<p><strong>ವಾಷಿಂಗ್ಟನ್ (ಐಎಎನ್ಎಸ್): </strong>ತ್ರೀ ಡಿ ಪ್ರಿಂಟಿಂಗ್ (ಮೂರು ಆಯಾಮದ ಮುದ್ರಣ) ತಂತ್ರಜ್ಞಾನ ಬಳಸಿ ಅತ್ಯಂತ ಚಿಕ್ಕದಾದ, ಅಂದರೆ ಮರಳ ಕಣದಷ್ಟು ಗಾತ್ರದ ಲೀಥಿಯಮ್- ಅಯಾನ್ ಬ್ಯಾಟರಿಯನ್ನು ಯಶಸ್ವಿಯಾಗಿ ಅಭಿವೃದ್ಧಿಪಡಿಸಿರುವುದಾಗಿ ಅಮೆರಿಕ ಸಂಶೋಧಕರು ಹೇಳಿಕೊಂಡಿದ್ದಾರೆ.<br /> <br /> ವೈದ್ಯಕೀಯ ಕ್ಷೇತ್ರದಿಂದ ಹಿಡಿದು ಸಂವಹನ ಕ್ಷೇತ್ರದವರೆಗೆ ವಿವಿಧ ರಂಗಗಳಲ್ಲಿ ಬಳಕೆಯಾಗುವ ಅತಿ ಚಿಕ್ಕ ಸಾಧನಗಳಿಗೆ ವಿದ್ಯುತ್ ಪೂರೈಸಲು ಇದರಿಂದ ಅನುಕೂಲವಾಗುತ್ತದೆ; ಅಲ್ಲದೇ, ಕಣಗಾತ್ರದ ಬ್ಯಾಟರಿಗಳಿಲ್ಲದೆ ನೆನೆಗುದಿಗೆ ಬಿದ್ದಿರುವ ಎಷ್ಟೇ ಪ್ರಯೋಗಗಳಿಗೆ ಮರುಚಾಲನೆ ನೀಡಲು ಕೂಡ ಇದು ಅವಕಾಶ ಮಾಡಿಕೊಡುತ್ತದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.<br /> <br /> `ತ್ರೀ ಡಿ ತಾಂತ್ರಿಕತೆಯಿಂದ ಕಣಗಾತ್ರದ ಬ್ಯಾಟರಿ ಅಭಿವೃದ್ಧಿಪಡಿಸಲು ಸಾಧ್ಯ ಎಂಬುದನ್ನಷ್ಟೇ ನಾವು ಸಾಧಿಸಿ ತೋರಿಸಿಲ್ಲ; ಅದನ್ನು, ಅತ್ಯಂತ ನಿಖರವಾಗಿಯೂ ಮಾಡಿದ್ದೇವೆ' ಎಂದು ಹಾರ್ವರ್ಡ್ ವಿಶ್ವವಿದ್ಯಾಲಯದ ಜೆನ್ನಿಫರ್ ಲೂಯಿಸ್ ಹೇಳಿದ್ದಾರೆ.<br /> <br /> ಇವುಗಳ ಗಾತ್ರ ಮರಳ ಕಣದಷ್ಟೇ ಆದರೂ ಕಾರ್ಯದಕ್ಷತೆಯೇನೂ ಕಡಿಮೆ ಇಲ್ಲ. ಇವುಗಳ ವಿದ್ಯುದಾವೇಶ ವೇಗ, ವಿದ್ಯುದಾವೇಶ ಉತ್ಸರ್ಜನಾ ವೇಗ, ಆವರ್ತ ಅವಧಿ ಮತ್ತು ಶಕ್ತಿ ಸಾಂದ್ರತೆಗಳೆಲ್ಲವೂ ವಾಣಿಜ್ಯ ಬ್ಯಾಟರಿಗಳ ಪ್ರಮಾಣದಷ್ಟೇ ಇದೆ ಎಂದು ತಜ್ಞರು ಹೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಐಎಎನ್ಎಸ್): </strong>ತ್ರೀ ಡಿ ಪ್ರಿಂಟಿಂಗ್ (ಮೂರು ಆಯಾಮದ ಮುದ್ರಣ) ತಂತ್ರಜ್ಞಾನ ಬಳಸಿ ಅತ್ಯಂತ ಚಿಕ್ಕದಾದ, ಅಂದರೆ ಮರಳ ಕಣದಷ್ಟು ಗಾತ್ರದ ಲೀಥಿಯಮ್- ಅಯಾನ್ ಬ್ಯಾಟರಿಯನ್ನು ಯಶಸ್ವಿಯಾಗಿ ಅಭಿವೃದ್ಧಿಪಡಿಸಿರುವುದಾಗಿ ಅಮೆರಿಕ ಸಂಶೋಧಕರು ಹೇಳಿಕೊಂಡಿದ್ದಾರೆ.<br /> <br /> ವೈದ್ಯಕೀಯ ಕ್ಷೇತ್ರದಿಂದ ಹಿಡಿದು ಸಂವಹನ ಕ್ಷೇತ್ರದವರೆಗೆ ವಿವಿಧ ರಂಗಗಳಲ್ಲಿ ಬಳಕೆಯಾಗುವ ಅತಿ ಚಿಕ್ಕ ಸಾಧನಗಳಿಗೆ ವಿದ್ಯುತ್ ಪೂರೈಸಲು ಇದರಿಂದ ಅನುಕೂಲವಾಗುತ್ತದೆ; ಅಲ್ಲದೇ, ಕಣಗಾತ್ರದ ಬ್ಯಾಟರಿಗಳಿಲ್ಲದೆ ನೆನೆಗುದಿಗೆ ಬಿದ್ದಿರುವ ಎಷ್ಟೇ ಪ್ರಯೋಗಗಳಿಗೆ ಮರುಚಾಲನೆ ನೀಡಲು ಕೂಡ ಇದು ಅವಕಾಶ ಮಾಡಿಕೊಡುತ್ತದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.<br /> <br /> `ತ್ರೀ ಡಿ ತಾಂತ್ರಿಕತೆಯಿಂದ ಕಣಗಾತ್ರದ ಬ್ಯಾಟರಿ ಅಭಿವೃದ್ಧಿಪಡಿಸಲು ಸಾಧ್ಯ ಎಂಬುದನ್ನಷ್ಟೇ ನಾವು ಸಾಧಿಸಿ ತೋರಿಸಿಲ್ಲ; ಅದನ್ನು, ಅತ್ಯಂತ ನಿಖರವಾಗಿಯೂ ಮಾಡಿದ್ದೇವೆ' ಎಂದು ಹಾರ್ವರ್ಡ್ ವಿಶ್ವವಿದ್ಯಾಲಯದ ಜೆನ್ನಿಫರ್ ಲೂಯಿಸ್ ಹೇಳಿದ್ದಾರೆ.<br /> <br /> ಇವುಗಳ ಗಾತ್ರ ಮರಳ ಕಣದಷ್ಟೇ ಆದರೂ ಕಾರ್ಯದಕ್ಷತೆಯೇನೂ ಕಡಿಮೆ ಇಲ್ಲ. ಇವುಗಳ ವಿದ್ಯುದಾವೇಶ ವೇಗ, ವಿದ್ಯುದಾವೇಶ ಉತ್ಸರ್ಜನಾ ವೇಗ, ಆವರ್ತ ಅವಧಿ ಮತ್ತು ಶಕ್ತಿ ಸಾಂದ್ರತೆಗಳೆಲ್ಲವೂ ವಾಣಿಜ್ಯ ಬ್ಯಾಟರಿಗಳ ಪ್ರಮಾಣದಷ್ಟೇ ಇದೆ ಎಂದು ತಜ್ಞರು ಹೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>