ಜಾತ್ರೆಯಲ್ಲಿ ಮದ್ಯವೇ ತೀರ್ಥ

ವಿಜಾಪುರ: ತಾಲ್ಲೂಕಿನ ಬಬಲಾದಿಯ ಶ್ರೀ ಚಂದ್ರಗಿರಿ ತಾಯಿ ಜಾತ್ರೆ ಆರಂಭವಾಗಿದ್ದು, ಶನಿವಾರ ಪಲ್ಲಕ್ಕಿ ಉತ್ಸವ ನೆರವೇರಿತು. ಜಾನುವಾರು ಜಾತ್ರೆ ಇಲ್ಲಿಯ ಆಕರ್ಷಣೆ. ರಾಜ್ಯ-ಹೊರ ರಾಜ್ಯಗಳ ವರ್ತಕರು, ರೈತರು ಈ ಜಾನುವಾರು ಜಾತ್ರೆಗೆ ಆಗಮಿಸಿದ್ದಾರೆ.

ಮದ್ಯವನ್ನೇ ತೀರ್ಥ ಎಂದು ಸ್ವೀಕರಿಸುವುದು ಈ ಜಾತ್ರೆ ಮತ್ತೊಂದು ವಿಶೇಷ. ಭಕ್ತರು ದೇವರಿಗೂ ಮದ್ಯವನ್ನೇ ಸಮರ್ಪಿಸುತ್ತಾರೆ. ಆದರೆ, ಪೊಲೀಸ್ ಹಾಗೂ ಅಬಕಾರಿ ಇಲಾಖೆಯವರ ಬಿಗಿ ಪಹರೆ ಹಾಗೂ ಹಿರಿಯರ ಮನವಿಯ ಮೇರೆಗೆ ಮದ್ಯದ ಹಾವಳಿ ಸ್ವಲ್ಪ ಪ್ರಮಾಣದಲ್ಲಿ ಕಡಿಮೆಯಾಗಿದೆ ಎಂದು ಕೆಲ ಭಕ್ತರು ಹೇಳುತ್ತಿದ್ದಾರೆ.