<p>ನನ್ನ ಗೆಳೆಯ ಚಿಕ್ಕೇಶಿಗೆ ವಸೂಲಿ ವೀರನೆಂದೇ ಅಡ್ಡ ಹೆಸರು ಬಂದು ಬಿಟ್ಟಿದೆ. ಅವನು ಮಾಹಿತಿ ಹಕ್ಕು ಕಾಯ್ದೆಗೂ ಅಣ್ಣಾ ಹಜಾರೆಗೂ ಸೊಪ್ಪು ಹಾಕುವವನಲ್ಲ. ಆಫೀಸಿನ ಕೆಲಸಗಳಿಗೆ ತನ್ನ ಫೀಸು ಇಂತಿಷ್ಟು ಎಂದು ನಿಗದಿಪಡಿಸಿದ್ದ. ಅದನ್ನು ವಸೂಲು ಮಾಡದೆ ಅವನು ಬಿಡುತ್ತಿರಲಿಲ್ಲ.<br /> <br /> ಲೋಕಪಾಲ ಮಸೂದೆ ಜಾರಿಗೆ ಬಂದ್ರೆ ನಿಂಗೇ ಕಷ್ಟ ಕಣಯ್ಯೊ ಎಂದು ನಾವು ಕೇಳಿದರೆ, `ಕಷ್ಟ ಬರೋಕೆ ನಂಗೇನೂ `ಕ~ ಕಾರದ ಕಾಟ ಇಲ್ಲ ಕಣ್ರಯ್ಯೊ ಎನ್ನುತ್ತಿದ್ದ! ಅರ್ಥವಾಗದೆ, ನಾವು ಪಿಳಿ ಪಿಳಿ ಕಣ್ಣು ಕಣ್ಣು ಬಿಟ್ಟರೆ ನಗುತ್ತಾ ಅವನು ಹೇಳುತ್ತಿದ್ದುದು- `ಕಲ್ಮಾಡಿ, ಕನಿಮೋಳಿ, ಕಟ್ಟಾ, ಕುಮಾರಸ್ವಾಮಿ ಅಂಥಾ `ಕ~ ಕಾರದ ಕುಳಗಳಿಗೆ ಕಷ್ಟ, ನಂಗೆ ಅಂಥದ್ದೇನೂ ಪ್ರಾಬ್ಲಂ ಇಲ್ಲಯ್ಯ.... ಭಾರೀ ಮಿಕಗಳಿಗೆ ಬೀಸಿದ ಬಲೆಯಲ್ಲಿ ಸಣ್ಣವು ಸುಲಭವಾಗಿ ತೂರಿ ಹೋಗುವುದಿಲ್ವೆ? ಹಾಗೆ ಎನ್ನುತ್ತಿದ್ದ.<br /> <br /> ಚಿಕ್ಕೇಶಿ ನಮ್ಮ ಬಡಾವಣೆಯ ನಾಗರಿಕ ಸಮಿತಿಯ ಕಾರ್ಯದರ್ಶಿ. ಗಣ್ಯರಿಗೆ ಸನ್ಮಾನ ಸಮಾರಂಭ ಏರ್ಪಡಿಸುವುದರಲ್ಲಿ ಅವನದು ಪಳಗಿದ ಕೈ. ಸಮಾರಂಭದ ಆಹ್ವಾನ ಪತ್ರಿಕೆ ನಾಗರಿಕ ಸಮಿತಿಯ ಹೆಸರಿನಲ್ಲೇ ಇರುತಿತ್ತು. <br /> <br /> ಆದರೆ ಅವನು ಸನ್ಮಾನಿತರಿಂದಲೇ ಸಮಾರಂಭದ ಸಂಪೂರ್ಣ ಖರ್ಚು ವಸೂಲು ಮಾಡುತ್ತಾನೆ ಎಂದು ಜನ ಮಾತನಾಡುತ್ತಿದ್ದರು! ನನ್ನ ಕೈಲೂ ಅವನಿಂದ ತಪ್ಪಿಸಿಕೊಳ್ಳಲು ಆಗಿರಲಿಲ್ಲ! ಆದರೆ ಅವನು ನನಗೆ ಸಮಾರಂಭ ಮಾಡಿದಾಗ ನಾನು ವಂತಿಗೆ ಕೊಟ್ಟ ನೆನಪಿಲ್ಲ.<br /> <br /> ವಿಜಯದಶಮಿ ಉತ್ಸವ, ಕನ್ನಡ ರಾಜ್ಯೋತ್ಸವ, ಗಣೇಶೋತ್ಸವ ಬಂದರೆ ಅವನಿಗೆ ಹುರುಪು- ಹುಮ್ಮಸ್ಸು ಹೆಚ್ಚು. ಕೈಯಲ್ಲಿ ರಸೀದಿ ಪುಸ್ತಕ ಹಿಡಿದು, ಪಡ್ಡೆ ಹುಡುಗರ ಪಟಾಲಂ ಜೊತೆ ವಸೂಲಿ ಯಾತ್ರೆ ಹೊರಟನೆಂದರೆ ಬೊಕ್ಕಸ ಭರ್ತಿ! <br /> <br /> ಈ ವರ್ಷದ ಉತ್ಸವದ ಸಮಯದಲ್ಲಿ ಕಳೆದ ವರ್ಷದ ಜಮಾ-ಖರ್ಚಿನ ಕರಪತ್ರವನ್ನು ತಪ್ಪದೆ ಮುದ್ರಿಸಿ ಹಂಚುತ್ತಿದ್ದ. ಉಳಿದ ಹಣ ದೇವಸ್ಥಾನದ ಹುಂಡಿಗೆ, ಅಥವಾ ಖೋತಾ ಹಣ ತನ್ನ ಕೈಲಿಂದ ಹಾಕಿದೆ ಎನ್ನುತ್ತಿದ್ದ! ಯಾರೂ ಚಕಾರ ಎತ್ತುತ್ತಿರಲಿಲ್ಲ!<br /> <br /> ಆದರೆ ಈ ಬಾರಿ ಗಣೇಶೋತ್ಸವ ಚಂದಾ ವಸೂಲಿಗೆ ಚಿಕ್ಕೇಶಿ ಬರಲಿಲ್ಲ. ಹಬ್ಬ ಮುಗಿದರೂ ಅವನ ಪತ್ತೆ ಇಲ್ಲ. ಎಲ್ಲಿ ಹೋದ ಎಂದು ಯೋಚಿಸುತ್ತಿರುವಾಗಲೇ ಅವನು ಇದ್ದಕ್ಕಿದ್ದಂತೆ ಎದುರಿಗೆ ಕುಂಟುತ್ತಾ ಬಂದ- ತುಂಬ ಸಪ್ಪಗಿದ್ದ, ಮುಂದಲೆ ಮೇಲೆ ಬುಗುಟು! `ಯಾಕೋ, ಕಾಲಿಗೆ ಏನಾಗಿದೆಯೋ ಎಂದೆ. <br /> <br /> `ಅಯ್ಯೋ ಏನು ಹೇಳಲಯ್ಯೊ! ಅಣ್ಣಾ ಹಜಾರೆಯವರ ಚಳವಳಿಯ ವಿಜಯೋತ್ಸವದ ಮೆರವಣಿಗೇಲಿ ಹೋಗ್ತಿದ್ದಾಗ ಯಾರೋ ಹಿಂದಿನಿಂದ ತಳ್ಳಿಬಿಟ್ರು, ಕೆಳಗೆ ಬಿದ್ದೆ- ಮಂಡಿ ಒಡೆಯಿತು. ಆಸ್ಪತ್ರೆ ಸೇರಿದ್ದೆ. ಮೊನ್ನೆ ಡಿಸ್ಚಾರ್ಜ್ ಮಾಡಿದ್ದು. ಕಾಲು ತುಂಬ ನೋಯ್ತಾ ಇದೆ ಎಂದ. <br /> <br /> `ಓ, ನೀನು ಹಜಾರೆ ಸಿದ್ಧಾಂತದ ಕಡು ವೈರಿ ಅನ್ನೋದು ಗೊತ್ತಿರೋರೇ ದೂಡಿ ಬೀಳಿಸಿರಬೇಕು... ಸರ್ಕಲ್ನಲ್ಲಿ ಸತ್ಯಾಗ್ರಹ ಶಿಬಿರ ಹನ್ನೆರಡು ದಿನ ನಡೆದ್ರೂ ಅತ್ತ ತಿರುಗಿ ನೋಡದವನು ವಿಜಯೋತ್ಸವ ಮೆರಣಿಗೆಗೆ ಯಾಕಯ್ಯೊ ಹೋಗಿದ್ದೆ? <br /> `ಅಲ್ಲಿಗೆ ಹೋಗಲಿಲ್ಲಯ್ಯ. ಆದ್ರೂ ಚಳವಳಿಗೆ ಸಪೋರ್ಟ್ ಮಾಡಿದೆ... ನನಗೆ ಅರ್ಥವಾಗಲಿಲ್ಲ, ಕೇಳಿದೆ- ಏನಯ್ಯ ಹಂಗಂದ್ರೆ?<br /> <br /> ` ಸತ್ಯಾಗ್ರಹ ಶಿಬಿರದ ನಿರ್ವಹಣೆಗೆ ಸಾಕಷ್ಟು `ನಿಧಿ~ ವಸೂಲು ಮಾಡಿದ್ದೆನಪ್ಪಾ, ಹುಡುಗ್ರನ್ನ ಕಟ್ಕೊಂಡು ಹಗಲೂ ರಾತ್ರಿ ತಿರುಗಿದೆ ಯಾರೂ ಇಲ್ಲ ಅನ್ನಲಿಲ್ಲ.... ಎಂದು ಹೇಳುತ್ತಲೇ `ಅಯ್ಯೋ ಹೊಟ್ಟೆ~ ಹಿಡಿದುಕೊಂಡು ನೋವು ಎಂದು ಅರಚಿದ.