<p>ಹಾನಗಲ್: ಹಾನಗಲ್ ತಾಲ್ಲೂಕಿನ ಕೂಸನೂರ ಗ್ರಾಮದ ಮನೆಯೊಂದರಲ್ಲಿ ಕಳೆದ ಬಕ್ರೀದ್ ಹಬ್ಬದ ದಿನದಂದು ಆಕಳೊಂದು ಕರುವಿಗೆ ಜನ್ಮ ನೀಡಿದ್ದು, ಜನಿಸಿದ ಕರುವಿನ ಹಣೆಯ ಮೇಲೆ ಅರ್ಧಚಂದ್ರಾಕೃತಿ ಮತ್ತು ನಕ್ಷತ್ರದ ಚಿನ್ನೆಯ ಕುರುಹುಗಳು ಮೂಡಿದ್ದರಿಂದ ಇದೀಗ ಈ ಕರು ಭಯ, ಭಕ್ತಿ ಮತ್ತು ನಂಬಿಕೆಗಳಿಗೆ ಕಾರಣವಾಗಿದೆ.<br /> <br /> ಕೂಸನೂರ ಗ್ರಾಮದ ಪ್ಲಾಟ್ನ ನಿವಾಸಿ ಹನುಮಂತಪ್ಪ ನಿಂಗಪ್ಪ ಆಲೂರ ಎಂಬ ಕೃಷಿಕರ ಮನೆಯಲ್ಲಿ ಜರ್ಸಿ ತಳಿಯ ಆಕಳು ಜನ್ಮ ನೀಡಿದ ಕರು ಮುಸಿಂ್ಲ ಧರ್ಮದ ನಕ್ಷತ್ರ ಮತ್ತು ಅರ್ಧಚಂದ್ರಾಕೃತಿಯ ಕುರುಹುಗಳೊಂದಿಗೆ ಎಲ್ಲರ ಗಮನಸೆಳೆಯುತ್ತಿದೆ. ಬಕ್ರೀದ್ ಹಬ್ಬದ ಸಂಜೆಯ ಪ್ರಾರ್ಥನೆ (ಅಜಾ) ಸಮಯದಲ್ಲಿ ಈ ಕರುವಿನ ಜನನವಾಗಿದೆ. <br /> <br /> ಕರುವಿನ ಹಣೆಯ ಮೇಲೆ ಮೂಡಿರುವ ಬಿಳಿ ಬಣ್ಣದ ಆಕಾರವನ್ನು ಕಂಡು ಚಕಿತಗೊಂಡ ಕುಟುಂಬದ ಸದಸ್ಯರು ಸಮೀಪದ ಮಸೀದಿಯಲ್ಲಿ ಪ್ರಾರ್ಥನೆಯಲ್ಲಿ ತೊಡಗಿದ್ದ ಅಕ್ಬರ್ ಮುಲ್ಲಾ ಅವರ ಗಮನಕ್ಕೆ ತಂದಿದ್ದಾರೆ.<br /> <br /> ಸುದ್ದಿ ಹರಡುತ್ತಿದ್ದಂತೆ ಈ ಪ್ರದೇಶದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವಾಸಿಸುವ ಮುಸ್ಲಿಂ ಸಮುದಾಯ ಮುಗಿಬಿದ್ದು ನೋಡಿದ್ದಾರಲ್ಲದೆ, ಭಯ, ಭಕ್ತಿ ಸಮರ್ಪಿಸಿದ್ದಾರೆ. <br /> <br /> ಕೂಸನೂರ ಸಮೀಪದ ವರದಾನದಿ ದಂಡೆಯಲ್ಲಿನ ಹನುಮಂತಪ್ಪ ಆಲೂರ ಅವರ ಹೊಲದ ಪಕ್ಕದಲ್ಲಿ ಶುಬಾನ್ ಷಾ ವಲಿ ದರ್ಗಾವಿದೆ. <br /> <br /> ಈ ದರ್ಗಾದ ಆವರಣದಲ್ಲಿನ ಹುಲ್ಲು ಮೇಯುತ್ತಿದ್ದ ಆಕಳು ಈಗ ನಕ್ಷತ್ರ ಮತ್ತು ಅರ್ಧ ಚಂದ್ರಾಕೃತಿ ಹಣೆಪಟ್ಟಿಯುಳ್ಳ ಕರುವಿಗೆ ಜನ್ಮ ನೀಡಿದ್ದು, ಮುಸ್ಲಿಂ ಜನರ ಭಾವನೆ, ನಂಬಿಕೆಗಳಿಗೆ ಕಾರಣವಾಗಿದ್ದರೆ, ಹಿಂದೂ ಸಮಾಜದ ಜನರಲ್ಲಿ ವಿಸ್ಮಯ ಮೂಡಿಸಿದೆ.