<p>ಸ್ಮಾರ್ಟ್ಪೋನ್ಗಳಲ್ಲಿ ಕನ್ನಡದಲ್ಲಿ ಸಂದೇಶ ಕಳುಹಿಸುವುದಕ್ಕೆ ಈಗ ಹತ್ತಾರು ಆ್ಯಪ್ಗಳು ಸಿಗುತ್ತವೆ. ಜಸ್ಟ್ ಕನ್ನಡ, ಪದ, ಈಸಿ ಕನ್ನಡ ಹೀಗೆ ಸುಮಾರು ಕನ್ನಡ ಟೈಪಿಂಗ್ ಆ್ಯಪ್ಗಳು ಉಚಿತವಾಗಿ ಪ್ಲೇಸ್ಟೋರ್ನಲ್ಲಿ ಲಭ್ಯ ಇವೆ. ಈ ಆ್ಯಪ್ಗಳಲ್ಲಿ ವಿಶೇಷವಾಗಿ ನಿಲ್ಲುವುದು ಲಿಪಿಕಾರ್ ಆ್ಯಪ್. ಇದರ ವಿಶೇಷತೆ ಎಂದರೆ ನಾವು ಮಾತನಾಡಿದ್ದನ್ನು ಟೈಪ್ ಮಾಡುತ್ತದೆ ಈ ಆ್ಯಪ್.</p>.<p>‘ಕನ್ನಡದಲ್ಲಿ ಸಂದೇಶ ಕಳುಹಿಸುವ ಇಚ್ಛೆಯಿದ್ದರೂ ಟೈಪಿಸುವುದು ಬಲು ಕಷ್ಟ’ ಎಂದು ಪೇಚಾಡುವವರಿಗೆ ಲಿಪಿಕಾರ್ ಆ್ಯಪ್ ಸಹಕಾರಿಯಾಗಬಹುದು. ಮಾತಿನಲ್ಲಿ ಹೇಳುವುದನ್ನು ಯಥಾವತ್ತಾಗಿ ಟೈಪಿಸಿಕೊಳ್ಳುವ ಈ ಆ್ಯಪ್ ಬಹಳಷ್ಟು ಮೊಬೈಲ್ ಬಳಕೆದಾರರ ಗಮನ ಸೆಳೆದಿದೆ.</p>.<p>ಗೂಗಲ್ ಪ್ಲೇಸ್ಟೋರ್ನಿಂದ ಆ್ಯಪ್ ಡೌನ್ಲೋಡ್ ಮಾಡಿಕೊಂಡ ಬಳಿಕ ಮೊಬೈಲ್ನ ಭಾಷೆ ಸೆಟ್ಟಿಂಗ್ಗೆ ಹೋಗಿ ಲಿಪಿಕಾರ್ ಕನ್ನಡ ಕೀ ಬೋರ್ಡ್ ಆಯ್ಕೆ ಮಾಡಿಕೊಳ್ಳಬೇಕು. ಆಗ ಎನೆಬಲ್ ಕೀ ಬೋರ್ಡ್ ಎಂದು ಕೇಳುತ್ತದೆ. ಅಲ್ಲಿ ಎನೆಬಲ್ ಲಿಪಿಕಾರ್ ಕೀಬೋರ್ಡ್ ಆಯ್ಕೆ ಮಾಡಿಕೊಳ್ಳಬೇಕು.</p>.<p>ಟೈಪ್ ಮಾಡಿಕೊಳ್ಳುವಾಗ ಕನ್ನಡ ಮತ್ತು ಇಂಗ್ಲಿಷ್ ಎರಡು ಆಯ್ಕೆಗಳು ಸಿಗುತ್ತವೆ. ಇದರಲ್ಲಿ ನಮಗೆ ಬೇಕಾದ ಭಾಷೆಯನ್ನು ಆಯ್ಕೆ ಮಾಡಿಕೊಂಡು ಟೈಪ್ ಮಾಡಿಕೊಳ್ಳಬಹುದು. ಇಲ್ಲಿ ಕೀಬೋರ್ಡ್ ಬಲಗಡೆ ಮೈಕ್ ಚಿಹ್ನೆ ಇದೆ. ಅದನ್ನು ಒತ್ತಿ ಮಾತನಾಡಿದರೆ ನಮ್ಮ ಮಾತು ಅಕ್ಷರ ರೂಪಕ್ಕೆ ಬದಲಾಗುತ್ತದೆ.</p>.<p>ಕೇವಲ 14 ಸೆಕೆಂಡುಗಳ ಕಾಲ ಮಾತ್ರ ಇದು ಕೇಳಿಸಿಕೊಳ್ಳಬಹುದು. 14 ಸೆಕೆಂಡ್ ನಂತರ ನಾವು ಮಾತನಾಡಿದ್ದನ್ನೆಲ್ಲಾ ಅಕ್ಷರ ರೂಪಕ್ಕೆ ಬದಲಾಯಿಸಿ, ಮತ್ತೆ ಕೇಳಿಸಿಕೊಳ್ಳಲು ತಯಾರಾಗುತ್ತದೆ. ಈ ಆ್ಯಪ್ನಲ್ಲಿ ಮಾತನಾಡುವಾಗ ಸ್ವಲ್ಪ ನಿಧಾನವಾಗಿ ಹಾಗೂ ಸ್ಪಷ್ಟವಾಗಿ ಮಾತನಾಡಬೇಕು.