<p>ಅಂತರಜಾಲ ತಾಣದ ಒಂದು ಪುಟ ತೆರೆಯಲು ನಿಮಿಷಗಟ್ಟಲೇ ಸಮಯ ಬೇಕಾಗಿದ್ದ ಕಾಲ ನೆನಪಿದೆಯೇ? ಬೇಕೆನಿಸಿದ ವೆಬ್ಸೈಟ್ನ ಕೊಂಡಿಗೆ ಹೋಗಿ, `ಕ್ಲಿಕ್~ ಮಾಡಿದರೆ ಒಂದೆರಡು ನಿಮಿಷಗಳ ಬಳಿಕ ನಿಧಾನವಾಗಿ ಆ ಪುಟ ತೆರೆದುಕೊಳ್ಳುತ್ತಿತ್ತು. ತಾಳ್ಮೆಗೆ ಹೇಳಿ ಮಾಡಿಸಿದಂಥ ಸಮಯವದು!<br /> <br /> ಈಗೆಲ್ಲ ಆ ಸ್ಥಿತಿ ಇಲ್ಲ. ಒಂದೆರಡು ಸೆಕೆಂಡ್ಗಳಷ್ಟೇ ಸಾಕು- ನಿಮಗೆ ಬೇಕೆನಿಸಿದ ವೆಬ್ಸೈಟ್ಗೆ ಕರೆದೊಯ್ಯಲು. ಕಣ್ರೆಪ್ಪೆ ಮುಚ್ಚಿ ತೆಗೆಯುವಷ್ಟು ಸಮಯದಲ್ಲಿ ಬೇಕೆನಿಸಿದ ಪುಟ ತೆರೆದಿರುತ್ತದೆ. ಇಷ್ಟಿದ್ದರೂ ಎಷ್ಟೋ ಬಳಕೆದಾರರಿಗೆ ಅಸಮಾಧಾನ.<br /> <br /> `ಇಲ್ಲ ಕಣ್ರೀ... ಫಾಸ್ಟೇ ಇಲ್ಲ ಎಂಬ ದೂರು! `ಗೂಗಲ್~ನ ಎಂಜಿನಿಯರ್ಗಳು ನಡೆಸಿದ ಅಧ್ಯಯನದಲ್ಲಿ, ವೆಬ್ಸೈಟ್ ತೆರೆದುಕೊಳ್ಳಲು 400 ಮಿಲಿಸೆಕೆಂಡ್ನಷ್ಟು ಮಾತ್ರ ಅತ್ಯಲ್ಪ ಅವಧಿ ಕಾಯಬೇಕಾಗಿರುವುದಕ್ಕೆ ಬಳಕೆದಾರರು ಅಸಮಾಧಾನ ವ್ಯಕ್ತಪಡಿಸಿದ್ದಾರಂತೆ! ಇದೇ ಒಂದು ಕಾರಣದಿಂದಾಗಿ, `ಹುಡುಕಾಟ~ (ಸರ್ಚ್) ನಡೆಸುವುದನ್ನು ಎಷ್ಟೋ ಬಳಕೆದಾರರು ಆ ಕ್ಷಣಕ್ಕೆ ಕೈಬಿಡುತ್ತಾರಂತೆ! `ಹಾಗೆ ನೋಡಿದರೆ, ಕಾಯುವುದನ್ನು ಯಾರೂ ಬಯಸುವುದಿಲ್ಲ. <br /> <br /> ಪ್ರತಿ ಸೆಕೆಂಡ್ ಅಥವಾ ಮಿಲಿ ಸೆಕೆಂಡ್ ಕೂಡ ಅತಿ ಮುಖ್ಯವಲ್ಲವೇ?~ ಎಂದು ಪ್ರಶ್ನಿಸುತ್ತಾರೆ, ಗೂಗಲ್ನಲ್ಲಿ ಎಂಜಿನಿಯರ್ ಆಗಿರುವ ಅರವಿಂದ್ ಜೈನ್.