ರಂಗಿನ ಹಾಡುಗಳ ಗುಂಗಿನಲ್ಲಿ...

ಹೋಳಿ ಬಂದಾಗಲೆಲ್ಲ ರಂಗುರಂಗಿನ ಹಾಡುಗಳನ್ನು ಗುನುಗುವುದು ಹೆಚ್ಚಾಗುತ್ತದೆ. ಗಲ್ಲಿಗಲ್ಲಿಗಳಲ್ಲೂ 80ರ ದಶಕದ ಸಿಲ್ಸಿಲಾ ಚಿತ್ರಗೀತೆ `ರಂಗ್ ಬರಸೆ ಭೀಗೆ ಚುನರ್ವಾಲಿ ರಂಗ್ ಬರಸೆ~ ಹಾಡು ಅನುರಣಿಸತೊಡಗುತ್ತದೆ. ಇಲ್ಲವೇ `ಹೋಲಿ ಆಯಿ ರೇ..~ ಹಾಡು ಕೇಳತೊಡಗುತ್ತದೆ. ಈ ಸಾಲಿಗೆ ಇನ್ನೊಂದು ಸೇರ್ಪಡೆ ಶೋಲೆ ಚಿತ್ರದ `ಹೋಲಿ ಕೆ ದಿನ್ ದಿಲ್ ಖಿಲ್ ಜಾತೆ ಹೈ... ರಂಗೋಮೆ ರಂಗ್ ಮಿಲ್ಜಾತೆ ಹೈ~. ವಿವಿಧ ಭಾರತಿ ಇರಲಿ ಇನ್ನಾವುದೇ ರೇಡಿಯೋ ಸ್ಟೇಷನ್ಗಳಿರಲಿ ಈ ಹಾಡುಗಳಿಲ್ಲದೇ ಹೋಳಿ ಹಬ್ಬ ಅಪೂರ್ಣವೆಂಬಂತೆಯೇ ಆಗಿದೆ.

. ಹಿಂದಿ ಚಲನಚಿತ್ರದಲ್ಲಿ ಒಂದು `ಮಸ್ತಿಭರಾ ಗೀತ್~ ಎಂಬಂತೆ ಚಿತ್ರೀಕರಿಸಬೇಕಿದ್ದರೆ ಅಲ್ಲೊಂದು ಹೋಳಿ ಹಬ್ಬದ ಆಚರಣೆ ಇರಲೇಬೇಕಿತ್ತು. ಸರಸ-ಸಲ್ಲಾಪ ಸಲಿಗೆಗೆ ಈ ಹಾಡು- ಹಬ್ಬ ಎರಡೂ ಮಾಧ್ಯಮವಾಗಿದ್ದವು. 90ರ ದಶಕದಲ್ಲಿ `ಡರ್~ ಚಿತ್ರದ `ಅಂಗ್ ಸೆ ಅಂಗ್ ಲಗಾನಾ, ಸಜನ್ ಹಮೆ ಐಸೆ ರಂಗ್ ಲಗಾನಾ..~ ಹಾಡು ಸಹ ಮೋಜು ಮತ್ತು ಮಸ್ತಿ ಎರಡನ್ನೂ ಬಿಂದಾಸ್ ಆಗಿ ಉಣಬಡಿಸಿತ್ತು.

. ನಂತರ ಅಮಿತಾಬ್ ಬಚ್ಚನ್ ಮತ್ತದೇ ತುಂಟತನ ಹಾಗೂ ಲವಲವಿಕೆಯಿಂದ ಹಾಡಿ ಕುಣಿದಿದ್ದು ಬಾಗ್ಬನ್ ಚಿತ್ರದಲ್ಲಿ `ಹೋಲಿ ಖೇಲೆ ರಘುವೀರಾ~ ಹಾಡಿನಲ್ಲಿ. ಹಳೆಯ ಹಾಡುಗಳ ಸಾಲಿಗೆ ಈ ಎರಡೂ ಹಾಡುಗಳು ಕಾಯಂ ಸ್ಥಳವನ್ನು ಪಡೆದವು.

. ಆದರೆ ಇತ್ತೀಚೆಗೆ `ಆ್ಯಕ್ಷನ್ ರಿಪ್ಲೆ~ ಚಿತ್ರದಲ್ಲಿ ಐಶ್ವರ್ಯ ರೈ ಬಚ್ಚನ್ ಅಭಿನಯದ `ಛನ್ಕೆ ಮೊಹಲ್ಲಾ~ ಹಾಡು ಚಿತ್ರೀಕರಿಸಿದರೂ ಹೋಳಿಯ ಸಂಭ್ರಮದ ಬಣ್ಣ ಈ ಹಾಡಿಗೆ ದಕ್ಕಲಿಲ್ಲ. ಹೋಳಿಹಬ್ಬದ ಸಂಭ್ರಮವನ್ನೇ 2005ರಲ್ಲಿ ಬಿಡುಗಡೆಯಾದ `ವಕ್ತ್~ ಚಿತ್ರದಲ್ಲಿ ಹಾಡಿಗೆ ತೆಗೆದುಕೊಳ್ಳಲಾಗಿತ್ತು. ಅನುಮಲಿಕ್ ಸಮಕಾಲೀನ ಯುವಜನಾಂಗವನ್ನು ಗಮನದಲ್ಲಿರಿಸಿಕೊಂಡು `ಹಿಂಗ್ಲಿಷ್~ ಹಾಡನ್ನು ಹೆಣೆದಿದ್ದರು. `ಡು ಮಿ ಎ ಫೇವರ್, ಲೆಟ್ಸ್ ಪ್ಲೇ ಹೋಲಿ~ ಎಂದು ಹಾಡಿ ಕುಣಿಯುವಂತೆ ಮಾಡಿದ್ದರು.