</p>.<p>ಮೊಬೈಲ್ ಹಾಗೂ ಟ್ಯಾಬ್ಲೆಟ್ಗಳಲ್ಲಿ ಡೌನ್ಲೋಡ್ ಮಾಡಿಕೊಂಡರೆ ವಾಟ್ಸ್ಆ್ಯಪ್, ಫೇಸ್ಬುಕ್, ಟ್ವಿಟರ್, ಇ–ಮೇಲ್, ಸಂದೇಶಗಳನ್ನು ಮಾತನಾಡುತ್ತಾ ಟೈಪ್ ಮಾಡಿಕೊಳ್ಳಬಹುದು. ಇನ್ನು ಕೀಬೋರ್ಡ್ಗಳನ್ನು ಬದಲು ಮಾಡಿಕೊಳ್ಳದೇ ಕನ್ನಡ, ಇಂಗ್ಲಿಷ್ ಭಾಷೆಯನ್ನು ಸುಲಭವಾಗಿ ಬಳಸಬಹುದಾಗಿದೆ. ಆ್ಯಂಡ್ರಾಯ್ಡ್ ಫೋನ್ಗಳಲ್ಲಿ ಇದು ಚೆನ್ನಾಗಿ ಕೆಲಸ ಮಾಡುತ್ತದೆ.</p>.<p>ಧ್ವನಿ ಗ್ರಹಿಕೆಗೆ ತೆಗೆದುಕೊಳ್ಳುವ ಸಮಯ ಸ್ವಲ್ಪ ಹೆಚ್ಚು ಹಾಗೂ ಆಡಿದ ಮಾತು ಬೇರೆ ಪದವಾಗಿ ಬದಲಾಗುವ ಸಂಭವವೂ ಇದೆ. ಇಂಥ ಕೆಲವು ಕೊರತೆಗಳನ್ನು ಸರಿಪಡಿಸಿದರೆ ಧ್ವನಿ ಗ್ರಹಿಕೆಯ ಉತ್ತಮ ಆ್ಯಪ್ ಕನ್ನಡಿಗರಿಗೆ ಲಭ್ಯವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸ್ಮಾರ್ಟ್ಪೋನ್ಗಳಲ್ಲಿ ಕನ್ನಡದಲ್ಲಿ ಸಂದೇಶ ಕಳುಹಿಸುವುದಕ್ಕೆ ಈಗ ಹತ್ತಾರು ಆ್ಯಪ್ಗಳು ಸಿಗುತ್ತವೆ. ಜಸ್ಟ್ ಕನ್ನಡ, ಪದ, ಈಸಿ ಕನ್ನಡ ಹೀಗೆ ಸುಮಾರು ಕನ್ನಡ ಟೈಪಿಂಗ್ ಆ್ಯಪ್ಗಳು ಉಚಿತವಾಗಿ ಪ್ಲೇಸ್ಟೋರ್ನಲ್ಲಿ ಲಭ್ಯ ಇವೆ. ಈ ಆ್ಯಪ್ಗಳಲ್ಲಿ ವಿಶೇಷವಾಗಿ ನಿಲ್ಲುವುದು ಲಿಪಿಕಾರ್ ಆ್ಯಪ್. ಇದರ ವಿಶೇಷತೆ ಎಂದರೆ ನಾವು ಮಾತನಾಡಿದ್ದನ್ನು ಟೈಪ್ ಮಾಡುತ್ತದೆ ಈ ಆ್ಯಪ್.</p>.<p>‘ಕನ್ನಡದಲ್ಲಿ ಸಂದೇಶ ಕಳುಹಿಸುವ ಇಚ್ಛೆಯಿದ್ದರೂ ಟೈಪಿಸುವುದು ಬಲು ಕಷ್ಟ’ ಎಂದು ಪೇಚಾಡುವವರಿಗೆ ಲಿಪಿಕಾರ್ ಆ್ಯಪ್ ಸಹಕಾರಿಯಾಗಬಹುದು. ಮಾತಿನಲ್ಲಿ ಹೇಳುವುದನ್ನು ಯಥಾವತ್ತಾಗಿ ಟೈಪಿಸಿಕೊಳ್ಳುವ ಈ ಆ್ಯಪ್ ಬಹಳಷ್ಟು ಮೊಬೈಲ್ ಬಳಕೆದಾರರ ಗಮನ ಸೆಳೆದಿದೆ.</p>.