‘ಪೀಕು’ ಆದದ್ದು ಹೀಗೆ...

‘ಟೈಟಾನ್’, ‘ಸಫೋಲಾ’ ಜಾಹೀರಾತುಗಳ ಸ್ಕ್ರಿಪ್ಟ್ ಹಿಡಿದುಕೊಂಡು ವರ್ಷಗಳ ಹಿಂದೆ ತನ್ನ ಸಹೋದ್ಯೋಗಿ ಜೊತೆ ಅಪ್ಪನೊಡನೆ ಜಗಳ ಕಾದು ಬಂದ ಸಂದರ್ಭವನ್ನು ಹುಡುಗಿ ವಿವರಿಸುತ್ತಿದ್ದಳು. ಅದನ್ನು ಪದೇಪದೇ ಆಲಿಸುತ್ತಾ ಇದ್ದ ಸಹೋದ್ಯೋಗಿಯ ತಲೆಯಲ್ಲಿ ಅದೇ ವಸ್ತು ಸಿನಿಮಾ ಬೀಜವಾಯಿತು. ತನ್ನ ಹಾಗೂ ಅಪ್ಪನ ವಿಚಿತ್ರ ಸಂಬಂಧದ ಕುರಿತು ಮುಕ್ತವಾಗಿ ಹೇಳಿಕೊಂಡ ಆ ಹುಡುಗಿ ಜೂಹಿ ಚತುರ್ವೇದಿ. ಅದನ್ನು ಸಿನಿಮಾ ಮಾಡಿದ ಆಕೆಯ ಸಹೋದ್ಯೋಗಿ ಶೂಜಿತ್ ಸರ್ಕಾರ್.

. ‘ಪೀಕು’ ಹಿಂದಿ ಸಿನಿಮಾ ಜನಪ್ರಿ ಸೂತ್ರಗಳನ್ನು ಮೀರಿಯೂ ಬಾಲಿವುಡ್ನಲ್ಲಿ ಭಾರಿ ಯಶಸ್ಸು ಗಳಿಸಿರುವ ಈ ಹೊತ್ತಿನಲ್ಲಿ ಸಿನಿಮಾ ಕಥೆಯ ‘ಬೀಜಮಂತ್ರ’ ಆಸಕ್ತಿಕರ ಸಂಗತಿಯಾಗಿದೆ. ರಂಗಭೂಮಿ, ಜಾಹೀರಾತು, ಸಿನಿಮಾ ಮೂರೂ ಮಾಧ್ಯಮಗಳಲ್ಲಿ ಕೈಯಾಡಿಸಿದ ಶೂಜಿತ್ ಸರ್ಕಾರ್ಗೆ ತಮ್ಮ ನಿಲುವುಗಳ ಬಗ್ಗೆ ಸ್ಪಷ್ಟತೆ ಇದೆ. ಬಂಗಾಳಿ ಸಂಸ್ಕೃತಿಯ ಗಂಧ ಯಾವ ರೂಪದಲ್ಲಾದರೂ ಇರುವಂತೆಯೇ ಅವರು ಸಿನಿಮಾ ಮಾಡುವುದು.

ಜೂಹಿ ಹಾಗೂ ಅವರ ಸಿನಿಮಾ ಕಥನದ ಸಂಬಂಧ ಕೂಡ ಆಸಕ್ತಿಕರ. ಅಪ್ಪ–ಮಗಳ ಅಪರೂಪದ ಸಂಬಂಧ ಇಟ್ಟುಕೊಂಡು ಯಾಕೆ ಒಂದು ಸಿನಿಮಾ ಮಾಡಬಾರದು ಎಂದು ಶೂಜಿತ್ಗೆ ಅನ್ನಿಸಿದ್ದೇ, ಜೂಹಿಗೆ ಸ್ಕ್ರಿಪ್ಟ್ ಮಾಡಿಕೊಡುವಂತೆ ಸೂಚಿಸಿದರು. ತನ್ನ ಅನುಭವದ ಜೊತೆ ಒಂದಿಷ್ಟು ಸಂಸ್ಕೃತಿ, ಸೂಕ್ಷ್ಮದ ಹೂರಣವನ್ನೂ ಬೆರೆಸಿ ಜೂಹಿ ಅಚ್ಚುಕಟ್ಟಾಗಿ ಸಿದ್ಧಪಡಿಸಿಕೊಟ್ಟ ಸ್ಕ್ರಿಪ್ಟ್ ‘ಪೀಕು’.

