<p><strong>ಕೂಡ್ಲಿಗಿ:</strong> ಸೂರ್ಯ ಮೂಡುವುದರೊಳಗೆ ಇಡೀ ಪಟ್ಟಣದ ರಸ್ತೆಗಳು ಪ್ರತಿದಿನವೂ ಸ್ವಚ್ಛಗೊಂಡಿರುತ್ತವೆ. ತಿಂದು ಬಿಸಾಕಿದ ಬಾಳೇಸಿಪ್ಪೆ, ಕೊಳೆತ ತರಕಾರಿ, ಹಣ್ಣುಗಳು, ಪ್ಲಾಸ್ಟಿಕ್ ಚೀಲಗಳು, ಕಸಕಡ್ದಿ, ದನಗಳು ಹಾಕಿದ ಸಗಣಿ, ಚರಂಡಿಗಳು ಎಲ್ಲವೂ ಪ್ರತಿದಿನವೂ ತಪ್ಪದೇ ಸ್ವಚ್ಛಗೊಳ್ಳಲೇಬೇಕು. <br /> <br /> ಆದರೆ ಅದನ್ನು ಸ್ವಚ್ಛಗೊಳಿಸುವವರ ಬಗ್ಗೆ ಯಾರಿಗೂ ಲಕ್ಷ್ಯವಿರುವುದಿಲ್ಲ. ಎರಡು ದಿನ ಸ್ವಚ್ಛಗೊಳ್ಳದಿದ್ದರೆ ಇಡೀ ಪಟ್ಟಣ ಕಸ, ಕೊಳಚೆಯಿಂದ ವಾಸನೆ ಹೊಡೆಯುತ್ತದೆ. ಎಲ್ಲರೂ ಪಟ್ಟಣ ಪಂಚಾಯ್ತಿ ಮೇಲೆ ಹರಿಹಾಯತೊಡಗುತ್ತಾರೆ.<br /> <br /> ಸೂರ್ಯೋದಯಕ್ಕಿಂತ ಮುಂಚೆಯೇ ಇವರ ಕಾರ್ಯ ಆರಂಭ. ದಿನನಿತ್ಯದ ಕಸವನ್ನೆಲ್ಲ ಸ್ವಚ್ಛಗೊಳಿಸಿ, ಚರಂಡಿಗಳನ್ನು ಸ್ವಚ್ಛಗೊಳಿಸುವ ಪೌರ ಕಾರ್ಮಿಕರ ಬದುಕು ಅತಂತ್ರವಾಗಿದೆ. ಪಟ್ಟಣದ ಸುಮಾರು 30 ಜನ ಪೌರ ಕಾರ್ಮಿಕರು ದಿನಗೂಲಿಗಳಾಗಿ ಕಳೆದ 15-20 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ.<br /> <br /> ಪಟ್ಟಣ ಪಂಚಾಯ್ತಿಯಲ್ಲಿನ ಒಟ್ಟು ಪೌರ ಕಾರ್ಮಿಕರು 40 ಜನ ಅದರಲ್ಲಿ 10 ಜನ ಮಾತ್ರ ಖಾಯಂಗೊಂಡಿದ್ದಾರೆ. ಉಳಿದ 30 ಜನ ತಮ್ಮ ಬದುಕೂ ಸ್ಥಿರಗೊಳ್ಳಬಹುದೆಂದು ಆಶಾಭಾವನೆಯಿಂದಲೇ 15 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ. <br /> <br /> ಇವರಲ್ಲಿ ಬಿಲ್ ಕಲೆಕ್ಟರ್, ನೀರು ಬಿಡುವವರು, ಬೀದಿ ದೀಪ ಸಹಾಯಕರು, ಟ್ರ್ಯಾಕ್ಟರ್ ಚಾಲಕರು, ರಸ್ತೆಗಳನ್ನು, ಚರಂಡಿಗಳನ್ನು ಸ್ವಚ್ಛಗೊಳಿಸುವರು ಸೇರಿದ್ದಾರೆ. ಕೆಲಸ ಕಾಯಮಾತಿಗಾಗಿ ಸಾಕಷ್ಟು ಬಾರಿ ಹೋರಾಟ ಮಾಡಲಾಗಿದೆ ಆದರೆ ಯಾವುದೇ ಪ್ರಯೋಜನವಾಗಿಲ್ಲ ಎಂದು ದಿನಗೂಲಿ ನೌಕರ ಕೆ.