<p><strong>ನ್ಯೂಯಾರ್ಕ್ (ಪಿಟಿಐ):</strong> ಹಿಲರಿ ಕ್ಲಿಂಟನ್ ಇವತ್ತು ಅಮೆರಿಕದ ಪ್ರಭಾವಿ ಮಹಿಳೆ. ವಿದೇಶಾಂಗ ಕಾರ್ಯದರ್ಶಿಯಾಗಿದ್ದು ಜಗತ್ತಿನಾದ್ಯಂತ ತಮ್ಮ ಪ್ರಭಾವಲಯ ಹೊಂದಿರುವ ಇವರು ಸರಿಯಾಗಿ ಅರ್ಧ ಶತಮಾನದ ಹಿಂದೆ ಭಾರತದಲ್ಲಿ ಉನ್ನತ ವ್ಯಾಸಂಗ ನಡೆಸಲು ಮಾಡಿದ್ದ ಪ್ರಯತ್ನ ವಿಫಲಗೊಂಡಿತ್ತು.<br /> <br /> ವೆಲ್ಲೆಸ್ಲಿಯ ಲಿಬರಲ್ ಆರ್ಟ್ಸ್ ಕಾಲೇಜಿನ ಪ್ರತಿಭಾನ್ವಿತ ವಿದ್ಯಾರ್ಥಿನಿಯಾಗಿದ್ದ ಇವರು 1960ರಲ್ಲಿ ಭಾರತದಲ್ಲಿ ಉನ್ನತ ವ್ಯಾಸಂಗ ನಡೆಸುವ ನಿಟ್ಟಿನಲ್ಲಿ ಫುಲ್ಬ್ರೈಟ್ ವಿದ್ಯಾರ್ಥಿ ವೇತನಕ್ಕೆ ಪ್ರಯತ್ನಿಸಿ ಸಫಲರಾಗಿದ್ದರು. ಭಾರತಕ್ಕೆ ಹೊರಡುವ ತಯಾರಿಯನ್ನೂ ನಡೆಸಿದ್ದರು. <br /> <br /> ಆದರೆ ಆ ವರ್ಷ ರಾಜಕೀಯ ಕಾರಣಗಳಿಂದ ಫುಲ್ಬ್ರೈಟ್ ಕಾರ್ಯಕ್ರಮವೇ ರದ್ದುಗೊಳಿಸಲಾಯಿತು ಎಂದು ಸ್ವತಃ ಹಿಲರಿ ಅವರೇ ಸ್ಮರಿಸಿಕೊಂಡಿದ್ದಾರೆ.ವಾಷಿಂಗ್ಟನ್ನ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಿದ್ದ ಹಿಲರಿ ತಮ್ಮ ವಿದ್ಯಾರ್ಥಿ ಜೀವನದಲ್ಲಿ ಒಮ್ಮೆ ಮಾತ್ರ ದೇಶದಿಂದ ಹೊರ ಹೋಗಿದ್ದರು. ಅದು ಕೆನಡಾದ ನಯಾಗರಾ ಜಲಪಾತವನ್ನು ನೋಡಲು ಎಂದೂ ಹೇಳಿಕೊಂಡಿದ್ದಾರೆ. <br /> <br /> ಫುಲ್ಬ್ರೈಟ್ ಕಾರ್ಯಕ್ರಮವು ಅಮೆರಿಕ ಹಾಗೂ ವಿದೇಶಿ ವಿದ್ಯಾರ್ಥಿಗಳಿಗೆ ವಿಶ್ವದ ಯಾವುದೇ ಭಾಗದಲ್ಲಿ ಅಧ್ಯಯನ ಮಾಡಲು, ಉಪನ್ಯಾಸ ನೀಡಲು, ಕಲಿಯಲು ಹಾಗೂ ಸೆಕೆಂಡರಿ ಹಂತದ ಶಾಲೆಯಲ್ಲಿ ಬೋಧಿಸಲು ಅನುದಾನ ನೀಡುತ್ತದೆ. ಇದನ್ನು ಅಮೆರಿಕದ ಶೈಕ್ಷಣಿಕ ವಿಭಾಗ, ಸಾಂಸ್ಕೃತಿಕ ಸಚಿವಾಲಯವು ಪ್ರಾಯೋಜಿಸುತ್ತದೆ. <br /> <br /> ಈ ಫುಲ್ಬ್ರೈಟ್ ಕಾರ್ಯಕ್ರಮವು ಈಚೆಗಿನ ವರ್ಷಗಳಲ್ಲಿ ವಿನೂತನ ಆಯಾಮ ಪಡೆದುಕೊಂಡಿದೆ. ಅಮೆರಿಕವು ವಿಶ್ವದ ಇನ್ನಾವುದೇ ದೇಶಗಳಿಗಿಂತ ಭಾರತದೊಡನೆ ವಿದ್ಯಾರ್ಥಿ ವಿನಿಮಯ ಕಾರ್ಯಕ್ರಮಕ್ಕೆ ಆಸಕ್ತಿ ತೋರಿದೆ. ಈವರೆಗೆ ಒಟ್ಟು 17ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಈ ಕಾರ್ಯಕ್ರಮದ ಲಾಭ ಪಡೆದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್ (ಪಿಟಿಐ):</strong> ಹಿಲರಿ ಕ್ಲಿಂಟನ್ ಇವತ್ತು ಅಮೆರಿಕದ ಪ್ರಭಾವಿ ಮಹಿಳೆ. ವಿದೇಶಾಂಗ ಕಾರ್ಯದರ್ಶಿಯಾಗಿದ್ದು ಜಗತ್ತಿನಾದ್ಯಂತ ತಮ್ಮ ಪ್ರಭಾವಲಯ ಹೊಂದಿರುವ ಇವರು ಸರಿಯಾಗಿ ಅರ್ಧ ಶತಮಾನದ ಹಿಂದೆ ಭಾರತದಲ್ಲಿ ಉನ್ನತ ವ್ಯಾಸಂಗ ನಡೆಸಲು ಮಾಡಿದ್ದ ಪ್ರಯತ್ನ ವಿಫಲಗೊಂಡಿತ್ತು.<br /> <br /> ವೆಲ್ಲೆಸ್ಲಿಯ ಲಿಬರಲ್ ಆರ್ಟ್ಸ್ ಕಾಲೇಜಿನ ಪ್ರತಿಭಾನ್ವಿತ ವಿದ್ಯಾರ್ಥಿನಿಯಾಗಿದ್ದ ಇವರು 1960ರಲ್ಲಿ ಭಾರತದಲ್ಲಿ ಉನ್ನತ ವ್ಯಾಸಂಗ ನಡೆಸುವ ನಿಟ್ಟಿನಲ್ಲಿ ಫುಲ್ಬ್ರೈಟ್ ವಿದ್ಯಾರ್ಥಿ ವೇತನಕ್ಕೆ ಪ್ರಯತ್ನಿಸಿ ಸಫಲರಾಗಿದ್ದರು. ಭಾರತಕ್ಕೆ ಹೊರಡುವ ತಯಾರಿಯನ್ನೂ ನಡೆಸಿದ್ದರು. <br /> <br /> ಆದರೆ ಆ ವರ್ಷ ರಾಜಕೀಯ ಕಾರಣಗಳಿಂದ ಫುಲ್ಬ್ರೈಟ್ ಕಾರ್ಯಕ್ರಮವೇ ರದ್ದುಗೊಳಿಸಲಾಯಿತು ಎಂದು ಸ್ವತಃ ಹಿಲರಿ ಅವರೇ ಸ್ಮರಿಸಿಕೊಂಡಿದ್ದಾರೆ.ವಾಷಿಂಗ್ಟನ್ನ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಿದ್ದ ಹಿಲರಿ ತಮ್ಮ ವಿದ್ಯಾರ್ಥಿ ಜೀವನದಲ್ಲಿ ಒಮ್ಮೆ ಮಾತ್ರ ದೇಶದಿಂದ ಹೊರ ಹೋಗಿದ್ದರು. ಅದು ಕೆನಡಾದ ನಯಾಗರಾ ಜಲಪಾತವನ್ನು ನೋಡಲು ಎಂದೂ ಹೇಳಿಕೊಂಡಿದ್ದಾರೆ. <br /> <br /> ಫುಲ್ಬ್ರೈಟ್ ಕಾರ್ಯಕ್ರಮವು ಅಮೆರಿಕ ಹಾಗೂ ವಿದೇಶಿ ವಿದ್ಯಾರ್ಥಿಗಳಿಗೆ ವಿಶ್ವದ ಯಾವುದೇ ಭಾಗದಲ್ಲಿ ಅಧ್ಯಯನ ಮಾಡಲು, ಉಪನ್ಯಾಸ ನೀಡಲು, ಕಲಿಯಲು ಹಾಗೂ ಸೆಕೆಂಡರಿ ಹಂತದ ಶಾಲೆಯಲ್ಲಿ ಬೋಧಿಸಲು ಅನುದಾನ ನೀಡುತ್ತದೆ. ಇದನ್ನು ಅಮೆರಿಕದ ಶೈಕ್ಷಣಿಕ ವಿಭಾಗ, ಸಾಂಸ್ಕೃತಿಕ ಸಚಿವಾಲಯವು ಪ್ರಾಯೋಜಿಸುತ್ತದೆ. <br /> <br /> ಈ ಫುಲ್ಬ್ರೈಟ್ ಕಾರ್ಯಕ್ರಮವು ಈಚೆಗಿನ ವರ್ಷಗಳಲ್ಲಿ ವಿನೂತನ ಆಯಾಮ ಪಡೆದುಕೊಂಡಿದೆ. ಅಮೆರಿಕವು ವಿಶ್ವದ ಇನ್ನಾವುದೇ ದೇಶಗಳಿಗಿಂತ ಭಾರತದೊಡನೆ ವಿದ್ಯಾರ್ಥಿ ವಿನಿಮಯ ಕಾರ್ಯಕ್ರಮಕ್ಕೆ ಆಸಕ್ತಿ ತೋರಿದೆ. ಈವರೆಗೆ ಒಟ್ಟು 17ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಈ ಕಾರ್ಯಕ್ರಮದ ಲಾಭ ಪಡೆದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