<br /> <br /> ಏನಾಯ್ತೋ? ಎಂದು ಆತಂಕದಿಂದ ಕೇಳಿದೆ. ನನ್ನ ಫ್ರೆಂಡ್ ಫಿರೋಜ್ ಮನೆಗೆ ಕರೆದುಕೊಂಡು ಹೋಗಿದ್ದ. ಅವನು ರಂಜಾನ್ ಇಫ್ತಿಯಾರ್ ಕೂಟಕ್ಕೆ ಕರೆದಿದ್ದ. ಹೋಗಲು ಆಗಿರಲಿಲ್ಲ. ಮೊನ್ನೆ ಸಿಕ್ಕಿ ಮನೇಲಿ ಬಿರಿಯಾನಿ ಮಾಡಿದ್ದಾರೆ ಬಾ ಅಂತ ಕರಕೊಂಡು ಹೋದ.<br /> <br /> `ಏನಯ್ಯ ನಿನ್ನ ಅವಾಂತರ? ನೀನಿಲ್ಲದೆ ಯಾವ ಹಬ್ಬಗಳೂ ಆಗುವುದಿಲ್ಲವಲ್ಲ?~<br /> `ಹ್ಞೂನಪ್ಪಾ, ನಮ್ಮದು ಧರ್ಮ ನಿರಪೇಕ್ಷ ದೇಶ ತಾನೇ? ಎಲ್ಲ ಧರ್ಮದವರೂ ಅನ್ಯೋನ್ಯವಾಗಿರಬೇಕು. ರಂಜಾನ್ನಲ್ಲಿ ರಾಮ ಇದಾನೆ, ದೀಪಾವಳಿ(ಲಿ)ಯಲ್ಲಿ ಅಲಿ ಇಲ್ವೆ?~ <br /> ಸರಿ ಸರಿ. ಮುಂದೇನಾಯ್ತು? <br /> <br /> ಫಿರೋಜ್ ಒತ್ತಾಯ ಮಾಡಿದ ಅಂತ ಸ್ವಲ್ಪ ಜಾಸ್ತಿನೇ ತಿಂದ್ಬಿಟ್ಟೆ..... <br /> ಆ ಮೇಲೆ ಗಣಪತಿ ವಿಸರ್ಜನೆಯ ದಿನ ನಮ್ಮ ಸ್ನೇಹಿತರು ಊಟಕ್ಕೆ ಕರೆದಿದ್ದರು. ಎಲ್ಲಾ ಕಡೆ ಬೇಡಾ ಅಂದ್ರೂ ತಿನ್ನಿಸಿದರು. ಹೊಟ್ಟೆ ಸ್ವಲ್ಪ ಅಪ್ಸೆಟ್ ಆಗಿದೆ .<br /> <br /> `ಬೇಗ ಮನೆಗೆ ಹೋಗಿ ಟ್ಯಾಬ್ಲೆಟ್ ತಗೋಳ್ಳಯ್ಯೊ, ಇಂಥಾ ಹೊತ್ನಲ್ಲಿ ಮನೇಲೇ ಇರಬೇಕು. ಮನೇಲೀ ಯಾರೂ ಇಲ್ಲ! ನಿನ್ನ ಹೆಂಡ್ತಿ?~ <br /> ತೌರು ಮನೆಗೆ ಹೋಗಿದಾಳೆ ಚಿಕ್ಕೇಶಿ ಹಣೆಯ ಬುಗುಟು ನೇವರಿಸಿಕೊಂಡ. ಇದು ಏನೋ ಹಣೆ ಮೇಲೆ! ನಾನು ಕೇಳಿದೆ. <br /> <br /> ನಾನು ಅಣ್ಣಾ ಸತ್ಯಾಗ್ರಹಕ್ಕೆ ಸಾಕಷ್ಟು ವಂತಿಗೆ ವಸೂಲು ಮಾಡಿದ್ದೆ ಅಂದೆನಲ್ಲ. ಅದನ್ನು ಅಲ್ಲಿಗೆ ತಲುಪಿಸೋಣಾಂತ ಹೋಗ್ತಿದ್ದೆ. ದಾರೀಲಿ ಕ್ಲಾಸ್ಮೆಂಟ್ ಕನಕರಾಜು ಸಿಕ್ದ. ಭಾಳಾ ದಿನಕ್ಕೆ ಸಿಕ್ಕಿದೀಯಾ, ಬಾ ಸ್ವಲ್ಪ ರಿಲ್ಯಾಕ್ಸ್ ಆಗೋಣಾಂದ.<br /> <br /> ಬರಲ್ಲ ಅಂದೂ ಬಿಡಲಿಲ್ಲ.