ಭಾನುವಾರ, ಜೂನ್ 20, 2021
25 °C

ಪಗಡೆಯಾಟವಯ್ಯ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

`ಪಗಡೆ~ಯಾಟದಲ್ಲಿ ಗೆದ್ದಷ್ಟೇ ಖುಷಿಯಿಂದ ಕುಳಿತಿದ್ದರು ನಿರ್ದೇಶಕ ಪುರುಷೋತ್ತಮ್. ಆಟವಿನ್ನೂ ಪೂರ್ಣಗೊಂಡಿಲ್ಲ ಎಂಬ ಸಣ್ಣ ದುಗುಡುವೂ ಅವರನ್ನು ಆವರಿಸಿತ್ತು.

 

ಸಾಲು ಸಾಲು ಭಕ್ತಿ ಪ್ರಧಾನ ಚಿತ್ರಗಳಿಗೆ ಆ್ಯಕ್ಷನ್ ಕಟ್ ಹೇಳಿದ್ದ ಅವರಿಗೆ ಪ್ರೀತಿ ಪ್ರೇಮದ ಪಾಠವೊಪ್ಪಿಸುವ ಕೆಲಸ ಹೊಸತು. `ಪಗಡೆ~ ಚಿತ್ರದ ಮಾತಿನ ಭಾಗದ ಚಿತ್ರೀಕರಣ ಮುಗಿಸಿದ್ದ ಚಿತ್ರತಂಡದ ಸಮೇತ ಸುದ್ದಿಮಿತ್ರರೊಂದಿಗೆ ಅವರು ಎದುರಾದರು.



ಮೂರು ಹಾಡುಗಳಷ್ಟೇ ಬಾಕಿ ಉಳಿದಿವೆ. ಕೇರಳ, ಮಡಿಕೇರಿ ಮತ್ತು ಮೈಸೂರು ಸುತ್ತಮುತ್ತ ಈ ಹಾಡುಗಳನ್ನು ಚಿತ್ರೀಕರಿಸುತ್ತೇವೆ ಎಂದು ಚಿತ್ರದ ಪ್ರಗತಿಯ ಬಗ್ಗೆ ವಿವರಿಸಿದರು. ಯೋಜನೆಯಂತೆ 35 ದಿನಗಳಲ್ಲಿ ಚಿತ್ರೀಕರಣ ಮುಗಿಸುತ್ತಿದ್ದೇವೆ ಎಂದ ಅವರು, ಚಿತ್ರ ಅತ್ಯಂತ ವಿಭಿನ್ನ ಪ್ರೇಮಕಥೆಯನ್ನೊಳಗೊಂಡಿದೆ ಎಂದರು.



ಧಾರಾವಾಹಿ ಮತ್ತು ಸಿನಿಮಾಗಳಲ್ಲಿ ಅಭಿನಯಿಸಿರುವ ವಿಶ್ವಾಸ್ ಭಾರದ್ವಾಜ್ `ಪಗಡೆ~ ಮೂಲಕ ನಾಯಕರಾಗಿ ಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಕಿರುತೆರೆ ಒಳ್ಳೆ ಹೆಸರು ಮತ್ತು ಅವಕಾಶ ತಂದುಕೊಟ್ಟಿದೆ. ಹಿರಿಯ ನಟರ ಜೊತೆ ನಟಿಸಿದ ಅನುಭವ ಖುಷಿ ಕೊಟ್ಟಿದೆ ಎನ್ನುವುದು ವಿಶ್ವಾಸ್ ಮಾತು.



`ಮರೆಯದಿರು~ ಮತ್ತು `ಸೆಂಟ್ರಲ್ ಜೈಲ್~ ಎಂಬ ಚಿತ್ರಗಳಲ್ಲಿ ನಟಿಸಿರುವ ಗಮ್ಯಾ ಚಿತ್ರದ ನಾಯಕಿ. ಚಿತ್ರದಲ್ಲಿ ಅವರದು ಕಾಲೇಜು ಹುಡುಗಿಯ ಪಾತ್ರವಂತೆ. ಚಿತ್ರದ ನಿರ್ಮಾಪಕ ಎಚ್.ವಿ.ಅಣ್ಣಪ್ಪ ಪತ್ರಿಕಾಗೋಷ್ಠಿಯಲ್ಲಿ ಹಾಜರಿದ್ದರು.  

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.