ಗುರುವಾರ , ಮೇ 13, 2021
16 °C

ಸೋಮವಾರ, 23-4-1962

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮಹೇಂದ್ರ-ನೆಹರೂ ಮಾತುಕತೆತೃಪ್ತಿಕರ ಅಂತ್ಯ



ನವದೆಹಲಿ, ಏ. 22- ನೇಪಾಳದ ದೊರೆ ಮಹೇಂದ್ರ ಮತ್ತು ಪ್ರಧಾನಮಂತ್ರಿ ನೆಹರೂ ಅವರುಗಳ ಮಾತುಕತೆ ಇಂದು ತೃಪ್ತಿಕರವಾಗಿ ಮುಕ್ತಾಯಗೊಂಡವು. ನೆಹರೂರೊಡನೆ ತಮ್ಮ ಮಾತುಕತೆ ಹಿತಕರ ಸನ್ನಿವೇಶದಲ್ಲಿ ನಡೆಯಿತೆಂದು ದೊರೆ ಮಹೇಂದ್ರರು ಮಾತುಕತೆ ಮುಗಿದ ಮೇಲೆ ಪತ್ರಿಕಾಗೋಷ್ಠಿಯೊಂದರಲ್ಲಿ ಹೇಳಿದರು. “ನಿಮ್ಮ ಭೇಟಿ ಪಲಪ್ರದ ವಾಯಿತೇ?” ಎಂದು ಕೇಳಿದ್ದಕ್ಕೆ ಅವರು “ನಿಸ್ಸಂದೇಹವಾಗಿ” ಎಂದು ಉತ್ತರವಿತ್ತರು.

ಅಲ್ಪಾದಾಯ ವರ್ಗದವರ ಮಕ್ಕಳಿಗೆ ಉಚಿತ ಶಿಕ್ಷಣ



ಬೆಂಗಳೂರು, ಏ. 22- ನಾನ್ ಗೆಜೆಟೆಡ್ ನೌಕರರು ಹಾಗೂ ಅಲ್ಪ ಆದಾಯ ಉಳ್ಳವರ ಮಕ್ಕಳಿಗೆ ಉಚಿತ ಸೆಕೆಂಡರಿ ಶಿಕ್ಷಣ ಒದಗಿಸಲು ಈಗಿರುವ ಆದಾಯ ಮಿತಿಯನ್ನು ಇಮ್ಮಡಿಸುವ ವಿಚಾರದಲ್ಲಿ ಸರ್ಕಾರ ಇನ್ನು ಒಂದು ವಾರದಲ್ಲಿ ನಿರ್ಧಾರ ಕೈಗೊಳ್ಳುವ ನಿರೀಕ್ಷೆ ಇದೆಯೆಂದು ಮುಖ್ಯಮಂತ್ರಿ ಶ್ರೀ ಎಸ್.ಆರ್. ಕಂಠಿಯವರು ಇಂದು ತಿಳಿಸಿದರು.



ಈಗಿರುವ 1200 ರೂಪಾಯಿಗಳ ವಾರ್ಷಿಕ ಆದಾಯ ಮಿತಿಯನ್ನು 2400 ರೂಪಾಯಿಗಳಿಗೆ ಹೆಚ್ಚಿಸಲು ಆಲೋಚಿಸಲಾಗಿದೆಯೆಂದೂ ಅವರಿಂದ 11 ಲಕ್ಷ ರೂಪಾಯಿಗಳಷ್ಟು ಹೆಚ್ಚಿನ ವೆಚ್ಚ ಬೀಳುವುದಾದರೂ ಅಲ್ಪಾದಾಯ ವರ್ಗದವರ ಮಕ್ಕಳಿಗೆ ವಿದ್ಯಾಭ್ಯಾಸ ಸೌಕರ್ಯ ಒದಗುವುದೆಂದೂ ತಿಳಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.