<p>ಬೆಂಗಳೂರು: ನಗರದ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದ ಕೆಎಸ್ಸಿಎ ಕ್ಲಬ್ಹೌಸ್ ಮುಂಭಾಗದ ರಸ್ತೆಯಲ್ಲಿ ಸಾರ್ವಜನಿಕ ವಾಹನಗಳು ಪ್ರವೇಶಿಸದಂತೆ ಕೆಎಸ್ಸಿಎ ಆಡಳಿತ ಕಳೆದ ನಾಲ್ಕು ದಿನಗಳಿಂದ ನಿರ್ಬಂಧ ವಿಧಿಸಿದೆ. ಕೆಎಸ್ಸಿಎ ಸದಸ್ಯರು ಮತ್ತು ಮೆಟ್ರೊ ರೈಲು ನಿಗಮದ ಸಿಬ್ಬಂದಿ ವಾಹನಗಳಿಗೆ ಮಾತ್ರ ಈ ರಸ್ತೆಗೆ ಹೋಗಲು ಅವಕಾಶ ನೀಡಲಾಗುತ್ತಿದೆ.<br /> <br /> ಎಂ.ಜಿ. ರಸ್ತೆಯಿಂದ ಕ್ಲಬ್ಹೌಸ್ ಮೂಲಕ ಹೋಗುವ ಈ ಮಾರ್ಗ ಕಬ್ಬನ್ ರಸ್ತೆಗೆ ಸಂಪರ್ಕ ಕಲ್ಪಿಸುತ್ತದೆ. ಮೆಟ್ರೊ ಮಾರ್ಗ ನಿರ್ಮಾಣ ಕಾಮಗಾರಿ ನಡೆದಿರುವ ಕಾರಣ ಕಬ್ಬನ್ ರಸ್ತೆ ಕಡೆಯಿಂದ ಪ್ರವೇಶಿಸುವ ತುದಿಯನ್ನು ಮುಚ್ಚಲಾಗಿದೆ. ಈ ರಸ್ತೆಯನ್ನು ಕೆಎಸ್ಸಿಎ ಸದಸ್ಯರಲ್ಲದೆ ಸಾರ್ವಜನಿಕರೂ ವಾಹನಗಳ ನಿಲುಗಡೆಗೆ ಬಳಕೆ ಮಾಡುತ್ತಿದ್ದರು.<br /> <br /> ಬಿಬಿಎಂಪಿಗೆ ಸೇರಿದ ಈ ರಸ್ತೆ ಇದಾಗಿದ್ದು, ಮೆಟ್ರೊ ಮಾರ್ಗ ನಿರ್ಮಾಣ ಕಾಮಗಾರಿ ಮುಗಿಯುವವರೆಗೆ ನಿರ್ವಹಣೆ ಮಾಡಲು ವಾರದ ಹಿಂದೆಯಷ್ಟೇ ಕೆಎಸ್ಸಿಎಗೆ ಹಸ್ತಾಂತರಿಸಲಾಗಿದೆ. ಕೆಎಸ್ಸಿಎ ಆಡಳಿತ ಎಂ.ಜಿ. ರಸ್ತೆಯಿಂದ ಈ ಮಾರ್ಗದ ಪ್ರವೇಶ ಸ್ಥಳದಲ್ಲಿಯೇ ಸಂಚಾರ ತಡೆ ಗೇಟ್ ಅಳವಡಿಸಿದ್ದು, ಭದ್ರತಾ ಸಿಬ್ಬಂದಿಯನ್ನೂ ನಿಯೋಜಿಸಿದೆ.<br /> <br /> ‘ಸಂಚಾರಕ್ಕೆ ಮುಕ್ತವಾಗುವವರೆಗೆ ಕ್ಲಬ್ಹೌಸ್ ರಸ್ತೆಯನ್ನು ನಿರ್ವಹಣೆ ಮಾಡಲು ಕೆಎಸ್ಸಿಎಗೆ ನಾವೇ ಅನುಮತಿ ನೀಡಿದ್ದೇವೆ’ ಎಂದು ಕಾರ್ಯನಿರ್ವಾಹಕ ಎಂಜಿನಿಯರ್ ಎಸ್.