<p><strong>ನವದೆಹಲಿ(ಪಿಟಿಐ):</strong> ಕೌಟುಂಬಿಕ ದೌರ್ಜನ್ಯ ತಡೆ (ಡಿವಿ) ಕಾಯ್ದೆಯಡಿಯಲ್ಲಿ ಮಹಿಳೆಯರಿಗೆ ರಕ್ಷಣೆ ಒದಗಿಸಿಕೊಡುವ ಸಲುವಾಗಿ ಸ್ತ್ರೀ– ಪುರುಷರು ಪರಸ್ಪರ ಒಪ್ಪಿಗೆ ಮೇಲೆ ಸಹಬಾಳ್ವೆ ನಡೆಸುವ ಜೀವನ ಪದ್ಧತಿ ಕುರಿತಂತೆ ಸುಪ್ರೀಂ ಕೋರ್ಟ್ ಕೆಲವು ಮಾರ್ಗದರ್ಶಿ ಸೂತ್ರಗಳನ್ನು ರಚಿಸಿದೆ.<br /> <br /> ಇಂತಹ ಸಹಬಾಳ್ವೆಯನ್ನು ‘ವೈವಾಹಿಕ ಜೀವನ’ದ ಚೌಕಟ್ಟಿಗೆ ತರಲು ಸೂಕ್ತ ಕಾನೂನು ತಿದ್ದುಪಡಿ ತರಬೇಕು ಎಂದು ಸುಪ್ರೀಂ ಕೋರ್ಟ್ ಇತ್ತೀಚೆಗೆ ಸಂಸತ್ತಿಗೆ ಸಲಹೆ ನೀಡಿತ್ತು. ಈ ನಿಟ್ಟಿನಲ್ಲಿ ಸಹಬಾಳ್ವೆಯ ಅವಧಿ, ಹೊಣೆಗಾರಿಕೆ ಹಂಚಿಕೆ, ಲೈಂಗಿಕ ಸಂಬಂಧ ಹಾಗೂ ಮಕ್ಕಳ ಪೋಷಣೆ ಮತ್ತು ಸಂಪನ್ಮೂಲ ಕ್ರೋಡೀಕರಣ ಮತ್ತಿತರ ಅಂಶಗಳನ್ನು ಆಧರಿಸಿ ಎಂಟು ಮಾರ್ಗದರ್ಶಿ ಸೂತ್ರಗಳನ್ನು ನ್ಯಾಯಮೂರ್ತಿ ಕೆ.ಎಸ್. ರಾಧಾಕೃಷ್ಣನ್ ಮತ್ತು ಪಿನಾಕಿ ಚಂದ್ರ ಘೋಸೆ ಅವರನ್ನು ಒಳಗೊಂಡ ಪೀಠ ರಚಿಸಿದೆ.<br /> <br /> ‘ಈ 8 ಮಾರ್ಗದರ್ಶಿ ಸೂತ್ರಗಳು ಸಮಗ್ರವೇನೂ ಅಲ್ಲ, ಆದರೆ, ಸಹಬಾಳ್ವೆಯ ಜೀವನ ಪದ್ಧತಿ ಕುರಿತಂತೆ ಕೆಲವು ಒಳನೋಟಗಳನ್ನು ಈ ಸೂತ್ರಗಳು ಖಂಡಿತ ಒಳಗೊಂಡಿವೆ’ ಎಂದು ಪೀಠ ಅಭಿಪ್ರಾಯಪಟ್ಟಿದೆ. ಮಾರ್ಗದರ್ಶಿ ಸೂತ್ರ: ಸಹಬಾಳ್ವೆ ಅವಧಿ– ‘ಡಿವಿ’ ಕಾಯ್ದೆಯ 2(ಎಫ್) ಕಲಂ ಅನ್ವಯ ‘ಯಾವುದೇ ಅವಧಿ’.</p>.