<p>ನವದೆಹಲಿ: ಪ್ರಯಾಣಿಕ ವಾಹನಗಳ ಸಗಟು ಮಾರಾಟವು ಕಳೆದ ವರ್ಷದ ಸೆಪ್ಟೆಂಬರ್ಗೆ ಹೋಲಿಸಿದರೆ ಈ ವರ್ಷದ ಸೆಪ್ಟೆಂಬರ್ನಲ್ಲಿ ಶೇಕಡ 92ರಷ್ಟು ಹೆಚ್ಚಾಗಿದೆ.</p>.<p>ಭಾರತೀಯ ವಾಹನ ತಯಾರಕರ ಒಕ್ಕೂಟದ (ಎಸ್ಐಎಎಂ) ಪ್ರಕಾರ, 2021ರ ಸೆಪ್ಟೆಂಬರ್ನಲ್ಲಿ 1.60 ಲಕ್ಷ ವಾಹನಗಳು ಮಾರಾಟ ಆಗಿದ್ದವು. 2022ರ ಸೆಪ್ಟೆಂಬರ್ನಲ್ಲಿ ಒದು 3.07 ಲಕ್ಷಕ್ಕೆ ಏರಿಕೆ ಆಗಿದೆ.</p>.<p>ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಪ್ರಯಾಣಿಕ ವಾಹನಗಳ ಮಾರಾಟ ಶೇ 38ರಷ್ಟು ಹೆಚ್ಚಾಗಿದ್ದು, 10.26 ಲಕ್ಷಕ್ಕೆ ತಲುಪಿದೆ. ಹಿಂದಿನ ಹಣಕಾಸು ವರ್ಷದ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ 7.41 ಲಕ್ಷ ಪ್ರಯಾಣಿಕ ವಾಹನಗಳು ಮಾರಾಟ ಆಗಿದ್ದವು.</p>.<p>ಸೆಮಿಕಂಡಕ್ಟರ್ ಪೂರೈಕೆ ಸುಧಾರಿಸಿರುವುದರಿಂದ ವಾಹನಗಳ ತಯಾರಿಕೆ ಶೇ 88ರಷ್ಟು ಹೆಚ್ಚಾಗಿ 3.72 ಲಕ್ಷಕ್ಕೆ ತಲುಪಿದೆ. ಹಬ್ಬದ ಋತುವಿನ ಬೇಡಿಕೆಯು ಮಾರಾಟದಲ್ಲಿ ಹೆಚ್ಚಳಕ್ಕೆ ಕಾರಣವಾಗಿದೆ.</p>.<p>ಮಾರಾಟ ಆಗಿರುವ ಒಟ್ಟಾರೆ ಪ್ರಯಾಣಿಕ ವಾಹನಗಳಲ್ಲಿ ಯುಟಿಲಿಟಿ ವಾಹನಗಳ ಪಾಲು ಅರ್ಧಕ್ಕಿಂತಲೂ ಹೆಚ್ಚಿಗೆ ಇದೆ. ಆದರೆ,ಎಂಟ್ರಿ ಲೆವೆಲ್ ಕಾರು ಮತ್ತು ಸೆಡಾನ್ ಬೇಡಿಕೆ ಕಂಡುಕೊಳ್ಳಲು ಹೆಣಗಾಡುತ್ತಿವೆ’ ಎಂದು ಒಕ್ಕೂಟದ ಅಧ್ಯಕ್ಷ ವಿನೋದ್ ಅಗರ್ವಾಲ್ ಹೇಳಿದ್ದಾರೆ.</p>.<p>‘ಸಿಎನ್ಜಜಿ ದರ ಏರಿಕೆ, ರೆಪೊ ದರ ಹೆಚ್ಚಳ ಹಾಗೂ ರಷ್ಯಾ–ಉಕ್ರೇನ್ ಸಂಘರ್ಷವು ಮುಂಬರುವ ತಿಂಗಳುಗಳಲ್ಲಿ ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರುವ ಆತಂಕ ಇದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>‘ಗ್ರಾಮೀಣ ಪ್ರದೇಶಗಳಲ್ಲಿ ಬೇಡಿಕೆ ಸುಧಾರಿಸದೇ ಇರುವುದರಿಂದ ಎಂಟ್ರಿ ಲೆವೆಲ್ನ ದ್ವಿಚಕ್ರ ಮತ್ತು ಪ್ರಯಾಣಿಕ ವಾಹನಗಳ ಮಾರಾಟದ ಬಗ್ಗೆ ಆತಂಕ ಇದೆ’ ಎಂದು ಒಕ್ಕೂಟದ ಪ್ರಧಾನ ನಿರ್ದೇಶಕ ರಾಜೇಶ್ ಮೆನನ್ ತಿಳಿಸಿದ್ದಾರೆ.