ಪ್ರಭಾಕರ ಹೇಳುತ್ತಾರೆ.<br /> <br /> ರಾಜ್ಯದಲ್ಲಿ ಪೌರ ಕಾರ್ಮಿಕರ 10,000 ಹುದ್ದೆಗಳು ಖಾಲಿ ಇವೆ. ಇವುಗಳಲ್ಲಿ 6,000 ಜನ ಈಗಾಗಲೇ ದಿನಗೂಲಿಗಳಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. 4 ವರ್ಷಗಳ ಹಿಂದೆ ಉಚ್ಛ ನ್ಯಾಯಾಲಯದ ಆದೇಶದನ್ವಯ ರಾಜ್ಯದಲ್ಲಿ 2,080 ದಿನಗೂಲಿ ನೌಕರರನ್ನು ಕಾಯಮಾತಿಗೊಳಿಸಲಾಗಿದೆ. ಆದರೆ ಇನ್ನೂ ಸಾಕಷ್ಟು ನೌಕರರ ಬದುಕು ಅತಂತ್ರದಲ್ಲಿಯೇ ಇದೆ. <br /> <br /> ಪಟ್ಟಣದಲ್ಲಿ 20 ವಾರ್ಡಗಳಿದ್ದು, ಈಗಾಗಲೇ ಜನಸಂಖ್ಯೆ 27,000 ದಾಟಿದೆ. ಪಟ್ಟಣ ಪಂಚಾಯ್ತಿಯು ಪುರಸಭೆಯಾಗುವ ಆದ್ಯತೆ ಪಟ್ಟಿಯಲ್ಲಿದೆ. ಪಟ್ಟಣ ದಿನೇ ದಿನೇ ಬೆಳೆಯುತ್ತಿದೆ. ಆದರೆ ಸಿಬ್ಬಂದಿಯ ಕೊರತೆಯಿದೆ. ಇರುವ ಸಿಬ್ಬಂದಿಯವರೇ ಪ್ರತಿದಿನ ಬಿಡುವಿಲ್ಲದಂತೆ ಕಾರ್ಯನಿರ್ವಹಿಸುತ್ತಿದ್ದಾರೆ. ಬೆಳಿಗ್ಗೆ 5ಗಂ.ಯಿಂದ 9 ಗಂ.ವರೆಗೆ, ಮಧ್ಯಾಹ್ನ 2ರಿಂದ 5ರವರೆಗೆ ಇವರ ಸ್ವಚ್ಛತೆ ಕಾರ್ಯ. ಎಲ್ಲಿಯಾದರೂ ಕಾರ್ಯಕ್ರಮ, ಸಭೆ, ಸಮಾರಂಭಗಳಿದ್ದಲ್ಲಿ ಅಲ್ಲಿಯೂ ಸ್ವಚ್ಛಗೊಳಿಸುವ ಕಾರ್ಯ ಇವರ ಹೆಗಲಿಗೆ ಬೀಳುತ್ತದೆ. <br /> <br /> `ಊರು ಸ್ವಚ್ಛ ಮಾಡೋ ಕೆಲ್ಸ ಪ್ರಾಮಾಣಿಕವಾಗಿ, ದಿನಾ ಕಷ್ಟಪಟ್ಟು ಮಾಡ್ತೀವಿ, ರಸ್ತೆ ಸ್ವಚ್ಛ ಆಗೇತೋ ಇಲ್ಲೋ ಅಂತ ನೋಡ್ತಾರ ಹೊರತು, ನೀವು ಹೆಂಗಿದೀರಿ, ನಿಮ್ ಜೀವನ ಹೆಂಗ ಅಂತ ಕೇಳೋರು ಯಾರೂ ಇಲ್ಲ ಸರ್~ ಎಂದು ದು:ಖದಿಂದ ಹೇಳುತ್ತಾರೆ ಪೌರ ಕಾರ್ಮಿಕ ಸಣ್ಣ ನಲ್ಲಪ್ಪ. <br /> <br /> `ನಮಗ ಯಾವುದೇ ಸೌಲಭ್ಯ ಇಲ್ಲ, ಕೆಲಸ ಕಾಯಂ ಇಲ್ಲ, ಆದ್ರೂ ನಾವು ಮೈಮುರ್ದು ದುಡೀತೀವಿ, ನಮ್ ಬಗ್ಗೆ ನಾವ ಚಿಂತಿ ಮಾಡ್ಬೇಕು, ಯಾರ್ಗೇನ್ ಆಗಬೇಕಾಗೈತಿ?~ ಎಂದು ಭೈರಪ್ಪ ಪ್ರಶ್ನಿಸುತ್ತಾರೆ. ಉತ್ತರಿಸುವವರಾದರೂ ಯಾರು? ಇದೇ ರೀತಿ ಅಂಜಿನಪ್ಪ, ಎಚ್.ನಾಗಪ್ಪ, ದುರುಗಪ್ಪ, ಹನುಮಂತಪ್ಪ ಹೀಗೆ ಹಲವಾರು ಜನ ಪಟ್ಟಣ ದೈನಂದಿನ ಚಟುವಟಿಕೆಗಳಿಗೆ ತಡೆಯಾಗದಂತೆ ದುಡಿಯುತ್ತಲೇ ಇದ್ದಾರೆ. ಇವರ ಬದುಕು ಮಾತ್ರ ಇನ್ನೂ ಹಸನಾಗಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೂಡ್ಲಿಗಿ:</strong> ಸೂರ್ಯ ಮೂಡುವುದರೊಳಗೆ ಇಡೀ ಪಟ್ಟಣದ ರಸ್ತೆಗಳು ಪ್ರತಿದಿನವೂ ಸ್ವಚ್ಛಗೊಂಡಿರುತ್ತವೆ. ತಿಂದು ಬಿಸಾಕಿದ ಬಾಳೇಸಿಪ್ಪೆ, ಕೊಳೆತ ತರಕಾರಿ, ಹಣ್ಣುಗಳು, ಪ್ಲಾಸ್ಟಿಕ್ ಚೀಲಗಳು, ಕಸಕಡ್ದಿ, ದನಗಳು ಹಾಕಿದ ಸಗಣಿ, ಚರಂಡಿಗಳು ಎಲ್ಲವೂ ಪ್ರತಿದಿನವೂ ತಪ್ಪದೇ ಸ್ವಚ್ಛಗೊಳ್ಳಲೇಬೇಕು. <br /> <br /> ಆದರೆ ಅದನ್ನು ಸ್ವಚ್ಛಗೊಳಿಸುವವರ ಬಗ್ಗೆ ಯಾರಿಗೂ ಲಕ್ಷ್ಯವಿರುವುದಿಲ್ಲ. ಎರಡು ದಿನ ಸ್ವಚ್ಛಗೊಳ್ಳದಿದ್ದರೆ ಇಡೀ ಪಟ್ಟಣ ಕಸ, ಕೊಳಚೆಯಿಂದ ವಾಸನೆ ಹೊಡೆಯುತ್ತದೆ. ಎಲ್ಲರೂ ಪಟ್ಟಣ ಪಂಚಾಯ್ತಿ ಮೇಲೆ ಹರಿಹಾಯತೊಡಗುತ್ತಾರೆ.