<br /> `ವೇಗ~ವನ್ನೇ ಗುರಿಯಾಗಿಟ್ಟುಕೊಂಡು, ಬಳಕೆದಾರರಿಗೆ ಕ್ಷಿಪ್ರ ಅವಧಿಯಲ್ಲಿ ಸಂಪರ್ಕ ಒದಗಿಸಲು ಗೂಗಲ್ ಸೇರಿದಂತೆ ಹಲವು ಕಂಪೆನಿಗಳು ಸಂಶೋಧನೆ ನಡೆಸುತ್ತಿವೆ. <br /> <br /> ಅಷ್ಟಕ್ಕೂ ವೆಬ್ಸೈಟ್ಗಳು ತೆರೆದುಕೊಳ್ಳುವ ಸಮಯ ಏಕೆ ಹೆಚ್ಚಾಗುತ್ತಿದೆ ಎಂಬ ಪ್ರಶ್ನೆಗೆ, ತಂತ್ರಜ್ಞರು ನೀಡುವ ಉತ್ತರ- ಹೆಚ್ಚುತ್ತಿರುವ ಸ್ಮಾರ್ಟ್ಫೋನ್ ಹಾಗೂ ಟ್ಯಾಬ್ಲೆಟ್ಗಳ ಬಳಕೆ! ವಿಡಿಯೊ, ಫೋಟೋ, ಕಡತ, ವಿವಿಧ ಸಿನಿಮಾ ದೃಶ್ಯ, ಪತ್ರಿಕೆ, ತಾಜಾ ಸಮಾಚಾರಗಳನ್ನು ಪಡೆಯಲು ಅಷ್ಟೇ ಅಲ್ಲ; ಪ್ರಯಾಣದ ಅವಧಿಯಲ್ಲಿ ಸಮೀಪವಿರುವ ರೆಸ್ಟೊರೆಂಟ್, ಪೆಟ್ರೋಲ್ ಪಂಪ್, ಪಬ್, ಬಾರ್ಗಳ ಮಾಹಿತಿ ಪಡೆಯಲು ಸಹ ಸ್ಮಾರ್ಟ್ಫೋನ್ ಹಾಗೂ ಟ್ಯಾಬ್ಲೆಟ್ ಬಳಕೆಯಾಗುತ್ತಿವೆ. ಇಂಟರ್ನೆಟ್ ಸೌಲಭ್ಯವುಳ್ಳ ಈ ಎರಡು ಬಗೆಯ ಉಪಕರಣಗಳು, `ಡಿಜಿಟಲ್ ಟ್ರಾಫಿಕ್ ಜಾಮ್~ಗೆ ಕಾರಣವಾಗಿವೆ.ಹಲವಾರು ಸರ್ಚ್ ಎಂಜಿನ್ಗಳೂ ಈಗ ಲಭ್ಯವಿವೆ. <br /> <br /> ಬಳಕೆದಾರನು ಯಾವ ಸರ್ಚ್ ಎಂಜಿನ್ನಲ್ಲಿ `ವೇಗ~ ಲಭ್ಯವಿದೆಯೋ, ಅದರತ್ತ ಒಲವು ತೋರುತ್ತಾನೆ. ಈ ಬಗ್ಗೆ ನಡೆಸಿದ ಅಧ್ಯಯನವು ಕುತೂಹಲಕರ ಸಂಗತಿ ತೆರೆದಿಟ್ಟಿದೆ. ಒಂದು ಸರ್ಚ್ ಎಂಜಿನ್ಗಿಂತಲೂ 250 ಮಿಲಿಸೆಕೆಂಡ್ನಷ್ಟು ಕಡಿಮೆ ಅವಧಿಯಲ್ಲಿ ವೆಬ್ಸೈಟ್ ತೆರೆದು ಒದಗಿಸುವ ಇನ್ನೊಂದು ಪ್ರತಿಸ್ಪರ್ಧಿ ಸರ್ಚ್ ಎಂಜಿನ್ನತ್ತ ಬಳಕೆದಾರ ಸುಲಭವಾಗಿ ಹೋಗಿ ಬಿಡುತ್ತಾನೆ. <br /> <br /> `ಒಂದು ಮಿಲಿಸೆಕೆಂಡ್ ಅಂದರೆ, ಸೆಕೆಂಡ್ನ ಸಾವಿರದ ಒಂದನೇ ಭಾಗ. ಇನ್ನೂರೈವತ್ತು ಮಿಲಿಸೆಕೆಂಡ್... ಅದು ವೇಗವೋ, ನಿಧಾನವೋ... ಒಟ್ಟಿನಲ್ಲಿ ಇಂಟರ್ನೆಟ್ ಜಗತ್ತಿನಲ್ಲಿ ಅದೂ ಲೆಕ್ಕಕ್ಕೆ ಸೇರುತ್ತದೆ~ ಎನ್ನುತ್ತಾರೆ, ಮೈಕ್ರೊಸಾಫ್ಟ್ನ ಕಂಪ್ಯೂಟರ್ ವಿಜ್ಞಾನಿ ಹ್ಯಾರಿ ಶಮ್.ವೆಬ್ಸೈಟ್ ಕಾರ್ಯಕ್ಷಮತೆ ಆಧರಿಸಿ, ಬಳಕೆದಾರನ ನಿರೀಕ್ಷೆ ಒಂದು ರೂಪ ಪಡೆದುಕೊಳ್ಳುತ್ತವೆ.<br /> <br /> ಸರ್ಚ್ ಎಂಜಿನ್ನಲ್ಲಿ ಯಾವುದೋ ಒಂದು ವಿಡಿಯೋ ಹುಡುಕಲು ವ್ಯಕ್ತಿಯೊಬ್ಬ ಸಾಕಷ್ಟು ಹೊತ್ತು ಕಾಯುತ್ತಾನಾದರೂ, ಆ ವಿಡಿಯೋ ಆರಂಭವಾಗುವುದಕ್ಕೆ ಮಾತ್ರ ಕಾಯಲು ಬಯಸುವುದಿಲ್ಲ. ವೆಬ್ಸೈಟ್ಗಳೆಂದರೆ, ಅಕ್ಷರ, ಫೋಟೋ, ವಿಡಿಯೋಗಳನ್ನು ಅಳವಡಿಸಿರುವ ಒಂದು ತಾಣ. ಸಂಬಂಧಿಸಿದ ಸಂಗತಿ / ಮಾಹಿತಿ ಹುಡುಕಲು ಶೋಧಯಂತ್ರಕ್ಕೆ ಸ್ವಲ್ಪ ಸಮಯ ಬೇಕಷ್ಟೇ. <br /> <br /> ಕೆಲವು ವೆಬ್ಸೈಟ್ಗಳು ಈ ಎಲ್ಲದರ ಜತೆಗೆ, ಗ್ರಾಫಿಕ್, ನಕ್ಷೆ, ಸಂವಾದ, ಅಭಿಮತ ಸಂಗ್ರಹ (ಪೋಲ್) ಇತರ ವಿಭಾಗಗಳನ್ನೂ ಒಳಗೊಂಡಿರುತ್ತವೆ. ಇವೆಲ್ಲದರಿಂದಾಗಿ, ವೆಬ್ಸೈಟ್ನಲ್ಲಿ ವ್ಯಕ್ತಿಯು ಹುಡುಕಬೇಕಾದ ಅಂಶ ಬೇಗನೇ ಸಿಗುವುದಿಲ್ಲ.<br /> <br /> ಹೀಗಿದ್ದರೂ, ಇದೆಲ್ಲ ಅಂತರ್ಜಾಲ ಲೋಕದಲ್ಲಿ ಪರಿಗಣನೆ ಆಗುವುದೇ ಇಲ್ಲ. ಎಲ್ಲವೂ ವೇಗವಾಗಿ ಸಿಗಬೇಕು. ಪ್ರತಿ ಐದು ಮಂದಿ ಆನ್ಲೈನ್ ಬಳಕೆದಾರರ ಪೈಕಿ ನಾಲ್ವರು, ತಮ್ಮ ಕಂಪ್ಯೂಟರ್ನಲ್ಲಿ ವಿಡಿಯೋ ಬೇಗನೇ ಆರಂಭವಾಗದಿದ್ದರೆ ಬೇರೆ ವೆಬ್ಸೈಟ್ಗೆ ಹೋಗಿ ಬಿಡುತ್ತಾರೆ ಎಂಬುದು ಅಧ್ಯಯನದಿಂದ ತಿಳಿದುಬಂದಿದೆ.