<p>ದೇಶದಲ್ಲಿ ಇದೇ ಮೊದಲ ಬಾರಿಗೆ ರೋಬೋಟಿಕ್ ಶಸ್ತ್ರಚಿಕಿತ್ಸೆ ಶುರುವಾಗಿದ್ದು, ನಗರದ ಆಸ್ಪತ್ರೆ ಅದಕ್ಕೆ ಸಾಕ್ಷಿಯಾಗಿರುವುದು ವಿಶೇಷ.ಇತ್ತೀಚೆಗೆ ಥೈರಾಯ್ಡ ಮತ್ತು ಗಂಟಲಿನ ಕ್ಯಾನ್ಸರ್ ಪ್ರಕರಣಗಳು ಹೆಚ್ಚಾಗಿ ಕಂಡುಬರುತ್ತಿರುವುದರಿಂದ ಮಣಿಪಾಲ್ ಆಸ್ಪತ್ರೆ ಇದಕ್ಕೆ ರೋಬೋಟಿಕ್ ಸರ್ಜರಿ ಪರಿಚಯಿಸಿದೆ. <br /> <br /> ಕ್ಯಾನ್ಸರ್ ಮತ್ತು ಥೈರಾಯ್ಡ ಗಡ್ಡೆಗಳನ್ನು ಅತಿ ಸುಲಭವಾಗಿ ತೆಗೆದುಹಾಕಬಹುದಾದ ಈ ರೋಬೋಟಿಕ್ ಶಸ್ತ್ರಚಿಕಿತ್ಸೆ ದೇಶದಲ್ಲಿ ಇದೇ ಮೊದಲು ನಡೆಯುತ್ತಿದೆ ಎಂಬುದನ್ನು ಆಸ್ಪತ್ರೆಯ ವೈದ್ಯಕೀಯ ನಿರ್ದೇಶಕ ಡಾ. ಎಚ್. ಸುದರ್ಶನ ಬಲ್ಲಾಳ್ ಖಾತರಿ ಪಡಿಸುತ್ತಾರೆ. <br /> <br /> ಈ ಸರ್ಜರಿ ಸಾಂಪ್ರದಾಯಿಕ ಶಸ್ತ್ರಚಿಕಿತ್ಸೆಗಿಂತ ಅತ್ಯಂತ ವಿಭಿನ್ನ. ಇದರ ವಿಶೇಷತೆಗಳು ಹಲವು. ಹಿಂದೆಲ್ಲಾ ಥೈರಾಯ್ಡ ಮತ್ತು ಗಂಟಲಿನ ಕ್ಯಾನ್ಸರ್ ಗಡ್ಡೆಗಳನ್ನು ತೆಗೆಯಲು ಗಂಟಲಿನ ಭಾಗವನ್ನು ಸೀಳಿ, ಶಸ್ತ್ರಚಿಕಿತ್ಸೆ ನಡೆಸಲಾಗುತ್ತಿತ್ತು. <br /> <br /> ಗಂಟಲು ಅಥವಾ ಬಾಯಿಯ ಕ್ಯಾನ್ಸರ್ ಆದರೆ ದವಡೆಯ ಮೂಳೆಗಳನ್ನು ಸಡಿಲಪಡಿಸಿ ನಂತರ ಶಸ್ತ್ರಚಿಕಿತ್ಸೆ ಮಾಡಬೇಕಿತ್ತು. ಈ ಅವಧಿಯಲ್ಲಿ ಹೆಚ್ಚು ರಕ್ತಸ್ರಾವ, ನೋವು ಸಹಜ. ಶಸ್ತ್ರಚಿಕಿತ್ಸೆ ನಂತರವೂ ರೋಗಿ ನೋವಿನಿಂದ ಚೇತರಿಸಿಕೊಳ್ಳಲು ತಿಂಗಳುಗಟ್ಟಲೆ ಸಮಯ ಹಿಡಿಯುತ್ತಿತ್ತು. <br /> <br /> ಆಸ್ಪತ್ರೆಯಲ್ಲೇ ಹಲವು ಕಾಲ ಇರಬೇಕಿತ್ತು. ಇದೆಲ್ಲಕ್ಕಿಂತ ಹೆಚ್ಚಾಗಿ ಶಸ್ತ್ರಚಿಕಿತ್ಸೆಯ ಕಲೆಗಳು ಚರ್ಮದ ಮೇಲೆ ಹಾಗೆಯೇ ಉಳಿದುಕೊಂಡುಬಿಡುತ್ತಿದ್ದವು. ಈ ಎಲ್ಲಾ ನ್ಯೂನತೆಗಳನ್ನು ಹಿಂದಿಕ್ಕಲು ಈ ರೋಬೋಟಿಕ್ ಸರ್ಜರಿ ಅತ್ಯುನ್ನತ ಪರಿಹಾರ ಎನ್ನುತ್ತಾರೆ ಮಣಿಪಾಲ್ ಆಸ್ಪತ್ರೆಯಲ್ಲಿ ರೋಬೋಟಿಕ್ ಸರ್ಜರಿ ಮಾಡುವ ವೈದ್ಯ ಡಾ. ಎಸ್. ಪಿ. ಸೋಮಶೇಖರ್. <br /> ಯಾವುದೇ ಶಸ್ತ್ರಚಿಕಿತ್ಸೆ ಇಲ್ಲದೆ ಕೇವಲ ಒಂದೂವರೆ ಗಂಟೆ ಅವಧಿಯಲ್ಲಿ ಥೈರಾಯ್ಡ ಅಥವಾ ಕ್ಯಾನ್ಸರ್ ಗಡ್ಡೆ ತೆಗೆದುಹಾಕುವ ಅತಿ ಸೂಕ್ಷ್ಮ ಮತ್ತು ಅತ್ಯಂತ ವೇಗದ ಯಂತ್ರ ಈ ರೋಬೋ. ಅಮೆರಿಕಾದಿಂದ ತರಿಸಲಾಗಿರುವ ಈ ಯಂತ್ರವನ್ನು ನಿರ್ವಹಿಸಲು ತರಬೇತಿ ಪಡೆದಿರುವ ಒಂದು ತಂಡವೇ ಇಲ್ಲಿದೆ.<br /> <br /> <strong>ರೋಬೋ ಕೆಲಸ ನಿರ್ವಹಿಸುವುದು ಹೀಗೆ...<br /> <br /> </strong>ರೋಬೋಗೆ ನಾಲ್ಕು ಕೈಗಳಿರುತ್ತವೆ. ಅತಿ ಸೂಕ್ಷ್ಮಾತಿಸೂಕ್ಷ್ಮವಾಗಿರುವ ಈ ಕೈಗಳು ಅತ್ಯಂತ ನಿಖರವಾಗಿ ಕೆಲಸ ನಿರ್ವಹಿಸುತ್ತವೆ. ಅವು ಚಿಕ್ಕದಾದ್ದರಿಂದ ಬಾಯಿಯ ಮೂಲಕ ಗಂಟಲಿಗೆ ನೇರವಾಗಿ ಒಳಹೋಗುತ್ತದೆ. ಗಂಟಲಿನ ಅತಿ ಸೂಕ್ಷ್ಮ ನರಗಳನ್ನು ನೋಡಲು ಈ ರೋಬೋದಲ್ಲಿ ಕ್ಯಾಮೆರಾ ಕೂಡ ಅಳವಡಿಸಲಾಗಿದೆ.<br /> <br /> ಇದರಲ್ಲಿ `ಎಂಡೋರಿಸ್ಟ್~ ತಂತ್ರಜ್ಞಾನದ ಅಳವಡಿಕೆ ಇರುವುದರಿಂದ ಸರ್ಜನ್ಗೆ ರೋಬೋದ ನಿಯಂತ್ರಣ ಸುಲಭವೆನಿಸುತ್ತದೆ. ವೈದ್ಯರಿಗೆ ತಾವೇ ಶಸ್ತ್ರಚಿಕಿತ್ಸೆ ಮಾಡಿದ ಅನುಭವವಾಗುತ್ತದೆ. ಈ ರೋಬೋ ಸ್ವಯಂಚಾಲಿತವಲ್ಲ. ವೈದ್ಯರ ನಿಯಂತ್ರಣದಿಂದ ಇದು ಕಾರ್ಯ ನಿರ್ವಹಿಸುತ್ತದೆ. <br /> <br /> ಚಿತ್ರಣಗಳನ್ನು ವೀಕ್ಷಿಸುತ್ತಾ ರೋಬೋವನ್ನು ವೈದ್ಯರು ನಿಯಂತ್ರಿಸುತ್ತಾರೆ. ರೋಬೊದ ಕೈಗಳಲ್ಲಿರುವ ಸ್ವಯಂಚಾಲಿತ (ಆಟೊಮೆಟೆಡ್) ಅಪ್ಲಿಕೇಷನ್ ಚಲನವಲನಕ್ಕೆ ಇನ್ನಷ್ಟು ಅನುಕೂಲ ಮಾಡಿಕೊಡುತ್ತದೆ.<br /> <br /> ರೋಬೋಟಿಕ್ ಸರ್ಜರಿಯಿಂದ ಯಾವುದೇ ನೋವಿಲ್ಲದೆ, ಕೇವಲ ಒಂದೂವರೆ ಅವಧಿಯಲ್ಲಿ ಗಡ್ಡೆಯನ್ನು ತೆಗೆದುಹಾಕಬಹುದು. ಈ ಪ್ರಕ್ರಿಯೆಯಲ್ಲಿ ರಕ್ತಸ್ರಾವವೂ ಇರುವುದಿಲ್ಲ. ಯಾವುದೇ ಕಲೆಗಳು ಉಳಿಯದಂತೆ ರೋಗಿ ಒಂದೇ ದಿನದಲ್ಲಿ ಸಂಪೂರ್ಣ ಗುಣಮುಖವಾಗಬಹುದು. ಆಸ್ಪತ್ರೆಯಲ್ಲಿ ಉಳಿಯುವ ಅವಶ್ಯಕತೆಯೂ ಇರುವುದಿಲ್ಲ. ಹೆಚ್ಚು ಗುಳಿಗೆ ನುಂಗುವ ಉಸಾಬರಿಯೂ ಇರುವುದಿಲ್ಲ.<br /> <br /> ಥೈರಾಯ್ಡ ಸಮಸ್ಯೆಯಿಂದ ಬಳಲುತ್ತಿದ್ದ 20 ವರ್ಷದ ಕಾವ್ಯಾ ಎಂಬುವರಿಗೆ ಕಳೆದ ವಾರವಷ್ಟೆ ಈ ರೋಬೋಟಿಕ್ ಸರ್ಜರಿ ಮಾಡಲಾಗಿತ್ತು. ಯಾವುದೇ ಕಲೆಯಿಲ್ಲದೆ ಅತಿ ಸುಲಭವಾಗಿ ಕೇವಲ 55 ನಿಮಿಷದಲ್ಲಿ ಈ ಚಿಕಿತ್ಸೆ ಯಶಸ್ವಿಯಾಯಿತು. <br /> <br /> ಆಸ್ಪತ್ರೆಯ ಸರ್ಜಿಕಲ್ ಆಂಕಾಲಜಿ ವಿಭಾಗದ ವೈದ್ಯರಾದ ಡಾ. ಸೋಮಶೇಖರ್, ಶಬ್ಬೀರ್ ಎಸ್. ಜವೇರಿ, ಮತ್ತು ಇ. ವಿ ರಾಮನ್ ಅವರ ತಂಡ ಕಾವ್ಯಾಗೆ ಈ ಚಿಕಿತ್ಸೆ ಕೈಗೊಂಡಿದ್ದರು. <br /> <br /> ಥೈರಾಯ್ಡ ಸಮಸ್ಯೆ ಕಾಣಿಸಿಕೊಳ್ಳುವುದು ಹೆಚ್ಚಾಗಿ ಮಹಿಳೆಯರಲ್ಲಿ. ಥೈರಾಯ್ಡಗೆಂದು ತೆರೆದ ಸರ್ಜರಿ ಮಾಡಿದಾಗ ಅದರ ಕಲೆ ಹಾಗೆಯೇ ಉಳಿದುಬಿಡುತ್ತದೆ. ಇದರಿಂದ ಮಾತನಾಡಲೂ ತೊಡಕಾಗುತ್ತದೆ, ಅದರಿಂದ ಹೊರಬರಲು ಈ ರೋಬೋಟಿಕ್ ಚಿಕಿತ್ಸೆಗಿಂತ ಉತ್ತಮ ಇನ್ನಾವುದೂ ಇಲ್ಲ ಎನ್ನುತ್ತಾರೆ ಡಾ. ಸೋಮಶೇಖರ್. <br /> <br /> ಅದೇ ರೀತಿ ಗಂಟಲಿನ ಕ್ಯಾನ್ಸರ್ನಿಂದ ಬಳಲುತ್ತಿದ್ದ 66 ವರ್ಷದ ವ್ಯಕ್ತಿಗೂ `ಟ್ರಾನ್ಸರಲ್ ರೋಬೋಟಿಕ್ ಸರ್ಜರಿ~ ನಡೆಸಲಾಯಿತು. ಅದು ಕೂಡ ಯಶಸ್ವಿಯಾಗಿದೆ ಎನ್ನುತ್ತಾರೆ ವೈದ್ಯರು. ಈ ಚಿಕಿತ್ಸೆಗೆ ತಗುಲುವ ವೆಚ್ಚ ಸಾಮಾನ್ಯ ಚಿಕಿತ್ಸೆಗಿಂತ 1.5 ಪಟ್ಟು ಹೆಚ್ಚು. ಅಂದರೆ ರೋಬೋಟಿಕ್ ಸರ್ಜರಿಗೆ ಸುಮಾರು 2ರಿಂದ 4 ಲಕ್ಷ ರೂ. ಆಗುತ್ತದೆ ಎನ್ನುತ್ತಾರೆ ಡಾ. ಎಚ್. ಸುದರ್ಶನ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೇಶದಲ್ಲಿ ಇದೇ ಮೊದಲ ಬಾರಿಗೆ ರೋಬೋಟಿಕ್ ಶಸ್ತ್ರಚಿಕಿತ್ಸೆ ಶುರುವಾಗಿದ್ದು, ನಗರದ ಆಸ್ಪತ್ರೆ ಅದಕ್ಕೆ ಸಾಕ್ಷಿಯಾಗಿರುವುದು ವಿಶೇಷ.ಇತ್ತೀಚೆಗೆ ಥೈರಾಯ್ಡ ಮತ್ತು ಗಂಟಲಿನ ಕ್ಯಾನ್ಸರ್ ಪ್ರಕರಣಗಳು ಹೆಚ್ಚಾಗಿ ಕಂಡುಬರುತ್ತಿರುವುದರಿಂದ ಮಣಿಪಾಲ್ ಆಸ್ಪತ್ರೆ ಇದಕ್ಕೆ ರೋಬೋಟಿಕ್ ಸರ್ಜರಿ ಪರಿಚಯಿಸಿದೆ. <br /> <br /> ಕ್ಯಾನ್ಸರ್ ಮತ್ತು ಥೈರಾಯ್ಡ ಗಡ್ಡೆಗಳನ್ನು ಅತಿ ಸುಲಭವಾಗಿ ತೆಗೆದುಹಾಕಬಹುದಾದ ಈ ರೋಬೋಟಿಕ್ ಶಸ್ತ್ರಚಿಕಿತ್ಸೆ ದೇಶದಲ್ಲಿ ಇದೇ ಮೊದಲು ನಡೆಯುತ್ತಿದೆ ಎಂಬುದನ್ನು ಆಸ್ಪತ್ರೆಯ ವೈದ್ಯಕೀಯ ನಿರ್ದೇಶಕ ಡಾ. ಎಚ್. ಸುದರ್ಶನ ಬಲ್ಲಾಳ್ ಖಾತರಿ ಪಡಿಸುತ್ತಾರೆ. <br /> <br /> ಈ ಸರ್ಜರಿ ಸಾಂಪ್ರದಾಯಿಕ ಶಸ್ತ್ರಚಿಕಿತ್ಸೆಗಿಂತ ಅತ್ಯಂತ ವಿಭಿನ್ನ. ಇದರ ವಿಶೇಷತೆಗಳು ಹಲವು. ಹಿಂದೆಲ್ಲಾ ಥೈರಾಯ್ಡ ಮತ್ತು ಗಂಟಲಿನ ಕ್ಯಾನ್ಸರ್ ಗಡ್ಡೆಗಳನ್ನು ತೆಗೆಯಲು ಗಂಟಲಿನ ಭಾಗವನ್ನು ಸೀಳಿ, ಶಸ್ತ್ರಚಿಕಿತ್ಸೆ ನಡೆಸಲಾಗುತ್ತಿತ್ತು. <br /> <br /> ಗಂಟಲು ಅಥವಾ ಬಾಯಿಯ ಕ್ಯಾನ್ಸರ್ ಆದರೆ ದವಡೆಯ ಮೂಳೆಗಳನ್ನು ಸಡಿಲಪಡಿಸಿ ನಂತರ ಶಸ್ತ್ರಚಿಕಿತ್ಸೆ ಮಾಡಬೇಕಿತ್ತು. ಈ ಅವಧಿಯಲ್ಲಿ ಹೆಚ್ಚು ರಕ್ತಸ್ರಾವ, ನೋವು ಸಹಜ. ಶಸ್ತ್ರಚಿಕಿತ್ಸೆ ನಂತರವೂ ರೋಗಿ ನೋವಿನಿಂದ ಚೇತರಿಸಿಕೊಳ್ಳಲು ತಿಂಗಳುಗಟ್ಟಲೆ ಸಮಯ ಹಿಡಿಯುತ್ತಿತ್ತು. <br /> <br /> ಆಸ್ಪತ್ರೆಯಲ್ಲೇ ಹಲವು ಕಾಲ ಇರಬೇಕಿತ್ತು. ಇದೆಲ್ಲಕ್ಕಿಂತ ಹೆಚ್ಚಾಗಿ ಶಸ್ತ್ರಚಿಕಿತ್ಸೆಯ ಕಲೆಗಳು ಚರ್ಮದ ಮೇಲೆ ಹಾಗೆಯೇ ಉಳಿದುಕೊಂಡುಬಿಡುತ್ತಿದ್ದವು. ಈ ಎಲ್ಲಾ ನ್ಯೂನತೆಗಳನ್ನು ಹಿಂದಿಕ್ಕಲು ಈ ರೋಬೋಟಿಕ್ ಸರ್ಜರಿ ಅತ್ಯುನ್ನತ ಪರಿಹಾರ ಎನ್ನುತ್ತಾರೆ ಮಣಿಪಾಲ್ ಆಸ್ಪತ್ರೆಯಲ್ಲಿ ರೋಬೋಟಿಕ್ ಸರ್ಜರಿ ಮಾಡುವ ವೈದ್ಯ ಡಾ. ಎಸ್. ಪಿ. ಸೋಮಶೇಖರ್. <br /> ಯಾವುದೇ ಶಸ್ತ್ರಚಿಕಿತ್ಸೆ ಇಲ್ಲದೆ ಕೇವಲ ಒಂದೂವರೆ ಗಂಟೆ ಅವಧಿಯಲ್ಲಿ ಥೈರಾಯ್ಡ ಅಥವಾ ಕ್ಯಾನ್ಸರ್ ಗಡ್ಡೆ ತೆಗೆದುಹಾಕುವ ಅತಿ ಸೂಕ್ಷ್ಮ ಮತ್ತು ಅತ್ಯಂತ ವೇಗದ ಯಂತ್ರ ಈ ರೋಬೋ. ಅಮೆರಿಕಾದಿಂದ ತರಿಸಲಾಗಿರುವ ಈ ಯಂತ್ರವನ್ನು ನಿರ್ವಹಿಸಲು ತರಬೇತಿ ಪಡೆದಿರುವ ಒಂದು ತಂಡವೇ ಇಲ್ಲಿದೆ.<br /> <br /> <strong>ರೋಬೋ ಕೆಲಸ ನಿರ್ವಹಿಸುವುದು ಹೀಗೆ...