ರಾಜಕಾರಣಿಗಳಿಗೆ ನಿವೃತ್ತಿ ಬೇಡ: ಎಸ್.ವೈ.ಖುರೇಷಿ

ನವದೆಹಲಿ (ಪಿಟಿಐ): ಜನಪ್ರತಿನಿಧಿಗಳನ್ನು ವಾಪಸು ಕರೆಯಿಸುವ ಹಕ್ಕು ಮತ್ತು ರಾಜಕಾರಣಿಗಳಿಗೆ ನಿವೃತ್ತಿ ವಯಸ್ಸು ನಿಗದಿಪಡಿಸುವುದು ಕಾರ್ಯಸಾಧು ಕ್ರಮಗಳಲ್ಲ ಎಂದು ಮುಖ್ಯ ಚುನಾವಣಾ ಆಯುಕ್ತ ಎಸ್.ವೈ. ಖುರೇಷಿ ಅವರು ತಿಳಿಸಿದರು.



ರಾಜಕೀಯ ಪಕ್ಷಗಳ ಲೆಕ್ಕಪತ್ರಗಳನ್ನು ಲೆಕ್ಕ ಪರಿಶೋಧನೆಗೆ ಒಳಪಡಿಸುವುದು ಮತ್ತು ವಂತಿಗೆ ಸಂಗ್ರಹದ ಮೇಲೆ ನಿಗಾ ಇಡುವಂತಹ ಚುನಾವಣಾ ಸುಧಾರಣಾ ಕ್ರಮಗಳನ್ನು ಜಾರಿಗೆ ತರುವುದು ಒಳಿತು ಎಂದು ಅವರು ಅಭಿಪ್ರಾಯಪಟ್ಟರು.



ರಾಜಕೀಯ ಅಪರಾಧೀಕರಣ ಮತ್ತು ಕಪ್ಪುಹಣ ಪ್ರಜಾಪ್ರಭುತ್ವಕ್ಕೆ ದೊಡ್ಡ ಸವಾಲುಗಳು ಎಂದರು.

 ಈ ಸಮಸ್ಯೆಯಿಂದಾಗಿ ಭಾರತದ ಪ್ರಜಾಪ್ರಭುತ್ವ ಮಹಾನ್ ಪ್ರಜಾಪ್ರಭುತ್ವ ರಾಷ್ಟ್ರವಾಗಲು ಸಾಧ್ಯವಾಗಿಲ್ಲ ಎಂದು ವಿಷಾದಿಸಿದರು.