<br /> <br /> ಗ್ರಾಮದ ಅಲ್ಲಾಭಕ್ಷ ಕಚವಿ ಎಂಬ ಹಿರಿಯರ ಪ್ರಕಾರ `ಚಾಂದ-ತಾರಾ~ ಮೂಡಿದೆ. <br /> ಇದು ದೇವರ ಕೃಪೆ ಎಂಬುದು ಸತ್ಯ. ದೇವರ ಸೃಷ್ಟಿಯಲ್ಲಿ ಧಾರ್ಮಿಕ ಭಾವನೆ ಕಂಡು ಬಂದಿದ್ದು, ಶುಭ ಸೂಚನೆ ಎಂದಿದ್ದಾರೆ. <br /> <br /> ಸುತ್ತಲಿನ ಗ್ರಾಮಸ್ಥರು ಈ ಕರುವಿನ ದರ್ಶನಕ್ಕೆ ಬರುತ್ತಿದ್ದಾರೆ ಎಂದು ಗ್ರಾಮಸ್ಥರಾದ ವಿರೂಪಾಕ್ಷಪ್ಪ ಸುರಳೇಶ್ವರ, ಚನ್ನಬಸಪ್ಪ ಬಂಕೋಳ್ಳಿ, ಸದಾಗೌಡ್ರ ಕನ್ವೇಶ್ವರ, ವಿರೇಶ ಹಂಪಣ್ಣನವರ ಹೇಳಿದ್ದಾರೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹಾನಗಲ್: ಹಾನಗಲ್ ತಾಲ್ಲೂಕಿನ ಕೂಸನೂರ ಗ್ರಾಮದ ಮನೆಯೊಂದರಲ್ಲಿ ಕಳೆದ ಬಕ್ರೀದ್ ಹಬ್ಬದ ದಿನದಂದು ಆಕಳೊಂದು ಕರುವಿಗೆ ಜನ್ಮ ನೀಡಿದ್ದು, ಜನಿಸಿದ ಕರುವಿನ ಹಣೆಯ ಮೇಲೆ ಅರ್ಧಚಂದ್ರಾಕೃತಿ ಮತ್ತು ನಕ್ಷತ್ರದ ಚಿನ್ನೆಯ ಕುರುಹುಗಳು ಮೂಡಿದ್ದರಿಂದ ಇದೀಗ ಈ ಕರು ಭಯ, ಭಕ್ತಿ ಮತ್ತು ನಂಬಿಕೆಗಳಿಗೆ ಕಾರಣವಾಗಿದೆ.<br /> <br /> ಕೂಸನೂರ ಗ್ರಾಮದ ಪ್ಲಾಟ್ನ ನಿವಾಸಿ ಹನುಮಂತಪ್ಪ ನಿಂಗಪ್ಪ ಆಲೂರ ಎಂಬ ಕೃಷಿಕರ ಮನೆಯಲ್ಲಿ ಜರ್ಸಿ ತಳಿಯ ಆಕಳು ಜನ್ಮ ನೀಡಿದ ಕರು ಮುಸಿಂ್ಲ ಧರ್ಮದ ನಕ್ಷತ್ರ ಮತ್ತು ಅರ್ಧಚಂದ್ರಾಕೃತಿಯ ಕುರುಹುಗಳೊಂದಿಗೆ ಎಲ್ಲರ ಗಮನಸೆಳೆಯುತ್ತಿದೆ. ಬಕ್ರೀದ್ ಹಬ್ಬದ ಸಂಜೆಯ ಪ್ರಾರ್ಥನೆ (ಅಜಾ) ಸಮಯದಲ್ಲಿ ಈ ಕರುವಿನ ಜನನವಾಗಿದೆ. <br /> <br /> ಕರುವಿನ ಹಣೆಯ ಮೇಲೆ ಮೂಡಿರುವ ಬಿಳಿ ಬಣ್ಣದ ಆಕಾರವನ್ನು ಕಂಡು ಚಕಿತಗೊಂಡ ಕುಟುಂಬದ ಸದಸ್ಯರು ಸಮೀಪದ ಮಸೀದಿಯಲ್ಲಿ ಪ್ರಾರ್ಥನೆಯಲ್ಲಿ ತೊಡಗಿದ್ದ ಅಕ್ಬರ್ ಮುಲ್ಲಾ ಅವರ ಗಮನಕ್ಕೆ ತಂದಿದ್ದಾರೆ.<br /> <br /> ಸುದ್ದಿ ಹರಡುತ್ತಿದ್ದಂತೆ ಈ ಪ್ರದೇಶದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವಾಸಿಸುವ ಮುಸ್ಲಿಂ ಸಮುದಾಯ ಮುಗಿಬಿದ್ದು ನೋಡಿದ್ದಾರಲ್ಲದೆ, ಭಯ, ಭಕ್ತಿ ಸಮರ್ಪಿಸಿದ್ದಾರೆ. <br /> <br /> ಕೂಸನೂರ ಸಮೀಪದ ವರದಾನದಿ ದಂಡೆಯಲ್ಲಿನ ಹನುಮಂತಪ್ಪ ಆಲೂರ ಅವರ ಹೊಲದ ಪಕ್ಕದಲ್ಲಿ ಶುಬಾನ್ ಷಾ ವಲಿ ದರ್ಗಾವಿದೆ. <br /> <br /> ಈ ದರ್ಗಾದ ಆವರಣದಲ್ಲಿನ ಹುಲ್ಲು ಮೇಯುತ್ತಿದ್ದ ಆಕಳು ಈಗ ನಕ್ಷತ್ರ ಮತ್ತು ಅರ್ಧ ಚಂದ್ರಾಕೃತಿ ಹಣೆಪಟ್ಟಿಯುಳ್ಳ ಕರುವಿಗೆ ಜನ್ಮ ನೀಡಿದ್ದು, ಮುಸ್ಲಿಂ ಜನರ ಭಾವನೆ, ನಂಬಿಕೆಗಳಿಗೆ ಕಾರಣವಾಗಿದ್ದರೆ, ಹಿಂದೂ ಸಮಾಜದ ಜನರಲ್ಲಿ ವಿಸ್ಮಯ ಮೂಡಿಸಿದೆ.<br /> <br /> ಗ್ರಾಮದ ಅಲ್ಲಾಭಕ್ಷ ಕಚವಿ ಎಂಬ ಹಿರಿಯರ ಪ್ರಕಾರ `ಚಾಂದ-ತಾರಾ~ ಮೂಡಿದೆ. <br /> ಇದು ದೇವರ ಕೃಪೆ ಎಂಬುದು ಸತ್ಯ. ದೇವರ ಸೃಷ್ಟಿಯಲ್ಲಿ ಧಾರ್ಮಿಕ ಭಾವನೆ ಕಂಡು ಬಂದಿದ್ದು, ಶುಭ ಸೂಚನೆ ಎಂದಿದ್ದಾರೆ. <br /> <br /> ಸುತ್ತಲಿನ ಗ್ರಾಮಸ್ಥರು ಈ ಕರುವಿನ ದರ್ಶನಕ್ಕೆ ಬರುತ್ತಿದ್ದಾರೆ ಎಂದು ಗ್ರಾಮಸ್ಥರಾದ ವಿರೂಪಾಕ್ಷಪ್ಪ ಸುರಳೇಶ್ವರ, ಚನ್ನಬಸಪ್ಪ ಬಂಕೋಳ್ಳಿ, ಸದಾಗೌಡ್ರ ಕನ್ವೇಶ್ವರ, ವಿರೇಶ ಹಂಪಣ್ಣನವರ ಹೇಳಿದ್ದಾರೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>