ನರಸಿಂಹರಾಜು ಹೇಳುತ್ತಾರೆ.<br /> <br /> ‘ಕಬ್ಬನ್ ರಸ್ತೆ ಕಡೆಗಿನ ತುದಿಯನ್ನು ಮುಚ್ಚಲಾಗಿದ್ದರಿಂದ ಈ ಮಾರ್ಗದಲ್ಲಿ ವಾಹನ ಸಂಚಾರ ಇಲ್ಲ. ಇದರಿಂದ ಅನೈತಿಕ ಚಟುವಟಿಕೆಗಳು ನಡೆಯುತ್ತಿವೆ ಎಂಬ ದೂರು ಕೆಎಸ್ಸಿಎಯಿಂದ ಬಂದಿತ್ತು. ರಸ್ತೆ ನಿರ್ವಹಣೆಗೆ ಅವರು ಆಸಕ್ತಿ ವಹಿಸಿದ್ದರಿಂದ ಈ ಅನುಮತಿಯನ್ನು ನೀಡಿದ್ದೇವೆ’ ಎಂದು ಅವರು ವಿವರಿಸುತ್ತಾರೆ.<br /> <br /> ‘ಇದೊಂದು ತಾತ್ಪೂರ್ತಿಕ ವ್ಯವಸ್ಥೆಯಾಗಿದ್ದು, ಮೆಟ್ರೊ ಕಾಮಗಾರಿ ಮುಗಿದ ಬಳಿಕ ರಸ್ತೆ ನಿರ್ವಹಣೆ ಹೊಣೆಯನ್ನು ಬಿಬಿಎಂಪಿಯೇ ಹೊರಲಿದೆ’ ಎಂದು ತಿಳಿಸುತ್ತಾರೆ.<br /> <br /> ಎಂ.ಜಿ. ರಸ್ತೆಯೂ ಸೇರಿದಂತೆ ಸುತ್ತಲಿನ ಪ್ರದೇಶಗಳ ಕಚೇರಿಗಳಲ್ಲಿ ಕೆಲಸ ಮಾಡುವ ಸಿಬ್ಬಂದಿಗೆ ಈ ರಸ್ತೆ ವಾಹನ ನಿಲುಗಡೆ ತಾಣವಾಗಿ ಮಾರ್ಪಟ್ಟಿತ್ತು. ಈ ರಸ್ತೆಯಲ್ಲಿ ಸಂಚಾರವೂ ಇಲ್ಲದ್ದರಿಂದ ವಾಹನಗಳ ನಿಲುಗಡೆಗೆ ಅನುಕೂಲ ಆಗಿತ್ತು.<br /> <br /> ಮೆಟ್ರೊ ಮಾರ್ಗ ನಿರ್ಮಾಣಕ್ಕೆ ಮಾರ್ಗವನ್ನು 2011ರಲ್ಲೇ ಬಂದ್ ಮಾಡಲಾಗಿದೆ. ಇದುವರೆಗೆ ಇಲ್ಲದ ಸಮಸ್ಯೆ ಏಕಾಏಕಿ ಉದ್ಭವವಾದದ್ದು ಹೇಗೆ ಎಂಬ ಪ್ರಶ್ನೆ ಸಾರ್ವಜನಿಕರದು. ಪಂದ್ಯಗಳು ನಡೆದಾಗ ಭದ್ರತಾ ವ್ಯವಸ್ಥೆಗೆ ರಸ್ತೆಯನ್ನು ಮುಚ್ಚಲಾಗುತ್ತದೆ. ಆಗಿನ ಸಮಸ್ಯೆ ನಮಗೂ ಅರ್ಥವಾಗುತ್ತದೆ. ಆದರೆ, ಸಾರ್ವಜನಿಕರ ಉಪಯೋಗಕ್ಕೆ ಮೀಸಲಾದ ಈ ರಸ್ತೆಯನ್ನು ಕೆಎಸ್ಸಿಎ ಈಗ ಮುಚ್ಚಿದ್ದೇಕೆ ಎಂದು ಪ್ರಶ್ನಿಸುತ್ತಾರೆ.<br /> <br /> ‘ಬಿಬಿಎಂಪಿ ಹಾಗೂ ಪೊಲೀಸ್ ಇಲಾಖೆ ಅನುಮತಿ ಪಡೆಯಲಾಗಿದ್ದು, ಭದ್ರತಾ ಕಾರಣಗಳಿಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಕಾರಿನಲ್ಲೇ ಕುಳಿತು ಮದ್ಯಸೇವನೆ ಮಾಡಿ, ಗಲಾಟೆ ನಡೆಸಿದ ಪ್ರಕರಣಗಳು ಇಲ್ಲಿ ನಡೆದಿವೆ. ಅನೈತಿಕ ಚಟುವಟಿಕೆಗಳು ನಡೆಯುತ್ತಿರುವ ಕುರಿತು ನಮ್ಮ ಭದ್ರತಾ ಸಿಬ್ಬಂದಿ ದೂರಿದ್ದರಿಂದ ಈ ಕ್ರಮ ಕೈಗೊಂಡಿದ್ದೇವೆ’ ಎಂದು ಕೆಎಸ್ಸಿಎ ಅಧಿಕಾರಿಗಳು ಹೇಳುತ್ತಾರೆ. ‘ರಸ್ತೆಯು ಸಾರ್ವಜನಿಕರ ಸ್ವತ್ತಾಗಿದ್ದು, ಕೆಎಸ್ಸಿಎ ನಿರ್ಬಂಧದಿಂದ ಮುಕ್ತಗೊಳಿಸಬೇಕು’ ಎಂದು ಇಲ್ಲಿ ನಿತ್ಯ ವಾಹನ ನಿಲುಗಡೆ ಮಾಡುತ್ತಿದ್ದ ಸಾರ್ವಜನಿಕರು ಬಿಬಿಎಂಪಿ ಆಯುಕ್ತರನ್ನು ಆಗ್ರಹಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ನಗರದ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದ ಕೆಎಸ್ಸಿಎ ಕ್ಲಬ್ಹೌಸ್ ಮುಂಭಾಗದ ರಸ್ತೆಯಲ್ಲಿ ಸಾರ್ವಜನಿಕ ವಾಹನಗಳು ಪ್ರವೇಶಿಸದಂತೆ ಕೆಎಸ್ಸಿಎ ಆಡಳಿತ ಕಳೆದ ನಾಲ್ಕು ದಿನಗಳಿಂದ ನಿರ್ಬಂಧ ವಿಧಿಸಿದೆ. ಕೆಎಸ್ಸಿಎ ಸದಸ್ಯರು ಮತ್ತು ಮೆಟ್ರೊ ರೈಲು ನಿಗಮದ ಸಿಬ್ಬಂದಿ ವಾಹನಗಳಿಗೆ ಮಾತ್ರ ಈ ರಸ್ತೆಗೆ ಹೋಗಲು ಅವಕಾಶ ನೀಡಲಾಗುತ್ತಿದೆ.<br /> <br /> ಎಂ.ಜಿ. ರಸ್ತೆಯಿಂದ ಕ್ಲಬ್ಹೌಸ್ ಮೂಲಕ ಹೋಗುವ ಈ ಮಾರ್ಗ ಕಬ್ಬನ್ ರಸ್ತೆಗೆ ಸಂಪರ್ಕ ಕಲ್ಪಿಸುತ್ತದೆ. ಮೆಟ್ರೊ ಮಾರ್ಗ ನಿರ್ಮಾಣ ಕಾಮಗಾರಿ ನಡೆದಿರುವ ಕಾರಣ ಕಬ್ಬನ್ ರಸ್ತೆ ಕಡೆಯಿಂದ ಪ್ರವೇಶಿಸುವ ತುದಿಯನ್ನು ಮುಚ್ಚಲಾಗಿದೆ. ಈ ರಸ್ತೆಯನ್ನು ಕೆಎಸ್ಸಿಎ ಸದಸ್ಯರಲ್ಲದೆ ಸಾರ್ವಜನಿಕರೂ ವಾಹನಗಳ ನಿಲುಗಡೆಗೆ ಬಳಕೆ ಮಾಡುತ್ತಿದ್ದರು.