<p>ತೋವಿನಕೆರೆ: ಗೋಶಾಲೆಯಲ್ಲಿ ಪಡ್ಡೆಕರುವೊಂದು ಹಗ್ಗ ಕಿತ್ತುಕೊಂಡು ಓಡಿತು. ಮಾಲೀಕ ಹರಸಾಹಸಪಟ್ಟರೂ ಕರು ಹಿಡಿಯಲು ಸಾಧ್ಯವಾಗಲಿಲ್ಲ. ಅಷ್ಟರಲ್ಲಿ ಓಡಿಬಂದ ಮುದಿಗೌಡನಹಟ್ಟಿಯ ಕಲಾವತಿ ಕರುವಿನ ಮೂಗುದಾರಕ್ಕೆ ಕೈ ಹಾಕಿ ಜಗ್ಗಿದಳು. ಒಂದು ಕ್ಷಣ ಗೋಶಾಲೆಯಲ್ಲಿದ್ದವರೆಲ್ಲ ಆವಕ್ಕಾದರು.<br /> <br /> ಬರಗಾಲದಿಂದ ಕಂಗಾಲಾಗಿರುವ ಗ್ರಾಮೀಣ ಭಾಗದ ರೈತರು ಗೋಶಾಲೆಗಳಿಗೆ ರಾಸುಗಳನ್ನು ಹೊಡೆದಿದ್ದಾರೆ. ದುಡಿಯುವ ಸಾಮರ್ಥ್ಯ ಇರುವವರು ಕೆಲಸ ಹುಡುಕಿ ಗುಳೆ ಹೊರಟರೆ, ಅಜ್ಜಂದಿರು ಗೋಶಾಲೆಗೆ ದನ ಹೊಡೆಯುವ ಕೆಲಸ ಮಾಡುತ್ತಿದ್ದಾರೆ. ಕೆಲವು ಮನೆಗಳಿಂದ ಅನಿವಾರ್ಯವಾಗಿ ಹೆಣ್ಣು ಮಕ್ಕಳೇ ಗೋಶಾಲೆಗೆ ದನ ತರುತ್ತಿದ್ದಾರೆ.<br /> <br /> ಇಂಥ ಹಲವು ಉದಾಹರಣೆಗಳು ತೋವಿನಕೆರೆ ಗೋಶಾಲೆಯಲ್ಲಿ ಸಿಗುತ್ತವೆ. ಇಲ್ಲಿ 15ಕ್ಕೂ ಹೆಚ್ಚು ಯುವತಿಯರು ಗೋ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಜಾನುವಾರುಗಳಿಗೆ ಮೇವು ಹಾಕುವುದು, ನೀರು ಕುಡಿಸುವುದು, ಮೈ ತೊಳೆಯುವುದು, ಸೆಗಣಿ ಬಾಚುವುದು ಸೇರಿದಂತೆ ಅನೇಕ ಕೆಲಸಗಳನ್ನು ಉತ್ಸಾಹದಿಂದ ಮಾಡುತ್ತಿದ್ದಾರೆ.<br /> <br /> ಗೋಶಾಲೆಯಲ್ಲಿ ದನಗಳಿಗೆ ಮೇವು ತಿನ್ನಿಸುತ್ತಿರುವ ಅನೇಕ ಯುವತಿಯರು ಪಿಯುಸಿ ಹಂತದ ಶಿಕ್ಷಣ ಪಡೆದಿದ್ದಾರೆ. ಓದಿದವರು ಪಟ್ಟಣ ಸೇರಬೇಕು ಎಂಬ ಜನಪ್ರಿಯ ನಂಬಿಕೆಗೆ ವ್ಯತಿರಿಕ್ತವಾಗಿ, `ಪಶುಪಾಲನೆ ನಮ್ಮ ಕುಟುಂಬದ ವೃತ್ತಿ. ಅದನ್ನು ಮುಂದುವರಿಸುವುದರಲ್ಲಿ ಅವಮಾನವಿಲ್ಲ~ ಎಂದು ಆತ್ಮವಿಶ್ವಾಸದಿಂದ ಬೀಗುತ್ತಾರೆ.<br /> <br /> `ನಾನು ಚಿಕ್ಕ ಹುಡುಗಿಯಿಂದ ದನಗಳ ಜೊತೆಗೆ ಆಡಿ ಬೆಳೆದವಳು. ಪಶುಪಾಲನೆಯಿಂದ ಸಂತೋಷ ಸಿಗುತ್ತದೆ. ಕಲಿತವರು ಸೆಗಣಿ ಬಾಚಬಾರದು ಎಂಬ ಪೊಳ್ಳು ಮಾತನ್ನು ನಾನು ಒಪ್ಪುವುದಿಲ್ಲ. ನನಗೆ ಇಂದಿಗೂ ದನಗಳ ಒಡನಾಟ ಖುಷಿ ಕೊಡುತ್ತದೆ~ ಎನ್ನುತ್ತಾರೆ ಪಿಯುಸಿ ಶಿಕ್ಷಣ ಪಡೆದಿರುವ ವೀಣಾ.