ಶುಕ್ರವಾರ, ಜೂನ್ 18, 2021
28 °C

ಮಗು ಮತ್ತು ಇರುವೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಇರುವೆ ಇರುವೆ ಇರುವೆ

ಮಳೆಗಾಲಕ್ಕೇನು ಕೂಡಿಡುವೆ?

ದಂಡಿನೊಳು ತಂದದ್ದೇನು

ಬಂಡೆಯಾಕೆ ಮುಚ್ಚಿಡುವೆ?

ಮಗುವೆ ಎಳೆ ಮಗುವೆ - ನೀ

ಇರುವೆ ಹಾದಿಯಲಿರುವೆ!

ದಂಡೋ ಹಿಂಡೋ ಎಂಥದ್ದೋ

ನಿನಗ್ಯಾಕೆ ನಮ್ಮಯ ಗೊಡವೆ?

ಅಡುಗೆ ಮನೆಯೊಳು ಉಂಡೆ ಬೆಲ್ಲ

ಅಮ್ಮ ಇಟ್ಟಳು ನೋಡು

ಬಂಡೆಯ ಸರಿಸಿ ನಿಜವನು ತೋರಿಸು

ಕೊಡುವೆ ಸಕ್ಕರೆ ಲಾಡು

ಲಾಡಿಗೆ ಆಸೆಯ ಪಟ್ಟರೆ ಮಗುವೆ

ಮಾಡುವುದ್ಯಾರೋ ಗೂಡು?

ಹಸಿವಿನ ಗುಟ್ಟದು ಬಂಡೆಯ ಕೆಳಗಡೆ

ಹಸುಳೆ ಸರ ಸರ ಹೊರಡು.

ಮೆತ್ತನೆ ಹಾಸಿಗೆ ತಂಪನೆ ಹವೆಯ

ಚಂದದ ಕೋಣೆಯ ಕೊಡುವೆ

ಮನಸನು ಸಡಿಲಿಸಿ ಒಗಟನು ಬಿಡಿಸೊ

ಆತುರವೆ ನನಗಿರುವೆ!

ಬದುಕಿನ ಗುಟ್ಟ ಬೀದಿಗೆ ಬಿಡಲು

ನಾವಲ್ಲ ಮಗು ಮನುಜರು!

ನಿನ್ನದು ನಿನಗೆ ನಮ್ಮದು ನಮಗೆ

ಮಣ್ಣಿನ ಮನೆಯೋ ತಯಾರು!

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.