ತಾಯಿ, ಮಗ ಆತ್ಮಹತ್ಯೆ

ಸಿದ್ದಾಪುರ: ತಾಯಿ ಹಾಗೂ ಮಗ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಭಾನುವಾರ ಇಲ್ಲಿಗೆ ಸಮೀಪದ (ಗುಹ್ಯ) ಕಕ್ಕಟ ಕಾಡುವಿನಲ್ಲಿ ನಡೆದಿದೆ.



ಕಕ್ಕಟ ಕಾಡುವಿನಲ್ಲಿ ನೆಲೆಸಿರುವ ಲಕ್ಷ್ಮಿ (65), ಇವರ ಮಗ ರಾಜು (35) ಆತ್ಮಹತ್ಯೆ ಮಾಡಿಕೊಂಡವರು. ಇವರು ಕೂಲಿ ಕಾರ್ಮಿಕರು.



ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಲಕ್ಷ್ಮಿ  ಮಗಳು ಲತಾ ಅವರು ಸಿದ್ದಾಪುರ ಸಂತೆಗೆ  ಹೋಗಿದ್ದ ಸಂದರ್ಭದಲ್ಲಿ ಮನೆಯ ಅಡುಗೆ ಕೋಣೆಯಲ್ಲಿ ಇಬ್ಬರೂ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.



ರಾಜು ಮಾನಸಿಕ ಅಸ್ವಸ್ಥ. ಈತನ ಸ್ಥಿತಿಯನ್ನು ಕಂಡು ಕೊರಗಿದ ತಾಯಿ ಜೀವನದಲ್ಲಿ ಜಿಗುಪ್ಸೆಗೊಂಡಿರುವುದು ಆತ್ಮಹತ್ಯೆಗೆ ಕಾರಣ ಎನ್ನಲಾಗಿದೆ ಎಂದು ಸಿದ್ದಾಪುರ ಪೋಲಿಸರು ತಿಳಿಸಿದ್ದಾರೆ.