<p>ಹೂಡಿಕೆದಾರರಿಗೆ ಹಣ ಹೂಡಲು ಇಂದು ಬಹಳ ದೊಡ್ಡ ಅವಕಾಶ ಇದೆ. ಷೇರು, ಮ್ಯೂಚುವಲ್ ಫಂಡ್, ವಿಮೆ, ನಿಶ್ಚಿತ ಠೇವಣಿ, ಚಿನ್ನ, ರಿಯಲ್ ಎಸ್ಟೇಟ್ಯಾವುದನ್ನು ಆಯ್ಕೆ ಮಾಡಬೇಕು ಎಂಬ ಬಗ್ಗೆ ತ್ವರಿತ ನಿರ್ಧಾರ ಕೈಗೊಳ್ಳುವುದಷ್ಟೇ ಮುಖ್ಯ.<br /> <br /> ಸದ್ಯದ ಅತಂತ್ರ ಮಾರುಕಟ್ಟೆ ಸ್ಥಿತಿಯಲ್ಲಿ `ಮ್ಯೂಚುವಲ್ ಫಂಡ್~ ಹೂಡಿಕೆಗೆ ಉತ್ತಮ ತಾಣ ಎಂದು ಕಾಣಿಸುತ್ತದೆ. ಎದುರಾಗಬಹುದಾದ ಅಪಾಯಗಳು, ಅಗತ್ಯಗಳನ್ನೆಲ್ಲ ಲೆಕ್ಕಾಚಾರ ಮಾಡಿಕೊಂಡು ಹೂಡಿಕೆದಾರರು ಜಾಣ ನಿರ್ಧಾರ ಕೈಗೊಳ್ಳಬೇಕಾಗುತ್ತದೆ.<br /> <br /> ದೀರ್ಘ ಅವಧಿಯ ಹೂಡಿಕೆ ಮಾಡುವವರಿಗೆ ಪ್ರತಿಫಲ ದೊಡ್ಡಮಟ್ಟಿನದೇ ಆಗಿರುತ್ತದೆ ಎಂಬ ನಂಬಿಕೆಯನ್ನು ಫಿಡೆಲಿಟಿ ಇಂಟರ್ನ್ಯಾಷನಲ್ ಮ್ಯೂಚುವಲ್ ಫಂಡ್ ಸಂಸ್ಥೆ ಈಗಲೂ ಇಟ್ಟುಕೊಂಡಿದೆ.<br /> <br /> ಹೂಡಿಕೆಗೆ ಸಂಬಂಧಿಸಿದಂತೆ ಹಲವಾರು ಪ್ರಶ್ನೆಗಳು ಹುಟ್ಟಿಕೊಳ್ಳುವುದು ಸಹಜ. ಅವುಗಳಿಗೆ ಸಂಸ್ಥೆಯು ಸೂಕ್ತ ಉತ್ತರಗಳನ್ನು ಇಲ್ಲಿ ನೀಡಿದೆ.<br /> <br /> 1. <strong>ಈ ಹಂತದಲ್ಲಿ ಷೇರು ಮಾರುಕಟ್ಟೆ ಪ್ರವೇಶಿಸಬಹುದೇ?<br /> </strong>ಮಾರುಕಟ್ಟೆ ಎಂಬುದು ಚಿಮ್ಮುವ ನಾಣ್ಯದಂತೆ. ಅದು ಭಾರಿ ಲಾಭವನ್ನೂ ತರಬಹುದು, ಭಾರಿ ನಷ್ಟವನ್ನೂ ಉಂಟುಮಾಡಬಹುದು. <br /> <br /> ಷೇರು ನಿಧಿಗಳಲ್ಲಿ ಹೂಡಿಕೆ ಮಾಡುವಾಗ ದೀರ್ಘಾವಧಿಯ ದೃಷ್ಟಿಕೋನ ಇರಬೇಕು. ಷೇರು ಮಾರುಕಟ್ಟೆ ಭಾರಿ ಏರಿಳಿತ ಕಂಡರೂ, ಹೂಡಿಕೆದಾರರಿಗೆ ಮಾತ್ರ ಅವರ ದೀರ್ಘಾವಧಿಯ ಗುರಿಯಷ್ಟೇ ಇರಬೇಕು.<br /> <br /> 2.ಅತಂತ್ರ ಮಾರುಕಟ್ಟೆಯಲ್ಲಿ ಸಣ್ಣ ಮತ್ತು ಸಾಮಾನ್ಯ ಹೂಡಿಕೆದಾರ ತನ್ನನ್ನು ರಕ್ಷಿಸಿಕೊಳ್ಳುವುದಾದರೂ ಹೇಗೆ?<br /> <br /> ಇದಕ್ಕೆ ಉತ್ತರ ವ್ಯವಸ್ಥಿತ ಹೂಡಿಕೆ ಯೋಜನೆ (ಎಸ್ಐಪಿ). ಒಂದು ಅರ್ಥದಲ್ಲಿ ಇದು ಚಿಲ್ಲರೆ ಹೂಡಿಕೆದಾರರಿಗೆ ವರದಾನವೇ.<br /> <br /> <strong>ಷೇರುಗಳಲ್ಲಿ ಹೂಡಿಕೆಯ ಲಾಭ...