<br /> <br /> ಸ್ಮಾರ್ಟ್ಫೋನ್ಗಳಲ್ಲಿ ವೇಗದಿಂದ ಅಂತರ್ಜಾಲ ಸೇವೆ ನೀಡುವುದು ಹೊಸ ಅವಕಾಶಗಳನ್ನು ಸೃಷ್ಟಿಸಿದೆ. ಇಂಟರ್ನೆಟ್ನಲ್ಲಿ ವೇಗದ ಸೇವೆ ಕಲ್ಪಿಸುವ ಕುರಿತು ಗಮನಹರಿಸಿರುವ ಅಮೆರಿಕದ ಸರ್ಕಾರ, ಹೊಸ ಮಸೂದೆ ಜಾರಿಗೊಳಿಸಿದೆ.<br /> <br /> ಟೆಲಿವಿಜನ್ ಪ್ರಸಾರಕರಿಗೆ ನೀಡಿರುವ ತರಂಗಾಂತರಗಳನ್ನು ಇಂಟರ್ನೆಟ್ ಸೌಲಭ್ಯ ನೀಡುವ ಕಂಪೆನಿಗಳಿಗೂ ವಿಸ್ತರಿಸಲು ಇದು ಅವಕಾಶ ಕಲ್ಪಿಸಲಿದೆ. 1990ರ ನಂತರದ ಸಮಯದಲ್ಲಿ `ವರ್ಲ್ಡ್ ವೈಡ್ ವೆಬ್~ (WWW) ಅತ್ಯಂತ ಜನಪ್ರಿಯವಾಯಿತು. ಆದರೆ, ಕೆಲವೇ ಸಮಯದಲ್ಲಿ ದಟ್ಟಣೆ ಹೆಚ್ಚಾದಾಗ, ಒಂದೊಂದು ವೆಬ್ಸೈಟ್ ತೆರೆಯಲೂ ಸಾಕಷ್ಟು ಸಮಯ ಬೇಕಾಗುತ್ತಿತ್ತು. ಆಗ ಇದನ್ನು `ವರ್ಲ್ಡ್ ವೈಡ್ ವೇಟ್~ ಎಂದು ಗೇಲಿ ಮಾಡಿದವರೇ ಹೆಚ್ಚು.<br /> <br /> ಕಂಪ್ಯೂಟರ್ ಜತೆಜತೆಗೆ ಈಗ ಮೊಬೈಲ್ನಲ್ಲೂ ಇಂಟರ್ನೆಟ್ ಸೌಲಭ್ಯ ಸಿಗುತ್ತಿರುವುದು ಹಲವು ಕಂಪೆನಿಗಳು ಈ ಕ್ಷೇತ್ರಕ್ಕೆ ಕಾಲಿಡಲು ಕಾರಣವಾಗಿದೆ. ~ಅತಿ ಶೀಘ್ರ ಅವಧಿಯಲ್ಲಿ ಹೆಚ್ಚು ಮಾಹಿತಿ ಸಂಗ್ರಹಿಸುವಂತೆ ಮೊಬೈಲ್ ಫೋನ್ ಅನ್ನು ರೂಪಿಸುವುದು ನಮ್ಮ ಮುಂದಿರುವ ಸವಾಲು~ ಎಂದು ಅಕಮಾಯ್ ಟೆಕ್ನಾಲಜೀಸ್ನ ಮುಖ್ಯ ವಿಜ್ಞಾನಿ ಟಾಮ್ ಲೇಟನ್ ಹೇಳುತ್ತಾರೆ.