ಅಲ್ಲಿ ಸ್ವಲ್ಪ ಹೆಚ್ಚು ಕಮ್ಮಿ ಆಗಿ ಬಾರ್ನೋನ ಸಂಗಡ ಜಗಳ ಆಯ್ತು. ಅದ್ರಲ್ಲಿ ಉಬ್ಬಿದ ಜೇಬಿಗೆ ಕತ್ತರಿ ಬಿದ್ದದ್ದೇ ತಿಳೀಲಿಲ್ವಾ! ಹೇಗೋ ಮನೆಗೆ ಬಂದೆ..... ಹೆಂಡ್ತಿಗೆ ಸತ್ಯಾಗ್ರಹ ಶಿಬಿರಕ್ಕೆ ಹೋಗಿದ್ದೆ ಅಂತ ಹೇಳಿದ್ದೇ ತಪ್ಪಾಯ್ತು.<br /> ಆಮೇಲೆ? ಏನಾಯ್ತೋ? <br /> <br /> ಹೆಂಡ್ತಿ, ಹಜಾರೆಯವರು ನಾಳೆ ಉಪವಾಸ ನಿಲ್ಲಿಸ್ತೀನಿ ಅಂತ ಹೇಳಿದಾರೆ. ಟೀವೀಲಿ ಬರ್ತಾ ಇದೆ. ನೀವು ಎಲ್ಲಿಗೆ ಹೋಗಿದ್ರಿ ಅಂತ ನಿಮ್ಮ ಈ ಅವತಾರ, ನಿಮ್ಮ ಬಾಯಿನ ಸುವಾಸನೆ ಹೇಳ್ತಿದೆ ಅಂತ ಚಂಡಿ ಅವತಾರ ತಾಳಿದಳು.<br /> <br /> ಹುಟ್ಟು ಗುಣ ಸುಟ್ಟರೂ ಹೋಗೋಲ್ಲ ಅಂದವಳೇ ಹಲ್ಲು ಕಡೀತಾ ನನ್ನ ಮೇಲೆ ಲಟ್ಟಣಿಗೆ ಪ್ರಯೋಗ ಮಾಡ್ಬಿಟ್ಟಳು. ನಾನು ತಪ್ಪಿಸ್ಕೊಳ್ಳೊ ಹೊತ್ತಿಗೆ ಅದು ಹಣೆಗೆ ಬಡಿದೇ ಬಿಡ್ತು..... ಆಮೇಲೆ ಅವಳು ಬುಸುಗುಟ್ಟುತ್ತಾ ಅಷ್ಟೊತ್ತಿನಲ್ಲೇ ತೌರು ಮನೆಗೆ ಹೋಗಿಬಿಟ್ಳು! <br /> <br /> ನೋಡಯ್ಯೊ, ಇದೆಲ್ಲಾ ನೀನು ಅಣ್ಣಾ ಹಜಾರೆಯವರ ಬಗ್ಗೆ ಹೀಗೆ ಅಪ್ರಾಮಾಣಿಕವಾಗಿ ನಡೆದುಕೊಂಡಿದ್ದಕ್ಕೆ ಆಗಿರೋ ಶಿಕ್ಷೆ, ತಿಳ್ಕೋ.<br /> ಅಲ್ಲಯ್ಯೊ, ನಂಗೆ ಗಣೇಶನ ಶಾಪವೂ ತಟ್ಟಿರಬೇಕು ಅಂತೀನಿ..... ಚೌತಿ ಚಂದ್ರನ್ನ ಅಕಸ್ಮಾತ್ತಾಗಿ ನೋಡ್ಬಿಟ್ಟೆ -ಚಿಕ್ಕೇಶಿ ಮುಲುಕಿದ. ನನಗೆ ಪಾಪ ಎನ್ನಿಸಿತು. ತಪ್ಪಾಯ್ತು ಅಂತ ಒಪ್ಕೊಂಡು ನಿನ್ನ ಹೆಂಡ್ತಿನ ಕರ್ಕೊಂಡು ಬಾ ಹೋಗೋ .<br /> <br /> ಹಿಂದೆ ಭಾಳಾ ಸಾರಿ ಹೀಗೆ ಹೇಳಿದೀನಿ. ಈಗ ಅವಳು ಬರೋದು ಅನುಮಾನ. ದಯವಿಟ್ಟು ನೀನೂ ನನ್ನ ಜೊತೆ ಬಾರಯ್ಯೊ, ನಿನ್ನ ಮಾತು ಆಕೆ ಖಂಡಿತಾ ಕೇಳ್ತಾಳೆ.