ಶನಿವಾರ, ಮೇ 28, 2022
25 °C

ನಾಗವಲ್ಲಿಗೆ ಕೊನೆಗೂ ಹರಿದು ಬಂದಳು ಹೇಮೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತುಮಕೂರು: ಗೂಳೂರು- ಹೆಬ್ಬೂರು ಏತನೀರಾವರಿ ಯೋಜನೆಯಡಿ ಕರಡಿಗೆರೆಯಲ್ಲಿ ನಿರ್ಮಿಸಲಾಗಿರುವ ಪಂಪಿಂಗ್ ಸ್ಟೇಷನ್‌ನಿಂದ ಪ್ರತಿಸೆಕೆಂಡ್‌ಗೆ 51 ಕ್ಯೂಸೆಕ್ ನೀರು ಹರಿಯಲಿದೆ. ಸೋಮವಾರ ನಾಗವಲ್ಲಿ ಕೆರೆಗೆ ನೀರು ಬಂದು ತಲುಪಿದೆ.ಇಲ್ಲಿ 423 ಎಚ್‌ಪಿ 4 ಮೋಟರ್‌ಗಳನ್ನು ಅಳವಡಿಸಲಾಗಿದ್ದು, ಪ್ರತಿ ಮೋಟಾರ್ ಪ್ರತಿ ಸೆಕೆಂಡ್‌ಗೆ 13 ಕ್ಯೂಸೆಕ್ ನೀರು ಎತ್ತಲಿದೆ.



1500 ಕೆ.ವಿ. ವಿದ್ಯುತ್ ಅಗತ್ಯವಿದ್ದು, ಪ್ರತ್ಯೇಕವಾಗಿ 1600 ಕೆ.ವಿ. ಟ್ರಾನ್ಸ್‌ಫಾರ್ಮರ್ ಅಳವಡಿಸಲಾಗಿದೆ. ಪಂಪಿಂಗ್ ಸ್ಟೇಷನ್ ಸಮೀಪ ನಿರಂತರವಾಗಿ 5 ಲಕ್ಷ ಲೀಟರ್ ನೀರು ಸಂಗ್ರಹ ಸಾಮರ್ಥ್ಯದ ಕೇಂದ್ರ ಸ್ಥಾಪಿಸಲಾಗಿದೆ. ಇಲ್ಲಿಂದ ನೀರನ್ನು ಹೊನ್ನುಡಿಕೆ ಹ್ಯಾಂಡ್‌ಪೋಸ್ಟ್ ಸಮೀಪ ನಿರ್ಮಿಸಲಾಗಿರುವ ನೀರು ಸಂಗ್ರಹ ಕಾರ್ಯಾಗಾರಕ್ಕೆ ಪಂಪ್ ಮಾಡಲಾಗುತ್ತದೆ. ಸುಮಾರು 9.4 ಕಿ.ಮೀ. ದೂರಕ್ಕೆ ನೀರನ್ನು ಪಂಪ್ ಮಾಡಬೇಕಾಗಿದ್ದು, ಅಲ್ಲಿಂದ ಮುಂದೆ ನಾಗವಲ್ಲಿ ಕೆರೆಗೆ 5.4 ಕಿ.ಮೀ. ದೂರ ಗುರುತ್ವಾಕರ್ಷಣ ಶಕ್ತಿಯಿಂದಲೇ ಹರಿಯಲಿದೆ.



ರೂವಾರಿಗಳಿವರು: ಇಡೀ ಯೋಜನೆ ನಿಗದಿತ ಅವಧಿಗಿಂತ ಮೊದಲು ಮುಗಿಯುವಲ್ಲಿ ಅಧಿಕಾರಿಗಳ ಶ್ರಮವೂ ಎದ್ದು ಕಾಣುತ್ತದೆ. ಕಾವೇರಿ ನೀರಾವರಿ ನಿಗಮದ ಕಾರ್ಯಪಾಲಕ ಎಂಜಿನಿಯರ್ ಮಲ್ಲಪ್ಪ, ಎಇಇ ಪುಟ್ಟಸ್ವಾಮಿ, ಕೃಷ್ಣಪ್ರಸಾದ್ ಶ್ರಮಸಹ ಇದೆ.



 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.