</p>.<p>ವಾಹನ ಮಾರಾಟದ ವಿವರ</p>.<p>ವಾಹನ;2021 ಸೆಪ್ಟೆಂಬರ್;2022 ಸೆಪ್ಟೆಂಬರ್;ಏರಿಕೆ (%)</p>.<p>ಪ್ರಯಾಣಿಕ ಕಾರು;64,235;1,42,727;122.20</p>.<p>ದ್ವಿಚಕ್ರ;15,37,604;17,35,199;12.85</p>.<p>ತ್ರಿಚಕ್ರ;29,191;50,626</p>.<p>ಪ್ರಯಾಣಿಕ ವಾಹಹನಗಳ ಒಟ್ಟು ಮಾರಾಟ;1,60,212;3,07,389;91.86</p>.<p>ಬಿಎಂಡಬ್ಲ್ಯು, ಮರ್ಸಿಡಿಸ್, ಟಾಟಾ ಮೋಟರ್ಸ್ ಮತ್ತು ವೋಲ್ವೊ ಆಟೊ ಕಂಪನಿಗಳ ಅಂಕಿ–ಅಂಶ ಲಭ್ಯವಾಗಿಲ್ಲ</p>.<p>ಮಾಹಿತಿ: ಎಸ್ಐಎಎಂ</p>.<p>ಮುಖ್ಯಾಂಶಗಳು</p>.<p>ಹಬ್ಬದ ಋತುವಿನ ಬೇಡಿಕೆ</p>.<p>ಸುಧಾರಿಸಿದ ಚಿಪ್ ಪೂರೈಕೆ; ತಯಾರಿಕೆ ಹೆಚ್ಚಳ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ: ಪ್ರಯಾಣಿಕ ವಾಹನಗಳ ಸಗಟು ಮಾರಾಟವು ಕಳೆದ ವರ್ಷದ ಸೆಪ್ಟೆಂಬರ್ಗೆ ಹೋಲಿಸಿದರೆ ಈ ವರ್ಷದ ಸೆಪ್ಟೆಂಬರ್ನಲ್ಲಿ ಶೇಕಡ 92ರಷ್ಟು ಹೆಚ್ಚಾಗಿದೆ.</p>.<p>ಭಾರತೀಯ ವಾಹನ ತಯಾರಕರ ಒಕ್ಕೂಟದ (ಎಸ್ಐಎಎಂ) ಪ್ರಕಾರ, 2021ರ ಸೆಪ್ಟೆಂಬರ್ನಲ್ಲಿ 1.60 ಲಕ್ಷ ವಾಹನಗಳು ಮಾರಾಟ ಆಗಿದ್ದವು. 2022ರ ಸೆಪ್ಟೆಂಬರ್ನಲ್ಲಿ ಒದು 3.07 ಲಕ್ಷಕ್ಕೆ ಏರಿಕೆ ಆಗಿದೆ.</p>.<p>ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಪ್ರಯಾಣಿಕ ವಾಹನಗಳ ಮಾರಾಟ ಶೇ 38ರಷ್ಟು ಹೆಚ್ಚಾಗಿದ್ದು, 10.26 ಲಕ್ಷಕ್ಕೆ ತಲುಪಿದೆ. ಹಿಂದಿನ ಹಣಕಾಸು ವರ್ಷದ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ 7.41 ಲಕ್ಷ ಪ್ರಯಾಣಿಕ ವಾಹನಗಳು ಮಾರಾಟ ಆಗಿದ್ದವು.</p>.