ಜಿಯಾ ಆತ್ಮಹತ್ಯೆ: ಸೂರಜ್ ಬಂಧನ

ಮುಂಬೈ (ಪಿಟಿಐ):  ಬಾಲಿವುಡ್ ನಟಿ ಜಿಯಾಖಾನ್ ಅವರ ಆತ್ಮಹತ್ಯೆಗೆ ಕುಮ್ಮಕ್ಕು ನೀಡಿದ ಆರೋಪದಡಿ ಜಿಯಾ ಗೆಳೆಯ ಸೂರಜ್ ಪಾಂಚೊಲಿಯನ್ನು  ಸೋಮವಾರ ಬಂಧಿಸಿದ್ದು ಮಂಗಳ ವಾರ ಕೋಟ್‌ಗೆ ಹಾಜರು ಪಡಿಸಲಾಗುವುದು ಎಂದು ಹೆಚ್ಚುವರಿ ಪೊಲೀಸ್ ಕಮಿಷನರ್ ವಿಶ್ವಾಸ್ ನಂಗ್ರೆ ಪಾಟೀಲ ತಿಳಿಸಿದ್ದಾರೆ.



`ಸೂರಜ್ ಪಾಂಚೊಲಿಯ ಲಂಪಟತನದಿಂದಾಗಿ ನನ್ನ ಹೃದಯ ಒಡೆದುಹೋಗಿದೆ' ಎಂದು ಜಿಯಾ ಖಾನ್ ಸಾಯುವ ಮುನ್ನ ಬರೆದಿಟ್ಟಿರುವ 6 ಪುಟಗಳ ಪತ್ರದಲ್ಲಿ ಉಲ್ಲೇಖಿಸಿದ್ದು ಇದರ ಅನ್ವಯ ಪಾಂಚೊಲಿಯನ್ನು ಬಂಧಿಸಲಾಗಿದೆ.



`ಸೂರಜ್ ಪಾಂಚೊಲಿ ಹಾಗೂ ಆತನ ತಂದೆಯಿಂದ ನನ್ನ ಮಗಳು ಕಿರುಕುಳ ಅನುಭವಿಸಿದಳು' ಎಂದು ಜಿಯಾ ತಾಯಿ ರಬಿಯಾ ಖಾನ್ ಸೋಮವಾರ ಆರೋಪಿಸಿದ್ದಾರೆ.