<p>ಈ ಬಾರಿ ನಡೆದ ರಾಷ್ಟ್ರೀಯ ಸಬ್ಜೂನಿಯರ್ ಕೊಕ್ಕೊ ಪಂದ್ಯಾವಳಿಯಲ್ಲಿ ಜಿಲ್ಲೆಯನ್ನು ಪ್ರತಿನಿಧಿಸಿದ್ದವರು ಪ್ರತಿಭಾನ್ವಿತ ಆಟಗಾರ್ತಿ ಡಿ.ಲಿಖಿತಾ.<br /> <br /> ಮಾರುತಿ ವಿದ್ಯಾಕೇಂದ್ರದಲ್ಲಿ 8ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದಾರೆ. ಈಚೆಗೆ ನಡೆದ ಸಬ್ ಜೂನಿಯರ್ ಪಂದ್ಯಾವಳಿಯಲ್ಲಿ ಯಾರ ಕೈಗೂ ಸಿಗದಂತೆ ಚಿಗರೆಯಂತೆ ಓಡಿ ಎಲ್ಲರ ಗಮನ ಸೆಳೆದರು.<br /> <br /> ‘ನನ್ನ ಶಿಷ್ಯೆ ವೈಯಕ್ತಿಕ ಪದಕಗಳನ್ನು ಗಳಿಸದೆ ಹೋದರೂ, ಕ್ಲಿಷ್ಟ ಸನ್ನಿವೇಶದಲ್ಲಿ ಪಂದ್ಯವನ್ನು ಗೆಲ್ಲಿಸಬಲ್ಲ ತಾಕತ್ ಹೊಂದಿದ್ದಾಳೆ’ ಎಂದು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ ತರಬೇತುದಾರ ವಿನಯ್.<br /> <br /> ಒಂದೇ ವರ್ಷದಲ್ಲಿ 2 ರಾಷ್ಟ್ರೀಯ, 1 ರಾಜ್ಯ ಮಟ್ಟದ ಪಂದ್ಯಾವಳಿಯಲ್ಲಿ ಪಾಲ್ಗೊಂಡಿರುವ ಲಿಖಿತಾ ಕೊಕ್ಕೊ ಅಂಗಳಕ್ಕೆ ಕಾಲಿಟ್ಟಿದ್ದೆ ಎರಡೂ ವರ್ಷಗಳ ಹಿಂದೆ.<br /> <br /> ‘ಅಣ್ಣ ಕಾರ್ತೀಕ್ ಶಾಲಾ ದಿನಗಳಲ್ಲಿ ಉತ್ತಮ ಕೊಕ್ಕೊ ಆಟಗಾರನಾಗಿದ್ದ. ನಾನು ಅವನಂತೆಯೆ ಕೊಕ್ಕೊ ಆಟಗಾರ್ತಿಯಾಗಬೇಕು ಎಂಬ ಇರಾದೆ ಶಾಲೆಯ ದಿನಗಳಲ್ಲಿಯೇ ಇತ್ತು ಅದಕ್ಕೆ ತಯಾರಿ ನಡೆಸಿದ್ದೆ’ ಎನ್ನುವುದು ಲಿಖಿತಾ ಮನದಾಳದ ಮಾತು.<br /> <br /> ವರ್ಷದ ಹಿಂದೆ ನಡೆದ ಮ್ಯಾರಥಾನ್ ಸ್ಪರ್ಧೆಯ 5 ಕಿ.ಮೀ. ಓಟದಲ್ಲಿ 4ನೇ ಸ್ಥಾನ, 4 ಕಿ.ಮೀ. ಓಟದಲ್ಲಿ 14ನೇ ಸ್ಥಾನವನ್ನು ಪಡೆದೆ; ಅಂದು ನಮ್ಮ ಶಾಲೆಯ ವಿನಯ್ ಸರ್ ಕೊಕ್ಕೊ ಆಡುವಂತೆ ಹೇಳಿದರು. ಅವರ ಮಾರ್ಗದರ್ಶನದಲ್ಲಿಯೇ ಪಕ್ವ ಆಟಗಾರ್ತಿಯಾದೆ ಎಂದು ಲಿಖಿತಾ ತಾನು ಕೊಕ್ಕೊ ಅಂಕಣಕ್ಕೆ ಕಾಲಿಟ್ಟ ಸನ್ನಿವೇಶ ವಿವರಿಸುತ್ತಾರೆ.