<br /> ನನ್ನ ಕೈಗಳು ತಲೆ ಮೇಲೆ ಹೋದವು- ಫಿರೋಜು, ಗಣಪತಿ ಎಲ್ಲ ಒಟ್ಟಿಗೆ ನೆನಪಿಗೆ ಬಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನನ್ನ ಗೆಳೆಯ ಚಿಕ್ಕೇಶಿಗೆ ವಸೂಲಿ ವೀರನೆಂದೇ ಅಡ್ಡ ಹೆಸರು ಬಂದು ಬಿಟ್ಟಿದೆ. ಅವನು ಮಾಹಿತಿ ಹಕ್ಕು ಕಾಯ್ದೆಗೂ ಅಣ್ಣಾ ಹಜಾರೆಗೂ ಸೊಪ್ಪು ಹಾಕುವವನಲ್ಲ. ಆಫೀಸಿನ ಕೆಲಸಗಳಿಗೆ ತನ್ನ ಫೀಸು ಇಂತಿಷ್ಟು ಎಂದು ನಿಗದಿಪಡಿಸಿದ್ದ. ಅದನ್ನು ವಸೂಲು ಮಾಡದೆ ಅವನು ಬಿಡುತ್ತಿರಲಿಲ್ಲ.<br /> <br /> ಲೋಕಪಾಲ ಮಸೂದೆ ಜಾರಿಗೆ ಬಂದ್ರೆ ನಿಂಗೇ ಕಷ್ಟ ಕಣಯ್ಯೊ ಎಂದು ನಾವು ಕೇಳಿದರೆ, `ಕಷ್ಟ ಬರೋಕೆ ನಂಗೇನೂ `ಕ~ ಕಾರದ ಕಾಟ ಇಲ್ಲ ಕಣ್ರಯ್ಯೊ ಎನ್ನುತ್ತಿದ್ದ! ಅರ್ಥವಾಗದೆ, ನಾವು ಪಿಳಿ ಪಿಳಿ ಕಣ್ಣು ಕಣ್ಣು ಬಿಟ್ಟರೆ ನಗುತ್ತಾ ಅವನು ಹೇಳುತ್ತಿದ್ದುದು- `ಕಲ್ಮಾಡಿ, ಕನಿಮೋಳಿ, ಕಟ್ಟಾ, ಕುಮಾರಸ್ವಾಮಿ ಅಂಥಾ `ಕ~ ಕಾರದ ಕುಳಗಳಿಗೆ ಕಷ್ಟ, ನಂಗೆ ಅಂಥದ್ದೇನೂ ಪ್ರಾಬ್ಲಂ ಇಲ್ಲಯ್ಯ.... ಭಾರೀ ಮಿಕಗಳಿಗೆ ಬೀಸಿದ ಬಲೆಯಲ್ಲಿ ಸಣ್ಣವು ಸುಲಭವಾಗಿ ತೂರಿ ಹೋಗುವುದಿಲ್ವೆ? ಹಾಗೆ ಎನ್ನುತ್ತಿದ್ದ.<br /> <br /> ಚಿಕ್ಕೇಶಿ ನಮ್ಮ ಬಡಾವಣೆಯ ನಾಗರಿಕ ಸಮಿತಿಯ ಕಾರ್ಯದರ್ಶಿ. ಗಣ್ಯರಿಗೆ ಸನ್ಮಾನ ಸಮಾರಂಭ ಏರ್ಪಡಿಸುವುದರಲ್ಲಿ ಅವನದು ಪಳಗಿದ ಕೈ. ಸಮಾರಂಭದ ಆಹ್ವಾನ ಪತ್ರಿಕೆ ನಾಗರಿಕ ಸಮಿತಿಯ ಹೆಸರಿನಲ್ಲೇ ಇರುತಿತ್ತು. <br /> <br /> ಆದರೆ ಅವನು ಸನ್ಮಾನಿತರಿಂದಲೇ ಸಮಾರಂಭದ ಸಂಪೂರ್ಣ ಖರ್ಚು ವಸೂಲು ಮಾಡುತ್ತಾನೆ ಎಂದು ಜನ ಮಾತನಾಡುತ್ತಿದ್ದರು! ನನ್ನ ಕೈಲೂ ಅವನಿಂದ ತಪ್ಪಿಸಿಕೊಳ್ಳಲು ಆಗಿರಲಿಲ್ಲ! ಆದರೆ ಅವನು ನನಗೆ ಸಮಾರಂಭ ಮಾಡಿದಾಗ ನಾನು ವಂತಿಗೆ ಕೊಟ್ಟ ನೆನಪಿಲ್ಲ.