<br /> <br /> </strong>ರೋಬೋಗೆ ನಾಲ್ಕು ಕೈಗಳಿರುತ್ತವೆ. ಅತಿ ಸೂಕ್ಷ್ಮಾತಿಸೂಕ್ಷ್ಮವಾಗಿರುವ ಈ ಕೈಗಳು ಅತ್ಯಂತ ನಿಖರವಾಗಿ ಕೆಲಸ ನಿರ್ವಹಿಸುತ್ತವೆ. ಅವು ಚಿಕ್ಕದಾದ್ದರಿಂದ ಬಾಯಿಯ ಮೂಲಕ ಗಂಟಲಿಗೆ ನೇರವಾಗಿ ಒಳಹೋಗುತ್ತದೆ. ಗಂಟಲಿನ ಅತಿ ಸೂಕ್ಷ್ಮ ನರಗಳನ್ನು ನೋಡಲು ಈ ರೋಬೋದಲ್ಲಿ ಕ್ಯಾಮೆರಾ ಕೂಡ ಅಳವಡಿಸಲಾಗಿದೆ.<br /> <br /> ಇದರಲ್ಲಿ `ಎಂಡೋರಿಸ್ಟ್~ ತಂತ್ರಜ್ಞಾನದ ಅಳವಡಿಕೆ ಇರುವುದರಿಂದ ಸರ್ಜನ್ಗೆ ರೋಬೋದ ನಿಯಂತ್ರಣ ಸುಲಭವೆನಿಸುತ್ತದೆ. ವೈದ್ಯರಿಗೆ ತಾವೇ ಶಸ್ತ್ರಚಿಕಿತ್ಸೆ ಮಾಡಿದ ಅನುಭವವಾಗುತ್ತದೆ. ಈ ರೋಬೋ ಸ್ವಯಂಚಾಲಿತವಲ್ಲ. ವೈದ್ಯರ ನಿಯಂತ್ರಣದಿಂದ ಇದು ಕಾರ್ಯ ನಿರ್ವಹಿಸುತ್ತದೆ. <br /> <br /> ಚಿತ್ರಣಗಳನ್ನು ವೀಕ್ಷಿಸುತ್ತಾ ರೋಬೋವನ್ನು ವೈದ್ಯರು ನಿಯಂತ್ರಿಸುತ್ತಾರೆ. ರೋಬೊದ ಕೈಗಳಲ್ಲಿರುವ ಸ್ವಯಂಚಾಲಿತ (ಆಟೊಮೆಟೆಡ್) ಅಪ್ಲಿಕೇಷನ್ ಚಲನವಲನಕ್ಕೆ ಇನ್ನಷ್ಟು ಅನುಕೂಲ ಮಾಡಿಕೊಡುತ್ತದೆ.<br /> <br /> ರೋಬೋಟಿಕ್ ಸರ್ಜರಿಯಿಂದ ಯಾವುದೇ ನೋವಿಲ್ಲದೆ, ಕೇವಲ ಒಂದೂವರೆ ಅವಧಿಯಲ್ಲಿ ಗಡ್ಡೆಯನ್ನು ತೆಗೆದುಹಾಕಬಹುದು. ಈ ಪ್ರಕ್ರಿಯೆಯಲ್ಲಿ ರಕ್ತಸ್ರಾವವೂ ಇರುವುದಿಲ್ಲ. ಯಾವುದೇ ಕಲೆಗಳು ಉಳಿಯದಂತೆ ರೋಗಿ ಒಂದೇ ದಿನದಲ್ಲಿ ಸಂಪೂರ್ಣ ಗುಣಮುಖವಾಗಬಹುದು. ಆಸ್ಪತ್ರೆಯಲ್ಲಿ ಉಳಿಯುವ ಅವಶ್ಯಕತೆಯೂ ಇರುವುದಿಲ್ಲ. ಹೆಚ್ಚು ಗುಳಿಗೆ ನುಂಗುವ ಉಸಾಬರಿಯೂ ಇರುವುದಿಲ್ಲ.