<p>ಹಾಸ್ಯಚಿತ್ರಗಳ ಇತ್ತೀಚಿನ ಚರಿತ್ರೆಯನ್ನು ಪ್ರಸ್ತಾಪ ಮಾಡಿದರೆ ಬಾಲಿವುಡ್ನ ಡೇವಿಡ್ ಧವನ್ ಅವರ ಹೆಸರನ್ನು ಬಿಡಲು ಸಾಧ್ಯವಿಲ್ಲ. ಅತಿ ಬಾಲಿಶ ಎನ್ನಿಸುವ ವಸ್ತುಗಳನ್ನು ಇಟ್ಟುಕೊಂಡು ಸಿನಿಮಾ ಮಾಡಿ ಅವರು ಭರ್ಜರಿ ವ್ಯಾಪಾರ ಮಾಡಿರುವ ಅನೇಕ ಉದಾಹರಣೆಗಳಿವೆ. <br /> <br /> ಆದರೆ, ಈಗ ಅವರೂ ಬಾಲಿವುಡ್ನಲ್ಲಿ ಏಗಲು ಒದ್ದಾಡುತ್ತಿರುವುದು ಸತ್ಯ. ಇಂಥ ಡೇವಿಡ್ ಧವನ್ ಒಂಬತ್ತು ವರ್ಷದ ಹಿಂದೆ ನಿರ್ದೇಶಿಸಿದ್ದ `ಹಮ್ ಕಿಸೀಸೆ ಕಮ್ ನಹೀ~ ಚಿತ್ರವನ್ನು ರಾಮ್ನಾಥ್ ಋಗ್ವೇದಿ ಈಗ ತೆರೆಗೆ ತಂದಿರುವುದೇ ಅಚ್ಚರಿಯ ನಿರ್ಧಾರ. <br /> ಮೊದಲಿಗೆ ಮೂಲ ಚಿತ್ರದ ಪಾತ್ರವರ್ಗವನ್ನು ನಾವು ನೆನಪಿಸಿಕೊಳ್ಳಬೇಕು: <br /> <br /> ಅಮಿತಾಬ್ ಬಚ್ಚನ್, ಐಶ್ವರ್ಯಾ ರೈ, ಅಜಯ್ ದೇವಗನ್ ಹಾಗೂ ಸಂಜಯ್ ದತ್. ಆ ಜಾಗದಲ್ಲಿ ಈ ಪಾತ್ರವರ್ಗವನ್ನು ಜೋಡಿಸಿಕೊಳ್ಳಬೇಕು: ರವಿಶಂಕರ್ (ಸಿಲ್ಲಿ ಲಲ್ಲಿ), ಶರ್ಮಿಳಾ ಮಾಂಡ್ರೆ, ಪ್ರೇಮ್ ಹಾಗೂ ಆದಿ ಲೋಕೇಶ್. ಚಿತ್ರದ ಗುಣಮಟ್ಟದ ಹೋಲಿಕೆಯ ಮಾತು ಹಾಗಿರಲಿ, ತಾರಾಬಳಗದ ಈ ಹೋಲಿಕೆಯೇ ತಮಾಷೆಯಾಗಿ ಕಾಣುತ್ತದಲ್ಲವೇ?<br /> <br /> `ಅತಾರ್ಕಿಕ ಹಾಸ್ಯಚಿತ್ರ~ (ಬ್ರೇನ್ಲೆಸ್ ಕಾಮಿಡಿ) ಪ್ರಕಾರವು ತೊಂಬತ್ತರ ದಶಕದಲ್ಲಿ ಗಳಿಸಿದ ಯಶಸ್ಸು ಅಷ್ಟಿಷ್ಟಲ್ಲ. ಅದರ ಪ್ರೇರಣೆಯಿಂದಲೇ ಕನ್ನಡದ ಅನೇಕ ಹಾಸ್ಯ ಧಾರಾವಾಹಿಗಳೂ ಮೂಡಿರುವ ಸಾಧ್ಯತೆ ಇದೆ. ಅಂಥ ಧಾರವಾಹಿಗಳಲ್ಲಿ `ಸಿಲ್ಲಿ ಲಲ್ಲಿ~ ಕೂಡ ಒಂದು. <br /> <br /> ಡಾ.