<br /> <br /> ವಿಜಯದಶಮಿ ಉತ್ಸವ, ಕನ್ನಡ ರಾಜ್ಯೋತ್ಸವ, ಗಣೇಶೋತ್ಸವ ಬಂದರೆ ಅವನಿಗೆ ಹುರುಪು- ಹುಮ್ಮಸ್ಸು ಹೆಚ್ಚು. ಕೈಯಲ್ಲಿ ರಸೀದಿ ಪುಸ್ತಕ ಹಿಡಿದು, ಪಡ್ಡೆ ಹುಡುಗರ ಪಟಾಲಂ ಜೊತೆ ವಸೂಲಿ ಯಾತ್ರೆ ಹೊರಟನೆಂದರೆ ಬೊಕ್ಕಸ ಭರ್ತಿ! <br /> <br /> ಈ ವರ್ಷದ ಉತ್ಸವದ ಸಮಯದಲ್ಲಿ ಕಳೆದ ವರ್ಷದ ಜಮಾ-ಖರ್ಚಿನ ಕರಪತ್ರವನ್ನು ತಪ್ಪದೆ ಮುದ್ರಿಸಿ ಹಂಚುತ್ತಿದ್ದ. ಉಳಿದ ಹಣ ದೇವಸ್ಥಾನದ ಹುಂಡಿಗೆ, ಅಥವಾ ಖೋತಾ ಹಣ ತನ್ನ ಕೈಲಿಂದ ಹಾಕಿದೆ ಎನ್ನುತ್ತಿದ್ದ! ಯಾರೂ ಚಕಾರ ಎತ್ತುತ್ತಿರಲಿಲ್ಲ!<br /> <br /> ಆದರೆ ಈ ಬಾರಿ ಗಣೇಶೋತ್ಸವ ಚಂದಾ ವಸೂಲಿಗೆ ಚಿಕ್ಕೇಶಿ ಬರಲಿಲ್ಲ. ಹಬ್ಬ ಮುಗಿದರೂ ಅವನ ಪತ್ತೆ ಇಲ್ಲ. ಎಲ್ಲಿ ಹೋದ ಎಂದು ಯೋಚಿಸುತ್ತಿರುವಾಗಲೇ ಅವನು ಇದ್ದಕ್ಕಿದ್ದಂತೆ ಎದುರಿಗೆ ಕುಂಟುತ್ತಾ ಬಂದ- ತುಂಬ ಸಪ್ಪಗಿದ್ದ, ಮುಂದಲೆ ಮೇಲೆ ಬುಗುಟು! `ಯಾಕೋ, ಕಾಲಿಗೆ ಏನಾಗಿದೆಯೋ ಎಂದೆ. <br /> <br /> `ಅಯ್ಯೋ ಏನು ಹೇಳಲಯ್ಯೊ! ಅಣ್ಣಾ ಹಜಾರೆಯವರ ಚಳವಳಿಯ ವಿಜಯೋತ್ಸವದ ಮೆರವಣಿಗೇಲಿ ಹೋಗ್ತಿದ್ದಾಗ ಯಾರೋ ಹಿಂದಿನಿಂದ ತಳ್ಳಿಬಿಟ್ರು, ಕೆಳಗೆ ಬಿದ್ದೆ- ಮಂಡಿ ಒಡೆಯಿತು. ಆಸ್ಪತ್ರೆ ಸೇರಿದ್ದೆ. ಮೊನ್ನೆ ಡಿಸ್ಚಾರ್ಜ್ ಮಾಡಿದ್ದು. ಕಾಲು ತುಂಬ ನೋಯ್ತಾ ಇದೆ ಎಂದ. <br /> <br /> `ಓ, ನೀನು ಹಜಾರೆ ಸಿದ್ಧಾಂತದ ಕಡು ವೈರಿ ಅನ್ನೋದು ಗೊತ್ತಿರೋರೇ ದೂಡಿ ಬೀಳಿಸಿರಬೇಕು... ಸರ್ಕಲ್ನಲ್ಲಿ ಸತ್ಯಾಗ್ರಹ ಶಿಬಿರ ಹನ್ನೆರಡು ದಿನ ನಡೆದ್ರೂ ಅತ್ತ ತಿರುಗಿ ನೋಡದವನು ವಿಜಯೋತ್ಸವ ಮೆರಣಿಗೆಗೆ ಯಾಕಯ್ಯೊ ಹೋಗಿದ್ದೆ? <br /> `ಅಲ್ಲಿಗೆ ಹೋಗಲಿಲ್ಲಯ್ಯ. ಆದ್ರೂ ಚಳವಳಿಗೆ ಸಪೋರ್ಟ್ ಮಾಡಿದೆ... ನನಗೆ ಅರ್ಥವಾಗಲಿಲ್ಲ, ಕೇಳಿದೆ- ಏನಯ್ಯ ಹಂಗಂದ್ರೆ?<br /> <br /> ` ಸತ್ಯಾಗ್ರಹ ಶಿಬಿರದ ನಿರ್ವಹಣೆಗೆ ಸಾಕಷ್ಟು `ನಿಧಿ~ ವಸೂಲು ಮಾಡಿದ್ದೆನಪ್ಪಾ, ಹುಡುಗ್ರನ್ನ ಕಟ್ಕೊಂಡು ಹಗಲೂ ರಾತ್ರಿ ತಿರುಗಿದೆ ಯಾರೂ ಇಲ್ಲ ಅನ್ನಲಿಲ್ಲ.... ಎಂದು ಹೇಳುತ್ತಲೇ `ಅಯ್ಯೋ ಹೊಟ್ಟೆ~ ಹಿಡಿದುಕೊಂಡು ನೋವು ಎಂದು ಅರಚಿದ.