ಶನಿವಾರ, ಜೂನ್ 19, 2021
22 °C
90 ನಿಮಿಷ ವಿಶೇಷ ವಹಿವಾಟು

ಸೂಚ್ಯಂಕ ಅತ್ಯಲ್ಪ ಏರಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಂಬೈ(ಪಿಟಿಐ): ಮುಂಬೈ ಷೇರು ವಿನಿಮಯ ಕೇಂದ್ರದಲ್ಲಿ (ಬಿಎಸ್‌ಇ) ಶನಿವಾರ 90 ನಿಮಿಷಗಳ ಕಾಲ ನಡೆದ ವಿಶೇಷ ವಹಿವಾಟಿನಲ್ಲಿ ಸೂಚ್ಯಂಕ ಕೇವಲ 1.57 ಅಂಶಗಳ ಅತ್ಯಲ್ಪ ಏರಿಕೆ ಕಂಡಿತು.



ಜಾಗತಿಕ ಮಟ್ಟದ ಷೇರುಪೇಟೆಗಳಿಗೆ ರಜಾದಿನವಾಗಿದ್ದರಿಂದ ಭಾರತದ ಷೇರು ವಿನಿಮಯ ಕೇಂದ್ರಗಳ ವಹಿವಾಟಿನ ಮೇಲೆ ಬಾಹ್ಯ ಪರಿಣಾಮವೇನೂ ಇರಲಿಲ್ಲ. 30 ಪ್ರಮುಖ ಷೇರುಗಳನ್ನು ಆಧರಿಸಿದ ಸಂವೇದಿ ಸೂಚ್ಯಂಕ 21,755.32 ಅಂಶಗಳಲ್ಲಿ ವಹಿವಾಟು ಅಂತ್ಯಗೊಳಿಸಿತು.



ಇನ್ನೊಂದೆಡೆ, ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದ (ಎನ್‌ಎಸ್‌ಇ) ‘ನಿಫ್ಟಿ’ ಸಹ 1.70 ಅಂಶಗಳ ಹೆಚ್ಚಳ ತೋರಿ 6,494.90 ಅಂಶಗಳಿಗೆ ಏರಿಕೆ ಕಂಡು ವಹಿವಾಟು ಕೊನೆಗೊಳಿಸಿತು.



ಎರಡೂ ಪ್ರಮುಖ ಷೇರು ವಿನಿಮಯ ಕೇಂದ್ರಗಳಲ್ಲಿ ಮಧ್ಯಾಹ್ನ 11.15ಕ್ಕೆ ಶುರುವಾದ ವಹಿವಾಟು ಮಧ್ಯಾಹ್ನ 12.45ರವರೆಗಷ್ಟೇ ನಡೆಯಿತು.



ವಾರಾಂತ್ಯವಾಗಿದ್ದರಿಂದ ಬಹುತೇಕ ಹೂಡಿಕೆ ಮಾರ್ಗದರ್ಶನ ಸಂಸ್ಥೆಗಳು, ಷೇರು ದಲ್ಲಾಳಿಗಳು ವಹಿವಾಟಿನಿಂದ ದೂರ ಉಳಿದಿದ್ದರು. ಹೂಡಿಕೆದಾರರಿಗೆ ಸೂಕ್ತ ಸಲಹೆ, ಮಾರ್ಗದರ್ಶನ ಲಭ್ಯವಿಲ್ಲದೇ ಇದ್ದುದರಿಂದ ವಹಿವಾಟಿನ ಪ್ರಮಾಣವೂ ಬಹಳ ಕಡಿಮೆ ಇತ್ತು ಎಂದು ಮಾರುಕಟ್ಟೆ ತಜ್ಞರು ಹೇಳಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.