ಸೋಮವಾರ, ಆಗಸ್ಟ್ 3, 2020
23 °C

ನೀರಿನ ತೊಟ್ಟಿಯಲ್ಲಿ ಹಾವಿನ ಮರಿಗಳು ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನೀರಿನ ತೊಟ್ಟಿಯಲ್ಲಿ ಹಾವಿನ ಮರಿಗಳು ಪತ್ತೆ

ದಾವಣಗೆರೆ: ನೀರಿನ ತೊಟ್ಟಿ (ಸಂಪ್) ಯಲ್ಲಿ 12 ನಾಗರಹಾವಿನ ಮರಿಗಳು ಪತ್ತೆಯಾದ ಘಟನೆ ನಗರದ ಎಸ್‌ಎಸ್ ಲೇಔಟ್ `ಎ~ ಬ್ಲಾಕ್, 6ನೇ ಕ್ರಾಸ್‌ನ ಮನೆಯೊಂದರಲ್ಲಿ ಶುಕ್ರವಾರ ನಡೆದಿದೆ.



ಇಲ್ಲಿನ ವಿದ್ಯುತ್ ಗುತ್ತಿಗೆದಾರ ನಟರಾಜ್ ಎಂಬುವರ ಮನೆಯಲ್ಲಿ ಮರಿಗಳು ಪತ್ತೆಯಾಗಿವೆ. ಅವರ ಪತ್ನಿ ವಿಜಯಲಕ್ಷ್ಮೀ ಅವರು ತೊಟ್ಟಿಯಲ್ಲಿ ನೀರು ಪರಿಶೀಲಿಸಲು ಮುಚ್ಚಳ ತೆರೆದಾಗ ಖಾಲಿ ತೊಟ್ಟಿಯಲ್ಲಿ ಮರಿಗಳು ಪತ್ತೆಯಾಗಿವೆ. ಮರಿಗಳು ಮುಕ್ಕಾಲು ಅಡಿ ಹಾಗೂ 1 ಅಡಿ ಗಾತ್ರದಲ್ಲಿ ಇದ್ದವು. ಗಾಬರಿಗೊಂಡ ಅವರು, ಹಾವು ಹಿಡಿಯುವ ಪರಿಣತ, ಸಮಾಜ ಸೇವಕ ಪ್ರದೀಪ್ ಅವರಿಗೆ ಕರೆ ಮಾಡಿದರು.



ಸ್ಥಳಕ್ಕೆ ಆಗಮಿಸಿದ ಪ್ರದೀಪ್ ಅವರ ಪುತ್ರ, ಎಂಜಿನಿಯರಿಂಗ್ ವಿದ್ಯಾರ್ಥಿ ಪವನ್‌ಕುಮಾರ್ ಹಾವಿನಮರಿಗಳನ್ನು ಹಿಡಿದು ಡಬ್ಬಿಯೊಂದರಲ್ಲಿ ಹಾಕಿ ಕುಂದುವಾಡ ಕೆರೆ ಸಮೀಪ ಹುತ್ತಕ್ಕೆ ಬಿಟ್ಟರು. ಒಂದು ಮರಿ ಮೊದಲೇ ಮೃತಪಟ್ಟಿತ್ತು.



ತೊಟ್ಟಿಯ ಹೆಚ್ಚುವರಿ ನೀರು ಹೊರಹೋಗುವ ಪೈಪ್ ಮೂಲಕ ಈ ಮರಿಗಳು ಬಂದಿರಬಹುದು ಎಂದು ಶಂಕಿಸಲಾಗಿದೆ.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.