‘ವರಿಷ್ಠರ ತೀರ್ಮಾನ ನೋವು ತಂದಿದೆ’

ಮೈಸೂರು: ‘-ಕೊಡಗು–ಮೈಸೂರು ಲೋಕಸಭಾ ಕ್ಷೇತ್ರ ಬಿಜೆಪಿ ಅಭ್ಯರ್ಥಿ ಆಯ್ಕೆಯಲ್ಲಿ ಪಕ್ಷದ ವರಿಷ್ಠರ ತೀರ್ಮಾನ ನನಗೆ ನೋವುಂಟು ಮಾಡಿದೆ’ ಎಂದು ವಿಧಾನ ಪರಿಷತ್ ಸದಸ್ಯ ಸಿ.ಎಚ್. ವಿಜಯಶಂಕರ್ ತೀವ್ರ ಬೇಸರ ವ್ಯಕ್ತಪಡಿಸಿದರು.



ವಿಜಯನಗರದ ತಮ್ಮ ನಿವಾಸ­-ದಲ್ಲಿ ಸೋಮವಾರ ಸುದ್ದಿಗಾರ­ರೊಂದಿಗೆ ಮಾತನಾಡಿದ ಅವರು, ‘ಜಿಲ್ಲಾ ಘಟಕ­ದಿಂದ ಮೂವರ ಹೆಸರನ್ನು ಕಳುಹಿಸ­ಲಾಗಿತ್ತು. ಆದರೆ ಸ್ಥಳೀಯ ಮುಖಂ­ಡರು, ಆಕಾಂಕ್ಷಿಗಳ ಜತೆ ಚರ್ಚಿಸದೇ ರಾಜ್ಯ ನಾಯಕರು ಈ ತೀರ್ಮಾನಕ್ಕೆ ಬಂದಿರುವುದು ಅಸಮಾ­ಧಾನ ತಂದಿದೆ’ ಎಂದರು.



ಕಾಂಗ್ರೆಸ್ ಸಂಸ್ಕೃತಿ:‘ಪಕ್ಷದ ಪ್ರಾಥ­ಮಿಕ ಸದಸ್ಯತ್ವ ಇಲ್ಲದವರಿಗೆ ಟಿಕೆಟ್ ಕೊಡುವ ಸಂಸ್ಕೃತಿ ಕಾಂಗ್ರೆಸ್ಸಿ­ನದ್ದು. ಬಿಜೆಪಿಯಲ್ಲಿ ಇಂತಹ ಸಂಸ್ಕೃತಿ ಇಲ್ಲ. ನನ್ನ ಈವರೆಗಿನ ರಾಜಕೀಯ ಜೀವನ­ದಲ್ಲಿ ಇದೇ ಮೊದಲ ಬಾರಿಗೆ ಇಂತಹ ಬೆಳವಣಿಗೆ ನಡೆದಿದೆ. ಹೀಗಾಗಿ ಪಕ್ಷದ ವರಿಷ್ಠರ ನಿರ್ಧಾರ ಆಘಾತ ತಂದಿದೆ’ ಎಂದು ಹೇಳಿದರು.



‘ಮೂಲತಃ ಹಾಸನ ಜಿಲ್ಲೆಯವ­ರಾದ ಪ್ರತಾಪ್ ಸಿಂಹ ಅವರನ್ನು ಅಲ್ಲಿಗೆ ಕಳುಹಿಸಲಿ’ ಎಂದರು.

‘ಪಕ್ಷ ಬಿಡಲು ನಿರ್ಧರಿಸಿಲ್ಲ’: ‘ಟಿಕೆಟ್ ವಿಚಾರಕ್ಕಾಗಿ ಸದ್ಯಕ್ಕೆ ಪಕ್ಷ ಬಿಡಲು ನಿರ್ಧ­ರಿಸಿಲ್ಲ. ರಾಜ್ಯ ನಾಯಕರ ತೀರ್ಮಾನ ನೋವು ತಂದಿದೆ’ ಎಂದರು.