ಯುಪಿಎ ಸಾಧನೆ ನಿರೀಕ್ಷೆಗೂ ಮೀರಿದೆ: ಮೊಯಿಲಿ

ದೇವನಹಳ್ಳಿ:  ‘ಯುಪಿಎ ಸರ್ಕಾರ ಕಳೆದ ಒಂದು ವರ್ಷದಲ್ಲಿ ನಿರೀಕ್ಷೆಗಿಂತ ಹೆಚ್ಚು ಪ್ರಗತಿ ಪರ ಯೋಜನೆಗಳನ್ನು ಜಾರಿ­ಗೊಳಿಸಿದೆ’ ಎಂದು ಕೇಂದ್ರ ಇಂಧನ ಸಚಿವ ವೀರಪ್ಪ ಮೊಯಿಲಿ ತಿಳಿಸಿದರು.



ತಾಲ್ಲೂಕಿನ ಕನ್ನಮಂಗಲ ಗ್ರಾಮದ ಕೆರೆಯ ಅಭಿವೃದ್ಧಿ ಕಾಮಗಾರಿಗೆ ಗುದ್ದಲಿ ಪೂಜೆ ನೆರವೇರಿಸಿ ಮಾತನಾ­ಡಿದ ಅವರು, ‘ಕನ್ನಮಂಗಲ ಕೆರೆ ಅಭಿವೃದ್ಧಿ ಸೇರಿದಂತೆ ಒಟ್ಟು ಹತ್ತು ಕೆರೆ­ಗಳಲ್ಲಿ ಹೂಳು ತೆಗೆಯಲು ಒಂದು ಕೋಟಿ ರೂಪಾಯಿ ಬಿಡುಗಡೆ­ಯಾಗಿದೆ.



ಜೊತೆಗೆ ಅರಸನಹಳ್ಳಿ, ನರ­ಗ­ನ­ಹಳ್ಳಿ, ಸಾದಹಳ್ಳಿ, ಕನ್ನಮಂಗಲ, ಚಿಕ್ಕ­ಸಣ್ಣೆ, ಯರ್ತಿಗಾನಹಳ್ಳಿ ಸೋಲೂರು ಗ್ರಾಮಗಳಲ್ಲಿ ಸಿಮೆಂಟ್‌ ರಸ್ತೆ ಕಾಮಗಾರಿಗೆ ರೂ 50 ಲಕ್ಷ  ಅನುದಾನ ಬಿಡುಗಡೆಯಾಗಿದೆ’ ಎಂದು ತಿಳಿಸಿದರು.



ಉದ್ಘಾಟನೆ: ರೈಲ್ವೆ ಕಚೇರಿ ಕೇಂದ್ರ ಹಾಗೂ ಗಣಕೀಕೃತ ರೈಲ್ವೆ ಪ್ರಯಾಣದ ಟಿಕೆಟ್‌ ಕಾಯ್ದಿರಿಸುವಿಕೆ ಕೇಂದ್ರವನ್ನು ಉದ್ಘಾಟಿಸಿ ಮಾತನಾಡಿದ ಮೊಯಿಲಿ, ‘ಒಂಬತ್ತು ತಿಂಗಳಲ್ಲಿ ಚಿಕ್ಕಬಳ್ಳಾಪುರ ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ಎಲ್ಲಾ ರೈಲು ಕಚೇರಿಗಳನ್ನು ಆದರ್ಶ ರೈಲ್ವೆ ಕೇಂದ್ರಗಳನ್ನಾಗಿ ಪರಿ­ವರ್ತಿ­ಸಲಾಗಿದೆ’ ಎಂದು ತಿಳಿಸಿದರು.



ಶಾಸಕ ಪಿಳ್ಳಮುನಿಶಾಮಪ್ಪ ಮಾತ­ನಾಡಿ, ಎತ್ತಿನ ಹೊಳೆ ಯೋಜನೆಗೆ ಎಲ್ಲರೂ ಪಕ್ಷಾತೀತವಾಗಿ ಸಹಕರಿಸಬೇಕು ಎಂದು ಮನವಿ ಮಾಡಿದರು.



