ಮಹೀಂದ್ರಾದ ಹೊಸ ಎಸ್‌ಯುವಿ ಥಾರ್ ಅನಾವರಣ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ: ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ ಕಂಪನಿಯು ಸ್ವಾತಂತ್ರ್ಯ ದಿನದಂದು ತನ್ನ ಬಹುನಿರೀಕ್ಷಿತ ಹೊಸ ಎಸ್‌ಯುವಿ ಥಾರ್ ಅನಾವರಣಗೊಳಿಸಿದೆ.
ತಂತ್ರಜ್ಞಾನ ಮತ್ತು ಸುರಕ್ಷತೆ, ಕಾರ್ಯಸಾಮರ್ಥ್ಯಕ್ಕೆ ಸಂಬಂಧಿಸಿದಂತೆ ಸಂಪೂರ್ಣವಾಗಿ ಹೊಸತನದಿಂದ ಕೂಡಿದೆ. ಈ ಎಸ್‌ಯುವಿಯನ್ನು ಅಕ್ಟೋಬರ್‌ನಲ್ಲಿ ಬಿಡುಗಡೆ ಮಾಡುವುದಾಗಿ ಕಂಪನಿ ಹೇಳಿದೆ.
‘ಹೊಸ ಥಾರ್ ಅನಾವರಣ ಮಾಡುವ ಮೂಲಕ ಇತಿಹಾಸವನ್ನು ಮತ್ತೊಮ್ಮೆ ಬರೆದಿದ್ದೇವೆ. ಈ ಮಾದರಿಯ ವಿನ್ಯಾಸ ಮತ್ತು ಎಂಜಿನಿಯರಿಂಗ್‌ ದೇಶದಲ್ಲಿಯೇ ಆಗಿದೆ. ಇದರಲ್ಲಿ ಬಳಸಿರುವ ಬಹುತೇಕ ಬಿಡಿಭಾಗಗಳು ಸ್ಥಳೀಯವಾಗಿಯೇ ತಯಾರಾಗಿವೆ’ ಎಂದು ಕಂಪನಿಯು ವ್ಯವಸ್ಥಾಪಕ ನಿರ್ದೇಶಕ ಪವನ್‌ ಗೋಯೆಂಕಾ ತಿಳಿಸಿದ್ದಾರೆ.
ನಾಸಿಕ್‌ನಲ್ಲಿ ಇರುವ ಘಟಕದಲ್ಲಿ ಇದು ತಯಾರಾಗಿದೆ ಎಂದು ಕಂಪನಿ ತಿಳಿಸಿದೆ.
ವೈಶಿಷ್ಟ್ಯ
* ಬಿಎಸ್‌6 ಎಂಜಿನ್: 2.0 ಲೀಟರ್‌ ಪೆಟ್ರೋಲ್‌ ಮತ್ತು 2.2 ಲೀಟರ್‌ ಡೀಸೆಲ್ ಎಂಜಿನ್
* ಹೊಸ ಗಿಯರ್‌ ಬಾಕ್ಸ್‌; 6 ಸ್ಪೀಡ್‌ ಟಾರ್ಕ್‌ ಕನ್ವರ್ಟರ್‌ ಆಟೊಮೆಟಿಕ್‌ ಟ್ರಾನ್ಸ್‌ಮಿಷನ್‌ ಮತ್ತು 6 ಸ್ಪೀಡ್‌ ಮ್ಯಾನುಯಲ್‌ ಟ್ರಾನ್ಸ್‌ಮಿಷನ್‌
* ಆಸನಗಳ ಆಯ್ಕೆ: 4 ಫ್ರಂಟ್‌ ಫೇಸಿಂಗ್‌ ಸೀಟ್‌ಗಳು ಮತ್ತು 2+4 ಸೈಡ್‌ ಫೇಸಿಂಗ್‌ ಸೀಟ್‌ಗಳು
* 17.8 ಇಂಚು ಟಚ್‌ಸ್ಕ್ರೀನ್‌ ಎನ್ಫೊಟೇನ್‌ಮೆಂಟ್‌ ಸಿಸ್ಟಂ
* ರೂಫ್ ಮೌಂಟೆಡ್‌ ಸ್ಪೀಕರ್‌
* ಡ್ಯುಯಲ್‌ ಏರ್‌ಬ್ಯಾಗ್‌
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
