ಶನಿವಾರ, ಜೂನ್ 12, 2021
24 °C

ಮೊಬೈಲ್‌: ಮಲಯಾಳ ಶಬ್ದ ಅಳವಡಿಕೆಗೆ ಚಾಲನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |


ತಿರುವನಂತಪುರ (ಐಎಎನ್‌ಎಸ್‌): ಕಂಪ್ಯೂಟರ್‌ ಹಾಗೂ ಮೊಬೈಲ್‌ ದೈನಂದಿನ ವ್ಯವಹಾರಗಳಲ್ಲಿ ಸಾಮಾನ್ಯ­ವಾಗಿ ಬಳಕೆಯಲ್ಲಿರುವ ಇಂಗ್ಲಿಷ್‌  ತಾಂತ್ರಿಕ ಪದಗಳಿಗೆ ಸಮಾನ ಅರ್ಥ ನೀಡುವ ಪರ್ಯಾಯ ಮಲಯಾಳಿ  ಶಬ್ದಗಳನ್ನು ಮೊಬೈಲ್‌­ಗಳಿಗೆ ಅಳವಡಿ­ಸುವ ಕಾರ್ಯಕ್ಕೆ ಸೋಮವಾರ ಕೇರಳದಲ್ಲಿ ಚಾಲನೆ ದೊರೆತಿದೆ. 

 

ಬ್ಲೂಟೂತ್, ಸ್ವೈಪಿಂಗ್, ಲೋಕೇ­ಶನ್‌ ಸರ್ವೀಸ್‌, ಆ್ಯಪ್ಸ್‌ ಮುಂತಾದ ತಾಂತ್ರಿಕ ಶಬ್ದಗಳಿಗೆ 500 ಪರ್ಯಾಯ ಪ್ರಾದೇಶಿಕ ಶಬ್ದಗಳನ್ನು ರೂಪಿಸ­ಲಾಗಿದೆ. ಇಲ್ಲಿಯವರೆಗೆ ಮಲಯಾಳ ಭಾಷೆ­ಯಲ್ಲಿ ಆಂಗ್ಲ  ತಾಂತ್ರಿಕ ಪದಗಳಿಗೆ ಸಮಾನ­ವಾದ ಪರ್ಯಾಯ ಶಬ್ದಗಳ ಬಳಕೆ ಚಾಲ್ತಿಯಲ್ಲಿ ಇರಲಿಲ್ಲ. 

 

ಭಾಷಾ ತಜ್ಞರು, ಶಿಕ್ಷಕರು, ಪ್ರಕಾಶ­ಕರು, ಮಾಧ್ಯಮ ಪ್ರತಿನಿಧಿಗಳು, ಭಾಷಾಂತ­ರ­ಕಾರರು, ಸಾಫ್ಟ್‌ವೇರ್‌ ಎಂಜಿನಿಯರ್‌ಗಳು ಸೇರಿದಂತೆ 

ನೂರಾ­ರು ಜನ ಇದಕ್ಕೆ ಕೈಜೋಡಿಸಿದ್ದಾರೆ. 

 

ಆಂಡ್ರಾಯ್ಡ್‌, ಫೈರ್‌ಫಾಕ್ಸ್‌ ಒಎಸ್‌, ಐಫೋನ್‌ ಒಎಸ್‌ ಗ್ರಾಹಕರು ಮೊಬೈ­ಲ್‌­ನಲ್ಲಿ  ಪ್ರಾದೇಶಿಕ ಭಾಷೆ­ಯನ್ನು ಸುಲಭವಾಗಿ ಬಳಸಬಹುದಾಗಿದೆ. 

 

ಪ್ರಾದೇಶಿಕ ಭಾಷೆಯಲ್ಲಿ ವ್ಯವಹರಿ­ಸುವ ಕೇರಳದ  ಮೊಬೈಲ್‌ ಗ್ರಾಹಕರಿಗೆ ಸುಲಭವಾಗುವ ನಿಟ್ಟಿನಲ್ಲಿ ಹೆಚ್ಚಾಗಿ ಬಳಕೆಯಲ್ಲಿರುವ  ಇಂಗ್ಲಿಷ್‌ ಶಬ್ದಗಳ ಮಲ­ಯಾಳಂ ಭಾಷಾಂತರ ರೂಪವನ್ನು  ಮೊಬೈಲ್‌ಗಳಿಗೆ ಅಳವಡಿಸಲು ಈ ಯೋಜನೆ ಕೈಗೆತ್ತಿಕೊಳ್ಳಲಾಗಿದೆ. 

 

ಅಂತರರಾಷ್ಟ್ರೀಯ ಉಚಿತ ಮತ್ತು ಮುಕ್ತ ತಂತ್ರಾಂಶ ಕೇಂದ್ರ (ಐಸಿಎಫ್ಒ­ಎಸ್‌ಎಸ್‌) ದಿನ­ಬಳಕೆ­ಯಲ್ಲಿರುವ ಸಾಮಾನ್ಯ ಶಬ್ದಗಳನ್ನು ಪಟ್ಟಿ 

ಮಾಡಿ ಮೊಬೈಲ್‌ ತಂತ್ರಾಂಶಕ್ಕೆ ಅಳವಡಿಸಿದೆ. ಸ್ವತಂತ್ರ ಮಲೆಯಾಳಂ ಕಂಪ್ಯೂಟರ್‌ ತಂತ್ರಾಂಶ ಸಂಸ್ಥೆ ಹಾಗೂ ಹೆಚ್ಚು ಬಳಕೆಯಲ್ಲಿರುವ ಪದಗಳ ಪ್ರಾದೇಶಿಕರಣ ಯೋಜನೆ ಜಂಟಿಯಾಗಿ ಕೈಜೋಡಿಸಿವೆ. 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.