<br /> <br /> <strong>* ವಿವಿಧ ಮೂಲಗಳಿಂದ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಂತರಜಾಲ ತಾಣದ ಒಂದು ಪುಟ ತೆರೆಯಲು ನಿಮಿಷಗಟ್ಟಲೇ ಸಮಯ ಬೇಕಾಗಿದ್ದ ಕಾಲ ನೆನಪಿದೆಯೇ? ಬೇಕೆನಿಸಿದ ವೆಬ್ಸೈಟ್ನ ಕೊಂಡಿಗೆ ಹೋಗಿ, `ಕ್ಲಿಕ್~ ಮಾಡಿದರೆ ಒಂದೆರಡು ನಿಮಿಷಗಳ ಬಳಿಕ ನಿಧಾನವಾಗಿ ಆ ಪುಟ ತೆರೆದುಕೊಳ್ಳುತ್ತಿತ್ತು. ತಾಳ್ಮೆಗೆ ಹೇಳಿ ಮಾಡಿಸಿದಂಥ ಸಮಯವದು!<br /> <br /> ಈಗೆಲ್ಲ ಆ ಸ್ಥಿತಿ ಇಲ್ಲ. ಒಂದೆರಡು ಸೆಕೆಂಡ್ಗಳಷ್ಟೇ ಸಾಕು- ನಿಮಗೆ ಬೇಕೆನಿಸಿದ ವೆಬ್ಸೈಟ್ಗೆ ಕರೆದೊಯ್ಯಲು. ಕಣ್ರೆಪ್ಪೆ ಮುಚ್ಚಿ ತೆಗೆಯುವಷ್ಟು ಸಮಯದಲ್ಲಿ ಬೇಕೆನಿಸಿದ ಪುಟ ತೆರೆದಿರುತ್ತದೆ. ಇಷ್ಟಿದ್ದರೂ ಎಷ್ಟೋ ಬಳಕೆದಾರರಿಗೆ ಅಸಮಾಧಾನ.<br /> <br /> `ಇಲ್ಲ ಕಣ್ರೀ... ಫಾಸ್ಟೇ ಇಲ್ಲ ಎಂಬ ದೂರು! `ಗೂಗಲ್~ನ ಎಂಜಿನಿಯರ್ಗಳು ನಡೆಸಿದ ಅಧ್ಯಯನದಲ್ಲಿ, ವೆಬ್ಸೈಟ್ ತೆರೆದುಕೊಳ್ಳಲು 400 ಮಿಲಿಸೆಕೆಂಡ್ನಷ್ಟು ಮಾತ್ರ ಅತ್ಯಲ್ಪ ಅವಧಿ ಕಾಯಬೇಕಾಗಿರುವುದಕ್ಕೆ ಬಳಕೆದಾರರು ಅಸಮಾಧಾನ ವ್ಯಕ್ತಪಡಿಸಿದ್ದಾರಂತೆ! ಇದೇ ಒಂದು ಕಾರಣದಿಂದಾಗಿ, `ಹುಡುಕಾಟ~ (ಸರ್ಚ್) ನಡೆಸುವುದನ್ನು ಎಷ್ಟೋ ಬಳಕೆದಾರರು ಆ ಕ್ಷಣಕ್ಕೆ ಕೈಬಿಡುತ್ತಾರಂತೆ! `ಹಾಗೆ ನೋಡಿದರೆ, ಕಾಯುವುದನ್ನು ಯಾರೂ ಬಯಸುವುದಿಲ್ಲ. <br /> <br /> ಪ್ರತಿ ಸೆಕೆಂಡ್ ಅಥವಾ ಮಿಲಿ ಸೆಕೆಂಡ್ ಕೂಡ ಅತಿ ಮುಖ್ಯವಲ್ಲವೇ?~ ಎಂದು ಪ್ರಶ್ನಿಸುತ್ತಾರೆ, ಗೂಗಲ್ನಲ್ಲಿ ಎಂಜಿನಿಯರ್ ಆಗಿರುವ ಅರವಿಂದ್ ಜೈನ್.