‘ವಿಮಾನ ನಿಲ್ದಾಣದ ಸಮೀಪ­ದಲ್ಲಿರುವ ಕೌಶಲ ತರಬೇತಿ ಕೇಂದ್ರ­ವನ್ನು ಉದ್ಘಾಟನೆ ಮಾಡಿ ಒಂಬತ್ತು ತಿಂಗಳಾದರೂ ತರಗತಿ ಆರಂಭ­ಗೊಂಡಿಲ್ಲ. ಈ ಕುರಿತು ಸಚಿವರು ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಕೋರಿದರು. 



ಮಾಜಿ ಶಾಸಕ ವೆಂಕಟಸ್ವಾಮಿ, ತಾ.ಪಂ ಮಾಜಿ ಅಧ್ಯಕ್ಷ ಚಂದ್ರಪ್ಪ, ಬಮುಲ್‌ ನಿರ್ದೇಶಕ ಸೋಮಣ್ಣ, ಬ್ಲಾಕ್ ಕಾಂಗ್ರೆಸ್‌ ಅಧ್ಯಕ್ಷ ಜಗನ್ನಾಥ್‌ ಮತ್ತು ಲಕ್ಷ್ಮೀನಾರಾಯಣ, ಜಿಲ್ಲಾ ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ನರಸಿಂಹ­ನಾಯಕ್‌, ಪರಿಶಿಷ್ಟ ಘಟಕದ ಅಧ್ಯಕ್ಷ ಚಿನ್ನಪ್ಪ, ತಾಲ್ಲೂಕು ಯುವ ಕಾಂಗ್ರೆಸ್‌ ಅಧ್ಯಕ್ಷ ನಾಗೇಶ್‌, ಮಾಜಿ ಅಧ್ಯಕ್ಷ ಪ್ರಸನ್ನಕುಮಾರ್‌, ತಾ.ಪಂ ಮಾಜಿ ಅಧ್ಯಕ್ಷ ಎಸ್‌.ಜಿ. ನಾರಾಯಣ­ಸ್ವಾಮಿ, ಕೆ.ಸಿ.ಮಂಜು­ನಾಥ್‌, ಟಿ.ಮಂಜು­­ನಾಥ್‌, ಖಾದಿ ಬೋರ್ಡ್‌ ಮಾಜಿ ಅಧ್ಯಕ್ಷ ಪಟಾಲಪ್ಪ, ಟೌನ್‌ ಕಾಂಗ್ರೆಸ್‌ ಅಧ್ಯಕ್ಷ ಎಸ್‌.ಸಿ.­ಚಂದ್ರಪ್ಪ, ಹಿಂದುಳಿದ ವರ್ಗದ ಕಾಂಗ್ರೆಸ್‌ ಘಟ­ಕದ ಅಧ್ಯಕ್ಷ ಕೋದಂಡ­ರಾಮಯ್ಯ, ಕುಂದಾಣ ಹೋಬಳಿ ಕಾಂಗ್ರೆಸ್‌ ಅಧ್ಯಕ್ಷ ಅಪ್ಪಣ್ಣ, ಲಕ್ಷ್ಮೀನರ­ಸಿಂಹ­ಸ್ವಾಮಿ, ಆವತಿ ವೆಂಕ­ಟೇಶ್‌, ಕೃಷಿಕ ಸಮಾಜದ ಅಧ್ಯಕ್ಷ ರವಿಕುಮಾರ್‌, ಎಂ.ಪಿ.ಸಿ.ಎಸ್‌ ಅಧ್ಯಕ್ಷ ಶ್ರೀರಾ­ಮಯ್ಯ, ಪುರಸಭೆ ಸದಸ್ಯೆ ಶಾರದಮ್ಮ ಇದ್ದರು.



