ಸೋಮವಾರ, ಮೇ 17, 2021
25 °C

`ಜನರ ನಾಡಿಮಿಡಿತ ಆಯುರ್ವೇದ'

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: `ಆಯುರ್ವೇದವೆಂಬುದು ಸಾಮಾನ್ಯ ಜನರ ನಾಡಿಮಿಡಿತವಿದ್ದಂತೆ. ಪಾಶ್ಚಿಮಾತ್ಯ ಔಷಧ ಪದ್ದತಿಯ ನಡುವೆ ಆಯುರ್ವೇದದ ಬಗೆಗಿನ ಕಾಳಜಿ ಸೊರಗುತ್ತಿದೆ' ಎಂದು ಕಾಲಭೈರವೇಶ್ವರ ಆಯುರ್ವೇದ ವೈದ್ಯಕೀಯ ಕಾಲೇಜಿನ  ಡಾ. ಆಂಜನೇಯ ಮೂರ್ತಿ ತಿಳಿಸಿದರು.



ವೈದ್ಯರತ್ನಂ ಔಷಧ ಶಾಲಾ ಸಂಸ್ಥೆಯು ನಗರದಲ್ಲಿ ಈಚೆಗೆ ಆಯೋಜಿಸಿದ್ದ ಆಯುರ್ವೇದ ತಜ್ಞರ ಸಮ್ಮೇಳವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.`ಆಯುರ್ವೇದವೆಂಬುದು ಕೇವಲ ಗಿಡಮೂಲಿಕೆಯ ಅಂಶ ಮಾತ್ರವಲ್ಲ. ಅಛ್ಠ ಕೂಡ ಜನರಿಗೆ ಅಗತ್ಯವಿರುವ ಆರೋಗ್ಯವನ್ನು ವೈಜ್ಞಾನಿಕ ರೀತಿಯಲ್ಲಿ ನೀಡುವುದೇ ಆಗಿದೆ. ಆದರೆ ಈಚಿನ ದಿನಗಳಲ್ಲಿ ನಕಲಿ ಆಯುರ್ವೇದ ವೈದ್ಯರ ಸಂಖ್ಯೆ ಹೆಚ್ಚುತ್ತಿರುವುದು ಆತಂಕ ತಂದಿದೆ' ಎಂದು ತಿಳಿಸಿದರು.

`ಆಯುರ್ವೇದ, ಯೋಗ ಹಾಗೂ ಉತ್ತಮ ಜೀವನ ಶೈಲಿಯಿಂದ ಇಂದಿನ ಒತ್ತಡ ಬದುಕಿಗೆ ಪರಿಹಾರ ಕಂಡುಕೊಳ್ಳಬಹುದು. ಇದರೊಂದಿಗೆ ಆಯುರ್ವೇದ ವೈದ್ಯರು ಈ ಕ್ಷೇತ್ರದಲ್ಲಿ ಹೆಚ್ಚಿನ ಸಂಶೋಧನೆ ಕೈಗೊಳ್ಳಬೇಕು' ಎಂದು ಅವರು ಸಲಹೆ ನೀಡಿದರು.



ಡಾ.ಎ.ಆಶಾಲತಾ, `ವೈದ್ಯರಿಗೆ ತಾವು ನಿರ್ವಹಿಸುವ ಉತ್ತಮ ಕಾರ್ಯದಿಂದಾಗಿ ಗೌರವ ದೊರೆಯುತ್ತದೆ. ವೃತ್ತಿಯಲ್ಲಿ ಮುಂದುವರಿಯಬೇಕಾದರೆ ವೈದ್ಯರು ಆಧುನಿಕ ಪದ್ದತಿಯೊಂದಿಗೆ ರಾಜಿಯಾಗುತ್ತಲೇ ಆಯುರ್ವೇದ ಪರಂಪರೆಯನ್ನು ಬಲಪಡಿಸುವ ಅಗತ್ಯ ಎದ್ದುಕಾಣುತ್ತಿದೆ' ಎಂದರು. ವೈದ್ಯೆ ಡಾ.ಎಂ.ಆಶಾಲತಾ ಇತರರು ಉಪಸ್ಥಿತರಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.