<p>ಸೆಮಿಕಂಡಕ್ಟರ್ ಪೂರೈಕೆ ಸುಧಾರಿಸಿರುವುದರಿಂದ ವಾಹನಗಳ ತಯಾರಿಕೆ ಶೇ 88ರಷ್ಟು ಹೆಚ್ಚಾಗಿ 3.72 ಲಕ್ಷಕ್ಕೆ ತಲುಪಿದೆ. ಹಬ್ಬದ ಋತುವಿನ ಬೇಡಿಕೆಯು ಮಾರಾಟದಲ್ಲಿ ಹೆಚ್ಚಳಕ್ಕೆ ಕಾರಣವಾಗಿದೆ.</p>.<p>ಮಾರಾಟ ಆಗಿರುವ ಒಟ್ಟಾರೆ ಪ್ರಯಾಣಿಕ ವಾಹನಗಳಲ್ಲಿ ಯುಟಿಲಿಟಿ ವಾಹನಗಳ ಪಾಲು ಅರ್ಧಕ್ಕಿಂತಲೂ ಹೆಚ್ಚಿಗೆ ಇದೆ. ಆದರೆ,ಎಂಟ್ರಿ ಲೆವೆಲ್ ಕಾರು ಮತ್ತು ಸೆಡಾನ್ ಬೇಡಿಕೆ ಕಂಡುಕೊಳ್ಳಲು ಹೆಣಗಾಡುತ್ತಿವೆ’ ಎಂದು ಒಕ್ಕೂಟದ ಅಧ್ಯಕ್ಷ ವಿನೋದ್ ಅಗರ್ವಾಲ್ ಹೇಳಿದ್ದಾರೆ.</p>.<p>‘ಸಿಎನ್ಜಜಿ ದರ ಏರಿಕೆ, ರೆಪೊ ದರ ಹೆಚ್ಚಳ ಹಾಗೂ ರಷ್ಯಾ–ಉಕ್ರೇನ್ ಸಂಘರ್ಷವು ಮುಂಬರುವ ತಿಂಗಳುಗಳಲ್ಲಿ ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರುವ ಆತಂಕ ಇದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>‘ಗ್ರಾಮೀಣ ಪ್ರದೇಶಗಳಲ್ಲಿ ಬೇಡಿಕೆ ಸುಧಾರಿಸದೇ ಇರುವುದರಿಂದ ಎಂಟ್ರಿ ಲೆವೆಲ್ನ ದ್ವಿಚಕ್ರ ಮತ್ತು ಪ್ರಯಾಣಿಕ ವಾಹನಗಳ ಮಾರಾಟದ ಬಗ್ಗೆ ಆತಂಕ ಇದೆ’ ಎಂದು ಒಕ್ಕೂಟದ ಪ್ರಧಾನ ನಿರ್ದೇಶಕ ರಾಜೇಶ್ ಮೆನನ್ ತಿಳಿಸಿದ್ದಾರೆ.</p>.<p>ವಾಹನ ಮಾರಾಟದ ವಿವರ</p>.<p>ವಾಹನ;2021 ಸೆಪ್ಟೆಂಬರ್;2022 ಸೆಪ್ಟೆಂಬರ್;ಏರಿಕೆ (%)</p>.<p>ಪ್ರಯಾಣಿಕ ಕಾರು;64,235;1,42,727;122.20</p>.<p>ದ್ವಿಚಕ್ರ;15,37,604;17,35,199;12.85</p>.<p>ತ್ರಿಚಕ್ರ;29,191;50,626</p>.<p>ಪ್ರಯಾಣಿಕ ವಾಹಹನಗಳ ಒಟ್ಟು ಮಾರಾಟ;1,60,212;3,07,389;91.86</p>.<p>ಬಿಎಂಡಬ್ಲ್ಯು, ಮರ್ಸಿಡಿಸ್, ಟಾಟಾ ಮೋಟರ್ಸ್ ಮತ್ತು ವೋಲ್ವೊ ಆಟೊ ಕಂಪನಿಗಳ ಅಂಕಿ–ಅಂಶ ಲಭ್ಯವಾಗಿಲ್ಲ</p>.<p>ಮಾಹಿತಿ: ಎಸ್ಐಎಎಂ</p>.<p>ಮುಖ್ಯಾಂಶಗಳು</p>.<p>ಹಬ್ಬದ ಋತುವಿನ ಬೇಡಿಕೆ</p>.<p>ಸುಧಾರಿಸಿದ ಚಿಪ್ ಪೂರೈಕೆ; ತಯಾರಿಕೆ ಹೆಚ್ಚಳ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
