ಭಾನುವಾರ, ಜೂಲೈ 12, 2020
29 °C

ವಿಟ್ರಾ ಜೊತೆ ಕಜಾರಿಯಾ ಒಪ್ಪಂದ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು:  ಸಿರಾಮಿಕ್ ಟೈಲ್ ತಯಾರಿಸುವ ಕಜಾರಿಯಾ ಸಿರಾಮಿಕ್ಸ್ ಲಿಮಿಟೆಡ್  (ಕೆಸಿಎಲ್) ಯೂರೋಪ್‌ನ ಪ್ರಮುಖ ಬ್ರಾಂಡ್ ಆಗಿರುವ ವಿಟ್ರಾದ ಉತ್ಪನ್ನಗಳನ್ನು ದೇಶಿ ಮಾರುಕಟ್ಟೆಯಲ್ಲಿ  ಪರಿಚಯಿಸಲು ಒಪ್ಪಂದ ಮಾಡಿಕೊಂಡಿದೆ.

ನೈರ್ಮಲ್ಯ ಸಾಧನಗಳು ಮತ್ತು ಸ್ನಾನದ ಮನೆಯ ಸಲಕರಣೆಗಳ ವಿಲಾಸಿ,  ದುಬಾರಿ  ಉತ್ಪನ್ನಗಳ ವಿಭಾಗದಲ್ಲಿ ದೇಶದಾದ್ಯಂತ ವಹಿವಾಟು ವಿಸ್ತರಿಸಿ ಮಾರುಕಟ್ಟೆಯಲ್ಲಿ ಮೊದಲ ಸ್ಥಾನಕ್ಕೆ ಏರಲು ಈ ಒಪ್ಪಂದವು ನೆರವಾಗಲಿದೆ ಎಂದು ಸಂಸ್ಥೆಯ ವ್ಯವಸ್ಥಾಪಕ  ನಿರ್ದೇಶಕ ಅಶೋಕ್ ಕಜಾರಿಯಾ ತಿಳಿಸಿದ್ದಾರೆ.

ನಗರದ ಅರಮನೆ ಆವರಣದಲ್ಲಿ ನಡೆಯುತ್ತಿರುವ ‘ವಾಸ್ತುಶಿಲ್ಪ, ನಿರ್ಮಾಣ - ಎಂಜಿನಿಯರಿಂಗ್’ನ ಮೂರು ದಿನಗಳ ಸಮಾವೇಶದ ಸಂದರ್ಭದಲ್ಲಿ ಅವರು ಸುದ್ದಿಗಾರರ ಜತೆ ಮಾತನಾಡುತ್ತಿದ್ದರು.

ವಿಟ್ರಾ ಜತೆಗಿನ ಸಹಯೋಗದ ಫಲವಾಗಿ ಗುಡಗಾಂವ್‌ನಲ್ಲಿ ದೇಶದ ಮೊದಲ ಜಂಟಿ  ಷೋರೂಂ ಆರಂಭಿಸಲಾಗಿದೆ. ಬೆಂಗಳೂರಿನ ಫೋರಂ ಮಾಲ್‌ನಲ್ಲಿ ದೇಶದ 2ನೇ ಷೋರೂಂ ಆರಂಭಿಸಲಾಗುತ್ತಿದೆ.ಕರ್ನಾಟಕದಲ್ಲಿ ಶೀಘ್ರವೇ ಸಂಸ್ಥೆಯ ತಯಾರಿಕಾ ಘಟಕ ಆರಂಭಿಸಲಾಗುವುದು ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.