<br /> </strong>ಮಾರುಕಟ್ಟೆಯ ಏರಿಳಿತವನ್ನು ಸರಿಯಾಗಿ ಅರ್ಥ ಮಾಡಿಕೊಂಡರೆ ಅಂತಹ ನಷ್ಟವೇನೂ ಆಗದು.<br /> <br /> 3.ಹಲವಾರು ಹೂಡಿಕೆ ಅವಕಾಶಗಳಿವೆ. ಕಷ್ಟಪಟ್ಟು ಗಳಿಸಿದ ದುಡ್ಡನ್ನು ಸಣ್ಣ ಹೂಡಿಕೆದಾರ ಹೂಡುವುದಾದರೂ ಎಲ್ಲಿ?<br /> <br /> *ಹೂಡಿಕೆಯ ಅವಕಾಶಗಳನ್ನು ತಿಳಿಯುವ ಮೊದಲು ಹೂಡಿಕೆದಾರರು ಕೆಲ ಪ್ರಶ್ನೆಗಳಿಗೆ ತಾವೇ ಉತ್ತರ ಕಂಡುಕೊಳ್ಳಬೇಕು. <br /> <br /> ಹೂಡಿಕೆ ಮಾಡುವುದರ ಉದ್ದೇಶ, ಹೂಡಿಕೆಗೆ ಇಳಿಯುವ ಸಮಯ, ಎಷ್ಟರ ಮಟ್ಟಿನ ಅಪಾಯ ಎದುರಿಸಲು ಸಿದ್ಧ ಎಂಬುದನ್ನು ನಿರ್ಧರಿಸುವುದು. ಈ ಮೂರು ವಿಚಾರ ಸ್ಪಷ್ಟವಾದಾಗ ಹೂಡಿಕೆಯ ವಿಚಾರವೂ ಸ್ಪಷ್ಟವಾಗುತ್ತ ಹೋಗುತ್ತದೆ. <br /> <br /> ಅಲ್ಪಾವಧಿಯ ಹಣವನ್ನು ಷೇರು ಅಥವಾ ಷೇರು ನಿಧಿಗಳಲ್ಲಿ ತೊಡಗಿಸಲೇಬಾರದು.<br /> <br /> 4. <strong>ಹೂಡಿಕೆ ಮಾಡುವಾಗ ಚಿಲ್ಲರೆ ಹೂಡಿಕೆದಾರ ಎಂತಹ ಕಾರ್ಯತಂತ್ರ ರೂಪಿಸಿಕೊಳ್ಳಬೇಕು?</strong><br /> *ಈಗಾಗಲೇ ತಿಳಿಸಿದಂತೆ ದೀರ್ಘಾವಧಿಯ ಚಿಂತನೆಯೇ ಬಹಳ ಮುಖ್ಯ. ಹೆಚ್ಚಿನ ಸಂದರ್ಭಗಳಲ್ಲಿ ಚಿಲ್ಲರೆ ಹೂಡಿಕೆದಾರರಿಗೆ ಮಾರುಕಟ್ಟೆಯನ್ನು ಅಭ್ಯಸಿಸುವ ಸಮಯ ಇರುವುದಿಲ್ಲ ಅಥವಾ ಅಸ್ಥಿರ ಮಾರುಕಟ್ಟೆಯಲ್ಲಿ ಸಮರ್ಪಕ ನಿರ್ಧಾರ ಕೈಗೊಳ್ಳುವಲ್ಲಿ ಅವರು ವಿಫಲರಾಗುತ್ತಾರೆ (ಕೆಲವೊಮ್ಮೆ ನುರಿತವರೂ ಸೋಲುವುದುಂಟು). <br /> <br /> ಸಾಮಾನ್ಯವಾಗಿ ಷೇರು ಮಾರುಕಟ್ಟೆಯು ದೀರ್ಘಾವಧಿಯ ಹೂಡಿಕೆಗೆ ಅನ್ಯಾಯ ಮಾಡಿದ್ದು ಕಡಿಮೆ. ಹೀಗಾಗಿ ಕನಿಷ್ಠ 5 ವರ್ಷ ಅಥವಾ 10-15 ವರ್ಷಗಳ ಅವಧಿವರೆಗೆ ಷೇರುಗಳಲ್ಲಿ ಹಣ ಹೂಡಿದರೆ ಅದರಿಂದ ಅಧಿಕ ಲಾಭ ಖಂಡಿತ.<br /> <br /> * ಹಣ ತೊಡಗಿಸುವ ಮೊತ್ತಕ್ಕಿಂತಲೂ ದೀರ್ಘಾವಧಿಯ ಯೋಜನೆಗಾಗಿ ಇಡುವ ಪ್ರತ್ಯೇಕ ಹಣ ಇದು ಎಂಬ ಲೆಕ್ಕದಲ್ಲಿ ಇಂತಹ ಹಣ ತೊಡಗಿಸಬೇಕಾಗುತ್ತದೆ. ಸ್ಥಿರಾಸ್ತಿಯ ಮಾದರಿಯಲ್ಲೇ ಈ ಹಣವೂ ಭವಿಷ್ಯದಲ್ಲಿ ನೆರವಿಗೆ ಬರುತ್ತದೆ ಎಂಬ ವಿಚಾರ ಮಡಬೇಕು. <br /> <br /> ಅಲ್ಪಾವಧಿಯ ಲಾಭಕ್ಕಾದರೆ ಮ್ಯೂಚುವಲ್ ಫಂಡ್ ಬದಲಿಗೆ ಕ್ಯಾಷ್ ಫಂಡ್ಗಳು ಅಥವಾ ಬ್ಯಾಂಕ್ ಠೇವಣಿಯಲ್ಲಿ ಹಣ ಹೂಡಬಹುದು. ನಿರ್ದಿಷ್ಟ ಮೊತ್ತದ ಹಣ ಮಾತ್ರ ಇದ್ದರೆ, ವಿವಿಧ ಆಯಾಮಗಳಿರುವ ಒಂದು ಅಥವಾ ಎರಡು ನಿಧಿಗಳಲ್ಲಿ ಹಣ ತೊಡಗಿಸುವುದು ಲೇಸು.<br /> <br /> 5. ಷೇರು ಅಥವಾ ಷೇರು (ಈಕ್ವಿಟಿ) ಸಂಬಂಧಿತ ಉತ್ಪನ್ನಗಳಲ್ಲಿ ಶೇಕಡಾ ಎಷ್ಟರ ಪ್ರಮಾಣದಲ್ಲಿ ಹಣ ಹೂಡಬಹುದು?<br /> * ಒಬ್ಬ ಹೂಡಿಕೆದಾರನಿಂದ ಮತ್ತೊಬ್ಬ ಹೂಡಿಕೆದಾರನಿಗೆ ಈ ವಿಚಾರದಲ್ಲಿ ಭಿನ್ನತೆ ಇರುತ್ತದೆ.<br /> <br /> ಆದರೂ ಹೂಡಿಕೆದಾರನ ವಯಸ್ಸು, ನಿವೃತ್ತಿಗೆ ಇರುವ ಸಮಯ ನೋಡಿಕೊಂಡು ಸೂಕ್ತ ನಿರ್ಧಾರಕ್ಕೆ ಬರಬೇಕು. ಲಾಭಾಂಶ ತಂದುಕೊಡುವ ಷೇರುಗಳನ್ನು ಆಯ್ದುಕೊಳ್ಳುವುದು ಸೂಕ್ತ.<br /> <br /> ಇದನ್ನು ವ್ಯಕ್ತಿಯ ವೈಯಕ್ತಿಕ ಖರ್ಚು, ವೆಚ್ಚಗಳನ್ನು ನೋಡಿದ ಮೇಲಷ್ಟೇ ನಿರ್ಧರಿಸಬಹುದಷ್ಟೇ. ವೃತ್ತಿಪರ ಹೂಡಿಕೆ ಸಲಹೆಗಾರರು ವ್ಯಕ್ತಿಯ ಉಳಿತಾಯದ ಹಣವನ್ನು ವಿವಿಧ ಆಸ್ತಿಗಳಾಗಿ ವಿಂಗಡಿಸಿ ವಿನಿಯೋಗಿಸುವ ಸಲಹೆ ನೀಡಬಹುದು. <br /> <br /> ಆದರೂ ಹೂಡಿಕೆಗೆ ಮೊದಲು ವ್ಯಕ್ತಿಯ ವಯಸ್ಸು, ಇನ್ನು ಎಷ್ಟು ವರ್ಷ ಕೆಲಸ ಮಾಡುವ ಅವಕಾಶ ಇದೆ ಎಂಬ ವಿಚಾರ ಮಾಡಬೇಕು. ವಯಸ್ಸಾದಂತೆ ಷೇರುಗಳಲ್ಲಿ ಹೂಡುವ ಪ್ರಮಾಣವನ್ನು ಕಡಿಮೆ ಮಾಡುತ್ತ ಬರುವುದು ಒಳ್ಳೆಯದು.<br /> <br /> <strong>7.ಎಷ್ಟು ಸಮಯದವರೆಗೆ ಷೇರುಗಳಲ್ಲಿ ಹಣ ಹೂಡಬಹುದು?</strong><br /> <br /> *ಹೂಡಿಕೆಯ ಉದ್ದೇಶದ ಆಧಾರದಲ್ಲಿ ಷೇರುಗಳಲ್ಲಿ ಹಣ ತೊಡಗಿಸಬಹುದು. ಷೇರು ಅವಧಿ ಕನಿಷ್ಠ 5 ವರ್ಷ. 10-15 ವರ್ಷಗಳ ಮಟ್ಟಿಗೆ ಷೇರುಗಳಲ್ಲಿ ತೊಡಗಿಸಿದರೆ ಉತ್ತಮ. ದೀರ್ಘ ಅವಧಿಗೆ ಹೂಡಿಕೆ ಮಾಡಿದರೆ ಅನುಕೂಲ ಅಧಿಕವೇ ಹೊರತು ನಷ್ಟವಿಲ್ಲ.<br /> <br /> 8. <strong>ನಿರ್ದಿಷ್ಟ ಕಾಲಮಿತಿಯಲ್ಲಿ ಚಿಲ್ಲರೆ ಹೂಡಿಕೆದಾರ ಷೇರುಗಳಿಂದ ಪಡೆಯಬಹುದಾದ ಲಾಭವಾದರೂ ಏನು?<br /> </strong><br /> *ಅಲ್ಪಾವಧಿಯಲ್ಲಿ ಮಾರುಕಟ್ಟೆಯ ಸ್ಥಿತಿಗತಿಯನ್ನು ಯಾರಿಗೂ ಊಹಿಸಲು ಸಾಧ್ಯವಿಲ್ಲ. ಮಾರುಕಟ್ಟೆಯ ವಿಶೇಷ ಏನೆಂದರೆ, ಈ ಮೊದಲಿನ ಮಾರುಕಟ್ಟೆ ಸಾಧನೆಯ ಆಧಾರದಲ್ಲಿ ಭವಿಷ್ಯದ ಸಾಧನೆಯನ್ನೂ ಲೆಕ್ಕ ಹಾಕಲಾಗದು. <br /> <br /> ಆದರೆ, ಕಳೆದ ಎಂಟು ವರ್ಷಗಳಲ್ಲಿ ಷೇರು ನಿಧಿಗಳು (ಈಕ್ವಿಟಿ ಫಂಡ್) ಇತರ ಪ್ರಮುಖ ಹೂಡಿಕೆಯ ಕ್ಷೇತ್ರಗಳಾದ ಡೆಟ್ ಫಂಡ್ ಮತ್ತು ಚಿನ್ನಕ್ಕಿಂತ ಹೆಚ್ಚಿನ ಸಾಧನೆ ಮಾಡಿರುವುದು ಗೊತ್ತಾಗುತ್ತದೆ.<br /> <br /> 9. <strong>ಮ್ಯೂಚುವಲ್ ಫಂಡ್ಗಳಲ್ಲಿ ಹಣ ತೊಡಗಿಸುವಾಗ ಸಣ್ಣ ಹೂಡಿಕೆದಾರರ ಹಿತ ರಕ್ಷಣೆ ಹೇಗೆ?</strong><br /> *ಚಿಲ್ಲರೆ ಅಥವಾ ಸಣ್ಣ ಹೂಡಿಕೆದಾರರು ಫಂಡ್ಗಳ ಬಗ್ಗೆ ಸ್ಪಷ್ಟ ತಿಳಿವಳಿಕೆ ಹೊಂದಿರಬೇಕು. ಜತೆಯಲ್ಲಿ ಕೊಟ್ಟಿರುವ ಮಾಹಿತಿಗಳನ್ನು ಮನನ ಮಾಡಿಕೊಳ್ಳಬೇಕು. ಕೆಲವೊಮ್ಮೆ ನಿರ್ದಿಷ್ಟ ಕ್ಷೇತ್ರಕ್ಕೆ ಸಂಬಂಧಿಸಿದ ಫಂಡ್ಗಳ ಮೇಲೆ ಹೂಡಿಕೆ ಮಾಡುವುದುಂಟು. <br /> <br /> ಸೂಕ್ತ ತಿಳಿವಳಿಕೆಯ ಕೊರತೆಯೇ ಅದಕ್ಕೆ ಕಾರಣವಾಗಿರುತ್ತದೆ. ಮಾರುಕಟ್ಟೆಯ್ಲ್ಲಲಿ ಅಲ್ಲೋಲ ಕಲ್ಲೋಲ ಆದಾಗ ಇಂತಹ ಹೂಡಿಕೆದಾರರಿಗೆ ತೊಂದರೆಯಾಗುತ್ತದೆ.<br /> <br /> 10. <strong>ವ್ಯವಸ್ಥಿತ ಹೂಡಿಕೆ ಯೋಜನೆ (ಎಸ್ಐಪಿ) ಒಳ್ಳೆಯದೇ. ಏಕೆ</strong><br /> *~ಎಸ್ಐಪಿ~ ಮಾದರಿಯಲ್ಲಿ ಹಣ ಹೂಡಿಕೆ ಮಾಡುವುದೇ ಉಪಯುಕ್ತ ಮತ್ತು ಇದಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಹಣದ ಅಗತ್ಯವೂ ಇರುವುದಿಲ್ಲ. ಹಂತ ಹಂತವಾಗಿ ಉಳಿತಾಯ ಮಾಡುತ್ತಲೇ ಹೂಡಿಕೆ ಮಾಡುವುದು ಸಾಧ್ಯವಾಗುತ್ತದೆ. <br /> <br /> ಕೆಲವರು ತಮ್ಮ ಹೂಡಿಕೆಯ ದುಡ್ಡೆಲ್ಲ ಷೇರು ಮಾರುಕಟ್ಟೆಯಲ್ಲಷ್ಟೇ ಇರುವುದು ಬೇಡ ಎಂದು ಭಾವಿಸುತ್ತಾರೆ. ಮಾರುಕಟ್ಟೆ ಕುಸಿತದ ಅವಧಿಯಲ್ಲಿ ಹಣದ ವೆಚ್ಚದ ಸರಾಸರಿಯಲ್ಲಿ ಲಾಭವಾಗುತ್ತದೆ. <br /> </p>.