<p><strong>ವಾಷಿಂಗ್ಟನ್ (ಪಿಟಿಐ):</strong> ವ್ಯಾಕರಣ ದೋಷಗಳ ಹಾಗೂ ತಪ್ಪು ಅಕ್ಷರಗಳು ದಾಖಲಾದ ಕೂಡಲೇ ಕಂಪನದ ಮೂಲಕ ಎಚ್ಚರಿಕೆ ಕೊಡುವಂತಹ ಅತ್ಯುನ್ನತ ತಂತ್ರಜ್ಞಾನದ ಪೆನ್ ಒಂದನ್ನು ಜರ್ಮನಿಯ ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ.<br /> <br /> ಮ್ಯೂನಿಚ್ನ ಡೇನಿಯಲ್ ಕೇಸ್ಮಚೆರ್ (33) ಮತ್ತು ಫಾಕ್ ವೋಲ್ಸ್ಕಿ ಎಂಬುವವರು ಅಭಿವೃದ್ಧಿಪಡಿಸಿರುವ ಈ ಪೆನ್ನ ಹೆಸರು `ಲೆರ್ನ್ಸ್ಟಿಫ್ಟ್'. ಸಾಮಾನ್ಯ ಪೆನ್ಗಳಂತೆ ಇಂಕ್ ಹೊಂದಿರುವ ಈ `ಲೆರ್ನ್ಸ್ಟಿಫ್ಟ್' ಪೆನ್ನಿನ ಒಳಭಾಗದಲ್ಲಿ ಚಲನ ಸಂವೇದಕ ಮತ್ತು ಲಿನಕ್ಸ್ ಕಂಪ್ಯೂಟರ್ ಪವರ್ ಬ್ಯಾಟರಿ ಸಮೇತ ವೈಫೈ ಚಿಪ್ ಅವಳಡಿಸಲಾಗಿದೆ.<br /> <br /> ಈ ಸಾಧನಗಳು ಪೆನ್ನಿಂದ ಬರೆಯುವಾಗ ನಿಗದಿತ ಸಂದರ್ಭ, ಅಕ್ಷರಗಳ ವಿನ್ಯಾಸ ಹಾಗೂ ವರ್ಗೀಕರಣವನ್ನು ನಿಖರವಾಗಿ ಗ್ರಹಿಸುತ್ತವೆ. ಆ ಮೂಲಕ ತಪ್ಪು ಬರೆದ ಕೂಡಲೇ ಪೆನ್ ಕಂಪಿಸುವಂತೆ ಮಾಡುತ್ತದೆ ಎಂದು ಎಬಿಸಿ ವರದಿ ಮಾಡಿದೆ.<br /> <br /> `ಪೆನ್ನನ್ನು ಕಾರ್ಯಸಾಮರ್ಥ್ಯಕ್ಕೆ ಅನುಗುಣವಾಗಿ ಹಸ್ತಾಕ್ಷರ (ಕ್ಯಾಲಿಗ್ರಫಿ) ಮತ್ತು ಕಾಗುಣಿತ (ಆರ್ತಾಗ್ರಫಿ) ಎಂದು ಎರಡು ರೀತಿ ವರ್ಗೀಕರಿಸಲಾಗಿದೆ. ಬರೆಯುವವರು ಈ ಎರಡರಲ್ಲಿ ಯಾವುದಾದರೂ ಒಂದನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಭಾಷೆಯ ದತ್ತಾಂಶ ಹೊಂದಿರುವ ಈ ಪೆನ್ ತನ್ನಲ್ಲಿಲ್ಲದ ಪದ ದಾಖಲಾದ ತಕ್ಷಣ ಕಂಪಿಸುತ್ತದೆ' ಎಂದು ಡೇನಿಯಲ್ ಹೇಳಿದ್ದಾರೆ.<br /> <br /> `ಕಳೆದ ವರ್ಷ ನನ್ನ ಮಗ ಶಾಲೆಯ ಹೋಮ್ವರ್ಕ್ ಬರೆಯುವಾಗ ಮಾಡುತ್ತಿದ್ದ ದೋಷಗಳನ್ನು ನೋಡುತ್ತಿದ್ದ ನನಗೆ, ತಪ್ಪು ಬರೆದ ಕೂಡಲೇ ಅದನ್ನು ಸೂಚಿಸುವ ಪೆನ್ ಇದ್ದಿದ್ದರೆ ಹೇಗಿರುತ್ತಿತ್ತು ಎಂದು ಯೋಚಿಸಿದೆ. ಈ ಆಲೋಚನೆಯೇ ನಂತರದ ಒಂದು ವರ್ಷದಲ್ಲಿ `ಲೆರ್ನ್ಸ್ಟಿಫ್ಟ್' ಪೆನ್ ಅಭಿವೃದ್ಧಿಪಡಿಸಲು ಕಾರಣವಾಯಿತು' ಎಂದು ವೋಲ್ಸ್ಕಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಪಿಟಿಐ):</strong> ವ್ಯಾಕರಣ ದೋಷಗಳ ಹಾಗೂ ತಪ್ಪು ಅಕ್ಷರಗಳು ದಾಖಲಾದ ಕೂಡಲೇ ಕಂಪನದ ಮೂಲಕ ಎಚ್ಚರಿಕೆ ಕೊಡುವಂತಹ ಅತ್ಯುನ್ನತ ತಂತ್ರಜ್ಞಾನದ ಪೆನ್ ಒಂದನ್ನು ಜರ್ಮನಿಯ ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ.<br /> <br /> ಮ್ಯೂನಿಚ್ನ ಡೇನಿಯಲ್ ಕೇಸ್ಮಚೆರ್ (33) ಮತ್ತು ಫಾಕ್ ವೋಲ್ಸ್ಕಿ ಎಂಬುವವರು ಅಭಿವೃದ್ಧಿಪಡಿಸಿರುವ ಈ ಪೆನ್ನ ಹೆಸರು `ಲೆರ್ನ್ಸ್ಟಿಫ್ಟ್'. ಸಾಮಾನ್ಯ ಪೆನ್ಗಳಂತೆ ಇಂಕ್ ಹೊಂದಿರುವ ಈ `ಲೆರ್ನ್ಸ್ಟಿಫ್ಟ್' ಪೆನ್ನಿನ ಒಳಭಾಗದಲ್ಲಿ ಚಲನ ಸಂವೇದಕ ಮತ್ತು ಲಿನಕ್ಸ್ ಕಂಪ್ಯೂಟರ್ ಪವರ್ ಬ್ಯಾಟರಿ ಸಮೇತ ವೈಫೈ ಚಿಪ್ ಅವಳಡಿಸಲಾಗಿದೆ.<br /> <br /> ಈ ಸಾಧನಗಳು ಪೆನ್ನಿಂದ ಬರೆಯುವಾಗ ನಿಗದಿತ ಸಂದರ್ಭ, ಅಕ್ಷರಗಳ ವಿನ್ಯಾಸ ಹಾಗೂ ವರ್ಗೀಕರಣವನ್ನು ನಿಖರವಾಗಿ ಗ್ರಹಿಸುತ್ತವೆ. ಆ ಮೂಲಕ ತಪ್ಪು ಬರೆದ ಕೂಡಲೇ ಪೆನ್ ಕಂಪಿಸುವಂತೆ ಮಾಡುತ್ತದೆ ಎಂದು ಎಬಿಸಿ ವರದಿ ಮಾಡಿದೆ.<br /> <br /> `ಪೆನ್ನನ್ನು ಕಾರ್ಯಸಾಮರ್ಥ್ಯಕ್ಕೆ ಅನುಗುಣವಾಗಿ ಹಸ್ತಾಕ್ಷರ (ಕ್ಯಾಲಿಗ್ರಫಿ) ಮತ್ತು ಕಾಗುಣಿತ (ಆರ್ತಾಗ್ರಫಿ) ಎಂದು ಎರಡು ರೀತಿ ವರ್ಗೀಕರಿಸಲಾಗಿದೆ. ಬರೆಯುವವರು ಈ ಎರಡರಲ್ಲಿ ಯಾವುದಾದರೂ ಒಂದನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಭಾಷೆಯ ದತ್ತಾಂಶ ಹೊಂದಿರುವ ಈ ಪೆನ್ ತನ್ನಲ್ಲಿಲ್ಲದ ಪದ ದಾಖಲಾದ ತಕ್ಷಣ ಕಂಪಿಸುತ್ತದೆ' ಎಂದು ಡೇನಿಯಲ್ ಹೇಳಿದ್ದಾರೆ.<br /> <br /> `ಕಳೆದ ವರ್ಷ ನನ್ನ ಮಗ ಶಾಲೆಯ ಹೋಮ್ವರ್ಕ್ ಬರೆಯುವಾಗ ಮಾಡುತ್ತಿದ್ದ ದೋಷಗಳನ್ನು ನೋಡುತ್ತಿದ್ದ ನನಗೆ, ತಪ್ಪು ಬರೆದ ಕೂಡಲೇ ಅದನ್ನು ಸೂಚಿಸುವ ಪೆನ್ ಇದ್ದಿದ್ದರೆ ಹೇಗಿರುತ್ತಿತ್ತು ಎಂದು ಯೋಚಿಸಿದೆ. ಈ ಆಲೋಚನೆಯೇ ನಂತರದ ಒಂದು ವರ್ಷದಲ್ಲಿ `ಲೆರ್ನ್ಸ್ಟಿಫ್ಟ್' ಪೆನ್ ಅಭಿವೃದ್ಧಿಪಡಿಸಲು ಕಾರಣವಾಯಿತು' ಎಂದು ವೋಲ್ಸ್ಕಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