ಸ್ಕ್ರಿಪ್ಟ್ ಸಂಪೂರ್ಣ ಪಕ್ಕಾ ಆದ ನಂತರವಷ್ಟೇ ಸಿನಿಮಾ ಮಾಡುವ ಗಿರೀಶ್ ಕಾಸರವಳ್ಳಿ ಅವರ ಜಾಯಮಾನದವರೇ ಆದ ಶೂಜಿತ್, ಅದನ್ನು ಅಮಿತಾಭ್, ದೀಪಿಕಾ ಹಾಗೂ ಇರ್ಫಾನ್ ಖಾನ್ ಎದುರು ಇಟ್ಟರು. ಸಿನಿಮಾ ಸಂಕಥನದಲ್ಲಿ ಮಲಬದ್ಧತೆಯೂ ಮುಖ್ಯ ವಿಷಯ. ಮೂರು ಪಾತ್ರಗಳ ನಡುವಿನ ವರ್ತನಾ ವೈಚಿತ್ರ್ಯದಲ್ಲಿಯೇ ಸಿನಿಮಾಗೆ ಮನರಂಜನೆಯ ರಿಲೀಫ್, ಭಾವಲೋಕದ ತೀವ್ರತೆ ಎರಡೂ ಪ್ರಾಪ್ತವಾಗಿದೆ ಎಂದು ಅಮಿತಾಭ್ ಗುರ್ತಿಸಿದರು.

ಇನ್ನು ಚಿತ್ರೀಕರಣದ ವಿಷಯ. ಪಕ್ಕಾ ಸ್ಕ್ರಿಪ್ಟ್ ಇದ್ದುದರಿಂದ ಶೂಜಿತ್ ಸ್ಥಳದಲ್ಲಿಯೇ ಮಾರ್ಪಾಟು ಮಾಡಿಕೊಳ್ಳುವ ಗೊಡವೆಗೆ ಹೋಗಲಿಲ್ಲ. ರಂಗಭೂಮಿಯಲ್ಲಿ ಮಾಡುವಂತೆ ಎಲ್ಲಾ ಪಾತ್ರಗಳಿಂದಲೂ ತಾಲೀಮು ಮಾಡಿಸಿದರು. ಅಮಿತಾಭ್, ದೀಪಿಕಾ, ಇರ್ಫಾನ್ ಮೂವರೂ ಒಂದಲ್ಲ ಒಂದು ವಿಧದಲ್ಲಿ ತಾಲೀಮಿಗೆ ಒಳಗಾದವರೇ ಆದರೂ ಸಿನಿಮಾ ಲೋಕದಲ್ಲಿ ಇಂಥ ಪ್ರಯೋಗ ಅಪರೂಪವೇ ಹೌದು. ಪ್ರಚ್ಛನ್ನ ಅಭಿನಯ ಶಕ್ತಿ ಇರುವ ಈ ಮೂವರೂ ನಟ–ನಟಿಯರು ನಿರ್ದೇಶಕ ಬಯಸಿದ ರೂಹನ್ನು ಸ್ಕ್ರಿಪ್ಟ್ಗೆ ತುಂಬಿದರು. ಇವೆಲ್ಲದರ ಫಲವೇ ‘ಪೀಕು’ ಯಶಸ್ಸು.

ಕಥೆ ಇಲ್ಲ ಎಂದು ಹಳಹಳಿಸುವವರು, ಗಂಭೀರ ಸಿನಿಮಾ ಮಾಡಿದರೆ ಮನರಂಜನೆ ಎಲ್ಲಿಂದ ಬರಬೇಕು ಎಂದು ರಾಗ ತೆಗೆಯುವವರು, ಜನಪ್ರಿಯ ತಾರೆಗಳು ಒಪ್ಪುವಂಥ ಸ್ಕ್ರಿಪ್ಟ್ ಮಾಡುವುದೇ ಕಷ್ಟ ಎಂದು ಕೊರಗುವವರು ‘ಪೀಕು’ ಸಿನಿಮಾ ಆದ ಈ ಪ್ರಕ್ರಿಯೆಯನ್ನು ಗಮನಿಸಬೇಕು. ಶೂಜಿತ್ ಇದನ್ನು ತಮ್ಮದೇ ಶೈಲಿಯಲ್ಲಿ, ‘ಬಾಲಿವುಡ್ನಲ್ಲೂ ಬಂಗಾಳಿ ಗಾಳಿ ಬೀಸಬಲ್ಲದು’ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಪೀಕು’ ಆದದ್ದು ಹೀಗೆ...

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