<p><strong>ನವದೆಹಲಿ (ಪಿಟಿಐ): </strong>ಈ ಬಾರಿ ಮುಂಗಾರು ವಿಫಲವಾಗಿರುವುದರಿಂದ ಮುಂದಿನ ಮಾರುಕಟ್ಟೆ ವರ್ಷದಲ್ಲಿ (2012ರ ಅಕ್ಟೋಬರ್-2013 ಸೆಪ್ಟೆಂಬರ್ ನಡುವಿನ ಅವಧಿ) ದೇಶದಲ್ಲಿನ ಸಕ್ಕರೆ ಉತ್ಪಾದನೆ 30 ಲಕ್ಷ ಟನ್ನಷ್ಟು ಕಡಿಮೆ ಆಗಲಿದೆ. 2.30 ಕೋಟಿ ಟನ್ ಸಕ್ಕರೆಯಷ್ಟೇ ಉತ್ಪಾದನೆ ಆಗಲಿದೆ ಎಂದು ಕೇಂದ್ರ ಆಹಾರ ಖಾತೆ ಸಚಿವ ಕೆ.ವಿ.ಥಾಮಸ್ ಹೇಳಿದ್ದಾರೆ.<br /> <br /> ಕರ್ನಾಟಕ ಮತ್ತು ಮಹಾರಾಷ್ಟ್ರದಲ್ಲಿ ಯೇ ಅತಿ ಹೆಚ್ಚು ಸಕ್ಕರೆ ಕಾರ್ಖಾನೆಗಳಿದ್ದು, ಈ ಭಾಗದಲ್ಲಿ ಮುಂಗಾರು ಕೈಕೊಟ್ಟಿರುವುದು ಸಕ್ಕರೆ ಉತ್ಪಾದನೆ ಕುಸಿಯಲು ಕಾರಣ ಎಂದು ವಿವರಿಸಿದರು.</p>.<p><br /> ದೇಶದಲ್ಲಿ ವಾರ್ಷಿಕ 2.20 ಕೋಟಿ ಟನ್ ಸಕ್ಕರೆಗೆ ಬೇಡಿಕೆ ಇದೆ. ಪ್ರಸಕ್ತ ಮಾರುಕಟ್ಟೆ ವರ್ಷದಲ್ಲಿ(2011 ಅಕ್ಟೋಬರ್-2012 ಸೆಪ್ಟೆಂಬರ್) ದೇಶದಲ್ಲಿನ ಸಕ್ಕರೆ ಉತ್ಪಾದನೆ 2.60 ಕೋಟಿ ಟನ್ಗೂ ಹೆಚ್ಚು ಇದೆ. ಮುಂದಿನ ಮಾರುಕಟ್ಟೆ ವರ್ಷದಲ್ಲಿ ಸಕ್ಕರೆ ಉತ್ಪಾದನೆ ಇಳಿಮುಖವಾಗಲಿದೆ ಎಂದರು.</p>.<p>ಹಾಗೆಂದು ಭಯಪಡುವ ಅಗತ್ಯವಿಲ್ಲ. ಏಕೆಂದರೆ ಉತ್ಪಾದನೆ ಪ್ರಮಾಣ ಬೇಡಿಕೆಗಿಂತಲೂ ಅಧಿಕವಾಗಿಯೇ ಇದೆ. ಹಾಗಾಗಿ ಮುಂದಿನ ಮಾರುಕಟ್ಟೆ ವರ್ಷವೂ ಸಕ್ಕರೆ ಆಮದು ಮಾಡಿಕೊಳ್ಳಬೇಕಾದ ಅಗತ್ಯ ಬೀಳದು ಎಂದು ಥಾಮಸ್ ಸಮಾಧಾನ ವ್ಯಕ್ತಪಡಿಸಿದ್ದಾರೆ. <br /> <br /> ಆದರೆ, ಕೊಂಚ ಕಳವಳದ ಸಂಗತಿ ಎಂದರೆ ಸಕ್ಕರೆ ರಫ್ತು ಚಟುವಟಿಕೆಗೆ ಇದರಿಂದ ಕಷ್ಟವಾಗಲಿದೆ. ಈ ವರ್ಷ ಮಾಡಿದಷ್ಟು ಸಕ್ಕರೆ ರಫ್ತನ್ನೂ (ವರ್ಷದ ಪ್ರಥಮಾರ್ಧದಲ್ಲಿ 13.5 ಲಕ್ಷ ಟನ್ ಸಕ್ಕರೆ ರಫ್ತಾಗಿದೆ) ಮುಂದಿನ ವರ್ಷ ಮಾಡಲಾಗುವುದಿಲ್ಲ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಈ ಬಾರಿ ಮುಂಗಾರು ವಿಫಲವಾಗಿರುವುದರಿಂದ ಮುಂದಿನ ಮಾರುಕಟ್ಟೆ ವರ್ಷದಲ್ಲಿ (2012ರ ಅಕ್ಟೋಬರ್-2013 ಸೆಪ್ಟೆಂಬರ್ ನಡುವಿನ ಅವಧಿ) ದೇಶದಲ್ಲಿನ ಸಕ್ಕರೆ ಉತ್ಪಾದನೆ 30 ಲಕ್ಷ ಟನ್ನಷ್ಟು ಕಡಿಮೆ ಆಗಲಿದೆ. 2.30 ಕೋಟಿ ಟನ್ ಸಕ್ಕರೆಯಷ್ಟೇ ಉತ್ಪಾದನೆ ಆಗಲಿದೆ ಎಂದು ಕೇಂದ್ರ ಆಹಾರ ಖಾತೆ ಸಚಿವ ಕೆ.ವಿ.ಥಾಮಸ್ ಹೇಳಿದ್ದಾರೆ.<br /> <br /> ಕರ್ನಾಟಕ ಮತ್ತು ಮಹಾರಾಷ್ಟ್ರದಲ್ಲಿ ಯೇ ಅತಿ ಹೆಚ್ಚು ಸಕ್ಕರೆ ಕಾರ್ಖಾನೆಗಳಿದ್ದು, ಈ ಭಾಗದಲ್ಲಿ ಮುಂಗಾರು ಕೈಕೊಟ್ಟಿರುವುದು ಸಕ್ಕರೆ ಉತ್ಪಾದನೆ ಕುಸಿಯಲು ಕಾರಣ ಎಂದು ವಿವರಿಸಿದರು.</p>.<p><br /> ದೇಶದಲ್ಲಿ ವಾರ್ಷಿಕ 2.20 ಕೋಟಿ ಟನ್ ಸಕ್ಕರೆಗೆ ಬೇಡಿಕೆ ಇದೆ. ಪ್ರಸಕ್ತ ಮಾರುಕಟ್ಟೆ ವರ್ಷದಲ್ಲಿ(2011 ಅಕ್ಟೋಬರ್-2012 ಸೆಪ್ಟೆಂಬರ್) ದೇಶದಲ್ಲಿನ ಸಕ್ಕರೆ ಉತ್ಪಾದನೆ 2.60 ಕೋಟಿ ಟನ್ಗೂ ಹೆಚ್ಚು ಇದೆ. ಮುಂದಿನ ಮಾರುಕಟ್ಟೆ ವರ್ಷದಲ್ಲಿ ಸಕ್ಕರೆ ಉತ್ಪಾದನೆ ಇಳಿಮುಖವಾಗಲಿದೆ ಎಂದರು.</p>.<p>ಹಾಗೆಂದು ಭಯಪಡುವ ಅಗತ್ಯವಿಲ್ಲ. ಏಕೆಂದರೆ ಉತ್ಪಾದನೆ ಪ್ರಮಾಣ ಬೇಡಿಕೆಗಿಂತಲೂ ಅಧಿಕವಾಗಿಯೇ ಇದೆ. ಹಾಗಾಗಿ ಮುಂದಿನ ಮಾರುಕಟ್ಟೆ ವರ್ಷವೂ ಸಕ್ಕರೆ ಆಮದು ಮಾಡಿಕೊಳ್ಳಬೇಕಾದ ಅಗತ್ಯ ಬೀಳದು ಎಂದು ಥಾಮಸ್ ಸಮಾಧಾನ ವ್ಯಕ್ತಪಡಿಸಿದ್ದಾರೆ. <br /> <br /> ಆದರೆ, ಕೊಂಚ ಕಳವಳದ ಸಂಗತಿ ಎಂದರೆ ಸಕ್ಕರೆ ರಫ್ತು ಚಟುವಟಿಕೆಗೆ ಇದರಿಂದ ಕಷ್ಟವಾಗಲಿದೆ. ಈ ವರ್ಷ ಮಾಡಿದಷ್ಟು ಸಕ್ಕರೆ ರಫ್ತನ್ನೂ (ವರ್ಷದ ಪ್ರಥಮಾರ್ಧದಲ್ಲಿ 13.5 ಲಕ್ಷ ಟನ್ ಸಕ್ಕರೆ ರಫ್ತಾಗಿದೆ) ಮುಂದಿನ ವರ್ಷ ಮಾಡಲಾಗುವುದಿಲ್ಲ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>