ಬಡತನ ಮುಕ್ತ ವಿಶ್ವ: ಕಿಮ್ ಕನಸು

ವಾಷಿಂಗ್ಟನ್ (ಪಿಟಿಐ): ಕೊರಿಯಾ ಮೂಲದ, ಅಮೆರಿಕ ಪೌರತ್ವ ಪಡೆದುಕೊಂಡಿರುವ ವೈದ್ಯ ಜಿಮ್ ಯೊಂಗ್ ಕಿಮ್ ಅವರು ವಿಶ್ವ ಬ್ಯಾಂಕ್ನ ನೂತನ ಅಧ್ಯಕ್ಷರಾಗಿ ಆಯ್ಕೆ ಆಗಿದ್ದು, ಜುಲೈ 1ರಿಂದ ಅವರ ಅಧಿಕಾರಾವಧಿ ಆರಂಭವಾಗಲಿದೆ.

`ಕ್ಷಿಪ್ರ ಗತಿಯಲ್ಲಿ ಆಗುತ್ತಿರುವ ಜಾಗತಿಕ ಬದಲಾವಣೆಗೆ ಅನುಗುಣವಾಗಿ ವಿಶ್ವ ಬ್ಯಾಂಕ್ನ ಸಮೂಹದಲ್ಲಿ ಮರು ಹೊಂದಾಣಿಕೆ ಅಪೇಕ್ಷಣೀಯ~ ಎಂದು ಕಿಮ್ ಹೇಳಿದ್ದಾರೆ.

`ಹಳೆಯ ಮತ್ತು ಹೊಸ ಮಿತ್ರರೊಂದಿಗೆ ಸ್ನೇಹ- ಸೌಹಾರ್ದದಿಂದ ಕಲೆತು ಸಂಸ್ಥೆಯನ್ನು ಸದೃಢಗೊಳಿಸಬೇಕಿದೆ. ದಾನಿಗಳು ಮತ್ತು ಗ್ರಾಹಕರ ಅಪೇಕ್ಷೆಗೆ ತಕ್ಕಂತೆ ಹೆಚ್ಚಿನ ಕಾರ್ಯಕ್ಷಮತೆಯಿಂದ ಸೇವೆ ಒದಗಿಸುವ ಮೂಲಕ ಸುಸ್ಥಿರ ಪ್ರಗತಿ ಸಾಧಿಸಬೇಕಿದೆ. ಜೊತೆಗೆ ಅಭಿವೃದ್ಧಿಶೀಲ ರಾಷ್ಟ್ರಗಳ ಧ್ವನಿಯನ್ನು ವರ್ಧಿಸುವ ಅಗತ್ಯವೂ ಇದೆ. ಬಡತನ ಮುಕ್ತ ವಿಶ್ವವೇ ನಮ್ಮ ಕನಸು~ ಎಂದಿದ್ದಾರೆ.

ಜಿಮ್ ಯೊಂಗ್ ಕಿಮ್ (52) ಅವರೊಂದಿಗೆ ನೈಜೀರಿಯಾದ ಹಣಕಾಸು ಸಚಿವ ಗೋಜಿ ಒಕೊಂಜೊ-ಐವಿಯಾಲ್ ಮತ್ತು ಕೊಲಂಬಿಯಾದ ಮಾಜಿ ಸಚಿವ ಜೋಸ್ ಆಂಟೊನಿಯೊ ಒಕಾಂಪೊ ಅವರು ವಿಶ್ವ ಬ್ಯಾಂಕ್ ಅಧ್ಯಕ್ಷ ಸ್ಥಾನದ ಆಕಾಂಕ್ಷಿಗಳಾಗಿದ್ದರು. ಆದರೆ, ಅಮೆರಿಕ ಬೆಂಬಲಿತ ಅಭ್ಯರ್ಥಿಯಾದ ಕಿಮ್ ಚುನಾಯಿತರಾದರು.

ದಕ್ಷಿಣ ಕೊರಿಯಾದ ಸೋಲ್ನಲ್ಲಿ ಜನಿಸಿದ ಕಿಮ್, ಸದ್ಯಕ್ಕೆ ಡಾರ್ಟ್ಮೌತ್ ಕಾಲೇಜಿನ ಅಧ್ಯಕ್ಷರಾಗಿದ್ದಾರೆ. `ಪಾರ್ಟನರ್ಸ್ ಇನ್ ಹೆಲ್ತ್~ (ಪಿಐಎಚ್) ಸಂಸ್ಥೆ ಸಂಸ್ಥಾಪಕ ಸದಸ್ಯರಲ್ಲಿ ಒಬ್ಬರಾದ ಅವರು, ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯೂಎಚ್ಒ) ಎಚ್ಐವಿ/ಏಡ್ಸ್ ವಿಭಾಗದ ಮಾಜಿ ನಿರ್ದೇಶಕರು.

ವಿಶ್ವ ಬ್ಯಾಂಕ್ನ ಹಾಲಿ ಅಧ್ಯಕ್ಷ ರಾಬರ್ಟ್ ಬಿ ಜಿಯೊಲಿಕ್ ಅವರ ಐದು ವರ್ಷಗಳ ಅವಧಿ ಜೂನ್ ಅಂತ್ಯಕ್ಕೆ ಮುಗಿಯಲಿದೆ.

. `ಮಾರುಕಟ್ಟೆ ಆಧಾರಿತ ಪ್ರಗತಿಗೆ ಆದ್ಯತೆ~ ಲಂಡನ್ (ಐಎಎನ್ಎಸ್): ಮಾರುಕಟ್ಟೆ ಆಧಾರಿತ ಪ್ರಗತಿಯೇ ಎಲ್ಲಾ ರಾಷ್ಟ್ರಗಳ ಮೊದಲ ಆದ್ಯತೆ ಆಗಬೇಕು. ಇದು ಉದ್ಯೋಗ ಸೃಷ್ಟಿ ಮತ್ತು ದೇಶವನ್ನು ಬಡತನದಿಂದ ಹೊರತರುವ ಮಾರ್ಗ ಎಂದು ವಿಶ್ವ ಬ್ಯಾಂಕ್ ನಿಯೋಜಿತ ಅಧ್ಯಕ್ಷ ಜಿಮ್ ಯೊಂಗ್ ಕಿಮ್ ಹೇಳಿದ್ದಾರೆ.

`ಬಿಬಿಸಿ~ ವಾಹಿನಿಯೊಂದಿಗೆ ಮಾತನಾಡಿರುವ ಅವರು, `ಒಂದೇ ದೃಷ್ಟಿಕೋನ ಇಲ್ಲವೆ ನಿರ್ದಿಷ್ಟ ರಾಜಕೀಯ ನೋಟವನ್ನು ಇಟ್ಟುಕೊಂಡು ಕೆಲಸ ಮಾಡುವುದಿಲ್ಲ. ವಿಶ್ವ ಬ್ಯಾಂಕ್ನ ಯೋಜನೆಗಳು ಫಲಪ್ರದವಾಗಬೇಕಿದ್ದರೆ ವಿವಿಧೆಡೆಯ ಸಾಂಸ್ಕೃತಿಕ, ಸಾಮಾಜಿಕ ಸ್ಥಿತಿಗತಿಗಳನ್ನು ಗಮನದಲ್ಲಿ ಇಟ್ಟುಕೊಳ್ಳುವುದು ಅಗತ್ಯ~ ಎಂದಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಡತನ ಮುಕ್ತ ವಿಶ್ವ: ಕಿಮ್ ಕನಸು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