<br /> <br /> ಥೈರಾಯ್ಡ ಸಮಸ್ಯೆಯಿಂದ ಬಳಲುತ್ತಿದ್ದ 20 ವರ್ಷದ ಕಾವ್ಯಾ ಎಂಬುವರಿಗೆ ಕಳೆದ ವಾರವಷ್ಟೆ ಈ ರೋಬೋಟಿಕ್ ಸರ್ಜರಿ ಮಾಡಲಾಗಿತ್ತು. ಯಾವುದೇ ಕಲೆಯಿಲ್ಲದೆ ಅತಿ ಸುಲಭವಾಗಿ ಕೇವಲ 55 ನಿಮಿಷದಲ್ಲಿ ಈ ಚಿಕಿತ್ಸೆ ಯಶಸ್ವಿಯಾಯಿತು. <br /> <br /> ಆಸ್ಪತ್ರೆಯ ಸರ್ಜಿಕಲ್ ಆಂಕಾಲಜಿ ವಿಭಾಗದ ವೈದ್ಯರಾದ ಡಾ. ಸೋಮಶೇಖರ್, ಶಬ್ಬೀರ್ ಎಸ್. ಜವೇರಿ, ಮತ್ತು ಇ. ವಿ ರಾಮನ್ ಅವರ ತಂಡ ಕಾವ್ಯಾಗೆ ಈ ಚಿಕಿತ್ಸೆ ಕೈಗೊಂಡಿದ್ದರು. <br /> <br /> ಥೈರಾಯ್ಡ ಸಮಸ್ಯೆ ಕಾಣಿಸಿಕೊಳ್ಳುವುದು ಹೆಚ್ಚಾಗಿ ಮಹಿಳೆಯರಲ್ಲಿ. ಥೈರಾಯ್ಡಗೆಂದು ತೆರೆದ ಸರ್ಜರಿ ಮಾಡಿದಾಗ ಅದರ ಕಲೆ ಹಾಗೆಯೇ ಉಳಿದುಬಿಡುತ್ತದೆ. ಇದರಿಂದ ಮಾತನಾಡಲೂ ತೊಡಕಾಗುತ್ತದೆ, ಅದರಿಂದ ಹೊರಬರಲು ಈ ರೋಬೋಟಿಕ್ ಚಿಕಿತ್ಸೆಗಿಂತ ಉತ್ತಮ ಇನ್ನಾವುದೂ ಇಲ್ಲ ಎನ್ನುತ್ತಾರೆ ಡಾ. ಸೋಮಶೇಖರ್. <br /> <br /> ಅದೇ ರೀತಿ ಗಂಟಲಿನ ಕ್ಯಾನ್ಸರ್ನಿಂದ ಬಳಲುತ್ತಿದ್ದ 66 ವರ್ಷದ ವ್ಯಕ್ತಿಗೂ `ಟ್ರಾನ್ಸರಲ್ ರೋಬೋಟಿಕ್ ಸರ್ಜರಿ~ ನಡೆಸಲಾಯಿತು. ಅದು ಕೂಡ ಯಶಸ್ವಿಯಾಗಿದೆ ಎನ್ನುತ್ತಾರೆ ವೈದ್ಯರು. ಈ ಚಿಕಿತ್ಸೆಗೆ ತಗುಲುವ ವೆಚ್ಚ ಸಾಮಾನ್ಯ ಚಿಕಿತ್ಸೆಗಿಂತ 1.5 ಪಟ್ಟು ಹೆಚ್ಚು. ಅಂದರೆ ರೋಬೋಟಿಕ್ ಸರ್ಜರಿಗೆ ಸುಮಾರು 2ರಿಂದ 4 ಲಕ್ಷ ರೂ. ಆಗುತ್ತದೆ ಎನ್ನುತ್ತಾರೆ ಡಾ. ಎಚ್. ಸುದರ್ಶನ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
