<p><strong>ಸಿನ್ಸಿನಾಟಿ, ಅಮೆರಿಕ (ಪಿಟಿಐ/ಐಎಎನ್ಎಸ್):</strong> ಮಹೇಶ್ ಭೂಪತಿ ಹಾಗೂ ರೋಹನ್ ಬೋಪಣ್ಣ ಭಾನುವಾರ ಇಲ್ಲಿ ಕೊನೆಗೊಂಡ ಸಿನ್ಸಿನಾಟಿ ಮಾಸ್ಟರ್ಸ್ ಟೆನಿಸ್ ಟೂರ್ನಿಯ ಡಬಲ್ಸ್ ಫೈನಲ್ನಲ್ಲಿ ಸೋಲು ಕಂಡರು. ಹಾಗಾಗಿ ರನ್ನರ್ ಅಪ್ ಪ್ರಶಸ್ತಿಗೆ ಸಮಾಧಾನಪಡಬೇಕಾಯಿತು. <br /> <br /> ಫೈನಲ್ನಲ್ಲಿ ಭೂಪತಿ ಹಾಗೂ ರೋಹನ್ 4-6, 4-6ರಲ್ಲಿ ಸ್ವೀಡನ್ನ ರಾಬರ್ಟ್ ಲಿಂಡ್ಸ್ಟೆಡ್ ಹಾಗೂ ರುಮೇನಿಯಾದ ಹೊರಿಯಾ ಟೇಕು ಎದುರು ಪರಾಭವಗೊಂಡರು. <br /> <br /> 67 ನಿಮಿಷಗಳ ಈ ಪೈಪೋಟಿಯಲ್ಲಿ ಲಿಂಡ್ಸ್ಟೆಡ್ ಹಾಗೂ ಟೇಕು ಆರಂಭದಿಂದಲೇ ಭಾರತದ ಜೋಡಿ ವಿರುದ್ಧ ಮೇಲುಗೈ ಸಾಧಿಸಿದರು. ತಮಗೆ ಲಭಿಸಿದ 9 ಬ್ರೇಕ್ ಪಾಯಿಂಟ್ಗಳಲ್ಲಿ ಮೂರನ್ನು ಸದುಪಯೋಗಪಡಿಸಿಕೊಂಡರು. ಈ ಮೂಲಕ ಅವರು ಎಟಿಪಿ ವರ್ಲ್ಡ್ ಟೂರ್ ಫೈನಲ್ಸ್ನಲ್ಲಿ ಆಡಲು ಅರ್ಹತೆ ಪಡೆದುಕೊಂಡರು. <br /> <br /> ಕಳೆದ ಬಾರಿ ಈ ಟೂರ್ನಿಯಲ್ಲಿ ಲಿಯಾಂಡರ್ ಪೇಸ್ ಜೊತೆಗೂಡಿ ಆಡಿದ್ದ ಮಹೇಶ್ ಚಾಂಪಿಯನ್ ಆಗಿದ್ದರು. ಆದರೆ ಈ ಬಾರಿ ರೋಹನ್ ಜೊತೆಗೂಡಿ ಆಡಿದ ಅವರಿಗೆ ಆ ಸಾಧನೆಯನ್ನು ಪುನರಾವರ್ತಿಸಲು ಸಾಧ್ಯವಾಗಲಿಲ್ಲ. <br /> <br /> <strong>ಫೆಡರರ್ಗೆ ಪ್ರಶಸ್ತಿ: </strong>ಇದೇ ಟೂರ್ನಿಯ ಸಿಂಗಲ್ಸ್ನಲ್ಲಿ ಸ್ವಿಟ್ಜರ್ಲೆಂಡನ್ ರೋಜರ್ ಫೆಡರರ್ ಚಾಂಪಿಯನ್ ಆದರು. ಅವರು ಫೈನಲ್ನಲ್ಲಿ 6-0, 7-6ರಲ್ಲಿ ಸರ್ಬಿಯಾದ ನೊವಾಕ್ ಜೊಕೊವಿಚ್ ಅವರನ್ನು ಮಣಿಸಿದರು.<br /> ಅಗ್ರ ರ್ಯಾಂಕ್ನ ಆಟಗಾರ ರೋಜರ್ ಮೊದಲ ಸೆಟ್ನಲ್ಲಿ ಎದುರಾಳಿಗೆ ಒಂದೇಒಂದು ಗೇಮ್ ಬಿಟ್ಟುಕೊಡಲಿಲ್ಲ.