<br /> <br /> ಏನಾಯ್ತೋ? ಎಂದು ಆತಂಕದಿಂದ ಕೇಳಿದೆ. ನನ್ನ ಫ್ರೆಂಡ್ ಫಿರೋಜ್ ಮನೆಗೆ ಕರೆದುಕೊಂಡು ಹೋಗಿದ್ದ. ಅವನು ರಂಜಾನ್ ಇಫ್ತಿಯಾರ್ ಕೂಟಕ್ಕೆ ಕರೆದಿದ್ದ. ಹೋಗಲು ಆಗಿರಲಿಲ್ಲ. ಮೊನ್ನೆ ಸಿಕ್ಕಿ ಮನೇಲಿ ಬಿರಿಯಾನಿ ಮಾಡಿದ್ದಾರೆ ಬಾ ಅಂತ ಕರಕೊಂಡು ಹೋದ.<br /> <br /> `ಏನಯ್ಯ ನಿನ್ನ ಅವಾಂತರ? ನೀನಿಲ್ಲದೆ ಯಾವ ಹಬ್ಬಗಳೂ ಆಗುವುದಿಲ್ಲವಲ್ಲ?~<br /> `ಹ್ಞೂನಪ್ಪಾ, ನಮ್ಮದು ಧರ್ಮ ನಿರಪೇಕ್ಷ ದೇಶ ತಾನೇ? ಎಲ್ಲ ಧರ್ಮದವರೂ ಅನ್ಯೋನ್ಯವಾಗಿರಬೇಕು. ರಂಜಾನ್ನಲ್ಲಿ ರಾಮ ಇದಾನೆ, ದೀಪಾವಳಿ(ಲಿ)ಯಲ್ಲಿ ಅಲಿ ಇಲ್ವೆ?~ <br /> ಸರಿ ಸರಿ. ಮುಂದೇನಾಯ್ತು? <br /> <br /> ಫಿರೋಜ್ ಒತ್ತಾಯ ಮಾಡಿದ ಅಂತ ಸ್ವಲ್ಪ ಜಾಸ್ತಿನೇ ತಿಂದ್ಬಿಟ್ಟೆ..... <br /> ಆ ಮೇಲೆ ಗಣಪತಿ ವಿಸರ್ಜನೆಯ ದಿನ ನಮ್ಮ ಸ್ನೇಹಿತರು ಊಟಕ್ಕೆ ಕರೆದಿದ್ದರು. ಎಲ್ಲಾ ಕಡೆ ಬೇಡಾ ಅಂದ್ರೂ ತಿನ್ನಿಸಿದರು. ಹೊಟ್ಟೆ ಸ್ವಲ್ಪ ಅಪ್ಸೆಟ್ ಆಗಿದೆ .<br /> <br /> `ಬೇಗ ಮನೆಗೆ ಹೋಗಿ ಟ್ಯಾಬ್ಲೆಟ್ ತಗೋಳ್ಳಯ್ಯೊ, ಇಂಥಾ ಹೊತ್ನಲ್ಲಿ ಮನೇಲೇ ಇರಬೇಕು. ಮನೇಲೀ ಯಾರೂ ಇಲ್ಲ! ನಿನ್ನ ಹೆಂಡ್ತಿ?~ <br /> ತೌರು ಮನೆಗೆ ಹೋಗಿದಾಳೆ ಚಿಕ್ಕೇಶಿ ಹಣೆಯ ಬುಗುಟು ನೇವರಿಸಿಕೊಂಡ. ಇದು ಏನೋ ಹಣೆ ಮೇಲೆ! ನಾನು ಕೇಳಿದೆ. <br /> <br /> ನಾನು ಅಣ್ಣಾ ಸತ್ಯಾಗ್ರಹಕ್ಕೆ ಸಾಕಷ್ಟು ವಂತಿಗೆ ವಸೂಲು ಮಾಡಿದ್ದೆ ಅಂದೆನಲ್ಲ. ಅದನ್ನು ಅಲ್ಲಿಗೆ ತಲುಪಿಸೋಣಾಂತ ಹೋಗ್ತಿದ್ದೆ. ದಾರೀಲಿ ಕ್ಲಾಸ್ಮೆಂಟ್ ಕನಕರಾಜು ಸಿಕ್ದ. ಭಾಳಾ ದಿನಕ್ಕೆ ಸಿಕ್ಕಿದೀಯಾ, ಬಾ ಸ್ವಲ್ಪ ರಿಲ್ಯಾಕ್ಸ್ ಆಗೋಣಾಂದ.<br /> <br /> ಬರಲ್ಲ ಅಂದೂ ಬಿಡಲಿಲ್ಲ.