<p>ಅಧಿಕ ಯೂನಿಟ್ ಸಂಪಾದನೆಯಾಗುತ್ತದೆ. ಮಾರುಕಟ್ಟೆ ತೇಜಿಯಲ್ಲಿದ್ದಾಗಲಂತೂ ಯೂನಿಟ್ಗಳ ಮೌಲ್ಯ ಸಹ ಹೆಚ್ಚುತ್ತದೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೂಡಿಕೆದಾರರಿಗೆ ಹಣ ಹೂಡಲು ಇಂದು ಬಹಳ ದೊಡ್ಡ ಅವಕಾಶ ಇದೆ. ಷೇರು, ಮ್ಯೂಚುವಲ್ ಫಂಡ್, ವಿಮೆ, ನಿಶ್ಚಿತ ಠೇವಣಿ, ಚಿನ್ನ, ರಿಯಲ್ ಎಸ್ಟೇಟ್ಯಾವುದನ್ನು ಆಯ್ಕೆ ಮಾಡಬೇಕು ಎಂಬ ಬಗ್ಗೆ ತ್ವರಿತ ನಿರ್ಧಾರ ಕೈಗೊಳ್ಳುವುದಷ್ಟೇ ಮುಖ್ಯ.<br /> <br /> ಸದ್ಯದ ಅತಂತ್ರ ಮಾರುಕಟ್ಟೆ ಸ್ಥಿತಿಯಲ್ಲಿ `ಮ್ಯೂಚುವಲ್ ಫಂಡ್~ ಹೂಡಿಕೆಗೆ ಉತ್ತಮ ತಾಣ ಎಂದು ಕಾಣಿಸುತ್ತದೆ. ಎದುರಾಗಬಹುದಾದ ಅಪಾಯಗಳು, ಅಗತ್ಯಗಳನ್ನೆಲ್ಲ ಲೆಕ್ಕಾಚಾರ ಮಾಡಿಕೊಂಡು ಹೂಡಿಕೆದಾರರು ಜಾಣ ನಿರ್ಧಾರ ಕೈಗೊಳ್ಳಬೇಕಾಗುತ್ತದೆ.<br /> <br /> ದೀರ್ಘ ಅವಧಿಯ ಹೂಡಿಕೆ ಮಾಡುವವರಿಗೆ ಪ್ರತಿಫಲ ದೊಡ್ಡಮಟ್ಟಿನದೇ ಆಗಿರುತ್ತದೆ ಎಂಬ ನಂಬಿಕೆಯನ್ನು ಫಿಡೆಲಿಟಿ ಇಂಟರ್ನ್ಯಾಷನಲ್ ಮ್ಯೂಚುವಲ್ ಫಂಡ್ ಸಂಸ್ಥೆ ಈಗಲೂ ಇಟ್ಟುಕೊಂಡಿದೆ.<br /> <br /> ಹೂಡಿಕೆಗೆ ಸಂಬಂಧಿಸಿದಂತೆ ಹಲವಾರು ಪ್ರಶ್ನೆಗಳು ಹುಟ್ಟಿಕೊಳ್ಳುವುದು ಸಹಜ. ಅವುಗಳಿಗೆ ಸಂಸ್ಥೆಯು ಸೂಕ್ತ ಉತ್ತರಗಳನ್ನು ಇಲ್ಲಿ ನೀಡಿದೆ.<br /> <br /> 1. <strong>ಈ ಹಂತದಲ್ಲಿ ಷೇರು ಮಾರುಕಟ್ಟೆ ಪ್ರವೇಶಿಸಬಹುದೇ?<br /> </strong>ಮಾರುಕಟ್ಟೆ ಎಂಬುದು ಚಿಮ್ಮುವ ನಾಣ್ಯದಂತೆ. ಅದು ಭಾರಿ ಲಾಭವನ್ನೂ ತರಬಹುದು, ಭಾರಿ ನಷ್ಟವನ್ನೂ ಉಂಟುಮಾಡಬಹುದು. <br /> <br /> ಷೇರು ನಿಧಿಗಳಲ್ಲಿ ಹೂಡಿಕೆ ಮಾಡುವಾಗ ದೀರ್ಘಾವಧಿಯ ದೃಷ್ಟಿಕೋನ ಇರಬೇಕು. ಷೇರು ಮಾರುಕಟ್ಟೆ ಭಾರಿ ಏರಿಳಿತ ಕಂಡರೂ, ಹೂಡಿಕೆದಾರರಿಗೆ ಮಾತ್ರ ಅವರ ದೀರ್ಘಾವಧಿಯ ಗುರಿಯಷ್ಟೇ ಇರಬೇಕು.<br /> <br /> 2.ಅತಂತ್ರ ಮಾರುಕಟ್ಟೆಯಲ್ಲಿ ಸಣ್ಣ ಮತ್ತು ಸಾಮಾನ್ಯ ಹೂಡಿಕೆದಾರ ತನ್ನನ್ನು ರಕ್ಷಿಸಿಕೊಳ್ಳುವುದಾದರೂ ಹೇಗೆ?<br /> <br /> ಇದಕ್ಕೆ ಉತ್ತರ ವ್ಯವಸ್ಥಿತ ಹೂಡಿಕೆ ಯೋಜನೆ (ಎಸ್ಐಪಿ). ಒಂದು ಅರ್ಥದಲ್ಲಿ ಇದು ಚಿಲ್ಲರೆ ಹೂಡಿಕೆದಾರರಿಗೆ ವರದಾನವೇ.<br /> <br /> <strong>ಷೇರುಗಳಲ್ಲಿ ಹೂಡಿಕೆಯ ಲಾಭ...