ರಸ್ತೆ ಕಾಮಗಾರಿಗೆ ಭೂಮಿ ಪೂಜೆ

ವಿಜಯಪುರ:  ‘ದೇವನಹಳ್ಳಿ ಹಾಗೂ ವಿಜಯಪುರ ಕೆರೆಗಳಿಗೆ ಎತ್ತಿನ ಹೊಳೆ ನೀರು ಹರಿಯುವುದು ಖಚಿತ’ ಎಂದು  ವೀರಪ್ಪ ಮೊಯಿಲಿ ತಿಳಿಸಿ­ದರು. ಸಮೀ ಪದ ಎ.ರಂಗನಾಥಪುರ­­ದಲ್ಲಿ ₨ ೫ ಲಕ್ಷ ವೆಚ್ಚದ  ಕಾಂಕ್ರೀಟ್‌ ರಸ್ತೆ ಕಾಮಗಾರಿಗೆ ಗುದ್ದಲಿ ಪೂಜೆ ನೆರವೇರಿಸಿ ಅವರು ಮಾತನಾಡಿ­ದರು.



‘ಎತ್ತಿನಹೊಳೆ ಯೋಜನೆಯಿಂದ 24 ಟಿಎಂಸಿ ನೀರು ದೊರೆಯುತ್ತದೆ. ತುಮ­ಕೂರು, ಬೆಂಗಳೂರು ಗ್ರಾಮಾಂ ತರ, ರಾಮ­ನಗರ, ಚಿಕ್ಕಬಳ್ಳಾಪುರ, ಕೋಲಾರ ಜಿಲ್ಲೆಗಳಿಗೆ ನೀರು ಹರಿಸ­ಲಾಗು­ವುದು. ಇದರಲ್ಲಿ ಗೊಂದಲ ಬೇಡ’ ಎಂದು ತಿಳಿಸಿದರು.



ಸ್ಪಷ್ಟನೆ: ‘-ಬೆಂ.ಗ್ರಾ. ಜಿಲ್ಲಾ ಪಂಚಾ­ಯತ್‌ ಮಾಜಿ ಅಧ್ಯಕ್ಷ ಹಾಗೂ ಕಾಂಗ್ರೆಸ್ ಮುಖಂಡ ಬಿ.ರಾಜಣ್ಣ ಬಿಜೆಪಿಗೆ ಹೋಗುತ್ತಾರೆ ಎಂಬ ವದಂತಿಗೆ ತೆರೆ ಎಳೆದ ಮೊಯಿಲಿ ಅವರು  ರಾಜಣ್ಣ ಕಾಂಗ್ರೆಸ್ಸಿನಲ್ಲಿಯೇ ಮುಂದು­ವರೆಯು­ತ್ತಾರೆ’ ಎಂದು ಸ್ಪಷ್ಟಪಡಿಸಿದರು. ಮಾಜಿ ಶಾಸಕ ವೆಂಕಟಸ್ವಾಮಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಲಕ್ಷ್ಮೀ­ನಾರಾಯಣಪ್ಪ, ದೇವನ ಹಳ್ಳಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಜಗನ್ನಾಥ್, ಜಿಲ್ಲಾ  ಕಾರ್ಯದರ್ಶಿ ನರಸಿಂಹ ನಾಯಕ್, ಜಿಲ್ಲಾ ಎಸ್ಟಿ ಘಟಕದ ಅಧ್ಯಕ್ಷ ಚಿನ್ನಪ್ಪ, ಗೊಡ್ಲು ಮುದ್ದೇನಹಳ್ಳಿ ಗ್ರಾ.ಪಂ. ಅಧ್ಯಕ್ಷ ಚೇತನ್ ಗೌಡ, ಮಾಜಿ ಉಪಾಧ್ಯಕ್ಷ ರಾಮಚಂದ್ರಪ್ಪ, ಹಾರೋಹಳ್ಳಿ ಗ್ರಾ.ಪಂ. ಮಾಜಿ ಅಧ್ಯಕ್ಷ ಚಂದ್ರಪ್ಪ, ವೆಂಕಟಗಿರಿ ಕೋಟೆ ಪಂಚಾಯ್ತಿ ಸದಸ್ಯ ಸಜ್ಜದ್ ಮತ್ತಿತರರು ಉಪಸ್ಥಿತರಿದ್ದರು.