<br /> <br /> ಅಣ್ಣ ಕೊಕ್ಕೊ ಆಟಗಾರನಾದರೂ ಪಂದ್ಯಾವಳಿಗಳಲ್ಲಿ ಭಾಗವಹಿಸಿರಲಿಲ್ಲ. ಆದರೆ ನಾನು ಅನೇಕ ಬಾರಿ ಪಂದ್ಯಾವಳಿಗಳಲ್ಲಿ ಪಾಲ್ಗೊಂಡಿದ್ದೇನೆ. ಹೈದರಾಬಾದ್ನಲ್ಲಿ ನಡೆದ ಕ್ಲಸ್ಟರ್ ಮಟ್ಟದ ಪಂದ್ಯಾವಳಿಗೆ ಪಾಲ್ಗೊಂಡಿದ್ದು ನನಗೆ ಹೊರ ರಾಜ್ಯದ ಮೊದಲ ಅನುಭವ. ಅಪ್ಪ ಎಲ್.ದೇವರಾಜ್– ಅಮ್ಮ ಕಾಂತಮ್ಮ ತುಂಬಾ ಬೆಂಬಲ ನೀಡಿದರು.<br /> <br /> ಈಚೆಗೆ ತುಮಕೂರಿನಲ್ಲಿ ನಡೆದ ಪಂದ್ಯಾವಳಿಯಲ್ಲಿ ತವರು ಹುಡುಗಿ ಎನ್ನುವ ಕಾರಣಕ್ಕೆ ಅಂಗಳದಲ್ಲಿ ಇದ್ದಷ್ಟು ಕ್ಷಣ ಉತ್ತೇಜನ ಸಿಗುತ್ತಿತ್ತು. ಪ್ರೇಕ್ಷಕರ ಉತ್ತೇಜನದಿಂದಲೇ ತಂಡ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಯಿತು ಎನ್ನುತ್ತಾರೆ ಲಿಖಿತಾ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ಬಾರಿ ನಡೆದ ರಾಷ್ಟ್ರೀಯ ಸಬ್ಜೂನಿಯರ್ ಕೊಕ್ಕೊ ಪಂದ್ಯಾವಳಿಯಲ್ಲಿ ಜಿಲ್ಲೆಯನ್ನು ಪ್ರತಿನಿಧಿಸಿದ್ದವರು ಪ್ರತಿಭಾನ್ವಿತ ಆಟಗಾರ್ತಿ ಡಿ.ಲಿಖಿತಾ.<br /> <br /> ಮಾರುತಿ ವಿದ್ಯಾಕೇಂದ್ರದಲ್ಲಿ 8ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದಾರೆ. ಈಚೆಗೆ ನಡೆದ ಸಬ್ ಜೂನಿಯರ್ ಪಂದ್ಯಾವಳಿಯಲ್ಲಿ ಯಾರ ಕೈಗೂ ಸಿಗದಂತೆ ಚಿಗರೆಯಂತೆ ಓಡಿ ಎಲ್ಲರ ಗಮನ ಸೆಳೆದರು.<br /> <br /> ‘ನನ್ನ ಶಿಷ್ಯೆ ವೈಯಕ್ತಿಕ ಪದಕಗಳನ್ನು ಗಳಿಸದೆ ಹೋದರೂ, ಕ್ಲಿಷ್ಟ ಸನ್ನಿವೇಶದಲ್ಲಿ ಪಂದ್ಯವನ್ನು ಗೆಲ್ಲಿಸಬಲ್ಲ ತಾಕತ್ ಹೊಂದಿದ್ದಾಳೆ’ ಎಂದು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ ತರಬೇತುದಾರ ವಿನಯ್.