್ಲಿ ನಡೆದ ಚರ್ಚೆ ಸಕಾರಾತ್ಮಕ ಪರಿಣಾಮ ಬೀರಿಲ್ಲ. ದಿಗ್ಬಂಧನ ರಷ್ಯಾದ ಮೇಲೆ ಅಂತಹ ಪರಿಣಾಮವನ್ನು ಬೀರದು. ಸದ್ಯದ ಪರಿಸ್ಥಿತಿ ಮುಂದುವರಿದರೆ ಉಕ್ರೇನ್ ನಲ್ಲಿ ಅಂತರ್ಯುದ್ಧ ಆರಂಭವಾಗುವ ಸಾಧ್ಯತೆ ಇದೆ. ಇದು ನಿಯಂತ್ರಣ ಮೀರುವ ಸಂಭವ ಇದ್ದು ಇದನ್ನು ತಪ್ಪಿಸಲು ರಾಜಕೀಯ ಪರಿಹಾರ ಕಂಡುಕೊಳ್ಳುವ ಪ್ರಯತ್ನಗಳನ್ನು ಮುಂದುವರಿಸುವುದು ಅವಶ್ಯ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಮಿಯಾ ಬಿಕ್ಕಟ್ಟು ಉಲ್ಬಣ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್