ನಾಣ್ಯಗಳ ಅಪೂರ್ವ ಸಂಗ್ರಹ ತಾಣ ಫಾಲ್ಕನ್ ಗ್ಯಾಲರಿ

ಬೆಂಗಳೂರಿನ ಮೆಜೆಸ್ಟಿಕ್ ಪ್ರದೇಶ ಸದಾ ಜನನಿಬಿಡ. ಇಲ್ಲಿ ವ್ಯಾಪಾರಿ ವಹಿವಾಟುಗಳಿಗೆ ಹೆಚ್ಚಿನ ಆದ್ಯತೆ. ಬಸ್ ನಿಲ್ದಾಣಕ್ಕೆ ಬಂದು ಹೋಗುವವರ ಜೊತೆಗೆ ಗ್ರಾಹಕರ ಸಂಖ್ಯೆ ಹೆಚ್ಚಿರುವ ಈ ಪ್ರದೇಶದಲ್ಲೊಂದು ವ್ಯಾಪಾರಿ ತಾಣವಿದೆ. ಇದನ್ನು ವ್ಯಾಪಾರಿ ಸ್ಥಳವೆನ್ನುವುದಕ್ಕಿಂತ ಜ್ಞಾನ ಕೇಂದ್ರವೆಂದು ಕರೆಯುವುದು ಸೂಕ್ತ. ಫಾಲ್ಕನ್ ಕಾಯಿನ್ಸ್ ಗ್ಯಾಲರಿ- ಇದೇ ಆ ಅಂಗಡಿಯ ಹೆಸರು. ಇಲ್ಲಿಗೆ ಬರುವವರಲ್ಲಿ ಗ್ರಾಹಕರಿಗಿಂತ ನಾಣ್ಯಾಸಕ್ತರು ಹಾಗೂ ಸಂಶೋಧಕರೇ ಹೆಚ್ಚು.

. ನಾಣ್ಯ ಹಾಗೂ ನೋಟುಗಳ ಪ್ರದರ್ಶನ-ಮಾರಾಟಕ್ಕಾಗಿಯೇ ಇರುವ ಭಾರತದ ಕೆಲವೇ ಮಳಿಗೆಗಳಲ್ಲಿ ಬೆಂಗಳೂರಿನ ಫಾಲ್ಕನ್ ಗ್ಯಾಲರಿಗೆ ಮೊದಲ ಸ್ಥಾನ ಇದೆ.ಬೆಂಗಳೂರಿನ ಹಳೆಯ ಗೀತಾ ಟಾಕೀಸ್ ಬದಿಯಲ್ಲಿ ಕೇವಲ ಹದಿನೈದು ಚದರಡಿ ಅಂಗಡಿಯಲ್ಲಿ ಐದು ಸಾವಿರ ಮೌಲ್ಯದ ನೋಟು- ನಾಣ್ಯಗಳೊಂದಿಗೆ 1969ರಲ್ಲಿ ಸ್ಥಾಪನೆಗೊಂಡ ಮಿನಿ ಸ್ಟೋರ್ಸ್, ಇಂದು ರಾಷ್ಟ್ರದ ನಾಣ್ಯ-ನೋಟು ಸಂಶೋಧಕರ ಹಾಗೂ ಸಂಗ್ರಾಹಕರ ಜನಪ್ರಿಯ ತಾಣ ಫಾಲ್ಕನ್ ಕಾಯಿನ್ ಗ್ಯಾಲರಿಯಾಗಿ ಬೆಳೆದು ನಿಂತಿದೆ. ಇಂದು ಎರಡು ಅಂತಸ್ತಿನ ವಿಶಾಲ ಕಟ್ಟಡದಲ್ಲಿ ವಹಿವಾಟು ನಡೆಸುತ್ತಿದೆ.

. ಭಾರತೀಯ ಪುರಾತತ್ವ ಇಲಾಖೆಯಿಂದ ಮಾನ್ಯತೆ ಪಡೆದಿರುವ ಗ್ಯಾಲರಿಯನ್ನು ಮೊದಲಿಗೆ ಆರಂಭಿಸಿದ್ದು ಮನುಬಾಯ್ ಪರೇಖ್, ಇದೀಗ ವ್ಯವಸ್ಥಿತ ರೀತಿಯಲ್ಲಿ ಗ್ಯಾಲರಿ ಅಭಿವೃದ್ಧಿಪಡಿಸಿ ದೇಶದ ಗಮನ ಸೆಳೆಯಲು ಎಂ. ಪರೇಖ್ ಅವರು ಕಾರಣರಾಗಿದ್ದಾರೆ.

. ಕೊಡು-ಕೊಳ್ಳುವಿಕೆಯ ವ್ಯವಹಾರ ಪದಾರ್ಥ-ವಸ್ತು ವಿನಿಮಯದಿಂದ ಪ್ರಾರಂಭವಾಗಿ ಕಾಲಕ್ರಮೇಣ ಇದರಲ್ಲಿನ ನ್ಯೂನತೆಗಳನ್ನು ಹೋಗಲಾಡಿಸಲು ಹುಟ್ಟಿಕೊಂಡ ಲೋಹದ ತುಂಡುಗಳ ವಿನಿಮಯ ಪದ್ಧತಿ ಇಂದು ನಾಣ್ಯ-ನೋಟುಗಳಿಗೆ ರೂಪಾಂತರವಾಗಿರು ವುದು ಚರಿತ್ರೆಯ ಭಾಗವಾಗಿದೆ.

. ಸುಮಾರು ಒಂದು ಸಾವಿರ ವರ್ಷಗಳಿಗೂ ಹಿಂದಿನಿಂದ ರೂಢಿಯಲ್ಲಿರುವ ಲೋಹದ ನಾಣ್ಯಗಳ ದೊಡ್ಡ ಸಂಗ್ರಹವನೇ ತನ್ನಲ್ಲಿ ಇಟ್ಟುಕೊಂಡ ಫಾಲ್ಕನ್ ಗ್ಯಾಲರಿಯು ನಾಣ್ ಯಪದ್ಧತಿ ನಡೆದು ಬಂದ ದಾರಿಯನ್ನು ವಿವರಿಸುವ ಆಕರ್ಷಕ ಪ್ರದರ್ಶನಗಳನ್ನು ಹೊಂದಿರುವುದು ವಿಶೇಷ.

. ದೇಶ ವಿದೇಶಗಳ ವಿವಿಧ ಕಾಲ ಘಟ್ಟಗಳಿಗೆ ಸೇರಿದ ಬಗೆ ಬಗೆಯ ನಾಣ್ಯಗಳನ್ನು ನಿಖರ ಮಾಹಿತಿಯೊಂದಿಗೆ ಜೋಡಿಸಿಡಲಾದ ಚಿನ್ನ-ಬೆಳ್ಳಿ, ತಾಮ್ರ, ಸೀಸ ಹಾಗೂ ಮಿಶ್ರಲೋಹದ ಅಸಂಖ್ಯ ನಾಣ್ಯಗಳು ಇಲ್ಲಿವೆ.

. ವಿದೇಶಿ ನಾಣ್ಯಗಳಿದ್ದರೂ ಭಾರತೀಯ ಪುರಾತನ ನಾಣ್ಯಗಳಿಗೆ ಈ ಮಳಿಗೆಯಲ್ಲಿ ಮೊದಲ ಆದ್ಯತೆ. ಚಾಲುಕ್ಯ, ವಿಜಯನಗರ, ಸಾತವಾಹನ, ಗುಪ್ತ, ಮೈಸೂರು ಅರಸರು ಹಾಗೂ ಹೈದರ್ – ಟಿಪ್ಪು ಕಾಲದ ವೈವಿಧ್ಯಮಯ ನಾಣ್ಯಗಳ ರಾಶಿಯೂ ಇಲ್ಲುಂಟು.

. ಕುತೂಹಲಕರ ಇತಿಹಾಸ ಬ್ರಾಹ್ಮಿಲಿಪಿಯಿಂದ ಮೊದಲ್ಗೊಂಡು ಸಂಸ್ಕೃತ, ಪ್ರಾಕೃತ, ಕನ್ನಡ, ಪಾರಸೀ, ತೆಲುಗು, ರೋಮನ್, ಆಂಗ್ಲ ಭಾಷೆ ಇರುವ ನಾಣ್ಯಗಳ ಇತಿಹಾಸವೂ ಕುತೂಹಲಕರ. ವಿವಿಧ ರಾಜ-ಮಹಾರಾಜರ ಹೆಸರು, ಲಾಂಛನ, ಚಿಹ್ನೆ, ಪ್ರಾಣಿ-ಪಕ್ಷಿ, ದೇವಾನು ದೇವತೆಗಳೂ ಕಾಣಸಿಗುವ ನಾಣ್ಯಗಳು ತೂಕ-ಅಳತೆಗಳಲ್ಲೂ ಸಾಕಷ್ಟು ವೈವಿಧ್ಯಮಯವಾಗಿವೆ.

. ಲೋಹದ ಚೂರುಗಳಿಂದ ಶುರುವಾಗಿ ನಿರ್ದಿಷ್ಟ ಆಕಾರಗಳನ್ನೂ ಪಡೆಯುತ್ತ ಬಂದ ನಾಣ್ಯಗಳಲ್ಲಿ ಚಚೌಕ, ದುಂಡನೆಯ ಆಕಾರ, ವೃತ್ತಾಕಾರದ ನಾಣ್ಯಗಳೂ ಸೇರಿವೆ. ಮೊದ ಮೊದಲಿಗೆ ಸೂರ್ಯ-ಚಂದ್ರರು ಕಾಣಿಸಿಕೊಂಡ ನಾಣ್ಯಗಳಲ್ಲಿ ಕುದುರೆ-ಆನೆಗಳು ನಂತರ ರಾಜನ ಹೆಸರು-ಜೀವಿತ ಕಾಲಗಳೂ ಸೇರಿಕೊಂಡವು.

. ಮಾಹಿತಿ ಪರಿಚಯಿಸುವ ಗ್ರಂಥಾಲಯ ಆಯಾ ದೇಶದ-ಆಯಾ ಪ್ರದೇಶಗಳ ಇತಿಹಾಸವನ್ನು ಅರಿಯಲು ಸಹಾಯಕವಾಗುವ ನಾಣ್ಯಗಳ ಮಾಹಿತಿಯನ್ನು ಪರಿಚಯಿಸುವ ಗ್ರಂಥಾಲಯ ಹೊಂದಿರುವ ಫಾಲ್ಕನ್ ಗ್ಯಾಲರಿಯಲ್ಲಿ ಅಂದಾಜು 200ಕ್ಕೂ ಹೆಚ್ಚು ಪ್ರಕಟಣೆಗಳೂ ಇವೆ.

. ಹೊಸ ಪೀಳಿಗೆಗೆ ನಾಣ್ಯಗಳ ಮುಖೇನ ನಾಡಿನ ಚರಿತ್ರೆಯ ಪರಿಚಯಿಸುವ ಕಾರ್ಯ ಮಾಡುತ್ತಿರುವ ಕನ್ನಡ ನಾಡು ನಾಣ್ಯ ಸಂಘದ ಅಧ್ಯಕ್ಷರೂ ಆಗಿರುವ ಕೀರ್ತಿ ಪರೇಖ್, ನಾಣ್ಯಗಳ ಚರಿತ್ರೆ ಜೊತೆಗೆ ಕರ್ನಾಟಕದ ಇತಿಹಾಸ- ಕನ್ನಡನಾಡಿನ ನಾಣ್ಯಗಳ ಮಾಹಿತಿಯನ್ನು ಆಳವಾಗಿ ಅಧ್ಯಯನ ಮಾಡಿದ್ದಾರೆ.