<br /> </strong>ಮಾರುಕಟ್ಟೆಯ ಏರಿಳಿತವನ್ನು ಸರಿಯಾಗಿ ಅರ್ಥ ಮಾಡಿಕೊಂಡರೆ ಅಂತಹ ನಷ್ಟವೇನೂ ಆಗದು.<br /> <br /> 3.ಹಲವಾರು ಹೂಡಿಕೆ ಅವಕಾಶಗಳಿವೆ. ಕಷ್ಟಪಟ್ಟು ಗಳಿಸಿದ ದುಡ್ಡನ್ನು ಸಣ್ಣ ಹೂಡಿಕೆದಾರ ಹೂಡುವುದಾದರೂ ಎಲ್ಲಿ?<br /> <br /> *ಹೂಡಿಕೆಯ ಅವಕಾಶಗಳನ್ನು ತಿಳಿಯುವ ಮೊದಲು ಹೂಡಿಕೆದಾರರು ಕೆಲ ಪ್ರಶ್ನೆಗಳಿಗೆ ತಾವೇ ಉತ್ತರ ಕಂಡುಕೊಳ್ಳಬೇಕು. <br /> <br /> ಹೂಡಿಕೆ ಮಾಡುವುದರ ಉದ್ದೇಶ, ಹೂಡಿಕೆಗೆ ಇಳಿಯುವ ಸಮಯ, ಎಷ್ಟರ ಮಟ್ಟಿನ ಅಪಾಯ ಎದುರಿಸಲು ಸಿದ್ಧ ಎಂಬುದನ್ನು ನಿರ್ಧರಿಸುವುದು. ಈ ಮೂರು ವಿಚಾರ ಸ್ಪಷ್ಟವಾದಾಗ ಹೂಡಿಕೆಯ ವಿಚಾರವೂ ಸ್ಪಷ್ಟವಾಗುತ್ತ ಹೋಗುತ್ತದೆ. <br /> <br /> ಅಲ್ಪಾವಧಿಯ ಹಣವನ್ನು ಷೇರು ಅಥವಾ ಷೇರು ನಿಧಿಗಳಲ್ಲಿ ತೊಡಗಿಸಲೇಬಾರದು.<br /> <br /> 4. <strong>ಹೂಡಿಕೆ ಮಾಡುವಾಗ ಚಿಲ್ಲರೆ ಹೂಡಿಕೆದಾರ ಎಂತಹ ಕಾರ್ಯತಂತ್ರ ರೂಪಿಸಿಕೊಳ್ಳಬೇಕು?</strong><br /> *ಈಗಾಗಲೇ ತಿಳಿಸಿದಂತೆ ದೀರ್ಘಾವಧಿಯ ಚಿಂತನೆಯೇ ಬಹಳ ಮುಖ್ಯ. ಹೆಚ್ಚಿನ ಸಂದರ್ಭಗಳಲ್ಲಿ ಚಿಲ್ಲರೆ ಹೂಡಿಕೆದಾರರಿಗೆ ಮಾರುಕಟ್ಟೆಯನ್ನು ಅಭ್ಯಸಿಸುವ ಸಮಯ ಇರುವುದಿಲ್ಲ ಅಥವಾ ಅಸ್ಥಿರ ಮಾರುಕಟ್ಟೆಯಲ್ಲಿ ಸಮರ್ಪಕ ನಿರ್ಧಾರ ಕೈಗೊಳ್ಳುವಲ್ಲಿ ಅವರು ವಿಫಲರಾಗುತ್ತಾರೆ (ಕೆಲವೊಮ್ಮೆ ನುರಿತವರೂ ಸೋಲುವುದುಂಟು). <br /> <br /> ಸಾಮಾನ್ಯವಾಗಿ ಷೇರು ಮಾರುಕಟ್ಟೆಯು ದೀರ್ಘಾವಧಿಯ ಹೂಡಿಕೆಗೆ ಅನ್ಯಾಯ ಮಾಡಿದ್ದು ಕಡಿಮೆ. ಹೀಗಾಗಿ ಕನಿಷ್ಠ 5 ವರ್ಷ ಅಥವಾ 10-15 ವರ್ಷಗಳ ಅವಧಿವರೆಗೆ ಷೇರುಗಳಲ್ಲಿ ಹಣ ಹೂಡಿದರೆ ಅದರಿಂದ ಅಧಿಕ ಲಾಭ ಖಂಡಿತ.<br /> <br /> * ಹಣ ತೊಡಗಿಸುವ ಮೊತ್ತಕ್ಕಿಂತಲೂ ದೀರ್ಘಾವಧಿಯ ಯೋಜನೆಗಾಗಿ ಇಡುವ ಪ್ರತ್ಯೇಕ ಹಣ ಇದು ಎಂಬ ಲೆಕ್ಕದಲ್ಲಿ ಇಂತಹ ಹಣ ತೊಡಗಿಸಬೇಕಾಗುತ್ತದೆ. ಸ್ಥಿರಾಸ್ತಿಯ ಮಾದರಿಯಲ್ಲೇ ಈ ಹಣವೂ ಭವಿಷ್ಯದಲ್ಲಿ ನೆರವಿಗೆ ಬರುತ್ತದೆ ಎಂಬ ವಿಚಾರ ಮಡಬೇಕು. <br /> <br /> ಅಲ್ಪಾವಧಿಯ ಲಾಭಕ್ಕಾದರೆ ಮ್ಯೂಚುವಲ್ ಫಂಡ್ ಬದಲಿಗೆ ಕ್ಯಾಷ್ ಫಂಡ್ಗಳು ಅಥವಾ ಬ್ಯಾಂಕ್ ಠೇವಣಿಯಲ್ಲಿ ಹಣ ಹೂಡಬಹುದು. ನಿರ್ದಿಷ್ಟ ಮೊತ್ತದ ಹಣ ಮಾತ್ರ ಇದ್ದರೆ, ವಿವಿಧ ಆಯಾಮಗಳಿರುವ ಒಂದು ಅಥವಾ ಎರಡು ನಿಧಿಗಳಲ್ಲಿ ಹಣ ತೊಡಗಿಸುವುದು ಲೇಸು.<br /> <br /> 5. ಷೇರು ಅಥವಾ ಷೇರು (ಈಕ್ವಿಟಿ) ಸಂಬಂಧಿತ ಉತ್ಪನ್ನಗಳಲ್ಲಿ ಶೇಕಡಾ ಎಷ್ಟರ ಪ್ರಮಾಣದಲ್ಲಿ ಹಣ ಹೂಡಬಹುದು?<br /> * ಒಬ್ಬ ಹೂಡಿಕೆದಾರನಿಂದ ಮತ್ತೊಬ್ಬ ಹೂಡಿಕೆದಾರನಿಗೆ ಈ ವಿಚಾರದಲ್ಲಿ ಭಿನ್ನತೆ ಇರುತ್ತದೆ.<br /> <br /> ಆದರೂ ಹೂಡಿಕೆದಾರನ ವಯಸ್ಸು, ನಿವೃತ್ತಿಗೆ ಇರುವ ಸಮಯ ನೋಡಿಕೊಂಡು ಸೂಕ್ತ ನಿರ್ಧಾರಕ್ಕೆ ಬರಬೇಕು. ಲಾಭಾಂಶ ತಂದುಕೊಡುವ ಷೇರುಗಳನ್ನು ಆಯ್ದುಕೊಳ್ಳುವುದು ಸೂಕ್ತ.<br /> <br /> ಇದನ್ನು ವ್ಯಕ್ತಿಯ ವೈಯಕ್ತಿಕ ಖರ್ಚು, ವೆಚ್ಚಗಳನ್ನು ನೋಡಿದ ಮೇಲಷ್ಟೇ ನಿರ್ಧರಿಸಬಹುದಷ್ಟೇ. ವೃತ್ತಿಪರ ಹೂಡಿಕೆ ಸಲಹೆಗಾರರು ವ್ಯಕ್ತಿಯ ಉಳಿತಾಯದ ಹಣವನ್ನು ವಿವಿಧ ಆಸ್ತಿಗಳಾಗಿ ವಿಂಗಡಿಸಿ ವಿನಿಯೋಗಿಸುವ ಸಲಹೆ ನೀಡಬಹುದು. <br /> <br /> ಆದರೂ ಹೂಡಿಕೆಗೆ ಮೊದಲು ವ್ಯಕ್ತಿಯ ವಯಸ್ಸು, ಇನ್ನು ಎಷ್ಟು ವರ್ಷ ಕೆಲಸ ಮಾಡುವ ಅವಕಾಶ ಇದೆ ಎಂಬ ವಿಚಾರ ಮಾಡಬೇಕು. ವಯಸ್ಸಾದಂತೆ ಷೇರುಗಳಲ್ಲಿ ಹೂಡುವ ಪ್ರಮಾಣವನ್ನು ಕಡಿಮೆ ಮಾಡುತ್ತ ಬರುವುದು ಒಳ್ಳೆಯದು.<br /> <br /> <strong>7.ಎಷ್ಟು ಸಮಯದವರೆಗೆ ಷೇರುಗಳಲ್ಲಿ ಹಣ ಹೂಡಬಹುದು?</strong><br /> <br /> *ಹೂಡಿಕೆಯ ಉದ್ದೇಶದ ಆಧಾರದಲ್ಲಿ ಷೇರುಗಳಲ್ಲಿ ಹಣ ತೊಡಗಿಸಬಹುದು. ಷೇರು ಅವಧಿ ಕನಿಷ್ಠ 5 ವರ್ಷ. 10-15 ವರ್ಷಗಳ ಮಟ್ಟಿಗೆ ಷೇರುಗಳಲ್ಲಿ ತೊಡಗಿಸಿದರೆ ಉತ್ತಮ. ದೀರ್ಘ ಅವಧಿಗೆ ಹೂಡಿಕೆ ಮಾಡಿದರೆ ಅನುಕೂಲ ಅಧಿಕವೇ ಹೊರತು ನಷ್ಟವಿಲ್ಲ.<br /> <br /> 8. <strong>ನಿರ್ದಿಷ್ಟ ಕಾಲಮಿತಿಯಲ್ಲಿ ಚಿಲ್ಲರೆ ಹೂಡಿಕೆದಾರ ಷೇರುಗಳಿಂದ ಪಡೆಯಬಹುದಾದ ಲಾಭವಾದರೂ ಏನು?