ಹಾಕಿ: ಡ್ರಾ ಪಂದ್ಯದಲ್ಲಿ ರೇನ್‌ಬೊ ಕ್ಲಬ್

ಬೆಂಗಳೂರು: ಉತ್ತಮ ಪ್ರದರ್ಶನ ತೋರಿದ ರೇನ್‌ಬೊ ಹಾಗೂ ನ್ಯೂ ಅಶೋಕ ಹಾಕಿ ಕ್ಲಬ್ ನಡುವಿನ ಡಿ.ಎಸ್. ಮೂರ್ತಿ ಮತ್ತು ವಿ. ಕರುಣಾಕರನ್ ಸ್ಮಾರಕ ಹಾಕಿ ಟೂರ್ನಿಯ ಗುರುವಾರದ ಪಂದ್ಯವು 1-1 ಗೋಲುಗಳಿಂದ ಡ್ರಾದಲ್ಲಿ ಅಂತ್ಯ ಕಂಡಿತು.



ಅಕ್ಕಿ ತಿಮ್ಮನಹಳ್ಳಿ ರಾಜ್ಯ ಹಾಕಿ ಸಂಸ್ಥೆಯ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ನ್ಯೂ ಅಶೋಕ ತಂಡದ ಚಿರಂಜೀವಿ ಎಂಟನೇ ನಿಮಿಷದಲ್ಲಿ ಗೋಲಿನ ಖಾತೆ ತೆರೆದು ಆರಂಭಿಕ ಮುನ್ನಡೆ ತಂದುಕೊಟ್ಟರೆ, ರೇನ್ ಬೊ ಕ್ಲಬ್‌ನ ಮಾರಿಯೊ 34ನೇ ನಿಮಿಷದಲ್ಲಿ ಗೋಲು ಗಳಿಸಿ ಪಂದ್ಯವನ್ನು ಡ್ರಾ ಹಾದಿಗೆ ಕೊಂಡೊಯ್ದರು.



ಶುಕ್ರವಾರದ ಪಂದ್ಯದಲ್ಲಿ ರೇನ್ ಬೋ ಕ್ಲಬ್ ಮತ್ತು ನವೀನ್ ಹಾಕಿ ಕ್ಲಬ್ ತಂಡಗಳು ಸಂಜೆ 4 ಗಂಟೆಗೆ ಪೈಪೋಟಿ ನಡೆಸಲಿವೆ.