<p>ಸಂಸಾರದ ಜಗಳ, ಅಳು, ಗೋಳಾಟ, ಅದೇ ಪುನಾರವರ್ತಿತ ಘಟನೆಗಳು, ಕಪ್ಪು-ಬಿಳುಪಿನ ಪಾತ್ರಗಳು, ಮನೆ ಒಳಗೆ ನಡೆಯುವ ಚರ್ವಿತಚರ್ವಣ ಸನ್ನಿವೇಶಗಳು. ಇಂಥ ಮೆಗಾ ಧಾರಾವಾಹಿಗಳನ್ನು ನೋಡಿ ಬೇಸತ್ತವರಿಗೆ ಇದೀಗ ಪತ್ತೇದಾರಿ ಧಾರಾವಾಹಿ ನೋಡುವ ಅವಕಾಶ. ದೂರದರ್ಶನದಲ್ಲಿ ಪ್ರಸಾರವಾಗುತ್ತಿದ್ದ `ಅಜಿತನ ಸಾಹಸ~ಗಳನ್ನು ನೋಡಿದ್ದ ಪ್ರೇಕ್ಷಕರಿಗೆ ಇಷ್ಟವಾಗುವಂತೆ `ಅಡ್ವೋಕೇಟ್ ಅರ್ಜುನ್~ ಈಗ ಸಿದ್ಧವಾಗುತ್ತಿದೆ.<br /> <br /> `ವಾರಕ್ಕೊಂದು ಕಥೆ ಪ್ರಸಾರ ಮಾಡಲಾಗುವುದು. ಅನವಶ್ಯಕವಾಗಿ ಕಥೆಯನ್ನು ಎಳೆಯುವುದಿಲ್ಲ~ ಎನ್ನುವ ಭರವಸೆ ನಿರ್ದೇಶಕ ಸುಧಾಕರ್ ಸಾಜ ಅವರಿಂದ ದೊರೆಯಿತು. <br /> <br /> `ಬರುತ್ತಿರುವ ಎಲ್ಲಾ ಮೆಗಾ ಧಾರಾವಾಹಿಗಳಿಗಿಂತ ತಮ್ಮದು ವಿಭಿನ್ನ. ಬಹುತೇಕ ಎಲ್ಲ ಧಾರಾವಾಹಿಗಳಲ್ಲಿ ಮನೆಯೊಳಗಿನ ಸನ್ನಿವೇಶಗಳೇ ಜಾಸ್ತಿ. ಮನೆಯ ಹೊರಗೆ ಅಂದರೆ ಒಂದೇ ಊರಿನಲ್ಲಿ ಚಿತ್ರೀಕರಣವಾಗುವುದೇ ಹೆಚ್ಚು. ಆದರೆ, ತಮ್ಮ ಧಾರಾವಾಹಿಯ ಪ್ರತಿ ಎಪಿಸೋಡನ್ನು ಬೇರೆ ಬೇರೆ ಊರುಗಳಲ್ಲಿ ಚಿತ್ರೀಕರಿಸುವ ಯೋಜನೆ ಇದೆ~ ಎಂದು ಸುಧಾಕರ್ ಹೇಳಿದರು. ಹೀಗೆ ಊರಿಂದ ಊರಿಗೆ ಪಯಣ ಬೆಳೆಸುವುದರಿಂದ ನಿರ್ಮಾಣ ವೆಚ್ಚ ಹೆಚ್ಚುವುದಾದರೂ ಗುಣಮಟ್ಟದ ಬಗ್ಗೆ ಅವರ ಗಮನವಂತೆ. <br /> <br /> `ಬದುಕಿನ ನೈಜ ಘಟನೆಗಳ ಸ್ಫೂರ್ತಿ ಈ ಧಾರಾವಾಹಿಗಿದೆ. ಆದರೆ ಯಾವ ಘಟನೆಗಳನ್ನೂ ನೇರವಾಗಿ ತೆಗೆದುಕೊಂಡಿಲ್ಲ. ನೈಜ ಘಟನೆಗಳ ಸ್ಫೂರ್ತಿಯಿಂದ ಕಾಲ್ಪನಿಕವಾಗಿ ಸೃಷ್ಟಿಸಿದ ಕಥಾಗುಚ್ಚ ಇದರಲ್ಲಿದೆ~ ಎಂದರು ಸಾಜ.