ಸಹಭಾಗಿತ್ವ: ಸಿಇಒ ವೇದಿಕೆಯಿಂದ ಸುಧಾರಣಾ ಕ್ರಮ

ವಾಷಿಂಗ್ಟನ್ (ಪಿಟಿಐ): ಮೂಲ ಸೌಕರ್ಯ ದೇಣಿಗೆ ನಿಧಿ ಕುರಿತಂತೆ ಭಾರತವು ಪ್ರಕಟಿಸಿರುವ ಮಾರ್ಗದರ್ಶಿ ಸೂತ್ರಗಳನ್ನು ಸ್ವಾಗತಿಸಿರುವ ಭಾರತ ಮತ್ತು ಅಮೆರಿಕ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳ (ಸಿಇಒ) ವೇದಿಕೆಯು, ಸರ್ಕಾರಿ- ಖಾಸಗಿ ಸಹಭಾಗಿತ್ವವನ್ನು ಉತ್ತೇಜಿಲು ಅನೇಕ ಸುಧಾರಣಾ ಕ್ರಮಗಳನ್ನು ಪ್ರಕಟಿಸಿದೆ.



 `ಹಲವು ವಲಯಗಳಲ್ಲಿ ಅಭಿವೃದ್ಧಿ ಸಾಧಿಸಿಬೇಕಿದೆ. ಈ ನಿಟ್ಟಿನಲ್ಲಿ ಸಿಇಒ ವೇದಿಕೆಯು  ಸುಧಾರಣೆ ತರುವ ಮೂಲಕ ಕೆಲವು ಯೋಜನೆಗಳನ್ನು ಪರಸ್ಪರ ಸಹಕಾರದಿಂದ ಕೈಗೆತ್ತಿಕೊಳ್ಳಲು ಚಿಂತಿಸಿದೆ. ಶುದ್ಧ ಕುಡಿಯುವ ನೀರು, ನೀರು ಸಂರಕ್ಷಣೆ ಮತ್ತು ವಿದ್ಯುತ್ ಕ್ಷೇತ್ರದಲ್ಲಿ ಕಾರ್ಯಕ್ಷಮತೆ ಹೆಚ್ಚಿಸಲು ಆಲೋಚಿಸಿದೆ~ ಎಂದು ಟಾಟಾ ಸನ್ಸ್ ಸಮೂಹದ ಅಧ್ಯಕ್ಷ,  ಸಿಇಒ ವೇದಿಕೆ ಸಹ ಅಧ್ಯಕ್ಷರಾದ ರತನ್ ಟಾಟಾ ತಿಳಿಸಿದ್ದಾರೆ.