<br /> <br /> ಅದು ಕೇವಲ 20 ನಿಮಿಷಗಳಲ್ಲಿ ಕೊನೆಗೊಂಡಿತು. ನಂತರದ ಸೆಟ್ನಲ್ಲಿ ಸಾಕಷ್ಟು ಪೈಪೋಟಿ ಎದುರಾಯಿತು. ಈ ಸೆಟ್ ಟೈಬ್ರೇಕರ್ ಹಂತ ತಲುಪಿತ್ತು. ಇದರಲ್ಲಿಯೂ ಸ್ವಿಸ್ ಆಟಗಾರ ಯಶಸ್ಸು ಪಡೆದರು. <br /> ಇದು ಫೆಡರರ್ಗೆ ಲಭಿಸಿದ 21ನೇ ಮಾಸ್ಟರ್ಸ್ ಪ್ರಶಸ್ತಿಯಾಗಿದೆ. ಈ ಮೂಲಕ ಅವರು ಸ್ಪೇನ್ನ ರಫೆಲ್ ನಡಾಲ್ ದಾಖಲೆ ಸರಿಗಟ್ಟಿದರು. <br /> <br /> <strong>ಲಿ ನಾ ಚಾಂಪಿಯನ್</strong>: ಮಹಿಳೆಯರ ಸಿಂಗಲ್ಸ್ನಲ್ಲಿ ಚೀನಾದ ಲಿ ನಾ ಚಾಂಪಿಯನ್ ಆದರು. ಅವರು ಫೈನಲ್ನಲ್ಲಿ 1-6, 6-3, 6-1ರಲ್ಲಿ ಜರ್ಮನಿಯ ಆ್ಯಂಜೆಲಿಕ್ ಕರ್ಬರ್ ಅವರನ್ನು ಸೋಲಿಸಿದರು. ಈ ವರ್ಷ ಸತತ ಮೂರು ಫೈನಲ್ನಲ್ಲಿ ಸೋಲು ಕಂಡಿದ್ದ ಲಿ ನಾಗೆ ಈ ಗೆಲುವು ಸಮಾಧಾನ ತಂದಿದೆ. ಈ ತಿಂಗಳ ಅಂತ್ಯದಲ್ಲಿ ಆರಂಭವಾಗಲಿರುವ ಅಮೆರಿಕ ಓಪನ್ ಟೆನಿಸ್ ಚಾಂಪಿಯನ್ಷಿಪ್ ಹಿನ್ನೆಲೆಯಲ್ಲಿ ಈ ಟೂರ್ನಿ ಮಹತ್ವ ಪಡೆದುಕೊಂಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿನ್ಸಿನಾಟಿ, ಅಮೆರಿಕ (ಪಿಟಿಐ/ಐಎಎನ್ಎಸ್):</strong> ಮಹೇಶ್ ಭೂಪತಿ ಹಾಗೂ ರೋಹನ್ ಬೋಪಣ್ಣ ಭಾನುವಾರ ಇಲ್ಲಿ ಕೊನೆಗೊಂಡ ಸಿನ್ಸಿನಾಟಿ ಮಾಸ್ಟರ್ಸ್ ಟೆನಿಸ್ ಟೂರ್ನಿಯ ಡಬಲ್ಸ್ ಫೈನಲ್ನಲ್ಲಿ ಸೋಲು ಕಂಡರು. ಹಾಗಾಗಿ ರನ್ನರ್ ಅಪ್ ಪ್ರಶಸ್ತಿಗೆ ಸಮಾಧಾನಪಡಬೇಕಾಯಿತು. <br /> <br /> ಫೈನಲ್ನಲ್ಲಿ ಭೂಪತಿ ಹಾಗೂ ರೋಹನ್ 4-6, 4-6ರಲ್ಲಿ ಸ್ವೀಡನ್ನ ರಾಬರ್ಟ್ ಲಿಂಡ್ಸ್ಟೆಡ್ ಹಾಗೂ ರುಮೇನಿಯಾದ ಹೊರಿಯಾ ಟೇಕು ಎದುರು ಪರಾಭವಗೊಂಡರು. <br /> <br /> 67 ನಿಮಿಷಗಳ ಈ ಪೈಪೋಟಿಯಲ್ಲಿ ಲಿಂಡ್ಸ್ಟೆಡ್ ಹಾಗೂ ಟೇಕು ಆರಂಭದಿಂದಲೇ ಭಾರತದ ಜೋಡಿ ವಿರುದ್ಧ ಮೇಲುಗೈ ಸಾಧಿಸಿದರು. ತಮಗೆ ಲಭಿಸಿದ 9 ಬ್ರೇಕ್ ಪಾಯಿಂಟ್ಗಳಲ್ಲಿ ಮೂರನ್ನು ಸದುಪಯೋಗಪಡಿಸಿಕೊಂಡರು. ಈ ಮೂಲಕ ಅವರು ಎಟಿಪಿ ವರ್ಲ್ಡ್ ಟೂರ್ ಫೈನಲ್ಸ್ನಲ್ಲಿ ಆಡಲು ಅರ್ಹತೆ ಪಡೆದುಕೊಂಡರು. <br /> <br /> ಕಳೆದ ಬಾರಿ ಈ ಟೂರ್ನಿಯಲ್ಲಿ ಲಿಯಾಂಡರ್ ಪೇಸ್ ಜೊತೆಗೂಡಿ ಆಡಿದ್ದ ಮಹೇಶ್ ಚಾಂಪಿಯನ್ ಆಗಿದ್ದರು. ಆದರೆ ಈ ಬಾರಿ ರೋಹನ್ ಜೊತೆಗೂಡಿ ಆಡಿದ ಅವರಿಗೆ ಆ ಸಾಧನೆಯನ್ನು ಪುನರಾವರ್ತಿಸಲು ಸಾಧ್ಯವಾಗಲಿಲ್ಲ. <br /> <br /> <strong>ಫೆಡರರ್ಗೆ ಪ್ರಶಸ್ತಿ: </strong>ಇದೇ ಟೂರ್ನಿಯ ಸಿಂಗಲ್ಸ್ನಲ್ಲಿ ಸ್ವಿಟ್ಜರ್ಲೆಂಡನ್ ರೋಜರ್ ಫೆಡರರ್ ಚಾಂಪಿಯನ್ ಆದರು. ಅವರು ಫೈನಲ್ನಲ್ಲಿ 6-0, 7-6ರಲ್ಲಿ ಸರ್ಬಿಯಾದ ನೊವಾಕ್ ಜೊಕೊವಿಚ್ ಅವರನ್ನು ಮಣಿಸಿದರು.<br /> ಅಗ್ರ ರ್ಯಾಂಕ್ನ ಆಟಗಾರ ರೋಜರ್ ಮೊದಲ ಸೆಟ್ನಲ್ಲಿ ಎದುರಾಳಿಗೆ ಒಂದೇಒಂದು ಗೇಮ್ ಬಿಟ್ಟುಕೊಡಲಿಲ್ಲ.<br /> <br /> ಅದು ಕೇವಲ 20 ನಿಮಿಷಗಳಲ್ಲಿ ಕೊನೆಗೊಂಡಿತು. ನಂತರದ ಸೆಟ್ನಲ್ಲಿ ಸಾಕಷ್ಟು ಪೈಪೋಟಿ ಎದುರಾಯಿತು. ಈ ಸೆಟ್ ಟೈಬ್ರೇಕರ್ ಹಂತ ತಲುಪಿತ್ತು. ಇದರಲ್ಲಿಯೂ ಸ್ವಿಸ್ ಆಟಗಾರ ಯಶಸ್ಸು ಪಡೆದರು. <br /> ಇದು ಫೆಡರರ್ಗೆ ಲಭಿಸಿದ 21ನೇ ಮಾಸ್ಟರ್ಸ್ ಪ್ರಶಸ್ತಿಯಾಗಿದೆ. ಈ ಮೂಲಕ ಅವರು ಸ್ಪೇನ್ನ ರಫೆಲ್ ನಡಾಲ್ ದಾಖಲೆ ಸರಿಗಟ್ಟಿದರು. <br /> <br /> <strong>ಲಿ ನಾ ಚಾಂಪಿಯನ್</strong>: ಮಹಿಳೆಯರ ಸಿಂಗಲ್ಸ್ನಲ್ಲಿ ಚೀನಾದ ಲಿ ನಾ ಚಾಂಪಿಯನ್ ಆದರು. ಅವರು ಫೈನಲ್ನಲ್ಲಿ 1-6, 6-3, 6-1ರಲ್ಲಿ ಜರ್ಮನಿಯ ಆ್ಯಂಜೆಲಿಕ್ ಕರ್ಬರ್ ಅವರನ್ನು ಸೋಲಿಸಿದರು. ಈ ವರ್ಷ ಸತತ ಮೂರು ಫೈನಲ್ನಲ್ಲಿ ಸೋಲು ಕಂಡಿದ್ದ ಲಿ ನಾಗೆ ಈ ಗೆಲುವು ಸಮಾಧಾನ ತಂದಿದೆ. ಈ ತಿಂಗಳ ಅಂತ್ಯದಲ್ಲಿ ಆರಂಭವಾಗಲಿರುವ ಅಮೆರಿಕ ಓಪನ್ ಟೆನಿಸ್ ಚಾಂಪಿಯನ್ಷಿಪ್ ಹಿನ್ನೆಲೆಯಲ್ಲಿ ಈ ಟೂರ್ನಿ ಮಹತ್ವ ಪಡೆದುಕೊಂಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
