ಭಾನುವಾರ, ಏಪ್ರಿಲ್ 18, 2021
28 °C

ಸೇವಾ ಕಾರ್ಯ ತಂದ ಕುತ್ತು: ಪಾಕ್ ಅಧಿಕಾರಿ ಸೇವೆಯಿಂದಲೇ ವಜಾ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಇಸ್ಲಾಮಾಬಾದ್ (ಪಿಟಿಐ): ಹಿಂದೂ ಮತ್ತು ಸಿಖ್ಖರ ಪೂಜಾ ಮಂದಿರಗಳಲ್ಲಿ ಪಾತ್ರೆ ತೊಳೆಯುವ, ನೆಲ ಒರೆಸುವ, ಶೂ ಪಾಲಿಶ್ ಮಾಡುವಂತಹ `ಸೇವಾ~ ಕೈಂಕರ್ಯ ಮಾಡಿದ್ದು ಪಾಕಿಸ್ತಾನದ ಉಪ ಅಟಾರ್ನಿ ಜನರಲ್ ಒಬ್ಬರ `ಸೇವೆ~ಗೆ ಕುತ್ತು ತಂದಿದೆ.



ಪೆಶಾವರ ಮೂಲದ ಉಪ ಅಟಾರ್ನಿ ಜನರಲ್ ಖುರ್ಷಿದ್ ಖಾನ್ ಸದ್ಯ ನೇಪಾಳ ಮತ್ತು ಭೂತಾನ್‌ಗಳಿಗೆ ಖಾಸಗಿ ಭೇಟಿಗೆ ತೆರಳಿದ್ದು, ಅಲ್ಲಿನ ಮಂದಿರಗಳಲ್ಲಿ ಇಂತಹ  `ಸೇವೆ~ಗಳನ್ನು ಮಾಡಿದ್ದಾರೆ. ಇದರಿಂದ ಸರ್ಕಾರದ ಕೆಂಗಣ್ಣಿಗೆ ಗುರಿಯಾಗಿ `ಸೇವೆ~ಯಿಂದಲೇ ವಜಾಗೊಂಡಿದ್ದಾರೆ.



ಅವರ ಜಾಗಕ್ಕೆ ಮತ್ತೊಬ್ಬರನ್ನು ನೇಮಿಸಲಾಗಿದೆ ಎಂದು ದೃಢೀಕರಿಸಿರುವ ಅಟಾರ್ನಿ ಜನರಲ್ ಇರ್ಫಾನ್ ಖಾದಿರ್, ಖಾನ್ ವಜಾಕ್ಕೆ ಏನು ಕಾರಣ ಎಂದು ತಿಳಿಸಿಲ್ಲ.ಸದ್ಯ ಕಠ್ಮಂಡುವಿನಲ್ಲಿರುವ ಖಾನ್, ಸೇವೆಯಿಂದ ವಜಾಗೊಂಡಿರುವ ವಿಷಯ ತಿಳಿದು ತಮ್ಮ ಪ್ರವಾಸವನ್ನು ಮೊಟಕುಗೊಳಿಸಿ ಪಾಕ್‌ಗೆ ಹಿಂದಿರುಗಲು ನಿರ್ಧರಿಸಿರುವುದಾಗಿ `ಎಕ್ಸ್‌ಪ್ರೆಸ್ ಟ್ರಿಬ್ಯೂನ್~ ಪತ್ರಿಕೆಗೆ ದೂರವಾಣಿ ಮೂಲಕ ತಿಳಿಸಿದ್ದಾರೆ.



`ಪಾಕಿಸ್ತಾನದಲ್ಲಿ ಅಲ್ಪಸಂಖ್ಯಾತರಿಗೆ ಆಗಿರುವ ನೋವನ್ನು ಇಂತಹ ಸೇವಾ ಕಾರ್ಯಗಳ ಮೂಲಕ ಹೋಗಲಾಡಿಸುವ ಪ್ರಯತ್ನ ಮಾಡುತ್ತಿದ್ದೇನೆ~ ಎಂದು ಖಾನ್ ಈ ಹಿಂದೆ ಹೇಳಿದ್ದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.