Car Rentals: ಕಾರು ಕೊಳ್ಳಲಾಗದೇ? ಬಾಡಿಗೆಗೆ ಪಡೆದು ಓಡಿಸಿ..

ಬೆಂಗಳೂರು ಸಹಿತ ಹಲವು ನಗರಗಳಲ್ಲಿ ರೆವ್‌ನಂತಹ ಕಂಪನಿಗಳು ಬಾಡಿಗೆಗೆ ಕಾರು ನೀಡುತ್ತವೆ. ಇಲ್ಲಿ ಕಾರುಗಳನ್ನು ದಿನದ ಮಟ್ಟಿಗೆ, ವಾರದ ಮಟ್ಟಿಗೆ ಹಾಗೂ ತಿಂಗಳ ಅವಧಿಗೆ ಬಾಡಿಗೆಗೆ ಪಡೆಯಲು ಅವಕಾಶವಿದೆ.

ಬಾಡಿಗೆ ಕಾರು ಓಡಿಸಿ..

1-36 ತಿಂಗಳ ಅವಧಿಗೆ ಕಾರು ಬಾಡಿಗೆಗೆ ಪಡೆದುಕೊಳ್ಳಬಹುದು. ಇದಕ್ಕೆ ₹0 ಡೌನ್‌ಪೇಮೆಂಟ್ ಮತ್ತು ₹0 ರಸ್ತೆ ತೆರಿಗೆ ಇರುವುದರಿಂದ, ನೀವು ಯಾವುದೇ ಹೆಚ್ಚಿನ ಖರ್ಚು ಇಲ್ಲದೆ ವಾಹನ ಬಾಡಿಗೆಗೆ ಪಡೆದು ಓಡಿಸಬಹುದು. ಅಲ್ಲದೆ, ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಹ್ಯಾಚ್‌ಬ್ಯಾಕ್, ಸೆಡಾನ್, ಎಸ್‌ಯುವಿ ಮತ್ತು ಕಾಂಪಾಕ್ಟ್ ಎಸ್‌ಯುವಿಯಂತಹ ವಿವಿಧ ಮಾದರಿ ಮತ್ತು ಗಾತ್ರದ ಕಾರುಗಳು ಅಲ್ಲಿ ಲಭ್ಯವಿದೆ.

ಬೇಡಿಕೆ ಹೆಚ್ಚಿಸಿಕೊಂಡ ಕಾರು

ಕೋವಿಡ್ ಲಾಕ್‌ಡೌನ್ ಬಳಿಕ ಖಾಸಗಿ ಪ್ರಯಾಣಿಕ ವಾಹನಗಳ ಬಳಕೆ ಹೆಚ್ಚಾಗಿದೆ. ಸಾರ್ವಜನಿಕ ಸಾರಿಗೆಯ ಬದಲು ಹೆಚ್ಚಿನ ಜನರು ಖಾಸಗಿ ವಾಹನವನ್ನೇ ಬಯಸುತ್ತಿದ್ದಾರೆ, ಹೀಗಾಗಿ ಬಾಡಿಗೆ ಕಾರು ಖರೀದಿಗೂ ಅವಕಾಶ ಜಾಸ್ತಿಯಾಗಿದೆ. ನಿರ್ವಹಣೆ ಮತ್ತು ಸರ್ವಿಸ್ ಕಿರಿಕಿರಿಯಿಲ್ಲದೆಯೇ ಆಕರ್ಷಕ ಕಾರು ಹೊಂದಲು ಇದು ಅವಕಾಶ ಕಲ್ಪಿಸುತ್ತದೆ. ಜತೆಗೆ ಬಾಡಿಗೆಗೆ ಕಾರು ಒದಗಿಸುವ ರೆವ್‌ನಂತಹ ಕಂಪನಿಗಳು ಸ್ಯಾನಿಟೈಸ್‌ನಂತಹ ಹೆಚ್ಚಿನ ಸುರಕ್ಷತಾ ಕ್ರಮಗಳನ್ನು ಕೈಗೊಂಡು, ಗ್ರಾಹಕರ ಮನೆಬಾಗಿಲಿಗೆ ಕಾರು ಪೂರೈಸುತ್ತಿವೆ.

ಇದನ್ನೂ ಓದಿ:ಡಿಸೆಂಬರ್‌ನಲ್ಲಿ ಪ್ರಯಾಣಿಕ ವಾಹನಗಳ ರಿಟೇಲ್‌ ಮಾರಾಟ ಹೆಚ್ಚಳ