ವಿಠಲ್ ರಾವ್ ಪಾತ್ರದಲ್ಲಿ ರವಿಶಂಕರ್ ಅದರಲ್ಲಿ ಗಮನ ಸೆಳೆದಿದ್ದರು. ಅಲ್ಲಿ ವೈದ್ಯನ ಪಾತ್ರಕ್ಕೆ ಬಣ್ಣ ಹಚ್ಚಿದ ಕಾರಣಕ್ಕೋ ಏನೋ `ಧನ್ ಧನಾ ಧನ್~ನಲ್ಲೂ ಅವರಿಗೆ ವೈದ್ಯನ ಪಾತ್ರವನ್ನೇ ನೀಡಲಾಗಿದೆ. ಆದರೆ, ಧಾರಾವಾಹಿಯ ಹ್ಯಾಂಗೋವರ್ನಲ್ಲೇ ಅವರ ಭಾವಾಭಿನಯ ಹೊಮ್ಮಿರುವುದು ಚಿತ್ರದಲ್ಲಿ ಎದ್ದುಕಾಣುವ ಕೊರತೆ. <br /> <br /> ಬೇರೆ ಭಾಷೆಯಲ್ಲಿ ಅನೇಕ ವರ್ಷಗಳ ಹಿಂದೆ ತೆರೆಕಂಡು ಯಶಸ್ವಿಯಾದ ಚಿತ್ರ ಈಗಲೂ ಗೆದ್ದೀತು ಎಂಬ ನಿರ್ದೇಶಕರ ಭ್ರಮೆಗೆ `ಧನ್ ಧನಾ ಧನ್~ ಒಳ್ಳೆಯ ಉದಾಹರಣೆ. ಕೆಲಸವಿಲ್ಲದೆ ಮೈಕೈ ಹುರಿ ಮಾಡಿದ ನಾಯಕ ನಾಯಕಿಯ ಹಿಂದೆ ಸುತ್ತುತ್ತಾ, ಆಕೆಯ ಅಣ್ಣನ ಕಣ್ಣಿಗೆ ಮಣ್ಣೆರಚುತ್ತಾ ಪ್ರೀತಿಸುವ ಪರಿ ಚಿತ್ರದಲ್ಲಿ ತುಂಬಾ ಕೃತಕವಾಗಿ ಮೂಡಿದೆ. <br /> <br /> ಸಂಜಯ್ ದತ್ ನಿರ್ವಹಿಸಿರುವ ಪಾತ್ರದಲ್ಲಿ ಪೀಚಲಾಗಿರುವ, ಕಣ್ಗಳಲ್ಲಿ ಕಾಂತಿಯೇ ಇಲ್ಲದ ಆದಿ ಲೋಕೇಶ್ ಅವರನ್ನು ನೋಡುವುದು ಕೂಡ ಕಷ್ಟವೇ ಸರಿ. ಅಭಿನಯದ ವಿಷಯದಲ್ಲಿ ಪ್ರೇಮ್ ಅವರೇ ವಾಸಿ. ನಾಯಕಿ ಶರ್ಮಿಳಾ ಅಭಿನಯ ಅವರ ನಗುವಿನಷ್ಟೇನೂ ಚೆನ್ನಾಗಿಲ್ಲ. <br /> <br /> ಬಗೆಬಗೆಯ ಹಾಸ್ಯ ಧಾರಾವಾಹಿಗಳ ಕೆಲವು ಕಂತುಗಳ ಕಲಸುಮೇಲೋಗರದಂತೆ ಕಾಣುವ `ಧನ್ ಧನಾ ಧನ್~ ತಾಂತ್ರಿಕವಾಗಿ ಕೂಡ ಸೊರಗಿದೆ. ಇದ್ದಕ್ಕಿದ್ದಂತೆ ದೃಶ್ಯಗಳ ಬಣ್ಣ ಬದಲಾಗುವುದರ ಮರ್ಮ ಏನೆಂಬುದು (ಛಾಯಾಗ್ರಾಹಕ: ಮೋಹನ್) ಅರ್ಥವಾಗುವುದಿಲ್ಲ. ಸಾಯಿ ಕಾರ್ತೀಕ್ ಸಂಗೀತಕ್ಕೂ ಕಾಡುವ ಗುಣವಿಲ್ಲ. <br /> <br /> ಆತುರದಲ್ಲಿ ಮಾಡಿದ ದುರ್ಬಲ ಅನುಕರಣೆಯಂತೆ ಕಾಣುವ `ಧನ್ ಧನಾ ಧನ್~, ಕಳೆದ ವಾರವಷ್ಟೇ ಬಿಡುಗಡೆಯಾದ ಇದೇ ನಾಯಕನಟನ ಒಳ್ಳೆಯ ಚಿತ್ರವೆಂಬ (ಐ ಯಮ್ ಸಾರಿ ಮತ್ತೆ ಪ್ರೀತ್ಸೋಣ) ಮೊಸರಿಗೆ ಹಾಕಿದ ಕಲ್ಲಿನಂತೆ ಕಾಣುತ್ತದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹಾಸ್ಯಚಿತ್ರಗಳ ಇತ್ತೀಚಿನ ಚರಿತ್ರೆಯನ್ನು ಪ್ರಸ್ತಾಪ ಮಾಡಿದರೆ ಬಾಲಿವುಡ್ನ ಡೇವಿಡ್ ಧವನ್ ಅವರ ಹೆಸರನ್ನು ಬಿಡಲು ಸಾಧ್ಯವಿಲ್ಲ. ಅತಿ ಬಾಲಿಶ ಎನ್ನಿಸುವ ವಸ್ತುಗಳನ್ನು ಇಟ್ಟುಕೊಂಡು ಸಿನಿಮಾ ಮಾಡಿ ಅವರು ಭರ್ಜರಿ ವ್ಯಾಪಾರ ಮಾಡಿರುವ ಅನೇಕ ಉದಾಹರಣೆಗಳಿವೆ. <br /> <br /> ಆದರೆ, ಈಗ ಅವರೂ ಬಾಲಿವುಡ್ನಲ್ಲಿ ಏಗಲು ಒದ್ದಾಡುತ್ತಿರುವುದು ಸತ್ಯ. ಇಂಥ ಡೇವಿಡ್ ಧವನ್ ಒಂಬತ್ತು ವರ್ಷದ ಹಿಂದೆ ನಿರ್ದೇಶಿಸಿದ್ದ `ಹಮ್ ಕಿಸೀಸೆ ಕಮ್ ನಹೀ~ ಚಿತ್ರವನ್ನು ರಾಮ್ನಾಥ್ ಋಗ್ವೇದಿ ಈಗ ತೆರೆಗೆ ತಂದಿರುವುದೇ ಅಚ್ಚರಿಯ ನಿರ್ಧಾರ. <br /> ಮೊದಲಿಗೆ ಮೂಲ ಚಿತ್ರದ ಪಾತ್ರವರ್ಗವನ್ನು ನಾವು ನೆನಪಿಸಿಕೊಳ್ಳಬೇಕು: <br /> <br /> ಅಮಿತಾಬ್ ಬಚ್ಚನ್, ಐಶ್ವರ್ಯಾ ರೈ, ಅಜಯ್ ದೇವಗನ್ ಹಾಗೂ ಸಂಜಯ್ ದತ್. ಆ ಜಾಗದಲ್ಲಿ ಈ ಪಾತ್ರವರ್ಗವನ್ನು ಜೋಡಿಸಿಕೊಳ್ಳಬೇಕು: ರವಿಶಂಕರ್ (ಸಿಲ್ಲಿ ಲಲ್ಲಿ), ಶರ್ಮಿಳಾ ಮಾಂಡ್ರೆ, ಪ್ರೇಮ್ ಹಾಗೂ ಆದಿ ಲೋಕೇಶ್. ಚಿತ್ರದ ಗುಣಮಟ್ಟದ ಹೋಲಿಕೆಯ ಮಾತು ಹಾಗಿರಲಿ, ತಾರಾಬಳಗದ ಈ ಹೋಲಿಕೆಯೇ ತಮಾಷೆಯಾಗಿ ಕಾಣುತ್ತದಲ್ಲವೇ?<br /> <br /> `ಅತಾರ್ಕಿಕ ಹಾಸ್ಯಚಿತ್ರ~ (ಬ್ರೇನ್ಲೆಸ್ ಕಾಮಿಡಿ) ಪ್ರಕಾರವು ತೊಂಬತ್ತರ ದಶಕದಲ್ಲಿ ಗಳಿಸಿದ ಯಶಸ್ಸು ಅಷ್ಟಿಷ್ಟಲ್ಲ. ಅದರ ಪ್ರೇರಣೆಯಿಂದಲೇ ಕನ್ನಡದ ಅನೇಕ ಹಾಸ್ಯ ಧಾರಾವಾಹಿಗಳೂ ಮೂಡಿರುವ ಸಾಧ್ಯತೆ ಇದೆ. ಅಂಥ ಧಾರವಾಹಿಗಳಲ್ಲಿ `ಸಿಲ್ಲಿ ಲಲ್ಲಿ~ ಕೂಡ ಒಂದು. <br /> <br /> ಡಾ.