<br /> </strong><br /> *ಅಲ್ಪಾವಧಿಯಲ್ಲಿ ಮಾರುಕಟ್ಟೆಯ ಸ್ಥಿತಿಗತಿಯನ್ನು ಯಾರಿಗೂ ಊಹಿಸಲು ಸಾಧ್ಯವಿಲ್ಲ. ಮಾರುಕಟ್ಟೆಯ ವಿಶೇಷ ಏನೆಂದರೆ, ಈ ಮೊದಲಿನ ಮಾರುಕಟ್ಟೆ ಸಾಧನೆಯ ಆಧಾರದಲ್ಲಿ ಭವಿಷ್ಯದ ಸಾಧನೆಯನ್ನೂ ಲೆಕ್ಕ ಹಾಕಲಾಗದು. <br /> <br /> ಆದರೆ, ಕಳೆದ ಎಂಟು ವರ್ಷಗಳಲ್ಲಿ ಷೇರು ನಿಧಿಗಳು (ಈಕ್ವಿಟಿ ಫಂಡ್) ಇತರ ಪ್ರಮುಖ ಹೂಡಿಕೆಯ ಕ್ಷೇತ್ರಗಳಾದ ಡೆಟ್ ಫಂಡ್ ಮತ್ತು ಚಿನ್ನಕ್ಕಿಂತ ಹೆಚ್ಚಿನ ಸಾಧನೆ ಮಾಡಿರುವುದು ಗೊತ್ತಾಗುತ್ತದೆ.<br /> <br /> 9. <strong>ಮ್ಯೂಚುವಲ್ ಫಂಡ್ಗಳಲ್ಲಿ ಹಣ ತೊಡಗಿಸುವಾಗ ಸಣ್ಣ ಹೂಡಿಕೆದಾರರ ಹಿತ ರಕ್ಷಣೆ ಹೇಗೆ?</strong><br /> *ಚಿಲ್ಲರೆ ಅಥವಾ ಸಣ್ಣ ಹೂಡಿಕೆದಾರರು ಫಂಡ್ಗಳ ಬಗ್ಗೆ ಸ್ಪಷ್ಟ ತಿಳಿವಳಿಕೆ ಹೊಂದಿರಬೇಕು. ಜತೆಯಲ್ಲಿ ಕೊಟ್ಟಿರುವ ಮಾಹಿತಿಗಳನ್ನು ಮನನ ಮಾಡಿಕೊಳ್ಳಬೇಕು. ಕೆಲವೊಮ್ಮೆ ನಿರ್ದಿಷ್ಟ ಕ್ಷೇತ್ರಕ್ಕೆ ಸಂಬಂಧಿಸಿದ ಫಂಡ್ಗಳ ಮೇಲೆ ಹೂಡಿಕೆ ಮಾಡುವುದುಂಟು. <br /> <br /> ಸೂಕ್ತ ತಿಳಿವಳಿಕೆಯ ಕೊರತೆಯೇ ಅದಕ್ಕೆ ಕಾರಣವಾಗಿರುತ್ತದೆ. ಮಾರುಕಟ್ಟೆಯ್ಲ್ಲಲಿ ಅಲ್ಲೋಲ ಕಲ್ಲೋಲ ಆದಾಗ ಇಂತಹ ಹೂಡಿಕೆದಾರರಿಗೆ ತೊಂದರೆಯಾಗುತ್ತದೆ.<br /> <br /> 10. <strong>ವ್ಯವಸ್ಥಿತ ಹೂಡಿಕೆ ಯೋಜನೆ (ಎಸ್ಐಪಿ) ಒಳ್ಳೆಯದೇ. ಏಕೆ</strong><br /> *~ಎಸ್ಐಪಿ~ ಮಾದರಿಯಲ್ಲಿ ಹಣ ಹೂಡಿಕೆ ಮಾಡುವುದೇ ಉಪಯುಕ್ತ ಮತ್ತು ಇದಕ್ಕೆ ಹೆಚ್ಚಿನ ಪ್ರಮಾಣದಲ್ಲಿ ಹಣದ ಅಗತ್ಯವೂ ಇರುವುದಿಲ್ಲ. ಹಂತ ಹಂತವಾಗಿ ಉಳಿತಾಯ ಮಾಡುತ್ತಲೇ ಹೂಡಿಕೆ ಮಾಡುವುದು ಸಾಧ್ಯವಾಗುತ್ತದೆ. <br /> <br /> ಕೆಲವರು ತಮ್ಮ ಹೂಡಿಕೆಯ ದುಡ್ಡೆಲ್ಲ ಷೇರು ಮಾರುಕಟ್ಟೆಯಲ್ಲಷ್ಟೇ ಇರುವುದು ಬೇಡ ಎಂದು ಭಾವಿಸುತ್ತಾರೆ. ಮಾರುಕಟ್ಟೆ ಕುಸಿತದ ಅವಧಿಯಲ್ಲಿ ಹಣದ ವೆಚ್ಚದ ಸರಾಸರಿಯಲ್ಲಿ ಲಾಭವಾಗುತ್ತದೆ. <br /> </p>.<p>ಅಧಿಕ ಯೂನಿಟ್ ಸಂಪಾದನೆಯಾಗುತ್ತದೆ. ಮಾರುಕಟ್ಟೆ ತೇಜಿಯಲ್ಲಿದ್ದಾಗಲಂತೂ ಯೂನಿಟ್ಗಳ ಮೌಲ್ಯ ಸಹ ಹೆಚ್ಚುತ್ತದೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>