<p>ಅಂದರೆ, ಜೊತೆಯಾಗಿ ಬದುಕು ನಿರ್ವಹಿಸುವ ಮತ್ತು ಅದನ್ನು ಮುಂದುವರಿಸುವಂತಹ ಜವಾಬ್ದಾರಿಯುತ ಅವಧಿ. ಇದು ಪ್ರಕರಣದಿಂದ ಪ್ರಕರಣಕ್ಕೆ ಮತ್ತು ಆಯಾ ಪ್ರಕರಣಗಳ ವಾಸ್ತವ ಸನ್ನಿವೇಶವನ್ನು ಅಧರಿಸಿರುತ್ತದೆ. ಸಂಪನ್ಮೂಲ ಕ್ರೋಡೀಕರಣ: ಪರಸ್ಪರ ನೆರವು ಇಲ್ಲವೆ, ಇಬ್ಬರಲ್ಲಿ ಒಬ್ಬರು ಹೊಣೆ ಹೊರುವುದನ್ನು ಅವಲಂಬಿಸಿದೆ.</p>.<p>ಹಣಕಾಸು ಮತ್ತು ಬ್ಯಾಂಕ್ ಉಳಿತಾಯ ಖಾತೆಯಲ್ಲಿ ಪಾಲುದಾರಿಕೆ, ಸ್ಥಿರಾಸ್ತಿಯನ್ನು ಜಂಟಿ ಹೆಸರಿನಲ್ಲಿ ನೋಂದಾಯಿಸುವುದು ಅಥವಾ ಮಹಿಳೆಯ ಹೆಸರಿನಲ್ಲಿ ನೋಂದಾಯಿಸುವುದು. ದೀರ್ಘಕಾಲದ ಹೂಡಿಕೆಯನ್ನು ವೈಯಕ್ತಿಕ ಇಲ್ಲವೆ ಜಂಟಿ ಹೆಸರಿನಲ್ಲಿ ಮಾಡುವುದು ದೀರ್ಘ ಕಾಲದ ಸಹಬಾಳ್ವೆಗೆ ಅನುಕೂಲಕರ.<br /> <br /> ಹೊಣೆಗಾರಿಕೆ ಹಂಚಿಕೆ: ಕುಟುಂಬ ನಿರ್ವಹಣೆಯಲ್ಲಿ ಪರಸ್ಪರ ನಂಬಿಕೆ ಮತ್ತು ಜವಾಬ್ದಾರಿಯಿಂದ ನಡೆದುಕೊಳ್ಳುವುದು ಅತಿ ಮುಖ್ಯ. ಮುಖ್ಯವಾಗಿ ಕುಟುಂಬ ನಿರ್ವಹಣೆಯು ಮಹಿಳೆಯರ ಹೆಗಲಿಗೆ ಬೀಳುತ್ತದೆ. ಮನೆಯ ಸ್ವಚ್ಛತೆ ಮತ್ತು ಒಪ್ಪವಾಗಿ ಇಡುವುದು, ಅಡುಗೆ ಸಿದ್ಧ ಮಾಡುವುದು ಬಹುಪಾಲು ಮಹಿಳೆಯ ಜವಾಬ್ದಾರಿಯೇ ಆಗಿರುತ್ತದೆ.</p>.<p>ಆದ್ದರಿಂದ ಸಹಬಾಳ್ವೆಯು ‘ವೈವಾಹಿಕ ಜೀವನ’ದಿಂದ ಬೇರೆಯಲ್ಲ. ಲೈಂಗಿಕ ಸಂಬಂಧ ಮತ್ತು ಮಕ್ಕಳ ಪೋಷಣೆ: ‘ವೈವಾಹಿಕ ದಾಂಪತ್ಯ’ದಂತಹ ಪರಸ್ಪರ ಒಪ್ಪಿಗೆಯ ಸಹಜೀವನದಲ್ಲಿ ಲೈಂಗಿಕ ಸಂಬಂಧವೂ ಇರುತ್ತದೆ. ಇದು ಕೇವಲ ಇಂದ್ರಿಯ ಸುಖಭೋಗವಲ್ಲ, ಸಂತನಾಭಿವೃದ್ಧಿಗಾಗಿ ಭಾವನಾತ್ಮಕ ಮತ್ತು ಅನ್ಯೋನ್ಯತೆಯ ಸಂಬಂಧವೂ ಆಗಿದೆ.<br /> <br /> ಸಂತನಾಭಿವೃದ್ಧಿಯು ಸಹಬಾಳ್ವೆ ಪದ್ಧತಿಯನ್ನು ‘ವೈವಾಹಿಕ ಜೀವನ’ ಎನ್ನುವುದನ್ನು ಎತ್ತಿತೋರಿಸುವಂತಹ ಕುರುಹು ಮತ್ತು ಇದು ದೀರ್ಘಕಾಲದ ಬದುಕಿನ ಉದ್ದೇಶ ಕೂಡ. ಮಕ್ಕಳ ಅಭ್ಯುದಯಕ್ಕಾಗಿ ಪರಸ್ಪರ ಹೊಣೆಗಾರಿಕೆ ಹಂಚಿಕೊಳ್ಳುವುದು ಮತ್ತು ಬೆಂಬಲವಾಗಿರುವುದು ಸಹ ‘ವೈವಾಹಿಕ ದಾಂಪತ್ಯ’ದ ಹೆಗ್ಗುರುತು. </p>.<p><strong>ಹಿನ್ನೆಲೆ:</strong> ಸಹಬಾಳ್ವೆ ನಡೆಸುತ್ತಿದ್ದ ಮಹಿಳೆಯೊಬ್ಬರು ಸಂಗಾತಿಯಿಂದ ದೂರವಾಗಿ ಜೀವನ ನಿರ್ವಹಣೆಗೆ ಜೀವನಾಂಶ ಕೊಡಿಸಿಕೊಡಬೇಕು ಎಂದು ಕೋರಿ ಸಲ್ಲಿಸಿದ ಅರ್ಜಿ ವಿಚಾರಣೆ ಸಂದರ್ಭದಲ್ಲಿ ಈ ಸೂತ್ರವನ್ನು ಪೀಠ ರಚಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ(ಪಿಟಿಐ):</strong> ಕೌಟುಂಬಿಕ ದೌರ್ಜನ್ಯ ತಡೆ (ಡಿವಿ) ಕಾಯ್ದೆಯಡಿಯಲ್ಲಿ ಮಹಿಳೆಯರಿಗೆ ರಕ್ಷಣೆ ಒದಗಿಸಿಕೊಡುವ ಸಲುವಾಗಿ ಸ್ತ್ರೀ– ಪುರುಷರು ಪರಸ್ಪರ ಒಪ್ಪಿಗೆ ಮೇಲೆ ಸಹಬಾಳ್ವೆ ನಡೆಸುವ ಜೀವನ ಪದ್ಧತಿ ಕುರಿತಂತೆ ಸುಪ್ರೀಂ ಕೋರ್ಟ್ ಕೆಲವು ಮಾರ್ಗದರ್ಶಿ ಸೂತ್ರಗಳನ್ನು ರಚಿಸಿದೆ.<br /> <br /> ಇಂತಹ ಸಹಬಾಳ್ವೆಯನ್ನು ‘ವೈವಾಹಿಕ ಜೀವನ’ದ ಚೌಕಟ್ಟಿಗೆ ತರಲು ಸೂಕ್ತ ಕಾನೂನು ತಿದ್ದುಪಡಿ ತರಬೇಕು ಎಂದು ಸುಪ್ರೀಂ ಕೋರ್ಟ್ ಇತ್ತೀಚೆಗೆ ಸಂಸತ್ತಿಗೆ ಸಲಹೆ ನೀಡಿತ್ತು. ಈ ನಿಟ್ಟಿನಲ್ಲಿ ಸಹಬಾಳ್ವೆಯ ಅವಧಿ, ಹೊಣೆಗಾರಿಕೆ ಹಂಚಿಕೆ, ಲೈಂಗಿಕ ಸಂಬಂಧ ಹಾಗೂ ಮಕ್ಕಳ ಪೋಷಣೆ ಮತ್ತು ಸಂಪನ್ಮೂಲ ಕ್ರೋಡೀಕರಣ ಮತ್ತಿತರ ಅಂಶಗಳನ್ನು ಆಧರಿಸಿ ಎಂಟು ಮಾರ್ಗದರ್ಶಿ ಸೂತ್ರಗಳನ್ನು ನ್ಯಾಯಮೂರ್ತಿ ಕೆ.