ವಿಠಲ್ ರಾವ್ ಪಾತ್ರದಲ್ಲಿ ರವಿಶಂಕರ್ ಅದರಲ್ಲಿ ಗಮನ ಸೆಳೆದಿದ್ದರು. ಅಲ್ಲಿ ವೈದ್ಯನ ಪಾತ್ರಕ್ಕೆ ಬಣ್ಣ ಹಚ್ಚಿದ ಕಾರಣಕ್ಕೋ ಏನೋ `ಧನ್ ಧನಾ ಧನ್~ನಲ್ಲೂ ಅವರಿಗೆ ವೈದ್ಯನ ಪಾತ್ರವನ್ನೇ ನೀಡಲಾಗಿದೆ. ಆದರೆ, ಧಾರಾವಾಹಿಯ ಹ್ಯಾಂಗೋವರ್ನಲ್ಲೇ ಅವರ ಭಾವಾಭಿನಯ ಹೊಮ್ಮಿರುವುದು ಚಿತ್ರದಲ್ಲಿ ಎದ್ದುಕಾಣುವ ಕೊರತೆ. <br /> <br /> ಬೇರೆ ಭಾಷೆಯಲ್ಲಿ ಅನೇಕ ವರ್ಷಗಳ ಹಿಂದೆ ತೆರೆಕಂಡು ಯಶಸ್ವಿಯಾದ ಚಿತ್ರ ಈಗಲೂ ಗೆದ್ದೀತು ಎಂಬ ನಿರ್ದೇಶಕರ ಭ್ರಮೆಗೆ `ಧನ್ ಧನಾ ಧನ್~ ಒಳ್ಳೆಯ ಉದಾಹರಣೆ. ಕೆಲಸವಿಲ್ಲದೆ ಮೈಕೈ ಹುರಿ ಮಾಡಿದ ನಾಯಕ ನಾಯಕಿಯ ಹಿಂದೆ ಸುತ್ತುತ್ತಾ, ಆಕೆಯ ಅಣ್ಣನ ಕಣ್ಣಿಗೆ ಮಣ್ಣೆರಚುತ್ತಾ ಪ್ರೀತಿಸುವ ಪರಿ ಚಿತ್ರದಲ್ಲಿ ತುಂಬಾ ಕೃತಕವಾಗಿ ಮೂಡಿದೆ. <br /> <br /> ಸಂಜಯ್ ದತ್ ನಿರ್ವಹಿಸಿರುವ ಪಾತ್ರದಲ್ಲಿ ಪೀಚಲಾಗಿರುವ, ಕಣ್ಗಳಲ್ಲಿ ಕಾಂತಿಯೇ ಇಲ್ಲದ ಆದಿ ಲೋಕೇಶ್ ಅವರನ್ನು ನೋಡುವುದು ಕೂಡ ಕಷ್ಟವೇ ಸರಿ. ಅಭಿನಯದ ವಿಷಯದಲ್ಲಿ ಪ್ರೇಮ್ ಅವರೇ ವಾಸಿ. ನಾಯಕಿ ಶರ್ಮಿಳಾ ಅಭಿನಯ ಅವರ ನಗುವಿನಷ್ಟೇನೂ ಚೆನ್ನಾಗಿಲ್ಲ. <br /> <br /> ಬಗೆಬಗೆಯ ಹಾಸ್ಯ ಧಾರಾವಾಹಿಗಳ ಕೆಲವು ಕಂತುಗಳ ಕಲಸುಮೇಲೋಗರದಂತೆ ಕಾಣುವ `ಧನ್ ಧನಾ ಧನ್~ ತಾಂತ್ರಿಕವಾಗಿ ಕೂಡ ಸೊರಗಿದೆ. ಇದ್ದಕ್ಕಿದ್ದಂತೆ ದೃಶ್ಯಗಳ ಬಣ್ಣ ಬದಲಾಗುವುದರ ಮರ್ಮ ಏನೆಂಬುದು (ಛಾಯಾಗ್ರಾಹಕ: ಮೋಹನ್) ಅರ್ಥವಾಗುವುದಿಲ್ಲ. ಸಾಯಿ ಕಾರ್ತೀಕ್ ಸಂಗೀತಕ್ಕೂ ಕಾಡುವ ಗುಣವಿಲ್ಲ. <br /> <br /> ಆತುರದಲ್ಲಿ ಮಾಡಿದ ದುರ್ಬಲ ಅನುಕರಣೆಯಂತೆ ಕಾಣುವ `ಧನ್ ಧನಾ ಧನ್~, ಕಳೆದ ವಾರವಷ್ಟೇ ಬಿಡುಗಡೆಯಾದ ಇದೇ ನಾಯಕನಟನ ಒಳ್ಳೆಯ ಚಿತ್ರವೆಂಬ (ಐ ಯಮ್ ಸಾರಿ ಮತ್ತೆ ಪ್ರೀತ್ಸೋಣ) ಮೊಸರಿಗೆ ಹಾಕಿದ ಕಲ್ಲಿನಂತೆ ಕಾಣುತ್ತದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>