<br /> <br /> ಬಿಬಿಎಂಪಿಗೆ ಸೇರಿದ ಈ ರಸ್ತೆ ಇದಾಗಿದ್ದು, ಮೆಟ್ರೊ ಮಾರ್ಗ ನಿರ್ಮಾಣ ಕಾಮಗಾರಿ ಮುಗಿಯುವವರೆಗೆ ನಿರ್ವಹಣೆ ಮಾಡಲು ವಾರದ ಹಿಂದೆಯಷ್ಟೇ ಕೆಎಸ್ಸಿಎಗೆ ಹಸ್ತಾಂತರಿಸಲಾಗಿದೆ. ಕೆಎಸ್ಸಿಎ ಆಡಳಿತ ಎಂ.ಜಿ. ರಸ್ತೆಯಿಂದ ಈ ಮಾರ್ಗದ ಪ್ರವೇಶ ಸ್ಥಳದಲ್ಲಿಯೇ ಸಂಚಾರ ತಡೆ ಗೇಟ್ ಅಳವಡಿಸಿದ್ದು, ಭದ್ರತಾ ಸಿಬ್ಬಂದಿಯನ್ನೂ ನಿಯೋಜಿಸಿದೆ.<br /> <br /> ‘ಸಂಚಾರಕ್ಕೆ ಮುಕ್ತವಾಗುವವರೆಗೆ ಕ್ಲಬ್ಹೌಸ್ ರಸ್ತೆಯನ್ನು ನಿರ್ವಹಣೆ ಮಾಡಲು ಕೆಎಸ್ಸಿಎಗೆ ನಾವೇ ಅನುಮತಿ ನೀಡಿದ್ದೇವೆ’ ಎಂದು ಕಾರ್ಯನಿರ್ವಾಹಕ ಎಂಜಿನಿಯರ್ ಎಸ್.ನರಸಿಂಹರಾಜು ಹೇಳುತ್ತಾರೆ.<br /> <br /> ‘ಕಬ್ಬನ್ ರಸ್ತೆ ಕಡೆಗಿನ ತುದಿಯನ್ನು ಮುಚ್ಚಲಾಗಿದ್ದರಿಂದ ಈ ಮಾರ್ಗದಲ್ಲಿ ವಾಹನ ಸಂಚಾರ ಇಲ್ಲ. ಇದರಿಂದ ಅನೈತಿಕ ಚಟುವಟಿಕೆಗಳು ನಡೆಯುತ್ತಿವೆ ಎಂಬ ದೂರು ಕೆಎಸ್ಸಿಎಯಿಂದ ಬಂದಿತ್ತು. ರಸ್ತೆ ನಿರ್ವಹಣೆಗೆ ಅವರು ಆಸಕ್ತಿ ವಹಿಸಿದ್ದರಿಂದ ಈ ಅನುಮತಿಯನ್ನು ನೀಡಿದ್ದೇವೆ’ ಎಂದು ಅವರು ವಿವರಿಸುತ್ತಾರೆ.<br /> <br /> ‘ಇದೊಂದು ತಾತ್ಪೂರ್ತಿಕ ವ್ಯವಸ್ಥೆಯಾಗಿದ್ದು, ಮೆಟ್ರೊ ಕಾಮಗಾರಿ ಮುಗಿದ ಬಳಿಕ ರಸ್ತೆ ನಿರ್ವಹಣೆ ಹೊಣೆಯನ್ನು ಬಿಬಿಎಂಪಿಯೇ ಹೊರಲಿದೆ’ ಎಂದು ತಿಳಿಸುತ್ತಾರೆ.<br /> <br /> ಎಂ.