<br /> <br /> ಒಂದೇ ವರ್ಷದಲ್ಲಿ 2 ರಾಷ್ಟ್ರೀಯ, 1 ರಾಜ್ಯ ಮಟ್ಟದ ಪಂದ್ಯಾವಳಿಯಲ್ಲಿ ಪಾಲ್ಗೊಂಡಿರುವ ಲಿಖಿತಾ ಕೊಕ್ಕೊ ಅಂಗಳಕ್ಕೆ ಕಾಲಿಟ್ಟಿದ್ದೆ ಎರಡೂ ವರ್ಷಗಳ ಹಿಂದೆ.<br /> <br /> ‘ಅಣ್ಣ ಕಾರ್ತೀಕ್ ಶಾಲಾ ದಿನಗಳಲ್ಲಿ ಉತ್ತಮ ಕೊಕ್ಕೊ ಆಟಗಾರನಾಗಿದ್ದ. ನಾನು ಅವನಂತೆಯೆ ಕೊಕ್ಕೊ ಆಟಗಾರ್ತಿಯಾಗಬೇಕು ಎಂಬ ಇರಾದೆ ಶಾಲೆಯ ದಿನಗಳಲ್ಲಿಯೇ ಇತ್ತು ಅದಕ್ಕೆ ತಯಾರಿ ನಡೆಸಿದ್ದೆ’ ಎನ್ನುವುದು ಲಿಖಿತಾ ಮನದಾಳದ ಮಾತು.<br /> <br /> ವರ್ಷದ ಹಿಂದೆ ನಡೆದ ಮ್ಯಾರಥಾನ್ ಸ್ಪರ್ಧೆಯ 5 ಕಿ.ಮೀ. ಓಟದಲ್ಲಿ 4ನೇ ಸ್ಥಾನ, 4 ಕಿ.ಮೀ. ಓಟದಲ್ಲಿ 14ನೇ ಸ್ಥಾನವನ್ನು ಪಡೆದೆ; ಅಂದು ನಮ್ಮ ಶಾಲೆಯ ವಿನಯ್ ಸರ್ ಕೊಕ್ಕೊ ಆಡುವಂತೆ ಹೇಳಿದರು. ಅವರ ಮಾರ್ಗದರ್ಶನದಲ್ಲಿಯೇ ಪಕ್ವ ಆಟಗಾರ್ತಿಯಾದೆ ಎಂದು ಲಿಖಿತಾ ತಾನು ಕೊಕ್ಕೊ ಅಂಕಣಕ್ಕೆ ಕಾಲಿಟ್ಟ ಸನ್ನಿವೇಶ ವಿವರಿಸುತ್ತಾರೆ.<br /> <br /> ಅಣ್ಣ ಕೊಕ್ಕೊ ಆಟಗಾರನಾದರೂ ಪಂದ್ಯಾವಳಿಗಳಲ್ಲಿ ಭಾಗವಹಿಸಿರಲಿಲ್ಲ. ಆದರೆ ನಾನು ಅನೇಕ ಬಾರಿ ಪಂದ್ಯಾವಳಿಗಳಲ್ಲಿ ಪಾಲ್ಗೊಂಡಿದ್ದೇನೆ. ಹೈದರಾಬಾದ್ನಲ್ಲಿ ನಡೆದ ಕ್ಲಸ್ಟರ್ ಮಟ್ಟದ ಪಂದ್ಯಾವಳಿಗೆ ಪಾಲ್ಗೊಂಡಿದ್ದು ನನಗೆ ಹೊರ ರಾಜ್ಯದ ಮೊದಲ ಅನುಭವ. ಅಪ್ಪ ಎಲ್.ದೇವರಾಜ್– ಅಮ್ಮ ಕಾಂತಮ್ಮ ತುಂಬಾ ಬೆಂಬಲ ನೀಡಿದರು.<br /> <br /> ಈಚೆಗೆ ತುಮಕೂರಿನಲ್ಲಿ ನಡೆದ ಪಂದ್ಯಾವಳಿಯಲ್ಲಿ ತವರು ಹುಡುಗಿ ಎನ್ನುವ ಕಾರಣಕ್ಕೆ ಅಂಗಳದಲ್ಲಿ ಇದ್ದಷ್ಟು ಕ್ಷಣ ಉತ್ತೇಜನ ಸಿಗುತ್ತಿತ್ತು. ಪ್ರೇಕ್ಷಕರ ಉತ್ತೇಜನದಿಂದಲೇ ತಂಡ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಯಿತು ಎನ್ನುತ್ತಾರೆ ಲಿಖಿತಾ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
