ಗುರುವಾರ , ಮೇ 6, 2021
32 °C

ಹೊಸ ಸಂಶೋಧನೆಗೆ ವಿಫುಲ ಅವಕಾಶ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: `ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದ ತೀವ್ರಗತಿಯ ಬೆಳವಣಿಗೆ ಪರಿಣಾಮದಿಂದ ಹೆಚ್ಚು ಹೆಚ್ಚು ಜೀವಸತ್ವ ಹಾಗೂ ನ್ಯೂಕ್ಲಿಕ್ ಆಸಿಡ್‌ಗಳ ಸಂಚರನೆ (ಮೂರು ಆಯಾಮ)ಯ ಮಹತ್ವವನ್ನು ಅರಿತುಕೊಳ್ಳಲು ಸಾಧ್ಯವಾಗುತ್ತಿದೆ~ ಎಂದು ನೋಬೆಲ್ ಪ್ರಶಸ್ತಿ ಪುರಸ್ಕೃತ ವಿಜ್ಞಾನಿ ಪ್ರೊ. ಕುರ್ತ್ ವುಟ್ರಿಚ್ ಪ್ರತಿಪಾದಿಸಿದರು.



ನಗರದ ಭಾರತೀಯ ವಿಜ್ಞಾನ ಸಂಸ್ಥೆ (ಐಐಎಸ್‌ಸಿ) ಸಭಾಂಗಣದಲ್ಲಿ ಮಂಗಳವಾರ ನಡೆದ ಕಾರ್ಯಕ್ರಮದಲ್ಲಿ `ಭೌತಶಾಸ್ತ್ರ ಮತ್ತು ಭೌತ ರಸಾಯನಶಾಸ್ತ್ರ ಜೀವಸತ್ವಗಳ ಶೋಧ~ ಕುರಿತು ಅವರು ಉಪನ್ಯಾಸ ನೀಡಿದರು.



`1990ರಲ್ಲಿ ಜೀವಸತ್ವ ಹಾಗೂ ನ್ಯೂಕ್ಲಿಕ್ ಆಸಿಡ್‌ಗಳ ಸಂರಚನೆ 109 ಆಗಿತ್ತು. 1995ರಲ್ಲಿ 500ಕ್ಕೆ, 2000ರ ವೇಳೆಗೆ 1,000ಕ್ಕೆ, 2012ರ ಹೊತ್ತಿಗೆ ಈ ಸಂಚರನೆ 74 ಸಾವಿರಕ್ಕೆ ಏರಿತ್ತು. ಈ ಮೂಲಕ ಸಂರಚನೆಯ ಮಹತ್ವ ಅರಿವಾಗುತ್ತದೆ~ ಎಂದು ಅವರು ಪವರ್ ಪಾಯಿಂಟ್ ಪ್ರೆಸೆಂಟೆಷನ್ ಮೂಲಕ ವಿವರಿಸಿದರು.



`ಭೌತಶಾಸ್ತ್ರ ಹಾಗೂ ಭೌತರಸಾಯನಶಾಸ್ತ್ರ ಕ್ಷೇತ್ರದಲ್ಲಿ ಕಳೆದ ನಾಲ್ಕೈದು ದಶಕಗಳಲ್ಲಿ ತೀವ್ರಗತಿಯ ಪ್ರಗತಿಯಾಗಿದ್ದು, ಹೊಸ ವಿಚಾರಗಳ ಸಂಶೋಧನೆಗೆ ವಿಫುಲ ಅವಕಾಶಗಳಿವೆ. ಯುವ ವಿಜ್ಞಾನಿಗಳು, ವಿಜ್ಞಾನದ ವಿದ್ಯಾರ್ಥಿಗಳು ಈ ನಿಟ್ಟಿನಲ್ಲಿ ಗಮನ ಹರಿಸಬೇಕು~ ಎಂದು ಅವರು ಸಲಹೆ ನೀಡಿದರು.



`2000- 2011ರ ಅವಧಿಯಲ್ಲಿ ಸಂಶೋಧನೆ ಮೂಲಕ 29,723 ಜೀವಸತ್ವ ತದ್ರೂಪಿಗಳನ್ನು ಸೃಷ್ಟಿಸಲಾಗಿದೆ. ವಿಜ್ಞಾನ ಕ್ಷೇತ್ರದಲ್ಲಿ ಇದೊಂದು ಮಹತ್ವದ ಬೆಳವಣಿಗೆ~ ಎಂದರು.



ಭಾರತೀಯ ವಿಜ್ಞಾನ ಸಂಸ್ಥೆಯ ನಿರ್ದೇಶಕ ಪ್ರೊ.ಕೆ. ಬಲರಾಮ್ ಅಧ್ಯಕ್ಷತೆ ವಹಿಸಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.