ಟೆನಿಸ್: ಸೋಮದೇವ್ ಶುಭಾರಂಭ

ನಾಟಿಂಗ್ ಹ್ಯಾಂ (ಪಿಟಿಐ):  ಭಾರತದ ಸೋಮದೇವ್ ದೇವವರ್ಮನ್ ಇಲ್ಲಿ ಆರಂಭವಾದ ಎಟಿಪಿ ನಾಟಿಂಗ್‌ಹ್ಯಾಂ ಚಾಲೆಂಜ್ ಟೆನಿಸ್ ಟೂರ್ನಿಯ   ಸಿಂಗಲ್ಸ್‌ನಲ್ಲಿ ಶುಭಾರಂಭ ಮಾಡಿದರೆ, ದಿವಿಜ್ ಶರಣ್-ಪುರವ್ ರಾಜಾ ಜೋಡಿ ಡಬಲ್ಸ್‌ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿತು.



ಮೊದಲ ಸುತ್ತಿನ ಪಂದ್ಯದಲ್ಲಿ 140ನೇ ರ‍್ಯಾಂಕ್ ನ ಆಟಗಾರ ಸೋಮದೇವ್ 7-6, 6-4ರಲ್ಲಿ ಸ್ಥಳೀಯ ಆಟಗಾರ ಬ್ರೆಡನ್ ಕ್ಲೆಯಿನ್ ಎದುರು ಗೆಲುವು ಸಾಧಿಸಿದರು. ಭಾರತದ ಆಟಗಾರ ಎರಡನೇ ಸುತ್ತಿನಲ್ಲಿ ಐದನೇ ಶ್ರೇಯಾಂಕದ ಅಮೆರಿಕದ ಜಾಕ್ ಸಾಕ್ ಅವರನ್ನು ಎದುರಿಸಲಿದ್ದಾರೆ.



ಪುರವ್ ಜೋಡಿಗೆ ಜಯ: ಮೊದಲ ಸುತ್ತಿನ ಪಂದ್ಯದಲ್ಲಿ ನಾಲ್ಕನೇ ಶ್ರೇಯಾಂಕದ ದಿವಿಜ್- ಪುರವ್ ಜೋಡಿ 6-1, 3-6, 10-7ರಲ್ಲಿ ಗೆಲುವು ಸಾಧಿಸಿತು. ಮೊದಲ ಸೆಟ್‌ನಲ್ಲಿ ಆರಂಭದಲ್ಲಿಯೇ 4-0ರಲ್ಲಿ ಮುನ್ನಡೆಯಲಿದ್ದ ಭಾರತದ ಆಟಗಾರರು ಈ ಸೆಟ್‌ನಲ್ಲಿ ಸುಲಭ ಗೆಲುವು ಪಡೆದರು.