ಎಸ್. ರಾಧಾಕೃಷ್ಣನ್ ಮತ್ತು ಪಿನಾಕಿ ಚಂದ್ರ ಘೋಸೆ ಅವರನ್ನು ಒಳಗೊಂಡ ಪೀಠ ರಚಿಸಿದೆ.<br /> <br /> ‘ಈ 8 ಮಾರ್ಗದರ್ಶಿ ಸೂತ್ರಗಳು ಸಮಗ್ರವೇನೂ ಅಲ್ಲ, ಆದರೆ, ಸಹಬಾಳ್ವೆಯ ಜೀವನ ಪದ್ಧತಿ ಕುರಿತಂತೆ ಕೆಲವು ಒಳನೋಟಗಳನ್ನು ಈ ಸೂತ್ರಗಳು ಖಂಡಿತ ಒಳಗೊಂಡಿವೆ’ ಎಂದು ಪೀಠ ಅಭಿಪ್ರಾಯಪಟ್ಟಿದೆ. ಮಾರ್ಗದರ್ಶಿ ಸೂತ್ರ: ಸಹಬಾಳ್ವೆ ಅವಧಿ– ‘ಡಿವಿ’ ಕಾಯ್ದೆಯ 2(ಎಫ್) ಕಲಂ ಅನ್ವಯ ‘ಯಾವುದೇ ಅವಧಿ’.</p>.<p>ಅಂದರೆ, ಜೊತೆಯಾಗಿ ಬದುಕು ನಿರ್ವಹಿಸುವ ಮತ್ತು ಅದನ್ನು ಮುಂದುವರಿಸುವಂತಹ ಜವಾಬ್ದಾರಿಯುತ ಅವಧಿ. ಇದು ಪ್ರಕರಣದಿಂದ ಪ್ರಕರಣಕ್ಕೆ ಮತ್ತು ಆಯಾ ಪ್ರಕರಣಗಳ ವಾಸ್ತವ ಸನ್ನಿವೇಶವನ್ನು ಅಧರಿಸಿರುತ್ತದೆ. ಸಂಪನ್ಮೂಲ ಕ್ರೋಡೀಕರಣ: ಪರಸ್ಪರ ನೆರವು ಇಲ್ಲವೆ, ಇಬ್ಬರಲ್ಲಿ ಒಬ್ಬರು ಹೊಣೆ ಹೊರುವುದನ್ನು ಅವಲಂಬಿಸಿದೆ.</p>.<p>ಹಣಕಾಸು ಮತ್ತು ಬ್ಯಾಂಕ್ ಉಳಿತಾಯ ಖಾತೆಯಲ್ಲಿ ಪಾಲುದಾರಿಕೆ, ಸ್ಥಿರಾಸ್ತಿಯನ್ನು ಜಂಟಿ ಹೆಸರಿನಲ್ಲಿ ನೋಂದಾಯಿಸುವುದು ಅಥವಾ ಮಹಿಳೆಯ ಹೆಸರಿನಲ್ಲಿ ನೋಂದಾಯಿಸುವುದು. ದೀರ್ಘಕಾಲದ ಹೂಡಿಕೆಯನ್ನು ವೈಯಕ್ತಿಕ ಇಲ್ಲವೆ ಜಂಟಿ ಹೆಸರಿನಲ್ಲಿ ಮಾಡುವುದು ದೀರ್ಘ ಕಾಲದ ಸಹಬಾಳ್ವೆಗೆ ಅನುಕೂಲಕರ.