. ಹೋಲಿ ಸಂಭ್ರಮಾಚರಣೆಯಲ್ಲಿ ರಂಗಿನೋಕುಳಿ ಹಾಗೂ ಭಾಂಗ್ ಸೇವನೆ (ಹಾಲು, ಗಸಗಸೆ, ಕರಬೂಜಿನ ಬೀಜ, ಏಲಕ್ಕಿ, ಖೋವಾ, ಮುಂತಾದ ಹಣ್ಣುಗಳ ಮಿಶ್ರಣದ ಪೇಯ, ಮೊದಲೆಲ್ಲ ಅಫೀಮು ಸಹ ಸೇರಿಸುತ್ತಿದ್ದರು) ಹಾಗೂ ಮಕ್ಕಳಿಗೆ ಸೇವಿಸಲು ನೀಡುವ ತಂಪು ಪಾನೀಯ `ಥಂಡಾಯ್~ ಗಮನ ಸೆಳೆಯುತ್ತದೆ. ಇವುಗಳೊಂದಿಗೆ ಢೋಲಕ್ ಒಂದಿದ್ದರೆ ಹಾಡಿನ ಬಂಡಿಯೇ ಅಲ್ಲಿ ತೇಲುತ್ತದೆ. ಬೀಡಾ ತಿನ್ನುತ್ತ ತುಟಿರಂಗಿನ ಲೇಪನವಾದಂತೆ ಹಾಡುವುದು ಸಾಮಾನ್ಯ. ಅದೇ ಕಾರಣಕ್ಕೆ ರಂಗ್ ಬರಸೆ ಚಿತ್ರದಲ್ಲಿ `ಲೊಂಗ್ ಔರ್ ಇಲಾಚಿ ಕಾ ಬೀಡಾ ಬನಾಯಾ... ಖಾಯೆ ಗೋರಿ ಕಾ ಯಾರ್ ಬಲಮ್ ತರಸೆ... ರಂಗ್ ಬರಸೆ~ ಎಂಬ ಸಾಲನ್ನು ಸೇರಿಸಲಾಗಿತ್ತು.

. ಯುವಕ ಯುವತಿಯರ ನಡುವೆ ಸಲುಗೆ ಹೆಚ್ಚಿಸುವ ಈ ಹಬ್ಬ, ಹಳೆಯ ಕಾಲದಲ್ಲಿ ರೋಮ್ಯಾಂಟಿಸಂನ ಬಲು ಮುಖ್ಯ ಸೂತ್ರವಾಗಿತ್ತು. ಸಹನಟಿಯನ್ನು ತಬ್ಬಿ ಹಿಡಿಯಲು, ನರ್ತಿಸಲು ಈ ಹಾಡು ಮುಖ್ಯವಾಗಿರುತ್ತಿತ್ತು. ಆದರೆ ಈಗ ಹಾಗಲ್ಲವಲ್ಲ!

. ಈಗ ಏನಿದ್ದರೂ `ಪ್ರಿಟ್ಟಿ ವುಮನ್~ ಹಾಗೂ `ಲೆಟ್ಸ್ ಗೋ ಪಾರ್ಟಿ ಟು ನೈಟ್~ ಎಂದು ಹಾಡಿ ಕುಪ್ಪಳಿಸುವ ದಿನಗಳು.

. ಇದೇ ಕಾರಣದಿಂದಲೇ ಹಿಂದಿ ಚಿತ್ರರಂಗದಿಂದ ಹೋಳಿ ಸಂಭ್ರಮಾಚರಣೆ ನೇಪಥ್ಯಕ್ಕೆ ಸರಿದಿದೆ ಎಂದು ನಿರ್ದೇಶಕಿ ತನುಜಾ ಚಂದ್ರ ಅಭಿಪ್ರಾಯ ಪಡುತ್ತಾರೆ. ಆದರೆ ಬಾಲಿವುಡ್ನ ಚಲನೆಯನ್ನು ಗಮನಿಸಿದರೆ ಮತ್ತೊಮ್ಮೆ ಹೋಳಿ ಹಾಡಿನ ಸಂಭ್ರಮ ಮರುಕಳಿಸಬಹುದು ಎಂಬ ಆಶಾವಾದವನ್ನು ನಿರ್ಮಾಪಕ ಗೋಲ್ಡಿ ಬೆಹಲ್ ವ್ಯಕ್ತ ಪಡಿಸುತ್ತಾರೆ.

. ಆದರೆ 30 ವರ್ಷಗಳ ನಂತರವೂ `ರಂಗ್ ಬರಸೆ~ ಹಾಡು, ತನ್ನ ಬಣ್ಣವನ್ನು ಗಾಢವಾಗಿಯೇ ಜನಜೀವನದಲ್ಲಿ ಉಳಿಸಿದೆ. ಈ ಹಾಡಿಲ್ಲದೇ ಹೋಳಿ ಹಬ್ಬದ ಸಂಭ್ರಮಾಚರಣೆ ಎನ್ನುವಂತಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಂಗಿನ ಹಾಡುಗಳ ಗುಂಗಿನಲ್ಲಿ...

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