. ಕರ್ನಾಟಕದ ನಾಣ್ಯಗಳನ್ನು ಸಂಪೂರ್ಣವಾಗಿ ಅಧ್ಯಯನ ಮಾಡಿರುವ ಕೃತಿಗಳ ಪ್ರಕಟಣೆ ಹಾಗೂ ಮಾರಾಟಕ್ಕೂ ನೆರವಾಗುತ್ತಿರುವ ಫಾಲ್ಕನ್ ಗ್ಯಾಲರಿಗೆ ಸುಂದರ, ಕಲಾತ್ಮಕ ಹಾಗೂ ವೈವಿಧ್ಯಪೂರ್ಣ ನಮೂನೆಗಳ ನಾಣ್ಯಗಳನ್ನು ಸೇರಿಸಲು ಮುಂದಾಗಿರುವ ಕೀರ್ತಿ ಅವರ ಮಗ ಹಾರ್ದಿಕ್ ಪರೇಖ್ ಕರ್ನಾಟಕದ ಪುರಾತನ ನಾಣ್ಯಗಳ ಪರಿಣತರಾಗಿದ್ದಾರೆ.

. ವಿಶ್ವದಾದ್ಯಂತ ಚಲಾವಣೆಯಲ್ಲಿರುವ ವಿವಿಧ ಶ್ರೇಣಿ ಹಾಗೂ ವಿವಿಧ ದೇಶಗಳ ಕರೆನ್ಸಿಗಳನ್ನು ಸಂಗ್ರಹಕಾರರಿಗೆ ಒದಗಿಸುತ್ತಿರುವ ಫಾಲ್ಕನ್ ಗ್ಯಾಲರಿ ಇದೀಗ 50 ವರ್ಷಗಳ ಹೊಸ್ತಿಲಲ್ಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಾಣ್ಯಗಳ ಅಪೂರ್ವ ಸಂಗ್ರಹ ತಾಣ ಫಾಲ್ಕನ್ ಗ್ಯಾಲರಿ

ಚಿನಕುರುಳಿ Cartoon: 09 ಆಗಸ್ಟ್ 2025

ಮತಪಟ್ಟಿ ಸಿದ್ಧವಾಗಿದ್ದು ಕಾಂಗ್ರೆಸ್ ಸರ್ಕಾರ ಅಧಿಕಾರದಲ್ಲಿ ಇದ್ದಾಗಲೇ: ರಾಜಣ್ಣ

ನಾಳೆ ರಾಜ್ಯದ ಹಲವೆಡೆ ಭಾರಿ ಮಳೆ ಸಾಧ್ಯತೆ

ಇಂದು ನಮ್ಮ ಮೆಟ್ರೊ ಹಳದಿ ಮಾರ್ಗಕ್ಕೆ ಪ್ರಧಾನಿ ಮೋದಿಯಿಂದ ಚಾಲನೆ: ಏನೇನು ವಿಶೇಷ?

‘ಮಹಾರಾಜ ಕಪ್‌’ ಕ್ರಿಕೆಟ್‌ ಟೂರ್ನಿ: ಮೈಸೂರು ವಾರಿಯರ್ಸ್‌ಗೆ ಕರುಣ್ ಸಾರಥ್ಯ

ಕೆಎಸ್‌ಸಿಎ ಹೆಮ್ಮೆಯ ತಾಣಗಳ ವ್ಯಥೆ

ರಾಷ್ಟ್ರೀಯ ಚೆಸ್ ಟೂರ್ನಿ 16ರಿಂದ

ಗೆಲುವಿನೊಡನೆ ಎರಡನೇ ಸ್ಥಾನಕ್ಕೆ ಅರ್ಜುನ್

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಚಿನಕುರುಳಿ Cartoon: 09 ಆಗಸ್ಟ್ 2025

ಮತಪಟ್ಟಿ ಸಿದ್ಧವಾಗಿದ್ದು ಕಾಂಗ್ರೆಸ್ ಸರ್ಕಾರ ಅಧಿಕಾರದಲ್ಲಿ ಇದ್ದಾಗಲೇ: ರಾಜಣ್ಣ

ನಾಳೆ ರಾಜ್ಯದ ಹಲವೆಡೆ ಭಾರಿ ಮಳೆ ಸಾಧ್ಯತೆ

ಇಂದು ನಮ್ಮ ಮೆಟ್ರೊ ಹಳದಿ ಮಾರ್ಗಕ್ಕೆ ಪ್ರಧಾನಿ ಮೋದಿಯಿಂದ ಚಾಲನೆ: ಏನೇನು ವಿಶೇಷ?