ಯಶಸ್ವಿ ಉಡಾವಣೆ: ಇಸ್ರೊ ಹರ್ಷ

ಶ್ರೀಹರಿಕೋಟಾ, (ಎಪಿ) (ಪಿಟಿಐ): ನಿಖರವಾದ ಜಾಗತಿಕ ತಾಪಮಾನ ಹಾಗೂ ಹವಾಮಾನ ಅರಿಯುವ ಉದ್ದೇಶದಿಂದ ಭಾರತ- ಫ್ರಾನ್ಸ್ ಜಂಟಿಯಾಗಿ 80 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸಿರುವ ಮೇಘಾ ಟ್ರಾಪಿಕ್ಸ್ ಮತ್ತು ಇನ್ನಿತರ ಮೂರು ನ್ಯಾನೊ ಉಪಗ್ರಹಗಳನ್ನು ಬುಧವಾರ ಇಲ್ಲಿನ ಸತೀಶ್ ಧವನ್ ಉಡ್ಡಯನ ಕೇಂದ್ರದಿಂದ ಯಶಸ್ವಿಯಾಗಿ ಉಡಾವಣೆ ಮಾಡಲಾಯಿತು.

. ಈ ಉಪಗ್ರಹಗಳನ್ನು ಹೊತ್ತ ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೊ) ನಿರ್ಮಿತ ಉಪಗ್ರಹ ಉಡಾವಣಾ ವಾಹಕ (ಪಿಎಸ್ಎಲ್ವಿ- ಸಿ18) ಬೆಳಿಗ್ಗೆ 11 ಗಂಟೆಗೆ ಆಕಾಶಕ್ಕೆ ನೆಗೆಯಿತು.

. 26 ನಿಮಿಷಗಳ ನಂತರ ನಾಲ್ಕೂ ಉಪಗ್ರಹಗಳನ್ನು ಸರಿಯಾದ ಕಕ್ಷೆಗೆ ಸೇರಿಸುವಲ್ಲಿ ಸಫಲವಾಯಿತು. ಲಕ್ಸಂಬರ್ಗ್ನ ವೆಸೆಲ್ ಸ್ಯಾಟ್, ಚೆನ್ನೈನ ಎಸ್ಆರ್ಎಂ ವಿಶ್ವವಿದ್ಯಾಲಯದ ಎಸ್ಆರ್ಎಂ ಸ್ಯಾಟ್ ಮತ್ತು ಕಾನ್ಪುರ ಐಐಟಿಯ ಜುಗ್ನು ಹೆಸರಿನ ನ್ಯಾನೊ ಉಪಗ್ರಹಗಳು ಮೇಘಾ ಜತೆ ಕಕ್ಷೆ ಸೇರಿವೆ.

. ಯಶಸ್ವಿ ಉಡಾವಣೆಯ ನಂತರ ಪ್ರತಿಕ್ರಿಯೆ ನೀಡಿದ ಇಸ್ರೊ ಅಧ್ಯಕ್ಷ ಕೆ.ರಾಧಾಕೃಷ್ಣನ್ `ಇದೊಂದು ದೊಡ್ಡ ಯಶಸ್ಸು. ಎಲ್ಲವೂ ನಾವು ಅಂದುಕೊಂಡಂತೆ ನಡೆದಿದೆ~ ಎಂದು ಹರ್ಷ ವ್ಯಕ್ತಪಡಿಸಿದರು.

. `ಕಕ್ಷೆಯಲ್ಲಿರುವ ಶಿಲೆಯ ಚೂರುಗಳಿಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸುವ ಉದ್ದೇಶದಿಂದ ಪಿಎಸ್ಎಲ್ವಿ ರಾಕೆಟ್ ಅನ್ನು ಒಂದು ನಿಮಿಷ ತಡವಾಗಿ ಹಾರಿ ಬಿಡಲಾಯಿತು. ಫೆಬ್ರುವರಿಯಿಂದ ಉಪಗ್ರಹಗಳು ಕಳುಹಿಸುವ ಅಂಕಿಂಶಗಳ ಅಧ್ಯಯನ ಸಾಧ್ಯವಾಗಲಿದೆ~ ಎಂದು ಅವರು ತಿಳಿಸಿದರು.

. ಉಪಗ್ರಹಗಳಿಂದ ಕೇವಲ ಭಾರತಕ್ಕೆ ಮಾತ್ರವಲ್ಲ, ಹಿಂದೂ ಮಹಾಸಾಗರದ ರಾಷ್ಟ್ರಗಳು ಸೇರಿದಂತೆ ಜಗತ್ತಿನ ಹಲವು ದೇಶಗಳಿಗೆ ಹವಾಮಾನ ಬದಲಾವಣೆ, ಮೋಡ, ಜಲಚಕ್ರ ಇತ್ಯಾದಿಗಳನ್ನು ಅರಿಯಲು ನೆರವಾಗಲಿದೆ. ಫ್ರಾನ್ಸ್ನ ಸಿಎನ್ಇಸಿ ಕೂಡ ಸಮವಾಗಿ ಉಪಗ್ರಹ ನಿರ್ಮಾಣ ವೆಚ್ಚವನ್ನು ಭರಿಸಿದೆ.

. ವಿಕೋಪದ ಮಾಹಿತಿ: ಮೇಘಾ ಟ್ರಾಪಿಕ್ಸ್ ನಿಖರವಾದ ಹವಾಮಾನ, ಮಳೆ, ಮೋಡಗಳ ಬಗ್ಗೆ ತಿಳಿಸಲಿದೆ. ಕಾನ್ಪುರ ಐಐಟಿ ನಿರ್ಮಿಸಿರುವ ಮೂರು ಕೆ.ಜಿ ಭಾರದ `ಜುಗ್ನು~ ಉಪಗ್ರಹದಲ್ಲಿ ವಿಶೇಷ ಕ್ಯಾಮೆರಾ ಅಳವಡಿಸಲಾಗಿದ್ದು ಭೂಮಿಯ ಮೇಲಿನ ಸಸ್ಯರಾಶಿ, ಜಲರಾಶಿಗಳ ಚಿತ್ರಗಳನ್ನು ಸೆರೆ ಹಿಡಿಯಲಿದೆ. ಪ್ರವಾಹ, ಪ್ರಕೃತಿ ವಿಕೋಪಗಳ ಬಗ್ಗೆ ಮಾಹಿತಿ ನೀಡಲಿದೆ.

. 10.9 ಕೆ.ಜಿ ಭಾರದ ಎಸ್ಆರ್ಎಂ ಸ್ಯಾಟ್ ವಾತಾವರಣದಲ್ಲಿನ ಇಂಗಾಲದ ಡೈಆಕ್ಸೈಡ್ ಮತ್ತು ನೀರಿನ ಅಂಶದ ವಿವರ ನೀಡಲಿದೆ. ಲಕ್ಸಂಬರ್ಗ್ನ ವೆಸಲ್ ಸ್ಯಾಟ್-1 ಹಡಗುಗಳಿಂದ ಹೊರಡುವ ಸಂದೇಶಗಳನ್ನು ಪತ್ತೆಹಚ್ಚಲು ನೆರವಾಗಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯಶಸ್ವಿ ಉಡಾವಣೆ: ಇಸ್ರೊ ಹರ್ಷ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