<br /> <br /> ಹೊಣೆಗಾರಿಕೆ ಹಂಚಿಕೆ: ಕುಟುಂಬ ನಿರ್ವಹಣೆಯಲ್ಲಿ ಪರಸ್ಪರ ನಂಬಿಕೆ ಮತ್ತು ಜವಾಬ್ದಾರಿಯಿಂದ ನಡೆದುಕೊಳ್ಳುವುದು ಅತಿ ಮುಖ್ಯ. ಮುಖ್ಯವಾಗಿ ಕುಟುಂಬ ನಿರ್ವಹಣೆಯು ಮಹಿಳೆಯರ ಹೆಗಲಿಗೆ ಬೀಳುತ್ತದೆ. ಮನೆಯ ಸ್ವಚ್ಛತೆ ಮತ್ತು ಒಪ್ಪವಾಗಿ ಇಡುವುದು, ಅಡುಗೆ ಸಿದ್ಧ ಮಾಡುವುದು ಬಹುಪಾಲು ಮಹಿಳೆಯ ಜವಾಬ್ದಾರಿಯೇ ಆಗಿರುತ್ತದೆ.</p>.<p>ಆದ್ದರಿಂದ ಸಹಬಾಳ್ವೆಯು ‘ವೈವಾಹಿಕ ಜೀವನ’ದಿಂದ ಬೇರೆಯಲ್ಲ. ಲೈಂಗಿಕ ಸಂಬಂಧ ಮತ್ತು ಮಕ್ಕಳ ಪೋಷಣೆ: ‘ವೈವಾಹಿಕ ದಾಂಪತ್ಯ’ದಂತಹ ಪರಸ್ಪರ ಒಪ್ಪಿಗೆಯ ಸಹಜೀವನದಲ್ಲಿ ಲೈಂಗಿಕ ಸಂಬಂಧವೂ ಇರುತ್ತದೆ. ಇದು ಕೇವಲ ಇಂದ್ರಿಯ ಸುಖಭೋಗವಲ್ಲ, ಸಂತನಾಭಿವೃದ್ಧಿಗಾಗಿ ಭಾವನಾತ್ಮಕ ಮತ್ತು ಅನ್ಯೋನ್ಯತೆಯ ಸಂಬಂಧವೂ ಆಗಿದೆ.<br /> <br /> ಸಂತನಾಭಿವೃದ್ಧಿಯು ಸಹಬಾಳ್ವೆ ಪದ್ಧತಿಯನ್ನು ‘ವೈವಾಹಿಕ ಜೀವನ’ ಎನ್ನುವುದನ್ನು ಎತ್ತಿತೋರಿಸುವಂತಹ ಕುರುಹು ಮತ್ತು ಇದು ದೀರ್ಘಕಾಲದ ಬದುಕಿನ ಉದ್ದೇಶ ಕೂಡ. ಮಕ್ಕಳ ಅಭ್ಯುದಯಕ್ಕಾಗಿ ಪರಸ್ಪರ ಹೊಣೆಗಾರಿಕೆ ಹಂಚಿಕೊಳ್ಳುವುದು ಮತ್ತು ಬೆಂಬಲವಾಗಿರುವುದು ಸಹ ‘ವೈವಾಹಿಕ ದಾಂಪತ್ಯ’ದ ಹೆಗ್ಗುರುತು. </p>.<p><strong>ಹಿನ್ನೆಲೆ:</strong> ಸಹಬಾಳ್ವೆ ನಡೆಸುತ್ತಿದ್ದ ಮಹಿಳೆಯೊಬ್ಬರು ಸಂಗಾತಿಯಿಂದ ದೂರವಾಗಿ ಜೀವನ ನಿರ್ವಹಣೆಗೆ ಜೀವನಾಂಶ ಕೊಡಿಸಿಕೊಡಬೇಕು ಎಂದು ಕೋರಿ ಸಲ್ಲಿಸಿದ ಅರ್ಜಿ ವಿಚಾರಣೆ ಸಂದರ್ಭದಲ್ಲಿ ಈ ಸೂತ್ರವನ್ನು ಪೀಠ ರಚಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