<br /> <br /> `ನನಗೆ ಪದವಿ ಶಿಕ್ಷಣ ಪಡೆಯುವ ಆಸೆಯಿದೆ. ಶಿಕ್ಷಣ ಮುಗಿದ ನಂತರ 10 ಉತ್ತಮ ತಳಿಯ ಹಸುಗಳನ್ನು ಸಾಕಿ ಸ್ವಾವಲಂಬಿಯಾಗಿ ಬದುಕುತ್ತೇನೆ. ಇನ್ನೊಬ್ಬರ ಕೈಕೆಳಗೆ ಕೆಲಸ ಮಾಡುವುದಿಲ್ಲ~ ಎನ್ನುತ್ತಾರೆ ಸೂರೇನಹಳ್ಳಿಯ ರಮ್ಯಾ.<br /> <br /> `ಸರ್ಕಾರದವರು ರಾಸುಗಳಿಗೆ ಪ್ರತಿದಿನ 8 ಕೆ.ಜಿ ಹುಲ್ಲು ಕೊಡುತ್ತಿದ್ದಾರೆ. ಸರ್ಕಾರ ಗೋಶಾಲೆ ತೆರೆಯುವ ಮೊದಲು ನಮ್ಮ ಹಸುಗಳು ಹಸಿವಿನಿಂದ ಅರಚುತ್ತಿದ್ದವು. ಈಗ ರಾತ್ರಿ ವೇಳೆ ನೆಮ್ಮದಿಯಾಗಿ ಮೆಲುಕು ಹಾಕುತ್ತವೆ. ನಾವು ನಿಶ್ಚಿಂತೆಯಿಂದ ಮಲಗುತ್ತೇವೆ~ ಎನ್ನುತ್ತಾರೆ ಸೂರೇನಹಳ್ಳಿ ಕಾವ್ಯಾ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ತೋವಿನಕೆರೆ: ಗೋಶಾಲೆಯಲ್ಲಿ ಪಡ್ಡೆಕರುವೊಂದು ಹಗ್ಗ ಕಿತ್ತುಕೊಂಡು ಓಡಿತು. ಮಾಲೀಕ ಹರಸಾಹಸಪಟ್ಟರೂ ಕರು ಹಿಡಿಯಲು ಸಾಧ್ಯವಾಗಲಿಲ್ಲ. ಅಷ್ಟರಲ್ಲಿ ಓಡಿಬಂದ ಮುದಿಗೌಡನಹಟ್ಟಿಯ ಕಲಾವತಿ ಕರುವಿನ ಮೂಗುದಾರಕ್ಕೆ ಕೈ ಹಾಕಿ ಜಗ್ಗಿದಳು. ಒಂದು ಕ್ಷಣ ಗೋಶಾಲೆಯಲ್ಲಿದ್ದವರೆಲ್ಲ ಆವಕ್ಕಾದರು.<br /> <br /> ಬರಗಾಲದಿಂದ ಕಂಗಾಲಾಗಿರುವ ಗ್ರಾಮೀಣ ಭಾಗದ ರೈತರು ಗೋಶಾಲೆಗಳಿಗೆ ರಾಸುಗಳನ್ನು ಹೊಡೆದಿದ್ದಾರೆ. ದುಡಿಯುವ ಸಾಮರ್ಥ್ಯ ಇರುವವರು ಕೆಲಸ ಹುಡುಕಿ ಗುಳೆ ಹೊರಟರೆ, ಅಜ್ಜಂದಿರು ಗೋಶಾಲೆಗೆ ದನ ಹೊಡೆಯುವ ಕೆಲಸ ಮಾಡುತ್ತಿದ್ದಾರೆ. ಕೆಲವು ಮನೆಗಳಿಂದ ಅನಿವಾರ್ಯವಾಗಿ ಹೆಣ್ಣು ಮಕ್ಕಳೇ ಗೋಶಾಲೆಗೆ ದನ ತರುತ್ತಿದ್ದಾರೆ.