ಜಿ. ರಸ್ತೆಯೂ ಸೇರಿದಂತೆ ಸುತ್ತಲಿನ ಪ್ರದೇಶಗಳ ಕಚೇರಿಗಳಲ್ಲಿ ಕೆಲಸ ಮಾಡುವ ಸಿಬ್ಬಂದಿಗೆ ಈ ರಸ್ತೆ ವಾಹನ ನಿಲುಗಡೆ ತಾಣವಾಗಿ ಮಾರ್ಪಟ್ಟಿತ್ತು. ಈ ರಸ್ತೆಯಲ್ಲಿ ಸಂಚಾರವೂ ಇಲ್ಲದ್ದರಿಂದ ವಾಹನಗಳ ನಿಲುಗಡೆಗೆ ಅನುಕೂಲ ಆಗಿತ್ತು.<br /> <br /> ಮೆಟ್ರೊ ಮಾರ್ಗ ನಿರ್ಮಾಣಕ್ಕೆ ಮಾರ್ಗವನ್ನು 2011ರಲ್ಲೇ ಬಂದ್ ಮಾಡಲಾಗಿದೆ. ಇದುವರೆಗೆ ಇಲ್ಲದ ಸಮಸ್ಯೆ ಏಕಾಏಕಿ ಉದ್ಭವವಾದದ್ದು ಹೇಗೆ ಎಂಬ ಪ್ರಶ್ನೆ ಸಾರ್ವಜನಿಕರದು. ಪಂದ್ಯಗಳು ನಡೆದಾಗ ಭದ್ರತಾ ವ್ಯವಸ್ಥೆಗೆ ರಸ್ತೆಯನ್ನು ಮುಚ್ಚಲಾಗುತ್ತದೆ. ಆಗಿನ ಸಮಸ್ಯೆ ನಮಗೂ ಅರ್ಥವಾಗುತ್ತದೆ. ಆದರೆ, ಸಾರ್ವಜನಿಕರ ಉಪಯೋಗಕ್ಕೆ ಮೀಸಲಾದ ಈ ರಸ್ತೆಯನ್ನು ಕೆಎಸ್ಸಿಎ ಈಗ ಮುಚ್ಚಿದ್ದೇಕೆ ಎಂದು ಪ್ರಶ್ನಿಸುತ್ತಾರೆ.<br /> <br /> ‘ಬಿಬಿಎಂಪಿ ಹಾಗೂ ಪೊಲೀಸ್ ಇಲಾಖೆ ಅನುಮತಿ ಪಡೆಯಲಾಗಿದ್ದು, ಭದ್ರತಾ ಕಾರಣಗಳಿಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಕಾರಿನಲ್ಲೇ ಕುಳಿತು ಮದ್ಯಸೇವನೆ ಮಾಡಿ, ಗಲಾಟೆ ನಡೆಸಿದ ಪ್ರಕರಣಗಳು ಇಲ್ಲಿ ನಡೆದಿವೆ. ಅನೈತಿಕ ಚಟುವಟಿಕೆಗಳು ನಡೆಯುತ್ತಿರುವ ಕುರಿತು ನಮ್ಮ ಭದ್ರತಾ ಸಿಬ್ಬಂದಿ ದೂರಿದ್ದರಿಂದ ಈ ಕ್ರಮ ಕೈಗೊಂಡಿದ್ದೇವೆ’ ಎಂದು ಕೆಎಸ್ಸಿಎ ಅಧಿಕಾರಿಗಳು ಹೇಳುತ್ತಾರೆ. ‘ರಸ್ತೆಯು ಸಾರ್ವಜನಿಕರ ಸ್ವತ್ತಾಗಿದ್ದು, ಕೆಎಸ್ಸಿಎ ನಿರ್ಬಂಧದಿಂದ ಮುಕ್ತಗೊಳಿಸಬೇಕು’ ಎಂದು ಇಲ್ಲಿ ನಿತ್ಯ ವಾಹನ ನಿಲುಗಡೆ ಮಾಡುತ್ತಿದ್ದ ಸಾರ್ವಜನಿಕರು ಬಿಬಿಎಂಪಿ ಆಯುಕ್ತರನ್ನು ಆಗ್ರಹಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