<br /> `ವೇಗ~ವನ್ನೇ ಗುರಿಯಾಗಿಟ್ಟುಕೊಂಡು, ಬಳಕೆದಾರರಿಗೆ ಕ್ಷಿಪ್ರ ಅವಧಿಯಲ್ಲಿ ಸಂಪರ್ಕ ಒದಗಿಸಲು ಗೂಗಲ್ ಸೇರಿದಂತೆ ಹಲವು ಕಂಪೆನಿಗಳು ಸಂಶೋಧನೆ ನಡೆಸುತ್ತಿವೆ. <br /> <br /> ಅಷ್ಟಕ್ಕೂ ವೆಬ್ಸೈಟ್ಗಳು ತೆರೆದುಕೊಳ್ಳುವ ಸಮಯ ಏಕೆ ಹೆಚ್ಚಾಗುತ್ತಿದೆ ಎಂಬ ಪ್ರಶ್ನೆಗೆ, ತಂತ್ರಜ್ಞರು ನೀಡುವ ಉತ್ತರ- ಹೆಚ್ಚುತ್ತಿರುವ ಸ್ಮಾರ್ಟ್ಫೋನ್ ಹಾಗೂ ಟ್ಯಾಬ್ಲೆಟ್ಗಳ ಬಳಕೆ! ವಿಡಿಯೊ, ಫೋಟೋ, ಕಡತ, ವಿವಿಧ ಸಿನಿಮಾ ದೃಶ್ಯ, ಪತ್ರಿಕೆ, ತಾಜಾ ಸಮಾಚಾರಗಳನ್ನು ಪಡೆಯಲು ಅಷ್ಟೇ ಅಲ್ಲ; ಪ್ರಯಾಣದ ಅವಧಿಯಲ್ಲಿ ಸಮೀಪವಿರುವ ರೆಸ್ಟೊರೆಂಟ್, ಪೆಟ್ರೋಲ್ ಪಂಪ್, ಪಬ್, ಬಾರ್ಗಳ ಮಾಹಿತಿ ಪಡೆಯಲು ಸಹ ಸ್ಮಾರ್ಟ್ಫೋನ್ ಹಾಗೂ ಟ್ಯಾಬ್ಲೆಟ್ ಬಳಕೆಯಾಗುತ್ತಿವೆ. ಇಂಟರ್ನೆಟ್ ಸೌಲಭ್ಯವುಳ್ಳ ಈ ಎರಡು ಬಗೆಯ ಉಪಕರಣಗಳು, `ಡಿಜಿಟಲ್ ಟ್ರಾಫಿಕ್ ಜಾಮ್~ಗೆ ಕಾರಣವಾಗಿವೆ.ಹಲವಾರು ಸರ್ಚ್ ಎಂಜಿನ್ಗಳೂ ಈಗ ಲಭ್ಯವಿವೆ. <br /> <br /> ಬಳಕೆದಾರನು ಯಾವ ಸರ್ಚ್ ಎಂಜಿನ್ನಲ್ಲಿ `ವೇಗ~ ಲಭ್ಯವಿದೆಯೋ, ಅದರತ್ತ ಒಲವು ತೋರುತ್ತಾನೆ. ಈ ಬಗ್ಗೆ ನಡೆಸಿದ ಅಧ್ಯಯನವು ಕುತೂಹಲಕರ ಸಂಗತಿ ತೆರೆದಿಟ್ಟಿದೆ. ಒಂದು ಸರ್ಚ್ ಎಂಜಿನ್ಗಿಂತಲೂ 250 ಮಿಲಿಸೆಕೆಂಡ್ನಷ್ಟು ಕಡಿಮೆ ಅವಧಿಯಲ್ಲಿ ವೆಬ್ಸೈಟ್ ತೆರೆದು ಒದಗಿಸುವ ಇನ್ನೊಂದು ಪ್ರತಿಸ್ಪರ್ಧಿ ಸರ್ಚ್ ಎಂಜಿನ್ನತ್ತ ಬಳಕೆದಾರ ಸುಲಭವಾಗಿ ಹೋಗಿ ಬಿಡುತ್ತಾನೆ. <br /> <br /> `ಒಂದು ಮಿಲಿಸೆಕೆಂಡ್ ಅಂದರೆ, ಸೆಕೆಂಡ್ನ ಸಾವಿರದ ಒಂದನೇ ಭಾಗ. ಇನ್ನೂರೈವತ್ತು ಮಿಲಿಸೆಕೆಂಡ್... ಅದು ವೇಗವೋ, ನಿಧಾನವೋ... ಒಟ್ಟಿನಲ್ಲಿ ಇಂಟರ್ನೆಟ್ ಜಗತ್ತಿನಲ್ಲಿ ಅದೂ ಲೆಕ್ಕಕ್ಕೆ ಸೇರುತ್ತದೆ~ ಎನ್ನುತ್ತಾರೆ, ಮೈಕ್ರೊಸಾಫ್ಟ್ನ ಕಂಪ್ಯೂಟರ್ ವಿಜ್ಞಾನಿ ಹ್ಯಾರಿ ಶಮ್.ವೆಬ್ಸೈಟ್ ಕಾರ್ಯಕ್ಷಮತೆ ಆಧರಿಸಿ, ಬಳಕೆದಾರನ ನಿರೀಕ್ಷೆ ಒಂದು ರೂಪ ಪಡೆದುಕೊಳ್ಳುತ್ತವೆ.<br /> <br /> ಸರ್ಚ್ ಎಂಜಿನ್ನಲ್ಲಿ ಯಾವುದೋ ಒಂದು ವಿಡಿಯೋ ಹುಡುಕಲು ವ್ಯಕ್ತಿಯೊಬ್ಬ ಸಾಕಷ್ಟು ಹೊತ್ತು ಕಾಯುತ್ತಾನಾದರೂ, ಆ ವಿಡಿಯೋ ಆರಂಭವಾಗುವುದಕ್ಕೆ ಮಾತ್ರ ಕಾಯಲು ಬಯಸುವುದಿಲ್ಲ. ವೆಬ್ಸೈಟ್ಗಳೆಂದರೆ, ಅಕ್ಷರ, ಫೋಟೋ, ವಿಡಿಯೋಗಳನ್ನು ಅಳವಡಿಸಿರುವ ಒಂದು ತಾಣ. ಸಂಬಂಧಿಸಿದ ಸಂಗತಿ / ಮಾಹಿತಿ ಹುಡುಕಲು ಶೋಧಯಂತ್ರಕ್ಕೆ ಸ್ವಲ್ಪ ಸಮಯ ಬೇಕಷ್ಟೇ. <br /> <br /> ಕೆಲವು ವೆಬ್ಸೈಟ್ಗಳು ಈ ಎಲ್ಲದರ ಜತೆಗೆ, ಗ್ರಾಫಿಕ್, ನಕ್ಷೆ, ಸಂವಾದ, ಅಭಿಮತ ಸಂಗ್ರಹ (ಪೋಲ್) ಇತರ ವಿಭಾಗಗಳನ್ನೂ ಒಳಗೊಂಡಿರುತ್ತವೆ. ಇವೆಲ್ಲದರಿಂದಾಗಿ, ವೆಬ್ಸೈಟ್ನಲ್ಲಿ ವ್ಯಕ್ತಿಯು ಹುಡುಕಬೇಕಾದ ಅಂಶ ಬೇಗನೇ ಸಿಗುವುದಿಲ್ಲ.<br /> <br /> ಹೀಗಿದ್ದರೂ, ಇದೆಲ್ಲ ಅಂತರ್ಜಾಲ ಲೋಕದಲ್ಲಿ ಪರಿಗಣನೆ ಆಗುವುದೇ ಇಲ್ಲ. ಎಲ್ಲವೂ ವೇಗವಾಗಿ ಸಿಗಬೇಕು. ಪ್ರತಿ ಐದು ಮಂದಿ ಆನ್ಲೈನ್ ಬಳಕೆದಾರರ ಪೈಕಿ ನಾಲ್ವರು, ತಮ್ಮ ಕಂಪ್ಯೂಟರ್ನಲ್ಲಿ ವಿಡಿಯೋ ಬೇಗನೇ ಆರಂಭವಾಗದಿದ್ದರೆ ಬೇರೆ ವೆಬ್ಸೈಟ್ಗೆ ಹೋಗಿ ಬಿಡುತ್ತಾರೆ ಎಂಬುದು ಅಧ್ಯಯನದಿಂದ ತಿಳಿದುಬಂದಿದೆ.<br /> <br /> ಸ್ಮಾರ್ಟ್ಫೋನ್ಗಳಲ್ಲಿ ವೇಗದಿಂದ ಅಂತರ್ಜಾಲ ಸೇವೆ ನೀಡುವುದು ಹೊಸ ಅವಕಾಶಗಳನ್ನು ಸೃಷ್ಟಿಸಿದೆ. ಇಂಟರ್ನೆಟ್ನಲ್ಲಿ ವೇಗದ ಸೇವೆ ಕಲ್ಪಿಸುವ ಕುರಿತು ಗಮನಹರಿಸಿರುವ ಅಮೆರಿಕದ ಸರ್ಕಾರ, ಹೊಸ ಮಸೂದೆ ಜಾರಿಗೊಳಿಸಿದೆ.<br /> <br /> ಟೆಲಿವಿಜನ್ ಪ್ರಸಾರಕರಿಗೆ ನೀಡಿರುವ ತರಂಗಾಂತರಗಳನ್ನು ಇಂಟರ್ನೆಟ್ ಸೌಲಭ್ಯ ನೀಡುವ ಕಂಪೆನಿಗಳಿಗೂ ವಿಸ್ತರಿಸಲು ಇದು ಅವಕಾಶ ಕಲ್ಪಿಸಲಿದೆ. 1990ರ ನಂತರದ ಸಮಯದಲ್ಲಿ `ವರ್ಲ್ಡ್ ವೈಡ್ ವೆಬ್~ (WWW) ಅತ್ಯಂತ ಜನಪ್ರಿಯವಾಯಿತು. ಆದರೆ, ಕೆಲವೇ ಸಮಯದಲ್ಲಿ ದಟ್ಟಣೆ ಹೆಚ್ಚಾದಾಗ, ಒಂದೊಂದು ವೆಬ್ಸೈಟ್ ತೆರೆಯಲೂ ಸಾಕಷ್ಟು ಸಮಯ ಬೇಕಾಗುತ್ತಿತ್ತು. ಆಗ ಇದನ್ನು `ವರ್ಲ್ಡ್ ವೈಡ್ ವೇಟ್~ ಎಂದು ಗೇಲಿ ಮಾಡಿದವರೇ ಹೆಚ್ಚು.<br /> <br /> ಕಂಪ್ಯೂಟರ್ ಜತೆಜತೆಗೆ ಈಗ ಮೊಬೈಲ್ನಲ್ಲೂ ಇಂಟರ್ನೆಟ್ ಸೌಲಭ್ಯ ಸಿಗುತ್ತಿರುವುದು ಹಲವು ಕಂಪೆನಿಗಳು ಈ ಕ್ಷೇತ್ರಕ್ಕೆ ಕಾಲಿಡಲು ಕಾರಣವಾಗಿದೆ. ~ಅತಿ ಶೀಘ್ರ ಅವಧಿಯಲ್ಲಿ ಹೆಚ್ಚು ಮಾಹಿತಿ ಸಂಗ್ರಹಿಸುವಂತೆ ಮೊಬೈಲ್ ಫೋನ್ ಅನ್ನು ರೂಪಿಸುವುದು ನಮ್ಮ ಮುಂದಿರುವ ಸವಾಲು~ ಎಂದು ಅಕಮಾಯ್ ಟೆಕ್ನಾಲಜೀಸ್ನ ಮುಖ್ಯ ವಿಜ್ಞಾನಿ ಟಾಮ್ ಲೇಟನ್ ಹೇಳುತ್ತಾರೆ.<br /> <br /> <strong>* ವಿವಿಧ ಮೂಲಗಳಿಂದ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