<br /> <br /> ಇಂಥ ಹಲವು ಉದಾಹರಣೆಗಳು ತೋವಿನಕೆರೆ ಗೋಶಾಲೆಯಲ್ಲಿ ಸಿಗುತ್ತವೆ. ಇಲ್ಲಿ 15ಕ್ಕೂ ಹೆಚ್ಚು ಯುವತಿಯರು ಗೋ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಜಾನುವಾರುಗಳಿಗೆ ಮೇವು ಹಾಕುವುದು, ನೀರು ಕುಡಿಸುವುದು, ಮೈ ತೊಳೆಯುವುದು, ಸೆಗಣಿ ಬಾಚುವುದು ಸೇರಿದಂತೆ ಅನೇಕ ಕೆಲಸಗಳನ್ನು ಉತ್ಸಾಹದಿಂದ ಮಾಡುತ್ತಿದ್ದಾರೆ.<br /> <br /> ಗೋಶಾಲೆಯಲ್ಲಿ ದನಗಳಿಗೆ ಮೇವು ತಿನ್ನಿಸುತ್ತಿರುವ ಅನೇಕ ಯುವತಿಯರು ಪಿಯುಸಿ ಹಂತದ ಶಿಕ್ಷಣ ಪಡೆದಿದ್ದಾರೆ. ಓದಿದವರು ಪಟ್ಟಣ ಸೇರಬೇಕು ಎಂಬ ಜನಪ್ರಿಯ ನಂಬಿಕೆಗೆ ವ್ಯತಿರಿಕ್ತವಾಗಿ, `ಪಶುಪಾಲನೆ ನಮ್ಮ ಕುಟುಂಬದ ವೃತ್ತಿ. ಅದನ್ನು ಮುಂದುವರಿಸುವುದರಲ್ಲಿ ಅವಮಾನವಿಲ್ಲ~ ಎಂದು ಆತ್ಮವಿಶ್ವಾಸದಿಂದ ಬೀಗುತ್ತಾರೆ.<br /> <br /> `ನಾನು ಚಿಕ್ಕ ಹುಡುಗಿಯಿಂದ ದನಗಳ ಜೊತೆಗೆ ಆಡಿ ಬೆಳೆದವಳು. ಪಶುಪಾಲನೆಯಿಂದ ಸಂತೋಷ ಸಿಗುತ್ತದೆ. ಕಲಿತವರು ಸೆಗಣಿ ಬಾಚಬಾರದು ಎಂಬ ಪೊಳ್ಳು ಮಾತನ್ನು ನಾನು ಒಪ್ಪುವುದಿಲ್ಲ. ನನಗೆ ಇಂದಿಗೂ ದನಗಳ ಒಡನಾಟ ಖುಷಿ ಕೊಡುತ್ತದೆ~ ಎನ್ನುತ್ತಾರೆ ಪಿಯುಸಿ ಶಿಕ್ಷಣ ಪಡೆದಿರುವ ವೀಣಾ.<br /> <br /> `ನನಗೆ ಪದವಿ ಶಿಕ್ಷಣ ಪಡೆಯುವ ಆಸೆಯಿದೆ. ಶಿಕ್ಷಣ ಮುಗಿದ ನಂತರ 10 ಉತ್ತಮ ತಳಿಯ ಹಸುಗಳನ್ನು ಸಾಕಿ ಸ್ವಾವಲಂಬಿಯಾಗಿ ಬದುಕುತ್ತೇನೆ. ಇನ್ನೊಬ್ಬರ ಕೈಕೆಳಗೆ ಕೆಲಸ ಮಾಡುವುದಿಲ್ಲ~ ಎನ್ನುತ್ತಾರೆ ಸೂರೇನಹಳ್ಳಿಯ ರಮ್ಯಾ.<br /> <br /> `ಸರ್ಕಾರದವರು ರಾಸುಗಳಿಗೆ ಪ್ರತಿದಿನ 8 ಕೆ.ಜಿ ಹುಲ್ಲು ಕೊಡುತ್ತಿದ್ದಾರೆ. ಸರ್ಕಾರ ಗೋಶಾಲೆ ತೆರೆಯುವ ಮೊದಲು ನಮ್ಮ ಹಸುಗಳು ಹಸಿವಿನಿಂದ ಅರಚುತ್ತಿದ್ದವು. ಈಗ ರಾತ್ರಿ ವೇಳೆ ನೆಮ್ಮದಿಯಾಗಿ ಮೆಲುಕು ಹಾಕುತ್ತವೆ. ನಾವು ನಿಶ್ಚಿಂತೆಯಿಂದ ಮಲಗುತ್ತೇವೆ~ ಎನ್ನುತ್ತಾರೆ ಸೂರೇನಹಳ್ಳಿ ಕಾವ್ಯಾ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
