ಯಾಹೂ: 1000 ಉದ್ಯೋಗಗಳಿಗೆ ಕತ್ತರಿ?

ನ್ಯೂಯಾರ್ಕ್ (ಪಿಟಿಐ): ಇಂಟರ್‌ನೆಟ್ ದೈತ್ಯ ಕಂಪೆನಿ ಯಾಹೂ, 1000 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕುವ ಸಾಧ್ಯತೆ ಇದೆ.  ಕಂಪೆನಿಯ ಕಾರ್ಯನಿರ್ವಹಣೆಗೆ ಹೊಸರೂಪ ನೀಡುವ ಪ್ರಯತ್ನದ ಭಾಗವಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಹೇಳಲಾಗಿದೆ.



ಕಂಪೆನಿಯ ಸಂಶೋಧನಾ ವಿಭಾಗದಲ್ಲಿ ಭಾರಿ ಪ್ರಮಾಣದಲ್ಲಿ ಉದ್ಯೋಗಗಳು ಕಡಿತಗೊಳ್ಳುವ ಸಂಭವವಿದೆ.  ಯಾಹೂ ಲಾಬ್ಸ್‌ನ ಮುಖ್ಯಸ್ಥರಾಗಿರುವ ಭಾರತೀಯ ಮೂಲದ ಪ್ರಭಾಕರ್ ರಾಘವನ್ ಕೂಡ  ಹುದ್ದೆ ತೊರೆಯುವ ಸಾಧ್ಯತೆ ಇದೆ ಎಂದು ವಾಲ್ ಸ್ಟ್ರೀಟ್ ಜರ್ನಲ್ ವರದಿ ಮಾಡಿದೆ.