ರಾಮದೇವ್ ಜೊತೆ ವೇದಿಕೆ ಹಂಚಿಕೊಂಡ ಕಿರಣ್ ಬೇಡಿ

ನವದೆಹಲಿ (ಪಿಟಿಐ): ಕಪ್ಪು ಹಣ ವಾಪಸ್ ತರುವುದು ಮತ್ತು ಪ್ರಬಲ ಲೋಕಪಾಲ ಜಾರಿಗೆ ಒತ್ತಾಯಿಸಿ ಯೋಗ ಗುರು ನಡೆಸುತ್ತಿರುವ ಹೋರಾಟದಿಂದ ಅಣ್ಣಾ ತಂಡದ ಇತರ ಸದಸ್ಯರು ದೂರ ಉಳಿದಿದ್ದರೂ, ತಂಡದ ಸಕ್ರಿಯ ಸದಸ್ಯರಾಗಿದ್ದ ಕಿರಣ್ ಬೇಡಿ ಅವರು ಭಾನುವಾರ ರಾಮದೇವ್ ಅವರ ಜೊತೆಗೆ ವೇದಿಕೆ ಹಂಚಿಕೊಂಡು ಭ್ರಷ್ಟಾಚಾರದ ವಿರುದ್ಧ ಸಮ್ಮಿಶ್ರ ಕೂಟ ರಚನೆಯ ಅಗತ್ಯವನ್ನು ಪ್ರತಿಪಾದಿಸಿದರು.



ಪ್ರತಿಭಟನಕಾರರನ್ನು ಉದ್ದೇಶಿಸಿ ಮಾತನಾಡಿದ ಕಿರಣ್ ಬೇಡಿ ~ಭ್ರಷ್ಟಾಚಾರದ ವಿರುದ್ಧ ಸಂಯುಕ್ತ ವೇದಿಕೆ ಹಾಗೂ ಭ್ರಷ್ಟರ ವಿರುದ್ಧ ಸಮ್ಮಿಶ್ರ ಕೂಟವನ್ನು ನಾವೀಗ ರಚಿಸಬೇಕು ಎಂದು ಕರೆ ನೀಡಿದರು.