<p>ಗೂಗಲ್ ಪ್ಲೇಸ್ಟೋರ್ನಿಂದ ಆ್ಯಪ್ ಡೌನ್ಲೋಡ್ ಮಾಡಿಕೊಂಡ ಬಳಿಕ ಮೊಬೈಲ್ನ ಭಾಷೆ ಸೆಟ್ಟಿಂಗ್ಗೆ ಹೋಗಿ ಲಿಪಿಕಾರ್ ಕನ್ನಡ ಕೀ ಬೋರ್ಡ್ ಆಯ್ಕೆ ಮಾಡಿಕೊಳ್ಳಬೇಕು. ಆಗ ಎನೆಬಲ್ ಕೀ ಬೋರ್ಡ್ ಎಂದು ಕೇಳುತ್ತದೆ. ಅಲ್ಲಿ ಎನೆಬಲ್ ಲಿಪಿಕಾರ್ ಕೀಬೋರ್ಡ್ ಆಯ್ಕೆ ಮಾಡಿಕೊಳ್ಳಬೇಕು.</p>.<p>ಟೈಪ್ ಮಾಡಿಕೊಳ್ಳುವಾಗ ಕನ್ನಡ ಮತ್ತು ಇಂಗ್ಲಿಷ್ ಎರಡು ಆಯ್ಕೆಗಳು ಸಿಗುತ್ತವೆ. ಇದರಲ್ಲಿ ನಮಗೆ ಬೇಕಾದ ಭಾಷೆಯನ್ನು ಆಯ್ಕೆ ಮಾಡಿಕೊಂಡು ಟೈಪ್ ಮಾಡಿಕೊಳ್ಳಬಹುದು. ಇಲ್ಲಿ ಕೀಬೋರ್ಡ್ ಬಲಗಡೆ ಮೈಕ್ ಚಿಹ್ನೆ ಇದೆ. ಅದನ್ನು ಒತ್ತಿ ಮಾತನಾಡಿದರೆ ನಮ್ಮ ಮಾತು ಅಕ್ಷರ ರೂಪಕ್ಕೆ ಬದಲಾಗುತ್ತದೆ.</p>.<p>ಕೇವಲ 14 ಸೆಕೆಂಡುಗಳ ಕಾಲ ಮಾತ್ರ ಇದು ಕೇಳಿಸಿಕೊಳ್ಳಬಹುದು. 14 ಸೆಕೆಂಡ್ ನಂತರ ನಾವು ಮಾತನಾಡಿದ್ದನ್ನೆಲ್ಲಾ ಅಕ್ಷರ ರೂಪಕ್ಕೆ ಬದಲಾಯಿಸಿ, ಮತ್ತೆ ಕೇಳಿಸಿಕೊಳ್ಳಲು ತಯಾರಾಗುತ್ತದೆ. ಈ ಆ್ಯಪ್ನಲ್ಲಿ ಮಾತನಾಡುವಾಗ ಸ್ವಲ್ಪ ನಿಧಾನವಾಗಿ ಹಾಗೂ ಸ್ಪಷ್ಟವಾಗಿ ಮಾತನಾಡಬೇಕು.</p>.<p>ಮೊಬೈಲ್ ಹಾಗೂ ಟ್ಯಾಬ್ಲೆಟ್ಗಳಲ್ಲಿ ಡೌನ್ಲೋಡ್ ಮಾಡಿಕೊಂಡರೆ ವಾಟ್ಸ್ಆ್ಯಪ್, ಫೇಸ್ಬುಕ್, ಟ್ವಿಟರ್, ಇ–ಮೇಲ್, ಸಂದೇಶಗಳನ್ನು ಮಾತನಾಡುತ್ತಾ ಟೈಪ್ ಮಾಡಿಕೊಳ್ಳಬಹುದು. ಇನ್ನು ಕೀಬೋರ್ಡ್ಗಳನ್ನು ಬದಲು ಮಾಡಿಕೊಳ್ಳದೇ ಕನ್ನಡ, ಇಂಗ್ಲಿಷ್ ಭಾಷೆಯನ್ನು ಸುಲಭವಾಗಿ ಬಳಸಬಹುದಾಗಿದೆ. ಆ್ಯಂಡ್ರಾಯ್ಡ್ ಫೋನ್ಗಳಲ್ಲಿ ಇದು ಚೆನ್ನಾಗಿ ಕೆಲಸ ಮಾಡುತ್ತದೆ.</p>.<p>ಧ್ವನಿ ಗ್ರಹಿಕೆಗೆ ತೆಗೆದುಕೊಳ್ಳುವ ಸಮಯ ಸ್ವಲ್ಪ ಹೆಚ್ಚು ಹಾಗೂ ಆಡಿದ ಮಾತು ಬೇರೆ ಪದವಾಗಿ ಬದಲಾಗುವ ಸಂಭವವೂ ಇದೆ. ಇಂಥ ಕೆಲವು ಕೊರತೆಗಳನ್ನು ಸರಿಪಡಿಸಿದರೆ ಧ್ವನಿ ಗ್ರಹಿಕೆಯ ಉತ್ತಮ ಆ್ಯಪ್ ಕನ್ನಡಿಗರಿಗೆ ಲಭ್ಯವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