<br /> <br /> ಸೂರ್ಯೋದಯಕ್ಕಿಂತ ಮುಂಚೆಯೇ ಇವರ ಕಾರ್ಯ ಆರಂಭ. ದಿನನಿತ್ಯದ ಕಸವನ್ನೆಲ್ಲ ಸ್ವಚ್ಛಗೊಳಿಸಿ, ಚರಂಡಿಗಳನ್ನು ಸ್ವಚ್ಛಗೊಳಿಸುವ ಪೌರ ಕಾರ್ಮಿಕರ ಬದುಕು ಅತಂತ್ರವಾಗಿದೆ. ಪಟ್ಟಣದ ಸುಮಾರು 30 ಜನ ಪೌರ ಕಾರ್ಮಿಕರು ದಿನಗೂಲಿಗಳಾಗಿ ಕಳೆದ 15-20 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ.<br /> <br /> ಪಟ್ಟಣ ಪಂಚಾಯ್ತಿಯಲ್ಲಿನ ಒಟ್ಟು ಪೌರ ಕಾರ್ಮಿಕರು 40 ಜನ ಅದರಲ್ಲಿ 10 ಜನ ಮಾತ್ರ ಖಾಯಂಗೊಂಡಿದ್ದಾರೆ. ಉಳಿದ 30 ಜನ ತಮ್ಮ ಬದುಕೂ ಸ್ಥಿರಗೊಳ್ಳಬಹುದೆಂದು ಆಶಾಭಾವನೆಯಿಂದಲೇ 15 ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ. <br /> <br /> ಇವರಲ್ಲಿ ಬಿಲ್ ಕಲೆಕ್ಟರ್, ನೀರು ಬಿಡುವವರು, ಬೀದಿ ದೀಪ ಸಹಾಯಕರು, ಟ್ರ್ಯಾಕ್ಟರ್ ಚಾಲಕರು, ರಸ್ತೆಗಳನ್ನು, ಚರಂಡಿಗಳನ್ನು ಸ್ವಚ್ಛಗೊಳಿಸುವರು ಸೇರಿದ್ದಾರೆ. ಕೆಲಸ ಕಾಯಮಾತಿಗಾಗಿ ಸಾಕಷ್ಟು ಬಾರಿ ಹೋರಾಟ ಮಾಡಲಾಗಿದೆ ಆದರೆ ಯಾವುದೇ ಪ್ರಯೋಜನವಾಗಿಲ್ಲ ಎಂದು ದಿನಗೂಲಿ ನೌಕರ ಕೆ.ಪ್ರಭಾಕರ ಹೇಳುತ್ತಾರೆ.<br /> <br /> ರಾಜ್ಯದಲ್ಲಿ ಪೌರ ಕಾರ್ಮಿಕರ 10,000 ಹುದ್ದೆಗಳು ಖಾಲಿ ಇವೆ. ಇವುಗಳಲ್ಲಿ 6,000 ಜನ ಈಗಾಗಲೇ ದಿನಗೂಲಿಗಳಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. 4 ವರ್ಷಗಳ ಹಿಂದೆ ಉಚ್ಛ ನ್ಯಾಯಾಲಯದ ಆದೇಶದನ್ವಯ ರಾಜ್ಯದಲ್ಲಿ 2,080 ದಿನಗೂಲಿ ನೌಕರರನ್ನು ಕಾಯಮಾತಿಗೊಳಿಸಲಾಗಿದೆ. ಆದರೆ ಇನ್ನೂ ಸಾಕಷ್ಟು ನೌಕರರ ಬದುಕು ಅತಂತ್ರದಲ್ಲಿಯೇ ಇದೆ. <br /> <br /> ಪಟ್ಟಣದಲ್ಲಿ 20 ವಾರ್ಡಗಳಿದ್ದು, ಈಗಾಗಲೇ ಜನಸಂಖ್ಯೆ 27,000 ದಾಟಿದೆ. ಪಟ್ಟಣ ಪಂಚಾಯ್ತಿಯು ಪುರಸಭೆಯಾಗುವ ಆದ್ಯತೆ ಪಟ್ಟಿಯಲ್ಲಿದೆ. ಪಟ್ಟಣ ದಿನೇ ದಿನೇ ಬೆಳೆಯುತ್ತಿದೆ. ಆದರೆ ಸಿಬ್ಬಂದಿಯ ಕೊರತೆಯಿದೆ. ಇರುವ ಸಿಬ್ಬಂದಿಯವರೇ ಪ್ರತಿದಿನ ಬಿಡುವಿಲ್ಲದಂತೆ ಕಾರ್ಯನಿರ್ವಹಿಸುತ್ತಿದ್ದಾರೆ. ಬೆಳಿಗ್ಗೆ 5ಗಂ.ಯಿಂದ 9 ಗಂ.ವರೆಗೆ, ಮಧ್ಯಾಹ್ನ 2ರಿಂದ 5ರವರೆಗೆ ಇವರ ಸ್ವಚ್ಛತೆ ಕಾರ್ಯ. ಎಲ್ಲಿಯಾದರೂ ಕಾರ್ಯಕ್ರಮ, ಸಭೆ, ಸಮಾರಂಭಗಳಿದ್ದಲ್ಲಿ ಅಲ್ಲಿಯೂ ಸ್ವಚ್ಛಗೊಳಿಸುವ ಕಾರ್ಯ ಇವರ ಹೆಗಲಿಗೆ ಬೀಳುತ್ತದೆ. <br /> <br /> `ಊರು ಸ್ವಚ್ಛ ಮಾಡೋ ಕೆಲ್ಸ ಪ್ರಾಮಾಣಿಕವಾಗಿ, ದಿನಾ ಕಷ್ಟಪಟ್ಟು ಮಾಡ್ತೀವಿ, ರಸ್ತೆ ಸ್ವಚ್ಛ ಆಗೇತೋ ಇಲ್ಲೋ ಅಂತ ನೋಡ್ತಾರ ಹೊರತು, ನೀವು ಹೆಂಗಿದೀರಿ, ನಿಮ್ ಜೀವನ ಹೆಂಗ ಅಂತ ಕೇಳೋರು ಯಾರೂ ಇಲ್ಲ ಸರ್~ ಎಂದು ದು:ಖದಿಂದ ಹೇಳುತ್ತಾರೆ ಪೌರ ಕಾರ್ಮಿಕ ಸಣ್ಣ ನಲ್ಲಪ್ಪ. <br /> <br /> `ನಮಗ ಯಾವುದೇ ಸೌಲಭ್ಯ ಇಲ್ಲ, ಕೆಲಸ ಕಾಯಂ ಇಲ್ಲ, ಆದ್ರೂ ನಾವು ಮೈಮುರ್ದು ದುಡೀತೀವಿ, ನಮ್ ಬಗ್ಗೆ ನಾವ ಚಿಂತಿ ಮಾಡ್ಬೇಕು, ಯಾರ್ಗೇನ್ ಆಗಬೇಕಾಗೈತಿ?~ ಎಂದು ಭೈರಪ್ಪ ಪ್ರಶ್ನಿಸುತ್ತಾರೆ. ಉತ್ತರಿಸುವವರಾದರೂ ಯಾರು? ಇದೇ ರೀತಿ ಅಂಜಿನಪ್ಪ, ಎಚ್.ನಾಗಪ್ಪ, ದುರುಗಪ್ಪ, ಹನುಮಂತಪ್ಪ ಹೀಗೆ ಹಲವಾರು ಜನ ಪಟ್ಟಣ ದೈನಂದಿನ ಚಟುವಟಿಕೆಗಳಿಗೆ ತಡೆಯಾಗದಂತೆ ದುಡಿಯುತ್ತಲೇ ಇದ್ದಾರೆ. ಇವರ ಬದುಕು ಮಾತ್ರ ಇನ್ನೂ ಹಸನಾಗಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