<br /> <br /> ಅಡ್ವೊಕೇಟ್ ಅರ್ಜುನ್ ಪಾತ್ರದಲ್ಲಿ ರಾಜೇಶ್ ಕಾಣಿಸಿಕೊಳ್ಳುತ್ತಿದ್ದು, ಪ್ರತಿ ವಾರವೂ ಒಂದೊಂದು ಪ್ರಕರಣವನ್ನು ಬಗೆಹರಿಸಲಿದ್ದಾರೆ. ರಿಕಿ ಕೇಜ್ ಸಂಗೀತ ಮತ್ತು ಗುರು ಪ್ರಶಾಂತ್ ರೈ ಕಾಮೆರಾ ಈ ಧಾರಾವಾಹಿಗಿದೆ. ಸುಧಾಕರ್ ಸಾಜ ಅವರೇ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ.<br /> <br /> ಅಂದಹಾಗೆ, ಟಿ.ಎನ್.ಸೀತಾರಾಂ ಅವರ `ಮುಕ್ತ ಮುಕ್ತ~ ಧಾರಾವಾಹಿಯಲ್ಲಿನ ನ್ಯಾಯಾಲಯದ ದೃಶ್ಯಗಳು ವೀಕ್ಷಕರಿಗೆ ರೋಮಾಂಚನ ನೀಡುತ್ತಿರುವ ಸಂದರ್ಭದಲ್ಲೇ, ಅದಕ್ಕಿಂತಲೂ ಭಿನ್ನವಾದ ಕೋರ್ಟ್ ಸೀನ್ಗಳು `ಅಡ್ವೊಕೇಟ್ ಅರ್ಜುನ್~ ಧಾರಾವಾಹಿಯಲ್ಲಿ ಇರಲಿವೆಯಂತೆ.<br /> <br /> `ಅಡ್ವೊಕೇಟ್ ಅರ್ಜುನ್~ ಜೂನ್ 11ರಿಂದ ಪ್ರತಿ ಶನಿವಾರ ರಾತ್ರಿ 9ರಿಂದ ಒಂದು ತಾಸು `ಉದಯ ವಾಹಿನಿ~ಯಲ್ಲಿ ಪ್ರಸಾರವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಂಸಾರದ ಜಗಳ, ಅಳು, ಗೋಳಾಟ, ಅದೇ ಪುನಾರವರ್ತಿತ ಘಟನೆಗಳು, ಕಪ್ಪು-ಬಿಳುಪಿನ ಪಾತ್ರಗಳು, ಮನೆ ಒಳಗೆ ನಡೆಯುವ ಚರ್ವಿತಚರ್ವಣ ಸನ್ನಿವೇಶಗಳು. ಇಂಥ ಮೆಗಾ ಧಾರಾವಾಹಿಗಳನ್ನು ನೋಡಿ ಬೇಸತ್ತವರಿಗೆ ಇದೀಗ ಪತ್ತೇದಾರಿ ಧಾರಾವಾಹಿ ನೋಡುವ ಅವಕಾಶ. ದೂರದರ್ಶನದಲ್ಲಿ ಪ್ರಸಾರವಾಗುತ್ತಿದ್ದ `ಅಜಿತನ ಸಾಹಸ~ಗಳನ್ನು ನೋಡಿದ್ದ ಪ್ರೇಕ್ಷಕರಿಗೆ ಇಷ್ಟವಾಗುವಂತೆ `ಅಡ್ವೋಕೇಟ್ ಅರ್ಜುನ್~ ಈಗ ಸಿದ್ಧವಾಗುತ್ತಿದೆ.<br /> <br /> `ವಾರಕ್ಕೊಂದು ಕಥೆ ಪ್ರಸಾರ ಮಾಡಲಾಗುವುದು. ಅನವಶ್ಯಕವಾಗಿ ಕಥೆಯನ್ನು ಎಳೆಯುವುದಿಲ್ಲ~ ಎನ್ನುವ ಭರವಸೆ ನಿರ್ದೇಶಕ ಸುಧಾಕರ್ ಸಾಜ ಅವರಿಂದ ದೊರೆಯಿತು. <br /> <br /> `ಬರುತ್ತಿರುವ ಎಲ್ಲಾ ಮೆಗಾ ಧಾರಾವಾಹಿಗಳಿಗಿಂತ ತಮ್ಮದು ವಿಭಿನ್ನ. ಬಹುತೇಕ ಎಲ್ಲ ಧಾರಾವಾಹಿಗಳಲ್ಲಿ ಮನೆಯೊಳಗಿನ ಸನ್ನಿವೇಶಗಳೇ ಜಾಸ್ತಿ. ಮನೆಯ ಹೊರಗೆ ಅಂದರೆ ಒಂದೇ ಊರಿನಲ್ಲಿ ಚಿತ್ರೀಕರಣವಾಗುವುದೇ ಹೆಚ್ಚು. ಆದರೆ, ತಮ್ಮ ಧಾರಾವಾಹಿಯ ಪ್ರತಿ ಎಪಿಸೋಡನ್ನು ಬೇರೆ ಬೇರೆ ಊರುಗಳಲ್ಲಿ ಚಿತ್ರೀಕರಿಸುವ ಯೋಜನೆ ಇದೆ~ ಎಂದು ಸುಧಾಕರ್ ಹೇಳಿದರು. ಹೀಗೆ ಊರಿಂದ ಊರಿಗೆ ಪಯಣ ಬೆಳೆಸುವುದರಿಂದ ನಿರ್ಮಾಣ ವೆಚ್ಚ ಹೆಚ್ಚುವುದಾದರೂ ಗುಣಮಟ್ಟದ ಬಗ್ಗೆ ಅವರ ಗಮನವಂತೆ. <br /> <br /> `ಬದುಕಿನ ನೈಜ ಘಟನೆಗಳ ಸ್ಫೂರ್ತಿ ಈ ಧಾರಾವಾಹಿಗಿದೆ. ಆದರೆ ಯಾವ ಘಟನೆಗಳನ್ನೂ ನೇರವಾಗಿ ತೆಗೆದುಕೊಂಡಿಲ್ಲ. ನೈಜ ಘಟನೆಗಳ ಸ್ಫೂರ್ತಿಯಿಂದ ಕಾಲ್ಪನಿಕವಾಗಿ ಸೃಷ್ಟಿಸಿದ ಕಥಾಗುಚ್ಚ ಇದರಲ್ಲಿದೆ~ ಎಂದರು ಸಾಜ.<br /> <br /> ಅಡ್ವೊಕೇಟ್ ಅರ್ಜುನ್ ಪಾತ್ರದಲ್ಲಿ ರಾಜೇಶ್ ಕಾಣಿಸಿಕೊಳ್ಳುತ್ತಿದ್ದು, ಪ್ರತಿ ವಾರವೂ ಒಂದೊಂದು ಪ್ರಕರಣವನ್ನು ಬಗೆಹರಿಸಲಿದ್ದಾರೆ. ರಿಕಿ ಕೇಜ್ ಸಂಗೀತ ಮತ್ತು ಗುರು ಪ್ರಶಾಂತ್ ರೈ ಕಾಮೆರಾ ಈ ಧಾರಾವಾಹಿಗಿದೆ. ಸುಧಾಕರ್ ಸಾಜ ಅವರೇ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ.<br /> <br /> ಅಂದಹಾಗೆ, ಟಿ.ಎನ್.ಸೀತಾರಾಂ ಅವರ `ಮುಕ್ತ ಮುಕ್ತ~ ಧಾರಾವಾಹಿಯಲ್ಲಿನ ನ್ಯಾಯಾಲಯದ ದೃಶ್ಯಗಳು ವೀಕ್ಷಕರಿಗೆ ರೋಮಾಂಚನ ನೀಡುತ್ತಿರುವ ಸಂದರ್ಭದಲ್ಲೇ, ಅದಕ್ಕಿಂತಲೂ ಭಿನ್ನವಾದ ಕೋರ್ಟ್ ಸೀನ್ಗಳು `ಅಡ್ವೊಕೇಟ್ ಅರ್ಜುನ್~ ಧಾರಾವಾಹಿಯಲ್ಲಿ ಇರಲಿವೆಯಂತೆ.<br /> <br /> `ಅಡ್ವೊಕೇಟ್ ಅರ್ಜುನ್~ ಜೂನ್ 11ರಿಂದ ಪ್ರತಿ ಶನಿವಾರ ರಾತ್ರಿ 9ರಿಂದ ಒಂದು ತಾಸು `ಉದಯ ವಾಹಿನಿ~ಯಲ್ಲಿ ಪ್ರಸಾರವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