ಅಲ್ಲಿ ಸ್ವಲ್ಪ ಹೆಚ್ಚು ಕಮ್ಮಿ ಆಗಿ ಬಾರ್ನೋನ ಸಂಗಡ ಜಗಳ ಆಯ್ತು. ಅದ್ರಲ್ಲಿ ಉಬ್ಬಿದ ಜೇಬಿಗೆ ಕತ್ತರಿ ಬಿದ್ದದ್ದೇ ತಿಳೀಲಿಲ್ವಾ! ಹೇಗೋ ಮನೆಗೆ ಬಂದೆ..... ಹೆಂಡ್ತಿಗೆ ಸತ್ಯಾಗ್ರಹ ಶಿಬಿರಕ್ಕೆ ಹೋಗಿದ್ದೆ ಅಂತ ಹೇಳಿದ್ದೇ ತಪ್ಪಾಯ್ತು.<br /> ಆಮೇಲೆ? ಏನಾಯ್ತೋ? <br /> <br /> ಹೆಂಡ್ತಿ, ಹಜಾರೆಯವರು ನಾಳೆ ಉಪವಾಸ ನಿಲ್ಲಿಸ್ತೀನಿ ಅಂತ ಹೇಳಿದಾರೆ. ಟೀವೀಲಿ ಬರ್ತಾ ಇದೆ. ನೀವು ಎಲ್ಲಿಗೆ ಹೋಗಿದ್ರಿ ಅಂತ ನಿಮ್ಮ ಈ ಅವತಾರ, ನಿಮ್ಮ ಬಾಯಿನ ಸುವಾಸನೆ ಹೇಳ್ತಿದೆ ಅಂತ ಚಂಡಿ ಅವತಾರ ತಾಳಿದಳು.<br /> <br /> ಹುಟ್ಟು ಗುಣ ಸುಟ್ಟರೂ ಹೋಗೋಲ್ಲ ಅಂದವಳೇ ಹಲ್ಲು ಕಡೀತಾ ನನ್ನ ಮೇಲೆ ಲಟ್ಟಣಿಗೆ ಪ್ರಯೋಗ ಮಾಡ್ಬಿಟ್ಟಳು. ನಾನು ತಪ್ಪಿಸ್ಕೊಳ್ಳೊ ಹೊತ್ತಿಗೆ ಅದು ಹಣೆಗೆ ಬಡಿದೇ ಬಿಡ್ತು..... ಆಮೇಲೆ ಅವಳು ಬುಸುಗುಟ್ಟುತ್ತಾ ಅಷ್ಟೊತ್ತಿನಲ್ಲೇ ತೌರು ಮನೆಗೆ ಹೋಗಿಬಿಟ್ಳು! <br /> <br /> ನೋಡಯ್ಯೊ, ಇದೆಲ್ಲಾ ನೀನು ಅಣ್ಣಾ ಹಜಾರೆಯವರ ಬಗ್ಗೆ ಹೀಗೆ ಅಪ್ರಾಮಾಣಿಕವಾಗಿ ನಡೆದುಕೊಂಡಿದ್ದಕ್ಕೆ ಆಗಿರೋ ಶಿಕ್ಷೆ, ತಿಳ್ಕೋ.<br /> ಅಲ್ಲಯ್ಯೊ, ನಂಗೆ ಗಣೇಶನ ಶಾಪವೂ ತಟ್ಟಿರಬೇಕು ಅಂತೀನಿ..... ಚೌತಿ ಚಂದ್ರನ್ನ ಅಕಸ್ಮಾತ್ತಾಗಿ ನೋಡ್ಬಿಟ್ಟೆ -ಚಿಕ್ಕೇಶಿ ಮುಲುಕಿದ. ನನಗೆ ಪಾಪ ಎನ್ನಿಸಿತು. ತಪ್ಪಾಯ್ತು ಅಂತ ಒಪ್ಕೊಂಡು ನಿನ್ನ ಹೆಂಡ್ತಿನ ಕರ್ಕೊಂಡು ಬಾ ಹೋಗೋ .<br /> <br /> ಹಿಂದೆ ಭಾಳಾ ಸಾರಿ ಹೀಗೆ ಹೇಳಿದೀನಿ. ಈಗ ಅವಳು ಬರೋದು ಅನುಮಾನ. ದಯವಿಟ್ಟು ನೀನೂ ನನ್ನ ಜೊತೆ ಬಾರಯ್ಯೊ, ನಿನ್ನ ಮಾತು ಆಕೆ ಖಂಡಿತಾ ಕೇಳ್ತಾಳೆ.<br /> ನನ್ನ ಕೈಗಳು ತಲೆ ಮೇಲೆ ಹೋದವು- ಫಿರೋಜು, ಗಣಪತಿ ಎಲ್ಲ ಒಟ್ಟಿಗೆ ನೆನಪಿಗೆ ಬಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>